Independent Pakhtunkhwa News/ آزاد پختونخوا نیوز

Independent Pakhtunkhwa News/ آزاد پختونخوا نیوز Works Independent..
آزاد صحافت۔۔ ژوند ، خدائی، امن او مینہ۔
Struggl
(1)

خیبرپختونخوا بیوروکریسی ٹرانسفر پوسٹنگ :: 07 جولائی 2025
04/08/2025

خیبرپختونخوا بیوروکریسی ٹرانسفر پوسٹنگ :: 07 جولائی 2025

03/08/2025

اعلان فوتگی
تفصیلات کمنٹ میں

02/08/2025

جنوبی وزیرستان اپر کا پسماندہ گاؤں سٹہ آباخیل بنیادی سہولیات سے محروم، سڑک، پانی، بجلی اور تعلیم جیسے سنگین مسائل کا سامنا

جنوبی وزیرستان تحصیل لدھا: (نامہ نگار) ضلعی ہیڈکوارٹر لدھا کے شمالی دامن میں واقع گاؤں سٹہ آباخیل، جو کہ ایک لاکھ سے زائد آبادی پر مشتمل پسماندہ علاقے وادی میدان کے قرب و جوار میں واقع ہے، آج بھی جدید بنیادی سہولیات سے یکسر محروم ہے۔ ستر سے اسی گھرانوں پر مشتمل اہلِ سادات کی یہ قدیم بستی حکومت کی توجہ کی منتظر ہے۔

سب سے سنگین مسئلہ چار کلومیٹر طویل سڑک کی عدم تعمیر ہے، جو کہ میدان گاؤں سے سٹہ آباخیل کو ملاتی ہے۔ یہ سڑک کئی سالوں سے التوا کا شکار ہے، جس کی وجہ سے مقامی افراد بارش کے دنوں میں سخت مشکلات سے دوچار ہو جاتے ہیں۔ اگرچہ مقامی افراد نے ایک کلومیٹر سڑک اپنی مدد آپ کے تحت تعمیر کی، لیکن فنڈز کی کمی اور پہاڑی کھاڑیوں سے آنے والی مٹی اور پتھروں نے اسے بھی ناقابل استعمال بنا دیا ہے۔

پینے کے صاف پانی کا حصول بھی ایک مستقل مسئلہ ہے۔ جے یو آئی کے دور میں ایک محدود پن بجلی منصوبے پر جزوی کام ہوا، جو کہ ناکافی ثابت ہوا۔ مقامی ماہرین کے مطابق، علاقے میں سولر بیس ٹیوب ویل اور گھریلو ڈگ ویل کی تنصیب سے پانی کے بحران پر قابو پایا جا سکتا ہے، خاص طور پر مسجد اور وضو کے لیے پانی کی قلت ختم ہو سکتی ہے۔

بجلی کی فراہمی کا معاملہ بھی تشویشناک ہے۔ بعض پرانے کھمبے اب بھی موجود ہیں، مگر بجلی کی ترسیل مکمل بند ہے، اور کئی مقامات پر کھمبے اور تاریں گر چکی ہیں۔ مقامی لوگوں کا مطالبہ ہے کہ پرانے نظام کو ختم کر کے نئے کھمبے اور تاریں نصب کیے جائیں تاکہ بجلی کی سہولت بحال ہو سکے۔

تعلیم کے شعبے میں بھی صورتحال انتہائی افسوسناک ہے۔ گاؤں میں پرائمری سطح کا کوئی بھی سرکاری اسکول موجود نہیں، جس کے باعث سینکڑوں بچے تعلیم سے محروم ہیں اور ان کا مستقبل تاریکی میں ڈوبا ہوا ہے۔ مقامی افراد نے حکومت سے مطالبہ کیا ہے کہ فوری طور پر سرکاری پرائمری اسکول کی منظوری دی جائے۔

مقامی آبادی کا کہنا ہے کہ اگر صرف سڑک کی تعمیر کر دی جائے، تو دیگر مسائل جیسے پانی، بجلی اور تعلیم کے مسائل کا حل بھی ممکن ہو سکتا ہے۔ اہلِ علاقہ نے اعلیٰ حکام، منتخب نمائندوں اور فلاحی اداروں سے اپیل کی ہے کہ وہ فوری طور پر سٹہ آباخیل کی محرومیوں کا نوٹس لیں اور اس پسماندہ علاقے کو ترقی کے دھارے میں شامل کریں۔

یومِ شہداء پولیس | لائن آفیسر عبدالشکور خان کا خراجِ عقیدت 🇵🇰یومِ شہداء پولیس کے موقع پر لائن آفیسر منی پولیس لائن جنوبی...
02/08/2025

