Bacha Khan Markaz

07/07/2019

ایشیائی ترقیاتی بینک نے ایک رپورٹ میں انکشاف کیاہے کہ پشاور میٹرو پراجیکٹ (بی آر ٹی) میں گھٹیا معیار کا مٹیریل استعمال کیا ہے جو جان ومال کے نقصان کا باعث بن سکتا ہے۔

لین کے چوڑائی کم ہونے سے بسیں ٹکرا سکتی ہیں، اسٹیشنز پر پھسلنے والی ٹائلز لگائی گئیں، چھتیں ڈیزائن کے مطابق نہیں بنیں

25/06/2019

نوشہرہ میں ایک ٹھیکیدار جو کہ کالج کو فرنیچر فراہم کرتا تھا کو نوشہرہ میڈیکل کالج کا چیرمین صرف اس لئے لگایا گیا کیونکہ وہ پرویز خٹک کے بھائی کے خلاف الیکشن لڑنے کا ارادہ رکھتا تھا. الیکشن سے دستبرداری کے بدلے اسکو غیر قانونی طور پر نوشہرہ میڈیکل کالج کے بورڈ آف ڈائرکٹر کا چیرمین لگا دیا. اس ٹھیکیدار نے گورنر شاہ فرمان کے رشتہ دار کو جو کہ 7 جون کو ریٹائر ہو چکا ہے غیر قانونی طور پر کالج کا ڈین لگا دیا. ڈین نے سب سے پہلے اپنے بیٹے اور بیٹی کو نوکری دلوائی اور اب واک ان انٹرویو کے ذریعے مزید چہیتوں کو نوازنا چاہتا ہے. کیا یہ ہے تحریک انصاف کا میرٹ؟ کیا یہ ہے ڈاکٹر برکی کے صحت اصلاحات؟

PESHAWAR: Dr Jehangir Khan, who was recently appointed as Dean, Nowshera Medical College without codal formalities and approval of the Board of Governors , has advertised all positions on...

31/05/2019

ایمل ولی خان کا حکومت کو چارسدہ واقعہ میں ملوث افراد کو گرفتار کرنے کے لیے 8 جون تک کی مہلت. ملزمان گرفتار نہ ہوئے تو عوامی نیشنل پارٹی سڑکوں پر ہوگی.

25/10/2018

الزامات لگانے سے کچھ نہیں ہوگا، احتساب کمیشن ختم کرنے والا احتساب کی باتیں کررہا ہے،اسفندیار ولی خان
اپوزیشن اتحاد عمران خان کے خلاف نہیں غیر جمہوری قوتوں کے خلاف ہے۔
ووٹ کے تقدس اور اصل جمہوریت کی بحالی تک اپوزیشن ایک پیج پر ہوگا۔
کچکول توڑنے والے کپتان کی ساری معاشی پالیسی قرضوں اور امداد کے گرد گھوم رہی ہے۔
کہیں کپتان نے یمن اور ایران کے خلاف فریق بن کر امداد تو وصول نہیں کی؟
سعودی امداد پر پارلیمنٹ کو اعتماد میں لیکر حقائق قوم کے سامنے رکھے جائیں۔
ایسا لگ رہا ہے جیسے کپتان پرویز مشرف اور ضیاء الحق کی پالیسی پر عمل پیرا ہے۔
کل بھی میرا موقف تھا اور آج بھی ہے کہ احتساب کا عمل بلاتفریق ہونا چاہئے۔

