Independent Pakhtunkhwa News/ آزاد پختونخوا نیوز

Independent Pakhtunkhwa News/ آزاد پختونخوا نیوز Works Independent..
آزاد صحافت۔۔ ژوند ، خدائی، امن او مینہ۔
(1)

21/10/2025

جنوبی وزیرستان اپر
تحصیل تیارزہ کے رہائشی سیف الرحمان عرف عبداللہ پشتیں کا ویڈیو بیان

ضلع ٹانک سٹی پولیس کے حوالے سنسنی خیز انکشافات ویڈیو دیکھئے

11/10/2025

ٹانک سے چھٹی پر گھر جانے والے تین ایف سی اہلکار راستے میں اغوا ، پرائیویٹ گاڑی میں تھے

افسوسناک خبرجنوبی وزیرستان اپر کے علاقہ خیسورہ تانگہ میں نامعلوم افراد کی فائرنگ سے مقامی صحافی آتش محسود شدید زخمی جبکہ...
11/10/2025

افسوسناک خبر
جنوبی وزیرستان اپر کے علاقہ خیسورہ تانگہ میں نامعلوم افراد کی فائرنگ سے مقامی صحافی آتش محسود شدید زخمی جبکہ صدر عید نواز موقع پر شہید ہوگئے۔

یہ المناک واقعہ علاقے میں شدید غم و غصے کا باعث بنا ہے۔ صحافتی، سماجی اور عوامی حلقوں نے اس بزدلانہ اور انسانیت سوز واقعے کی شدید ترین الفاظ میں مذمت کرتے ہوئے حکومت سے مطالبہ کیا ہے کہ واقعے میں ملوث عناصر کو جلد از جلد گرفتار کرکے قرارِ واقعی سزا دی جائے۔

یہ امر بھی قابلِ افسوس ہے کہ تقریباً ایک سال قبل صحافی آتش محسود کو ناقص روڈ کی کوریج کرنے پر ایک ٹھیکیدار کی جانب سے تشدد کا نشانہ بنایا گیا تھا، جس پر اُس وقت بھی صحافتی تنظیموں نے تشویش کا اظہار کیا تھا۔

ضلع انتظامیہ اور پولیس حکام نے واقعے کا سخت نوٹس لیتے ہوئے تحقیقات شروع کر دی ہیں۔

اللہ تعالیٰ شہید صدر عید نواز کو جنت الفردوس میں اعلیٰ مقام عطا فرمائے اور زخمی آتش محسود کو جلد صحتِ کاملہ نصیب فرمائے۔ آمین۔

10/10/2025

ڈیرہ اسماعیل خان: مختلف ذرائع و اطلاعات کے مطابق تھانہ صدر کے قریب پولیس ٹریننگ سینٹر پر 7 سے 8 مسلح افراد کا حملہ، سیکیورٹی فورسز کی جوابی کارروائی میں جھڑپ جاری۔
ذرائع کے مطابق ایک پولیس اہلکار جبکہ تین حملہ آور اس جھڑپ کے دوران مارے جا چکے ہیں اور سیکیورٹی فورسز کے 6 اہلکار زخمی ہونے کی اطلاعات ہیں ۔ تا حال سرکاری سطح پر کوئی باضابطہ بیان جاری نہیں ہوا۔

پشاور: سابق وزیرِاعلیٰ علی امین گنڈا پور کا قومی سیاست میں قدم رکھنے کا امکانذرائع کے مطابق فیصل امین جلد اپنی قومی اسمب...
09/10/2025

پشاور: سابق وزیرِاعلیٰ علی امین گنڈا پور کا قومی سیاست میں قدم رکھنے کا امکان

ذرائع کے مطابق فیصل امین جلد اپنی قومی اسمبلی کی نشست سے مستعفی ہونے کا ارادہ رکھتے ہیں، جس کے بعد امکان ہے کہ سابق وزیرِاعلیٰ خیبرپختونخوا علی امین گنڈا پور اسی نشست پر ضمنی انتخاب میں حصہ لیں گے۔

باوثوق ذرائع کا کہنا ہے کہ علی امین گنڈا پور کے لیے صوبائی اسمبلی میں بطور رکن بیٹھنا سیاسی اور عملی طور پر مشکل سمجھا جا رہا ہے، کیونکہ وہ ماضی میں اسی ایوان کے وزیرِاعلیٰ رہ چکے ہیں۔ پارٹی حلقوں میں یہ رائے پائی جاتی ہے کہ علی امین کا کردار مرکزی سطح پر زیادہ مؤثر ثابت ہو سکتا ہے۔

سیاسی تجزیہ کاروں کے مطابق اگر یہ فیصلہ حتمی شکل اختیار کرتا ہے تو خیبرپختونخوا کی سیاست میں ایک نیا موڑ آ سکتا ہے، کیونکہ علی امین گنڈا پور کا قومی اسمبلی میں جانا نہ صرف پارٹی قیادت کے لیے مضبوط پیغام ہوگا بلکہ مرکزی سیاست میں ان کے کردار کو بھی نئی جہت دے گا۔