یومِ شہداء پولیس | لائن آفیسر عبدالشکور خان کا خراجِ عقیدت 🇵🇰

یومِ شہداء پولیس کے موقع پر لائن آفیسر منی پولیس لائن جنوبی وزیرستان اپر عبدالشکور خان نے عظیم قربانی دینے والے شہید کانسٹیبل نانک خان کی قبر پر حاضری دی، فاتحہ خوانی کی اور پھولوں کے گلدستے پیش کیے۔

شہید کے درجات کی بلندی اور ایصالِ ثواب کے لیے خصوصی دعا کی گئی، جبکہ لواحقین سے ملاقات کے دوران عبدالشکور خان نے شہید کے بچوں میں تحائف بھی تقسیم کیے۔

"شہداء ہماری پہچان اور فخر ہیں، ہم ان کے لواحقین کو کبھی تنہا نہیں چھوڑیں گے" — عبدالشکور خان

یہ اقدام ڈسٹرکٹ پولیس آفیسر جنوبی وزیرستان اپر ارشد خان (PSP) کی خصوصی ہدایات پر عمل میں لایا گیا، جو اس بات کا ثبوت ہے کہ پولیس اپنے شہداء کی قربانیوں کو ہمیشہ یاد رکھتی ہے اور ان کے خاندانوں کے ساتھ کھڑی ہے۔

🙏 جنہوں نے جان دی، وہی اصل محافظ ہیں!







31/07/2025

ضلعی پولیس جنوبی وزیرستان اپر🚔
31جولائ2025
شعبہ اطلاعات و تعلقات عامہ

🔷 تھانہ لدھا اور سروکئی سے اغواء ہونے والے پولیس اہلکاران کی بحفاظت بازیابی

(پی آر او) جنوبی وزیرستان اپر کے تھانہ لدھا اور سروکئی سے چند روز قبل اغواء ہونے والے پولیس اہلکاروں کو پولیس، سی ٹی ڈی، سیکیورٹی فورسز اور علاقہ عمائدین کے مؤثر اور مربوط تعاون سے کامیابی کے ساتھ باحفاظت بازیاب کرا لیا گیا ہے۔

ڈی پی او جنوبی وزیرستان اپر جناب ارشد خان نے اس موقع پر کہا کہ اہلکاروں کی بحفاظت رہائی تمام اداروں کے باہمی اشتراک اور مربوط حکمت عملی کا نتیجہ ہے۔ بازیاب ہونے والے پولیس اہلکاروں کو فوری طور پر سراروغہ پولیس لائن منتقل کر دیا گیا ہے.

بازیاب اہلکاروں کے اہل خانہ نے ڈی پی او ارشد خان اور تمام سیکیورٹی اداروں کا تہہ دل سے شکریہ ادا کرتے ہوئے کہا کہ:
ڈی پی او جنوبی وزیرستان اپر کی بروقت اور بہترین حکمت عملی نے ہمارے پیاروں کو نئی زندگی دی، جس پر ہم ان کے انتہائی مشکور ہیں۔

🔴 بریکنگ نیوز - سوات📍 ظلم کے خلاف قانون کی جیت!سوات: کمسن طالب علم کے اندوہناک قتل کیس میں اہم پیش رفت، خوازہ خیلہ مدرسہ...
28/07/2025

🔴 بریکنگ نیوز - سوات

📍 ظلم کے خلاف قانون کی جیت!

سوات: کمسن طالب علم کے اندوہناک قتل کیس میں اہم پیش رفت، خوازہ خیلہ مدرسہ کے مہتمم قاری عمر اور ان کے بیٹے احسان کو گرفتار کر لیا گیا!

👮‍♂️ ایس پی اپر سوات شوکت علی خان کے مطابق، دونوں مرکزی ملزمان کو کامیاب کارروائی کے بعد گرفتار کر کے تفتیش کے لیے نامعلوم مقام پر منتقل کر دیا گیا ہے۔

📌 واضح رہے کہ واقعے کے بعد دونوں باپ بیٹا روپوش ہوگئے تھے، جنہیں ایس پی شوکت علی خان کی نگرانی میں پولیس ٹیم نے دن رات محنت کے بعد گرفتار کیا۔

👏 ویلڈن سوات پولیس!
شیر دل جوانوں نے ایک اور سنگین جرم کو بے نقاب کر کے انصاف کی راہ ہموار کر دی۔

📢 انصاف کے لئے ہر ممکن کوشش جاری ہے،
📣 ظالم جتنا بھی طاقتور ہو، قانون سے نہیں بچ سکتا!