پشاور(پ ر) عوامی نیشنل پارٹی کے مرکزی صدر اسفندیار ولی خان نے وزیر اعظم عمران خان کے قوم سے خطاب پر ردعمل دیتے ہوئے کہا ہے کہ عمران خان کو اب اپوزیشن موڈ سے نکلنا چاہیے،عمران خان اب قوم سے بحیثیت سیلیکٹڈڈوزیر اعظم خطاب کریں نہ کہ وہ قوم سے اب بھی بحیثیت اپوزیشن لیڈر مخاطب ہوں، انہوں نے کہا کہ عمران خان کی پرانی عادت ہے کہ وہ الزامات لگانے کا ماہرہے،اسی وجہ سے اُس کو الزام خان بھی کہا جاتا ہے،جس کے پاس مینڈیٹ نہیں وہ سیاسی قیادت پر کسی کی خوشنودی حاصل کرنے کیلئے الزامات نہ لگائیں، خیبر پختونخوا میں احتساب کمیشن کے ذریعے خود کرپشن کرنے والا کپتان کس منہ سے احتساب کی باتیں کررہا ہے،انہوں نے اپوزیشن اتحاد پر ردعمل دیتے ہوئے کہا کہ عمران خان کو ڈرنے کی بالکل ضرورت نہیں ہے کہ اپوزیشن اتحاد اُن کے خلاف بنا ہے بلکہ اپوزیشن اتحاد اُن غیر جمہوری قوتوں کے خلاف بنا ہے جنہوں نے دیگر سیاسی جماعتوں سے مینڈیٹ چھین کر عمران خان کو وزیر اعظم بنایا ہے ، انہوں نے کہا کہ اپوزیشن جماعتوں کا اتحاد اُس وقت تک قائم رہے گا جب تک پاکستان میں جمہوریت اصل معنوں میں بحال نہیں ہوتی،ووٹ کے تقدس اور سیاست کی بالادستی تک اپوزیشن اتحاد ایک پیج پر رہے گی۔اسفندیار ولی خان نے عمران خان کی معاشی پالیسی پر ردعمل دیتے ہوئے کہا کہ کپتان کی معاشی پالیسی قرضوں اور بیرونی امدادوں سے نکلنے کا نام تک نہیں لے رہی، عوام پر آئے روز مہنگائی اور ٹیکسسز کے بم گرائے جارہے ہیں،براہ راست سرمایہ کاری میں واضح کمی آئی ہے اور اس کے باوجود بھی کپتان ہیرو بننے کی کوشش کررہے ہیں،سعودی امداد پر ردعمل دیتے ہوئے اسفندیار ولی خان کا کہنا تھا کہ کپتان کو یہ وضاحت دینی پڑے گی کہ انہوں نے سعودی حکومت سے کن شرائط پر قرضہ لیا ہے،کہیں عمران خان ضیاء الحق اور پرویز مشرف کے بعد پاکستان کو کسی دوسرے جنگ میں تو نہیں دھکیل رہا۔انہوں نے وفاقی حکومت سے مطالبہ کیا کہ سعودی امداد پر پارلیمنٹ کو اعتماد میں لیا جائے کیونکہ اس سے پہلے بھی نواز شریف کی حکومت میں سعودی عرب نے اپنے مفادات کیلئے پاکستان کو امداد دینے کی آفر کی تھی،جسے پارلیمنٹ نے یکسر مسترد کردیا تھا۔انہوں نے قوم پر ایک بار پھر واضح کیا کہ احتساب کا عمل بلاتفریق ہونا چاہیے ،احتساب کے نام پر کسی ایک پارٹی یا شخص کی تذلیل کرنا کسی صورت بھی انصاف کے متقاضی نہیں۔

22/10/2018

پشاور، باچا خان مرکز میں اے این پی کے صوبائی کونسل کے اجلاس کی تصویری جھلکیاں، اسٹیج پر مرکزی صدر اسفندیارولی خان، صوبائی صدر امیرحیدرخان ہوتی، مرکزی جنرل سیکرٹری میاں افتخارحسین، مرکزی سنیئر نائب صدر حاجی غلام احمد بلور سمیت اے این پی پختونخوا کی صوبائی کابینہ کے ارکان تشریف فرما ہیں۔ اسٹیج کے فرائض صوبائی جنرل سیکرٹری سردارحسین بابک ادا کررہے ہیں۔

