26/09/2025
د پښتنو نسل وژنه په ډېر منظم شکل او سپین سترګۍ سره روانه ده.له تېراه وروسته نن په سپین وام حسېن کې په یوه کور باندې پاکستاني فوځ توغندي ویشتلي دي چې د خوات خېل په کور لګیدلی،له امله یې یو ماشوم شهید شوی او د خوات خېل په ګډون څلور ښځې ټپي شوي دي.
د پښتنو روانه نسل وژنه په مسلسل ډول له تېرو څو لسیزو راهیسې په زنځیري شکل کې په ټوله پښتونخوا کې روانه ده. کله په تېراه کله په سوات کله په وزیرستان کې پښتانه په نښه کوي، د پښتنو پر ضد ریاست منظمه جګړه شروع کړي او د پښتنو خلاصون هم یوازې او یوازې په منظم او شریک مزاهمت کې دی.
د سپین وام ننني ظلم خلاف په سپین وام چوک د شهید ماشوم له جسد سره یو ځای لاریون روان دی.