فخرِ ٹانک: برائیٹ تائیکوانڈو اکیڈمی کے کوچ احمد یار محسود اپنے شاگردوں کے ہمراہ ملائشیا میں پاکستان کی نمائندگی کر رہے ہ...
26/07/2025

فخرِ ٹانک: برائیٹ تائیکوانڈو اکیڈمی کے کوچ احمد یار محسود اپنے شاگردوں کے ہمراہ ملائشیا میں پاکستان کی نمائندگی کر رہے ہیں

ٹانک (نمائندہ خصوصی) –
ضلع ٹانک کے نوجوانوں کے لیے ایک اعزاز کا لمحہ، جب برائیٹ تائیکوانڈو اکیڈمی کے قابل اور پُرعزم کوچ احمد یار محسود اشنگی اس وقت ملائشیا میں جاری Asian Junior, Cadet & Para Taekwondo Championship 2025 میں اپنے دو باصلاحیت شاگردوں کے ساتھ پاکستان کی نمائندگی کر رہے ہیں۔

احمد یار محسود کی نگرانی میں تربیت پانے والے درجنوں نوجوانوں نے قومی اور بین الاقوامی سطح پر اپنی صلاحیتوں کا لوہا منوایا ہے۔ ان میں سے کئی کھلاڑی گولڈ میڈلز اور دیگر اعلیٰ اعزازات اپنے نام کر چکے ہیں، جس سے نہ صرف ٹانک بلکہ پورے ملک کا سر فخر سے بلند ہوا ہے۔

کوچ احمد یار محسود کا شمار اُن افراد میں ہوتا ہے جنہوں نے اپنی محنت، جذبے اور خلوص کے ذریعے نوجوان نسل کو مثبت سرگرمیوں کی جانب راغب کیا۔ ان کی کوششوں کے باعث ضلع ٹانک کے درجنوں نوجوان منشیات، بگڑی ہوئی صحبت اور بے راہ روی سے بچ کر کھیلوں کے میدان میں آگے بڑھ رہے ہیں۔

اکیڈمی کے مسائل: ضلعی اور صوبائی سطح پر خاموشی افسوسناک

تاہم، جہاں ایک طرف یہ کامیابی قابلِ تحسین ہے، وہیں دوسری طرف ایک افسوسناک پہلو بھی سامنے آتا ہے:
برائیٹ تائیکوانڈو اکیڈمی کا تربیتی ہال اس وقت شدید خستہ حالی کا شکار ہے۔
نہ اس کی مرمت کے لیے کوئی ضلعی فنڈ جاری کیا گیا، نہ ہی صوبائی سطح پر اس قابلِ قدر ادارے کی بہتری کے لیے کوئی اقدام اٹھایا گیا ہے۔

ایسے وقت میں جب ٹانک کے نوجوان بین الاقوامی سطح پر پاکستان کا نام روشن کر رہے ہیں، اکیڈمی کی خستہ حالی تمام متعلقہ اداروں اور حکومتی نمائندوں کے لیے ایک لمحہ فکریہ ہے۔

حکامِ بالا سے اپیل

سماجی حلقوں، والدین، کھلاڑیوں اور کوچز کی جانب سے صوبائی حکومت، ضلعی انتظامیہ اور اسپورٹس ڈیپارٹمنٹ سے مطالبہ کیا جا رہا ہے کہ برائیٹ تائیکوانڈو اکیڈمی کی فوری بحالی اور کھلاڑیوں کی سہولت کے لیے مستقل سپورٹ سسٹم فراہم کیا جائے تاکہ یہ نوجوان سپوت عالمی سطح پر مزید کامیابیاں سمیٹ سکیں

ڈی سی اپر وزیرستان سے اہم ملاقات، عوامی مسائل کے حل پر تفصیلی گفتگوٹانک (رپورٹنگ ڈیسک):گزشتہ روز ڈپٹی کمشنر اپر وزیرستان...
26/07/2025

ڈی سی اپر وزیرستان سے اہم ملاقات، عوامی مسائل کے حل پر تفصیلی گفتگو

ٹانک (رپورٹنگ ڈیسک):
گزشتہ روز ڈپٹی کمشنر اپر وزیرستان کے دفتر ٹانک میں ایک اہم ملاقات منعقد ہوئی، جس میں مئیر سب ڈویژن سرویکئی شاہ فیصل غازی اور مئیر سب ڈویژن لدھا حاجی تاج ملوک نے شرکت کی۔