28/08/2018

شہید ہارون بلور کی بیوہ پی کے78سے اے این پی کی امیدوار نامزد
خالی ہونے والی5مزید نشستوں پر ضمنی انتخابات کیلئے امیدواروں کا اعلان بھی کر دیا گیا

پشاور ( پ ر ) عوامی نیشنل پارٹی نے پی کے78پشاور کیلئے ضمنی انتخابات میں شہید ہارون بشیر بلور کی بیوہ ثمر ہارون بلور کو امیدوار نامزد کر دیا جبکہ خالی ہونے والی مزید 5نشستوں پر بھی اپنے امیدواروں کا اعلان کر دیا ہے، اس بات کا فیصلہ باچا خان مرکز میں منعقدہ پارٹی کے پارلیمانی بورڈ کے اجلاس میں کیا گیا ، اجلاس میں سیکرٹری پارلیمانی بورڈ سردار حسین بابک ، ایمل ولی خان ، خورشید خٹک اور سید شاہد رضا نے شرکت کی ، اجلاس میں حکومتوں کی تشکیل کے بعد خالی ہونے والی نشستوں پر امیدواروں کا اعلان کیا گیا جسکے مطابق پی کے7سوات کیلئے وقار احمد خان،پی کے44صوابی کیلئے غلام حسن،پی کے53مردان کیلئے احمد بہادر خان، پی کے61نوشہرہ سے پرویز احمد خان اور پی کے64سے شاہد خٹک کو ٹکٹ جاری کر دیئے گئے۔

23/07/2018

23/07/2018

17/07/2018

انتخابات کے التوا سے ملک کو ناقابل تلافی نقصان پہنچے گا، اسفندیار ولی خان
مجھے شہید کر دیا جائے تو کارکن بائیکاٹ کی بجائے انتخابی عمل میں شرکت یقینی بنائیں۔
وزارت عظمی کیلئے سینکڑوں انسانوں کی جانیں لینے والا قوم کا خیر خواہ کیسے ہو سکتا ہے؟
سیاسی کارکنوں کو گالیاں دینیوالے لوگ قوم کی نمائندگی کا حق نہیں رکھتے۔
میرے ساتھ حساب کرنے والے اپنے والد کی کرپشن کا ریکارڈ بھی ساتھ لائیں۔
پختونوں کے صوبے کی شناخت اورصوبائی خود مختاری ولی خان بابا کی وصیت تھی جسے ہم نے پورا کیا۔
حکومتیں ختم ہونے کے بعد مخالفین کو اسلام خطرے میں نظر آنے لگا ہے،صوابی میں شعیب خان شہید کی برسی کے موقع پر جلسہ عام سے خطاب

