14/08/2026
پریس ریلیز
ڈی آئی جی سیکیورٹی ڈویژن خیبر پختونخوا سجاد خان کی پوری قوم کو یومِ آزادی کی دلی مبارکباد
پشاور: ڈی آئی جی سیکیورٹی ڈویژن خیبر پختونخوا سجاد خان نے 14 اگست، یومِ آزادی کے پُرمسرت موقع پر پوری پاکستانی قوم کو دل کی گہرائیوں سے مبارکباد پیش کی ہے۔
اپنے پیغام میں سجاد خان نے کہا کہ 14 اگست ہماری قومی تاریخ کا ایک عظیم اور یادگار دن ہے، جو ہمیں آزادی، اتحاد، قربانی اور قومی ذمہ داری کا درس دیتا ہے۔ پاکستان ہمارے بزرگوں کی بے مثال قربانیوں اور جدوجہد کا ثمر ہے، اس لیے اس کی سلامتی، استحکام اور ترقی ہم سب کی مشترکہ ذمہ داری ہے۔
انہوں نے کہا کہ آج کے دن ہمیں اس عزم کی تجدید کرنی چاہیے کہ ہم اپنے وطن کی سلامتی، امن اور خوشحالی کے لیے اپنا بھرپور کردار ادا کریں گے۔ قانون کی پاسداری، قومی اتحاد، بھائی چارے اور برداشت کو فروغ دے کر ہی ہم ایک مضبوط، پُرامن اور خوشحال پاکستان کی بنیاد مزید مستحکم کر سکتے ہیں۔
ڈی آئی جی سیکیورٹی ڈویژن نے مزید کہا کہ خیبر پختونخوا پولیس اور دیگر قانون نافذ کرنے والے ادارے ملک و قوم کی حفاظت، امن کے قیام اور عوام کے جان و مال کے تحفظ کے لیے اپنی ذمہ داریاں پوری عزم و حوصلے کے ساتھ ادا کرتے رہیں گے۔
انہوں نے شہداء اور غازیوں کو خراجِ عقیدت پیش کرتے ہوئے کہا کہ وطن کے امن و سلامتی کے لیے جانوں کا نذرانہ پیش کرنے والے ہمارے قومی ہیرو ہیں، اور قوم ان کی قربانیوں کو ہمیشہ یاد رکھے گی۔
آخر میں سجاد خان نے دعا کی کہ اللہ تعالیٰ پاکستان کو ہمیشہ امن، سلامتی، استحکام اور ترقی عطا فرمائے، اسے اندرونی و بیرونی خطرات سے محفوظ رکھے اور پوری قوم کو اتحاد و اتفاق کے ساتھ ملک کی تعمیر و ترقی میں اپنا کردار ادا کرنے کی توفیق دے۔
پاکستان زندہ باد 🇵🇰
پائندہ باد پاکستان
