Sajjad Khan

19/05/2026

ڈی آئی جی بنوں ریجن سجاد خان کا ڈی پی او بنوں یاسر آفریدی،ضلع بھر کے ایس پیز اور ایس ڈی پی اوز کے ساتھ اہم اجلاس

ڈی آئی جی بنوں ریجن سجاد خان کی زیر صدارت ڈی پی او بنوں یاسر آفریدی، ضلع بھر کے ایس پیز اور ایس ڈی پی اوز کا اہم اجلاس منعقد ہوا جس میں امن و امان کی مجموعی صورتحال، دہشتگردی کے واقعات، جرائم پیشہ عناصر کے خلاف کاروائیوں، منشیات کے خاتمے اور پولیس کی کارکردگی کا تفصیلی جائزہ لیا گیا۔

اجلاس میں ضلع بھر کے مختلف تھانوں کی کارکردگی، جاری سرچ اینڈ اسٹرائیک آپریشنز، انٹیلی جنس بیسڈ کاروائیوں، اشتہاری ملزمان کی گرفتاریوں، ناجائز اسلحہ کے خلاف مہم اور عوامی شکایات کے ازالے سے متعلق امور پر بھی تفصیلی تبادلہ خیال کیا گیا۔

ڈی آئی جی بنوں ریجن سجاد خان نے تمام افسران کو ہدایت جاری کرتے ہوئے کہا کہ دہشتگردوں اور ان کے سہولت کاروں کے خلاف کارروائیاں مزید تیز کی جائیں اور کسی بھی مشتبہ سرگرمی پر فوری ردعمل یقینی بنایا جائے۔ انہوں نے کہا کہ علاقے میں پائیدار امن کے قیام کیلئے تمام دستیاب وسائل بروئے کار لائے جائیں گے جبکہ عوام کے جان و مال کے تحفظ پر کوئی سمجھوتہ نہیں کیا جائے گا۔

اجلاس میں منشیات فروشوں، جرائم پیشہ عناصر اور سماج دشمن سرگرمیوں میں ملوث افراد کے خلاف بلاامتیاز کارروائیاں جاری رکھنے کی ہدایات بھی جاری کی گئیں۔ ڈی آئی جی بنوں ریجن نے افسران کو ہدایت کی کہ پولیس اور عوام کے درمیان روابط مزید مضبوط بنائے جائیں، عوام کے ساتھ دوستانہ اور مثبت رویہ اپنایا جائے اور تھانوں میں آنے والے سائلین کے مسائل ترجیحی بنیادوں پر حل کئے جائیں تاکہ عوام کا پولیس پر اعتماد مزید بحال ہو سکے۔

17/05/2026

*بنوں: چوکی فتح خیل پر فتنہ الخوارج کے بزدلانہ حملے کی تفتیش میں اہم پیش رفت، سنسنی خیز حقائق سامنے آنے لگے*

بنوں پولیس کے مطابق چوکی فتح خیل پر فتنہ الخوارج کے بزدلانہ حملے کی تفتیش میں اہم پیش رفت ہوئی ہے اور حملے سے متعلق اہم حقائق سامنے آنا شروع ہو گئے ہیں۔

ریجنل پولیس آفیسر بنوں کے دفتر سے جاری اعلامیے کے مطابق خودکش حملے کے بعد مجموعی طور پر 12 خارجی پولیس کی جوابی فائرنگ میں ہلاک ہوئے، جن کی لاشیں ان کے ساتھی اپنے ساتھ لے گئے تھے۔

گزشتہ روز ہونے والے کامیاب انٹیلی جنس بیسڈ آپریشنز میں مزید 5 خوارج مارے گئے، جن میں خودکش رکشہ تیار کرنے والا دہشتگرد حیات اللہ ولد خان گل اور مولانا صدام ولد شاپول سکنہ سام توئی، تحصیل شگئی، جنوبی وزیرستان بھی شامل ہیں۔

تفتیش کے مطابق حملے کے آغاز میں دہشتگردوں نے دھماکہ خیز مواد استعمال کیا، تاہم چوکی پر تعینات پولیس اہلکاروں نے زخمی ہونے کے باوجود فوری، جرات مندانہ اور مؤثر جوابی کارروائی کی۔