پشاور ( پ ر ) عوامی نیشنل پارٹی کے مرکزی صدر اسفندیار ولی خان نے کہا ہے کہ پختون من حیث القوم 25جولائی کو اے این پی کو کامیاب کر کے دہشت گردوں کو جواب دیں،عمران خان نے سیاست سے شائستگی ختم کی اور اب سیاسی کارکنوں کو گالیاں دینے پر اتر آ ئے ہیں ایسا شخص قوم کی نمائندگی کا حق نہیں رکھتا ،ان خیالات کا اظہار انہوں نے صوابی میں شہید شعیب خان کاکا کی تیسری برسی کے موقع پر منعقدہ جلسہ عام سے خطاب کرتے ہوئے کیا ، اس موقع اے این پی صوابی کے صدر امیر رحمان اور دیگر قائدین نے بھی خطاب کیا ، اسفندیار ولی خان نے کہا کہ آج صورتحال2013سے مختلف ہے ، گزشتہ الیکشن میں صرف اے این پی کو ٹارگٹ کیا گیا جبکہ آج تمام سیاسی جماعتیں دہشت گردوں کے نشانے پر ہیں، پشاور ، بنوں اور مستونگ میں دھماکوں سے ثابت ہو چکا ہے کہ یہ سب لاڈلے کو کھلا میدان فراہم کرنے کیلئے ہے ، انہوں نے کہا کہ جو شخص وزارت عظمی کیلئے سینکڑوں انسانوں کی جانیں لے سکتا ہے وہ قوم کا خیر خواہ کیسے ہو سکتا ہے؟ اسفندیار والی خان نے کہا کہ سابق حکومت نے مدرسے کو جو57کروڑ روپے دیئے اس کے نتیجے میں اس بار الیکشن میں ووٹ اورپانچ سال خاموش رہنے کی ڈیل شامل تھی ،اسفندیا رولی خان نے کہا کہ ہم دھماکوں سے ڈرنے والے نہیں الیکشن میں بھرپور حصہ لیں گے اور کامیاب ہو کر دہشت گردی کے ناسور کا جڑ سے خاتمہ کریں گے ، انہوں نے کارکنوں پر زور دیا کہ اگر الیکشن سے قبل مجھے بھی شہید کر دیا جائے تب بھی الیکشن کا بائیکاٹ نہ کیا جائے،انہوں نے نگران حکومتوں اور ریاستی اداروں کو مخاطب کرتے ہوئے کہا کہ اگر انتخابات ملتوی ہوئے تو ملک اور سسٹم کو ناقابل تلافی نقصان پہنچے گا،انہوں نے کپتان کے الزامات کا جواب دیتے ہوئے کہا کہ میرے ساتھ حساب کرنے والے اپنے والد کی کرپشن کا ریکارڈ بھی ساتھ لائیں جنہیں تاریخ میں پہلی بار کرپشن کے الزام میں نکالا گیا،انہوں نے کہا کہ پرویز خٹک آج پیپلزپارٹی کے کارکنوں کو فحش گالیاں دیتے وقت شاید بھول گئے ہیں کہ وہ پیپلزپارٹی کے ٹکٹ پر منتخب ہو چکے ہیں اور ان کے گھر پر بھی پیپلزپارٹی کا جھنڈا لگا ہوتا تھا،انہوں نے کہا کہ انتخابات میں ایک جانب نظریہ اور دوسری جانب چمک کی سیاست والے گردش کر رہے ہیں۔
آج الیکشن کے میدان وہ تمام سیاسی جماعتیں بھی موجود ہیں جو پانچ سال تک حکومت کا حصہ رہیں ،سراج الحق صوبائی حکومت میں شامل رہے جبکہ مولانا فضل الرحمان مرکز میں اقتدار کے مزے لیتے رہے تاہم ان کی کاکردگی صفر رہی اور ھکومتیں ختم ہونے کے بعد انہیں اسلام خطرے میں نظر آنے لگا ہے،انہوں نے کہا کہ ہمارے آباؤ اجداد نے اس دھرتی کی ترقی و خوشحالی کیلئے قربانیاں دیں ، انہوں نے کہا کہ حلفیہ اقرار کرتا ہوں کہ میرے پاس وراثت کے علاوہ میرے خاندان کے کسی فرد کی کوئی جائیداد یا اثاثے ثابت ہو جائیں تو پھانسی پر چڑھنے کو تیار ہوں،مرکزی صدر نے کہا کہ پختونوں کے صوبے کی شناخت اور این ایف سی ایوارڈ ا ولی خان بابا کی وصیت تھی اور اے این پی نے اپنے دور میں ان کی وصیت کو عملی جامہ پہنایا ، انہوں نے کہا کہ اٹھارویں ترمیم کی حفاظت کریں گے کیونکہ یہ اے این پی کا تاریخی کارنامہ ہے اپنی اس عظیم کامیابی کو کسی کی جھولی میں ڈالیں گے، انہوں نے کہا کہ کسی نے بھی اٹھارویں ترمیم کو چھیڑنے کی کوشش کی تو اے این پی سڑکوں پر نکلے گی ،انہوں نے کاکرکنوں پر زور دیا کہ انتخابی مہم میں تیزی لائیں اور پارٹی کے امیدواروں کی کامیابی کیلئے بھرپور توانائیاں صرف کریں۔