14/03/2026
آئی ایس پی آر
راولپنڈی، 14 مارچ 2026
13 مارچ 2026 کو افغان طالبان نے پاکستان کے بہادر عوام کو ہراساں کرنے کے لیے چند سادہ نوعیت کے ڈرون بھیجے۔ ان ڈرونز کو نرم اور سخت دونوں طریقوں سے روک لیا گیا اور وہ اپنے مطلوبہ اہداف تک نہیں پہنچ سکے۔ تاہم ان ڈرونز کے ملبے کے باعث کوئٹہ میں دو بچے جبکہ کوہاٹ اور راولپنڈی میں ایک ایک شہری زخمی ہوگیا۔
یہ حملے عوام میں خوف پھیلانے کی کوشش تھے اور یہ اس دہشت گردانہ سوچ کی یاد دہانی کراتے ہیں جو افغان طالبان کو چلاتی ہے۔ ایک طرف افغان طالبان عالمی ہمدردی حاصل کرنے کے لیے خود کو مظلوم ظاہر کرتے ہیں، جبکہ دوسری طرف وہ اپنے دہشت گرد پراکسیوں اور ڈرونز کے ذریعے شہریوں کو نشانہ بناتے ہیں۔
پاکستان کے عوام اور اس کی مسلح افواج افغان طالبان کی حقیقی فطرت اور ارادوں سے بخوبی آگاہ ہیں، جو افغانستان پر قابض ایک کرائے کی دہشت گرد ملیشیا ہے۔
پاکستان کا آپریشن غضبُ للحق اس وقت تک جاری رہے گا جب تک افغان طالبان افغانستان کی سرزمین سے پاکستان کے خلاف ہونے والی دہشت گردی کے حوالے سے پاکستان کے بنیادی خدشات کو دور نہیں کرتے۔