فیصل امین کی جانب سے تاحال باضابطہ اعلان نہیں کیا گیا، تاہم پارٹی ذرائع کا کہنا ہے کہ یہ فیصلہ مشاورت کے آخری مراحل میں ہے۔

08/10/2025

جنوبی وزیرستان اپر:
مولے خان سرائے کے مقام پر پولیس پارٹی پر نامعلوم افراد کی فائرنگ، خوش قسمتی سے کوئی جانی نقصان نہیں ہوا۔ پولیس نے دہشتگردوں کی ایک گاڑی اپنی تحویل میں لے لی۔
پولیس ذرائع کے مطابق فائرنگ ایس ایچ او کامران کی گاڑی پر کی گئی۔
زرائع

جنوبی وزیرستان میں تاریخی پیش رفت، محسود و وزیر قبائل کے درمیان زمینی تنازع کے حل کے لیے فیصلہ کن جرگہ، آخری مرحلہ کل مت...
07/10/2025

جنوبی وزیرستان میں تاریخی پیش رفت، محسود و وزیر قبائل کے درمیان زمینی تنازع کے حل کے لیے فیصلہ کن جرگہ، آخری مرحلہ کل متوقع

" انتظامیہ کی حکمت عملی قابلِ تحسین، قبائلی اتحاد اور ترقی کی راہ ہموار ہو رہی ہے" صدر کنٹریکٹر ایسوسی ایشن ( ملک نور حسن محسود شمن خیل )

جنوبی وزیرستان اپر میں ایک تاریخی اور فیصلہ کن لمحہ، ڈپٹی کمشنر عصمت اللہ وزیر کی زیرِ صدارت مکین کے محسود اور رزمک کے وزیر قبائل کے درمیان جاری زمینی تنازع کے پُرامن حل کے لیے ایک نہایت اہم بین القبائلی جرگہ منعقد ہوا۔

یہ جرگہ خطے میں پائیدار امن، بین القبائلی ہم آہنگی اور باہمی اعتماد کے فروغ کی سمت ایک بڑی پیش رفت قرار دیا جا رہا ہے۔
ذرائع کے مطابق اس جرگے کی پہلی نشست یکم اکتوبر 2024 کو منعقد ہوئی تھی، جب کہ دوسری نشست آج کامیابی کے ساتھ مکمل ہوئی۔
اہم ترین تیسری اور حتمی نشست کل بروز بدھ منعقد ہوگی، جس میں تنازع کے مستقل حل کی بنیاد رکھی جائے گی۔

جرگے میں چیف آف شمالی وزیرستان ملک نصراللہ خان مداخیل نے وزیر قبائل جبکہ چیف آف محسود ملک عنایت اللہ خان مالخیل نے محسود قبائل کی نمائندگی کرتے ہوئے منصفین کی حیثیت سے شرکت کی۔ دونوں عمائدین نے غیر معمولی دانشمندی، بردباری اور انصاف پسندی سے فریقین کے مؤقف سنے اور مصالحتی عمل کو آگے بڑھایا۔

ڈپٹی کمشنر عصمت اللہ وزیر نے کہا کہ پائیدار امن صرف مکالمے، باہمی احترام اور قبائلی روایات کے تسلسل سے ممکن ہے۔ ضلعی انتظامیہ اس عمل کو ایک مثال بنانا چاہتی ہے تاکہ آئندہ تنازعات بھی اسی روایتی جرگہ سسٹم کے ذریعے حل ہوں۔

کنٹریکٹر ایسوسی ایشن کے صدر ملک نور حسن محسود شمن خیل نے اس موقع پر کہا کہ جرگہ نظام قبائلی روایات کا بنیادی ستون ہے، اور موجودہ ضلعی انتظامیہ نے جس حکمت و تدبر سے اس تنازع کے حل کی کوشش کی ہے، وہ لائقِ تحسین ہے۔
انہوں نے کہا کہ محسود اور وزیر قبائل کے درمیان مفاہمتی عمل سے خطے میں ترقیاتی منصوبوں کی راہ ہموار ہوگی، امن و امان کو استحکام ملے گا، اور کاروباری سرگرمیوں میں نئے امکانات پیدا ہوں گے۔

سیاسی و سماجی حلقوں نے اسے جنوبی وزیرستان میں امن و استحکام کی جانب ایک تاریخی موڑ قرار دیا ہے ، ایک ایسا لمحہ جو قبائلی اتحاد، بھائی چارے اور ترقی کے نئے دور کا آغاز ثابت ہو سکتا ہے۔

