What is going on in Chitral

What is going on in Chitral All About to Chitral

خدمتِ ادب اور تنظیمِ نو انجمن ترقی کھوار حلقہ دروش کا سالانہ اجلاسآج، بروز اتوار، مورخہ ۲۶ اکتوبر سن ۲۰۲۵ عیسوی کو، انجم...
26/10/2025

خدمتِ ادب اور تنظیمِ نو انجمن ترقی کھوار حلقہ دروش کا سالانہ اجلاس
آج، بروز اتوار، مورخہ ۲۶ اکتوبر سن ۲۰۲۵ عیسوی کو، انجمن ترقی کھوار، حلقہ دروش کے زیرِ اہتمام، انجمن کا ایک پُروقار اور نہایت اہم اجلاس منعقد ہوا۔ اس اجلاس کا بنیادی مقصد سابقہ کابینہ کی تحلیل اور ایک تازہ دم، فعال اور پُرجوش نئی کابینہ کی تشکیل تھا۔

مجلس کا باقاعدہ آغاز تلاوتِ کلامِ پاک کی پُرنور سعادت سے کیا گیا، جس نے ماحول کو روحانی تقدس بخشا۔ اس اہم اجلاس کی صدارت کے فرائض انجمن ترقی کھوار کے محترم صدر جناب اعجازصاحب، نے نہایت خوش اسلوبی سے انجام دیے۔

اجلاس میں، انجمن ترقی کھوار حلقہ دروش کے سبکدوش ہونے والے صدر، جناب اعجاز احمد اعجاز صاحب، نے گزشتہ تین سالہ دور کی کارکردگی کی ایک مکمل، مفصل اور جامع رپورٹ پیش کی، جو ان کی اور ان کی ٹیم کی مخلصانہ کاوشوں کا آئینۂ دار تھی۔

اس فکری اور ادبی اجتماع میں مولانا نقیب اللہ رازی صاحب، میر جہاندار شاہ صاحب، سعید کائناتی صاحب، اعجاز احمد اعجاز صاحب، حمایت اللہ فریاد صاحب، نسیم احمد شہبازی صاحب اور دیگر پُرعزم و فعال ارکان نے اپنی گراں قدر شرکت سے رونق بخشی۔

اس کے بعد، تنظیمِ نو کے مرحلے کا آغاز ہوا، جہاں نئی کابینہ کی تشکیل عمل میں آئی۔ ارکان کے درمیان ووٹنگ کے ذریعے، جہاں اتفاقِ رائے نے اتحاد کا مظاہرہ کیا، وہیں اختلافِ رائے نے جمہوری حسن کو جِلا بخشی۔ اس انتخاب کے نتیجے میں مندرجہ ذیل احباب کو ان کے نئے عہدوں کے لیے منتخب کیا گیا۔

سرپرست اعلیٰ: جناب امین الرحمن چغتائی صاحب

نائب سرپرست اعلیٰ: جناب شہزادہ ہشام الملک

صدر: میر جہاندار شاہ صاحب

سینئر نائب صدر: جناب اکبر علی عاطف صاحب

نائب صدر: جناب حمایت اللہ فریاد صاحب

جنرل سیکرٹری: جناب سعید کائناتی صاحب

جوائنٹ سیکریٹری: جناب عمر راسخ

معاون: جناب نقیب سماک صاحب

فائنانس سیکرٹری: جناب سعید اللہ ساحل صاحب

پریس سیکرٹری: جناب عباس ذوق صاحب

انتخاب کے بعد، نو منتخب صدر میر جہاندار شاہ صاحب نے حلف لیا اور آئندہ تین سالوں کے لیے ادبی خدمات کا جذبہ، پختہ عزم اور نیک تمناؤں کا برملا اظہار کیا۔ اجلاس میں مجلس شوریٰ اور نشر و اشاعت کے شعبوں کے حوالے سے بھی کابینہ کی تشکیل اور اس کے لائحہ عمل پر تفصیلی تبادلۂ خیال ہوا۔