شدید فائرنگ کے تبادلے میں متعدد دہشتگردوں کے ہلاک ہونے کی اطلاعات تھیں، جو اب تفتیشی عمل میں ثابت ہونا شروع ہو گئی ہیں۔

زخمی ہیڈ کانسٹیبل فیروز خان، کانسٹیبل حیات اللہ اور کانسٹیبل فدا اللہ نے زخمی ہونے کے باوجود ڈٹ کر مقابلہ کیا اور آخری دم تک بہادری سے لڑتے رہے۔

ہلاک ہونے والے 12 دہشتگردوں میں سے 4 کی لاشیں جنوبی وزیرستان کے علاقے شکئی میں جبکہ 2 دہشتگردوں کو بنوں کی سب ڈویژن وزیر خنیہ خیل میں دفن کیا گیا۔

انٹیلی جنس ادارے، سی ٹی ڈی اور دیگر تفتیشی ادارے مزید دہشتگردوں کی شناخت اور ان کے ممکنہ مدفن کے بارے میں معلومات اکٹھی کر رہے ہیں۔

گزشتہ روز کی کارروائی میں خودکش گاڑی تیار کرنے والا دہشتگرد حیات ولد خان گل بھی مارا گیا، جو حملے کے ماسٹر مائنڈ زرگل عرف "انکل" کا قریبی ساتھی تھا۔

مزید کارروائیوں کے دوران 4 دیگر دہشتگرد بھی ہلاک کیے گئے۔ اس طرح پولیس کی مختلف کارروائیوں میں مجموعی طور پر 17 دہشتگرد اپنے انجام کو پہنچ چکے ہیں۔

ڈی پی او بنوں یاسر آفریدی نے زخمی اہلکاروں کی بے مثال بہادری، قربانی اور جذبۂ شہادت کو خراج تحسین پیش کرتے ہوئے کہا کہ بنوں پولیس کے جوان دہشتگردی کے خلاف سیسہ پلائی دیوار بنے ہوئے ہیں۔

ڈی آئی جی بنوں ریجن سجاد خان نے کہا کہ غازی جوانوں کی قربانیاں پوری فورس کا فخر ہیں، عوام کے جان و مال کا تحفظ ہر صورت یقینی بنایا جائے گا۔

انہوں نے مزید کہا کہ قیام امن کے لیے کسی بھی قربانی سے دریغ نہیں کیا جائے گا اور شرپسند عناصر کے خلاف کارروائیاں پوری قوت اور پیشہ ورانہ انداز میں جاری رہیں گی۔

16/05/2026

16/05/2026

بنوں پولیس کی دہشتگردوں کے خلاف بڑی کامیاب کارروائیاں، 24 گھنٹوں میں 5 خطرناک دہشتگرد ہلاک

ڈی آئی جی بنوں سجاد خان کی خصوصی ہدایات پر بنوں پولیس کی دہشتگردوں کے خلاف فیصلہ کن کارروائیاں جاری ہیں۔

چوکی فتح خیل واقعے کے بعد مختلف انٹیلیجنس بیسڈ آپریشنز کے دوران گزشتہ 24 گھنٹوں میں 5 انتہائی مطلوب دہشتگردوں کو ہلاک کر دیا گیا۔

ہلاک دہشتگردوں میں زرگل گروپ کا اہم ٹارگٹ کلر حیات اللہ، چوکی فتح خیل حملے میں ملوث اسد یار، نعمت اللہ، اہم کمانڈر منصور اور ایک نامعلوم دہشتگرد شامل ہیں۔

پولیس کے مطابق ہلاک دہشتگرد سکیورٹی فورسز، سی ٹی ڈی اور شہریوں پر حملوں میں مطلوب تھے۔

ڈی آئی جی بنوں کی نگرانی میں خصوصی ٹیموں نے جدید انٹیلیجنس اور مؤثر حکمت عملی کے ذریعے کارروائیاں کامیابی سے مکمل کیں۔