إنا لله وإنا إليه راجعونمولانا عارف، خالد اور طارق پولیس اہلکار کے والدِ محترمحاجی شیخ حیدر (قوم مروت، گاؤں کوٹ کٹ) بقضا...
06/10/2025

إنا لله وإنا إليه راجعون

مولانا عارف، خالد اور طارق پولیس اہلکار کے والدِ محترم
حاجی شیخ حیدر (قوم مروت، گاؤں کوٹ کٹ) بقضائے الٰہی وفات پا گئے ہیں۔

ان کی نمازِ جنازہ ان شاء اللہ
📅 بروز منگل، 7 اکتوبر 2025
🕑 بعد از نمازِ ظہر 2 بجے
📍 مولانا شاہ جہان مسجد (شین مینار)، محلہ محسودان، ٹانک
میں ادا کی جائے گی۔

تمام احباب سے شرکت کی درخواست ہے۔
اللہ پاک مرحوم کو جنت الفردوس میں اعلیٰ مقام عطا فرمائے اور لواحقین کو صبرِ جمیل دے۔ آمین۔

جنوبی وزیرستان اپر: گاؤں نوئی کچ میں مویشیوں کی بیماری پھیلنے پر فوری اقدامات کی اپیلجنوبی وزیرستان کے گاؤں نوئی کچ میں ...
05/10/2025

جنوبی وزیرستان اپر: گاؤں نوئی کچ میں مویشیوں کی بیماری پھیلنے پر فوری اقدامات کی اپیل

جنوبی وزیرستان کے گاؤں نوئی کچ میں مال مویشیوں میں بیماری پھوٹنے کی اطلاعات موصول ہوئی ہیں، جس کے باعث مقامی کسان اور غریب عوام شدید پریشانی کا شکار ہیں۔ علاقہ مکینوں نے خدشہ ظاہر کیا ہے کہ بروقت اقدامات نہ کئے گئے تو مویشیوں کی ہلاکت کے نتیجے میں ان کی معاشی حالت مزید خراب ہوسکتی ہے۔

مکینوں نے محکمہ لائیو اسٹاک سے فوری اپیل کی ہے کہ ماہرین پر مشتمل خصوصی ٹیمیں تشکیل دی جائیں جو گاؤں میں پہنچ کر مویشیوں کا معائنہ کریں، علاج معالجے کی سہولیات فراہم کریں اور بیماری کو مزید پھیلنے سے روکنے کے لیے عملی اقدامات اٹھائیں۔

عوامی نمائندوں اور علاقہ مکینوں نے حکومت سے یہ بھی مطالبہ کیا ہے کہ غریب کسانوں کو نقصان سے بچانے کے لیے ہنگامی بنیادوں پر ویکسینیشن مہم اور آگاہی مہم چلائی جائے تاکہ علاقے کے لوگوں کا واحد ذریعہ معاش محفوظ رہ سکے۔

05/10/2025

إنا لله وإنا إليه راجعون

سینئر صحافی نور عالم محسود بٹیکئی کے بھائی، پولیٹیکل محرر محمد اللّٰہ اور ڈسٹرکٹ پریس کلب جنوبی وزیرستان اپر کے فنانس سیکرٹری ارشاد محسود کے چچا، معزز شخصیت صوبیدار حاجی زنگی خان بٹیکئی بقضائے الٰہی انتقال فرما گئے۔

ان کی نمازِ جنازہ کل بروز سوموار، 6 اکتوبر، صبح 10 بجے، چہکان ڈیرہ اسماعیل خان میں ادا کی جائے گی۔

اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبرِ جمیل دے۔ آمین۔

ڈیرہ اسماعیل تھانہ گومل یونیورسٹی نواب آڈے کے قریب گنے کی فصل سے 21 سالا نوجوان جس کا نام جنید تھا جو ٹانک کا رہائشی تھا...
05/10/2025

ڈیرہ اسماعیل تھانہ گومل یونیورسٹی نواب آڈے کے قریب گنے کی فصل سے 21 سالا نوجوان جس کا نام جنید تھا جو ٹانک کا رہائشی تھا اس کی لاش برامد.لاش کئ دن پرانی لگتی ہے

04/10/2025

ٹانک کے علاقہ گل امام گاؤں کے قریب دو گروپوں کے درمیان فائرنگ، 2 افراد جاں بحق 2 زخمی

پولیس ذرائع کے مطابق جاں بحق ہونے والوں میں ایک راہگیر بھی شامل ہیں۔جاں بحق اور زخمیوں کو ڈی ایچ کیو ہسپتال ٹانک منتقل کر دیئے گئے

Address

Peshawar
0862

Website

Alerts

Be the first to know and let us send you an email when Independent Pakhtunkhwa News/ آزاد پختونخوا نیوز posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Independent Pakhtunkhwa News/ آزاد پختونخوا نیوز:

Shortcuts

Share

Category