آخر میں، مولانا نقیب اللہ رازی صاحب نے پُرسوز دعائیہ کلمات سے مجلس کا اختتام فرمایا، جس کے بعد شرکاء اپنے دلوں میں ایک نئے عہد کی امید اور ادبی خدمت کے تازہ ولولے لیے رخصت ہوئے۔

پریس سیکرٹری
عباس بھٹو ذوق

26/10/2025

چترال شہر میں اچانک طوفانی ہوائیں چلنے سے متعدد دکانوں اور مکانات کے جستی چادروں کے چھت اڑنے کی اطلاعات، بجلی کی بھی بریک ڈاؤن

26/10/2025

مستوچ میں تیرہ سالہ بچے کے ساتھ زیادتی کی کوشش، مبینہ ملزم گرفتار ۔👇👇👇👇👇

26/10/2025

Shabash alghanian som sshadii kororr 👇👇👇👇👇👇👇👇👇👇😞😞

26/10/2025

Paloghooo jam 👇👇👇👇👇👇👇👇👇👇👇👇👇👇👇👇

25/10/2025

اپر چترال میں سڑکوں کی تعمیر پر ڈپٹی اسپیکر ثریہ بی بی کا شکریہ، یہ عوام کی سہولت کا بہترین قدم ہے۔ 🌸

25/10/2025

وزیراعظم پاکستان میاں محمد شہباز شریف صاحب کا چترال کا دورہ آئندہ ہفتے کے دوران کسی بھی دن متوقع ہے۔

25/10/2025

Kura kura hanese de sheniiii lah hamitttt 👇👇👇👇👇👇👇👇👇👇👇👇

فرانزک رپورٹ میں مبینہ خودکشی کا خط جعلی قرارمحمد جنید کیس میں اہم پیش رفت، سنگین دفعات ختم — قانونی ماہرین کا مؤقف سامن...
25/10/2025

فرانزک رپورٹ میں مبینہ خودکشی کا خط جعلی قرار

محمد جنید کیس میں اہم پیش رفت، سنگین دفعات ختم — قانونی ماہرین کا مؤقف سامنے آ گیا

چترال (چمرکھن) چترال کے ایک اہم مقدمے میں بڑی پیش رفت سامنے آئی ہے، جہاں سرکاری فرانزک لیبارٹری کی رپورٹ کے مطابق وہ مبینہ ’’خودکشی کا خط‘‘ جس کی بنیاد پر محمد جنید کے خلاف مقدمہ درج کیا گیا تھا، جعلی قرار پایا ہے۔

ذرائع کے مطابق اس خط کی بنیاد پر محمد جنید کے خلاف قتل (302) اور اغوا برائے زیادتی (365-B) جیسی سنگین دفعات کے تحت مقدمہ قائم کیا گیا تھا، تاہم تفتیش کے دوران شواہد نہ ملنے پر یہ دفعات ختم کر دی گئیں۔

فرانزک رپورٹ میں واضح کیا گیا ہے کہ خط مرحومہ کی تحریر سے مطابقت نہیں رکھتا، جس کے بعد کیس کی نوعیت میں بنیادی تبدیلی واقع ہو گئی ہے۔

معاملے سے آگاہ قانونی ماہرین کے مطابق اس پیش رفت کے بعد سوشل میڈیا پر پھیلائے گئے مختلف الزامات اور بیانیے ازخود بے بنیاد ثابت ہو گئے ہیں۔

نوید سلطان ایڈووکیٹ نے کہا کہ

“یہ کیس اس بات کی مثال ہے کہ سچائی آخرکار سامنے آتی ہے۔ اب وہ تمام افراد جنہوں نے بغیر ثبوت کے الزامات لگائے یا سوشل میڈیا پر کردار کشی کی مہم چلائی، قانون کے سامنے جوابدہ ہوں گے۔”

انہوں نے مزید کہا کہ عدالتیں افواہوں پر نہیں بلکہ شواہد اور قانونی تقاضوں پر فیصلہ کرتی ہیں، اور یہ رپورٹ انصاف کے عمل میں ایک اہم سنگِ میل ثابت ہوگی۔