بنوں پولیس کا کہنا ہے کہ دہشتگردوں اور ان کے سہولت کاروں کیلئے ضلع میں کوئی جگہ نہیں،

امن کے قیام تک آپریشنز جاری رہیں گے۔

عوامی و سماجی حلقوں نے کامیاب کارروائیوں پر بنوں پولیس، سی ٹی ڈی کو خراجِ تحسین پیش کیا ہے

15/05/2026

*ڈی آئی جی بنوں ریجن کا شہدائے پولیس کے آبائی گاؤں آمد، فاتحہ خوانی میں شرکت، شہداء کے بلند درجات کے لئے خصوصی دعائیں*

اس موقع پر ڈی آئی جی بنوں ریجن سجاد خان کا کہنا تھا کہ شہداء کی قربانیاں ہمیشہ یاد رکھی جائیں گی اور ان کی لازوال قربانیاں ہرگز رائیگاں نہیں جائیں گی۔ انہوں نے کہا کہ شہداء کے خاندانوں کو کسی صورت تنہا نہیں چھوڑا جائے گا اور بنوں پولیس ہر مشکل گھڑی میں ان کے شانہ بشانہ کھڑی رہے گی۔

انہوں نے مزید کہا کہ دہشتگردوں کے خلاف بڑے پیمانے پر آپریشنز شروع کئے جائیں گے اور شرپسند عناصر کے خاتمے کو ہر صورت یقینی بنایا جائے گا۔ امن کے دشمنوں کے ساتھ آہنی ہاتھوں سے نمٹا جائے گا تاکہ علاقے میں پائیدار امن قائم رکھا جا سکے۔

ڈی آئی جی بنوں ریجن سجاد خان نے کہا کہ بنوں پولیس کے جوانوں نے ہمیشہ بہادری، جرات اور قربانی کی لازوال مثالیں قائم کی ہیں۔ شہداء ہمارا فخر ہیں اور پوری قوم ان کی قربانیوں کو سلام پیش کرتی ہے۔ انہوں نے اس عزم کا اعادہ کیا کہ دہشتگردی کے ناسور کے مکمل خاتمے تک کارروائیاں بلا تعطل جاری رہیں گی اور عوام کے جان و مال کے تحفظ کو ہر صورت یقینی بنایا جائے گا۔

12/05/2026

آر پی او بنوں سجاد خان کا بنوں کی مجموعی سکیورٹی صورتحال پر مشرق ٹی وی پروگرام "زمونگ سیمه " میں اظہارِ خیال ۔۔۔۔۔

10/05/2026

ایک کے بدلے دس”؛ شہداء کے جنازے کے موقع پر ڈی آئی جی بنوں کا وعدہ
اس موقع پر موجود اہلکار شدید رنج و غم میں اپنے گرے ہوئے ساتھیوں کو یاد کرتے ہوئے اس عزم پر یکجا ہوئے کہ یہ نقصان ان سب کا ہے اور اس کا جواب بھی اجتماعی ہوگا

10/05/2026

*چوکی فتح خیل پر دہشت گردوں کا حملہ، ڈی آئی جی بنوں سجاد خان موقع پر موجود، آپریشن کی قیادت اور بعد ازاں ہسپتال کا دورہ*

بنوں: چوکی فتح خیل پر دہشت گردوں کے حملے کے بعد سجاد خان خود نفری کے ہمراہ فوری طور پر موقع پر پہنچ گئے اور جائے وقوعہ پر موجود رہتے ہوئے جاری آپریشن کی براہِ راست قیادت اور نگرانی کی۔

ڈی آئی جی سجاد خان کی قیادت میں بنوں پولیس کے بہادر جوانوں نے انتہائی دلیری، جرات اور پیشہ ورانہ مہارت کا مظاہرہ کرتے ہوئے دہشت گردوں کا بھرپور مقابلہ کیا۔

ابتدائی اطلاعات کے مطابق 5 پولیس شہداء کے جسدِ خاکی برآمد کر لیے گئے ہیں، جبکہ 2 زخمی پولیس اہلکاروں کو DHQ Hospital Bannu منتقل کر دیا گیا ہے۔