نوید سلطان کے مطابق متعلقہ حکام نے جعلی دستاویزات کے ذریعے گمراہ کن معلومات پھیلانے والوں کے خلاف کارروائی شروع کر دی ہے۔

Copied from Chumarkhan چمرکھن

اپر چترال میں 20 کروڑ روپے کے ترقیاتی منصوبوں کی منظوری — ڈپٹی اسپیکر ثریا بی بی کی کاوشوں کا نتیجہ — اپر چترال میں مختل...
25/10/2025

اپر چترال میں 20 کروڑ روپے کے ترقیاتی منصوبوں کی منظوری — ڈپٹی اسپیکر ثریا بی بی کی کاوشوں کا نتیجہ

— اپر چترال میں مختلف سڑکوں کی تعمیر، بحالی اور توسیع کے منصوبوں کی باقاعدہ منظوری دے دی گئی ہے۔ ڈپٹی کمشنر اپر چترال کے دفتر سے جاری نوٹیفکیشن کے مطابق، مجموعی طور پر 200 ملین روپے کی لاگت سے سات ترقیاتی اسکیموں کی منظوری دی گئی ہے۔

یہ منصوبے "ایکسلیریٹڈ سسٹین ایبل ڈویلپمنٹ انیشی ایٹوز فار ڈسٹرکٹ اپر چترال" کے تحت عمل میں لائے جائیں گے۔ تمام اسکیموں پر عملدرآمد کمیونیکیشن اینڈ ورکس (C&W) ڈویژن اپر چترال کرے گی۔

منظور شدہ منصوبوں میں موڑکھو زوم، گشت، بونی، سماراغ، سونوغور، سہت اور تورکہو کی سڑکوں کی تعمیر و توسیع شامل ہیں۔ سب سے بڑا منصوبہ تورکہو روڈ کی بلیک ٹاپنگ ہے جس پر تقریباً 70.7 ملین روپے لاگت آئے گی، جبکہ بونی روڈ کی بہتری اور بلیک ٹاپنگ کے لیے 51.9 ملین روپے مختص کیے گئے ہیں۔

ذرائع کے مطابق یہ تمام منصوبے ڈپٹی اسپیکر خیبرپختونخوا اسمبلی ثریا بی بی کی خصوصی دلچسپی اور کاوشوں کا نتیجہ ہیں، جنہوں نے اپر چترال کے دور دراز علاقوں میں بنیادی ڈھانچے کی بہتری کو اپنی ترجیح قرار دیا تھا۔

عوامی حلقوں نے ان منصوبوں کو خوش آئند قرار دیتے ہوئے کہا ہے کہ یہ اقدامات اپر چترال کے رابطہ نظام کو بہتر بنائیں گے اور مقامی آبادی کے لیے ترقی کے نئے دروازے کھولیں گے۔

بونی بزند روڈ پر کاغلشٹ سے لے کر رائین تک نامکمل کام کو فوری مکمل کرنے کا مطالبہ16 سال سے زیرِ تعمیر بونی بزند روڈ ایسا ...
25/10/2025

بونی بزند روڈ پر کاغلشٹ سے لے کر رائین تک نامکمل کام کو فوری مکمل کرنے کا مطالبہ

16 سال سے زیرِ تعمیر بونی بزند روڈ ایسا لگتا ہے کہ جلد عجائباتِ عالم میں شمار ہوگی، کیونکہ 28 کلومیٹر طویل اور 28 کروڑ روپے کی ابتدائی لاگت والی یہ سڑک ایک ارب 54 کروڑ روپے خرچ ہونے کے باوجود ایک کلومیٹر بھی منصوبے کے اصل ڈیزائن یعنی پی سی ون کے مطابق مکمل نہیں ہوئی ہے۔

عموماً لوگ سمجھتے ہیں کہ کاغلشٹ سے لے کر ورکوپ کے آخر تک سڑک پکی ہوچکی ہے، حالانکہ یہ درست نہیں۔ کاغلشٹ سے رائین تک جو حصہ پکا ہے، وہاں بھی کئی مقامات پر سڑک ابھی تک نامکمل ہے۔ پی سی ون کے مطابق اس سڑک کی چوڑائی 32 فٹ ہونی چاہیے، جس میں 12 فٹ اسفالٹ، اس کے دونوں کناروں پر چار چار فٹ سیمنٹ کے شولڈر، اور اس کے بعد تین تین فٹ کچی سڑک کے ساتھ پانی کی نکاسی کا نظام شامل ہے۔

اس وقت صورتحال یہ ہے کہ کاغلشٹ سے رائین تک کے پورشن میں 40 فیصد سڑک کی چوڑائی مکمل نہیں۔ سوچ، استارو، دیغیڑی اور رائین کے آغاز میں پہاڑی علاقوں میں سڑک کی چوڑائی پوری نہیں، بلکہ بعض مقامات پر صرف 16 سے 18 فٹ ہے۔ حیرت کی بات یہ ہے کہ اس حصے میں سڑک کی چوڑائی کو کاغذی طور پر مکمل دکھا کر ٹھیکیدار کو ادائیگی بھی کر دی گئی ہے۔

اسی طرح شوچ، استارو پل، دیغیڑی، ورکوپ گول اور رائین میں ڑوویسو گول کے مقامات پر مجموعی طور پر تقریباً چار کلومیٹر پورشن پی سی سی کے لیے چھوڑ دیا گیا ہے، جس پر اب تک نہ کام شروع ہوا ہے اور نہ ہی سی اینڈ ڈبلیو یا متعلقہ ٹھیکیدار کا کوئی ارادہ نظر آتا ہے۔ حالانکہ ٹی ٹی آر ایف کی جانب سے یہ معاملات بارہا اٹھائے گئے ہیں اور اب بھی اٹھائے جا رہے ہیں۔

مزید یہ کہ کئی مقامات پر مطلوبہ 32 فٹ چوڑائی پوری کرنے کے لیے پی سی ون میں ریٹیننگ وال رکھی گئی ہے، مگر یہ مجوزہ دیواریں ابھی تک تعمیر نہیں ہوئیں۔ نہ ٹھیکیدار کو اس کی فکر ہے، نہ ہی سی اینڈ ڈبلیو کے حکام کو کوئی دلچسپی۔ حالانکہ بروقت، معیاری اور مقررہ مدت میں منصوبہ مکمل کرنا محکمہ اور اس کے افسران کی ذمہ داری ہے۔

ریٹیننگ وال کے ساتھ ساتھ پہاڑوں سے ملبہ اور روڑی گرنے سے بچاؤ کے لیے کئی مقامات پر بریسٹ وال بھی رکھی گئی ہے، لیکن سی اینڈ ڈبلیو شاید ان کی تعمیر اگلے جہان میں کرے گا۔

ورکوپ میں ہائی اسکول کے لیے جو لنک روڈ اوپر جا رہا ہے، وہاں ایک پتھر کی وجہ سے تقریباً ڈیڑھ فٹ کی سڑک ادھوری چھوڑ دی گئی ہے۔ اسی طرح زندروڑی میں بھی تقریباً ڈیڑھ سو فٹ سڑک کچی پڑی ہے۔ اس لیے یہ کہنا کہ کاغلشٹ سے ورکوپ کے آخر تک سڑک مکمل پکی ہے، حقیقت کے برعکس ہے۔

اسی طرح دیغیڑی اور سوچ کے مقامات پر کھائی کی جانب پرٹیکشن وال یا باکسز تعمیر ہونے کی سخت ضرورت ہے ۔

25/10/2025

❤❤❤❤Chitral❤❤❤

Address

Peshawar

Website

Alerts

Be the first to know and let us send you an email when What is going on in Chitral posts news and promotions. Your email address will not be used for any other purpose, and you can unsubscribe at any time.

Shortcuts

Share

Category