مزید پولیس نفری بروقت موقع پر پہنچ گئی ہے۔ علاقے کو مکمل طور پر گھیرے میں لے لیا گیا ہے اور ریسکیو و سرچ آپریشن تاحال جاری ہے۔

ڈی آئی جی بنوں ریجن سجاد خان خود موقع پر موجود ہیں اور ریسکیو آپریشن کی نگرانی کر رہے ہیں۔

بعد ازاں ڈی آئی جی سجاد خان نے ڈی ایچ کیو ہسپتال بنوں کا دورہ کیا، جہاں انہوں نے زخمی اہلکاروں کی عیادت کی، ان کی خیریت دریافت کی اور انہیں بہترین طبی سہولیات فراہم کرنے کی ہدایت جاری کی

اس موقع پر ڈی آئی جی بنوں سجاد خان نے کہا بنوں پولیس نے پہلے بھی دہشت گردوں کی کمر توڑی ہے اور آئندہ بھی ان کے مذموم عزائم کو ناکام بنایا جائے گا۔ ہر شہید کا خون رائیگاں نہیں جائے گا اور اس کا بھرپور بدلہ لیا جائے گا۔

ترجمان ریجنل پولیس آفیسر بنوں

09/05/2026

چوکی فتح خیل پر دہشت گردوں کے حملہ
ڈی آئی جی بنوں ریجن سجاد خان خود نفری کے ہمراہ موقع پر پہنچ گئے اور جاری آپریشن کی براہِ راست قیادت سنبھال لی۔

ان کی قیادت میں بنوں پولیس کے بہادر جوانوں نے انتہائی دلیری، جرات اور پیشہ ورانہ مہارت کا مظاہرہ کرتے ہوئے دہشت گردوں کا بھرپور مقابلہ کیا

ابتدائی اطلاعات کے مطابق 02 پولیس اہلکار کو بحفاظت زندہ بازیاب کر لیا گیا، جبکہ 02 شہداء کی ڈیڈ باڈی بھی برآمد کر لی گئی ہیں۔

مزید پولیس دستے موقع پر پہنچ گئے تھے، جبکہ علاقے کو گھیرے میں لے کر سرچ اور کلیئرنس آپریشن مکمل کر لیا گیا ہے۔

صورتحال مکمل طور پر کنٹرول میں ہے اور علاقے کو کلیئر قرار دے دیا گیا ہے۔

05/05/2026

ڈی آئی جی بنوں ریجن سجاد خان کی مؤثر کوششوں سے WSSC کے تمام مغوی ملازمین بخیریت بازیاب

بنوں: ڈی آئی جی بنوں ریجن سجاد خان کی کوششوں سے واٹر اینڈ سینیٹیشن سروسز کمپنی (WSSC) کے اغواء شدہ تمام 05 ملازمین کو بحفاظت بازیاب کرا لیے گئے
۔
تفصیلات کے مطابق گزشتہ دنوں فتنہ الخوارج کے عناصر نے WSSC کے 05 ملازمین کو اغواء کر لیا تھا، جس پر ڈی آئی جی بنوں ریجن سجاد خان نے فوری نوٹس لیتے ہوئے بازیابی کیلئے خصوصی اقدامات اور مربوط حکمت عملی ترتیب دی۔

پولیس کی بروقت اور مؤثر کوششوں کے نتیجے میں 03 ملازمین کو اسی روز بحفاظت بازیاب کرا لیا گیا تھا، جبکہ باقی 02 ملازمین کو بھی آج بحفاظت بازیاب کرا لیا گیا۔

ڈی آئی جی بنوں ریجن سجاد خان نے کہا کہ عوام کی جان و مال کا تحفظ پولیس کی اولین ترجیح ہے، اور کسی بھی قسم کے جرائم میں ملوث عناصر کے خلاف بلا تفریق سخت کارروائی عمل میں لائی جائے گی۔

انہوں نے مزید کہا کہ بنوں پولیس ہر قسم کے چیلنجز سے نمٹنے کیلئے ہمہ وقت تیار ہے اور شہریوں کے تحفظ کو ہر صورت یقینی بنایا جائے گا۔