ملاقات کے دوران نومنتخب ڈی سی اپر وزیرستان کو خوش آمدید کہا گیا اور انہیں نئی ذمہ داری سنبھالنے پر مبارکباد دی گئی۔ شرکاء نے اس امید کا اظہار کیا کہ نئے ڈپٹی کمشنر قبائلی اضلاع کو درپیش دیرینہ مسائل کے حل کیلئے مؤثر اقدامات کریں گے۔

ملاقات میں کرفیو کے دوران عوام کو درپیش مشکلات سے بھی آگاہ کیا گیا، خصوصاً چگملائی چیک پوسٹ پر سیکیورٹی فورسز کی جانب سے SOP کی خلاف ورزی کا ذکر کیا گیا، جس پر متعلقہ حکام کی توجہ دلائی گئی اور فوری کارروائی کا مطالبہ کیا گیا۔

علاقے میں صحت کے مسائل پر بھی تفصیلی گفتگو ہوئی، جن میں مولے خان سرائے ہسپتال کی فعالیت، تحصیل تیارزہ کے ریسکیو 1122 ہسپتال کیلئے ایمبولینس کی فراہمی، اور لینڈ مائن دھماکوں کے شہداء و زخمیوں کو فوری معاوضوں کی ادائیگی شامل تھی۔

ڈپٹی کمشنر نے مسائل کو بغور سنا اور یقین دہانی کرائی کہ چند اہم مسائل کو منگل کے روز تک فوری طور پر حل کر لیا جائے گا۔

علاقہ مکینوں نے ملاقات کو مثبت پیشرفت قرار دیتے ہوئے امید ظاہر کی کہ ضلعی انتظامیہ عوامی ریلیف کے لیے عملی اقدامات کرے گی۔

🔸ڈسٹرکٹ پولیس آفسر جنوبی وزیرستان اپر ارشدخان PSP کے خصوصی احکامات کے مطابق موجودہ سکیورٹی صورتحال کے تناظر میں لائن آفس...
26/07/2025

🔸ڈسٹرکٹ پولیس آفسر جنوبی وزیرستان اپر ارشدخان PSP کے خصوصی احکامات کے مطابق موجودہ سکیورٹی صورتحال کے تناظر میں لائن آفسر ٹانک منی لائن عبدالشکور ہمراہ انچارج جوڈیشل کمپاونڈ یونس خان کے سکیورٹی انتظامات کا جائزہ لینے مختلیف گاردات و جوڈیشل کمپاونڈ کا تفصیلی وزٹ کیا لائن آفسر نے اہلکاروں کے پاس موجود اسلحہ چیک کیا اور ڈیوٹی کے دوران الرٹ رہنے اور ہر فرد پر نظر رکھنے کے ہدایات دئے

🌟 جنوبی وزیرستان اپر میں کھیلوں کا سب سے بڑا میلہ!🏟️ کڑمہ اسپورٹس لیگ 2025 کا شاندار آغاز📅 25 جولائی، بروز جمعہ📍 کڑمہ اس...
22/07/2025

🌟 جنوبی وزیرستان اپر میں کھیلوں کا سب سے بڑا میلہ!
🏟️ کڑمہ اسپورٹس لیگ 2025 کا شاندار آغاز
📅 25 جولائی، بروز جمعہ
📍 کڑمہ اسپورٹس اسٹیڈیم

🏆 جذبہ، مقابلہ، اور کھیل کا جشن — جہاں نوجوانوں کا ٹیلنٹ جگمگائے گا!
آئیے، سپورٹس کا رنگ دیکھیں اور جوش کا سماں بنائیں! 🎊⚽🔥

17 ماہ بعد موبائل فون بازیاب، وزیرستان اپر پولیس کی فرض شناسی کی روشن مثال📍 سراروغہ، جنوبی وزیرستان اپر —تھانہ سراروغہ ک...
21/07/2025

17 ماہ بعد موبائل فون بازیاب، وزیرستان اپر پولیس کی فرض شناسی کی روشن مثال

📍 سراروغہ، جنوبی وزیرستان اپر —

تھانہ سراروغہ کے ایس ایچ او سب انسپکٹر نیاز محمد خان نے فرض شناسی اور عوامی خدمت کا عملی مظاہرہ کرتے ہوئے 17 ماہ قبل گم ہونے والا قیمتی موبائل فون بازیاب کرکے اصل مالک کے حوالے کر دیا۔

تفصیلات کے مطابق، شہری عبداللہ محسود سکنہ سراروغہ نے 17 ماہ قبل تھانہ سراروغہ میں تحریری درخواست جمع کروائی تھی کہ اس کا قیمتی موبائل فون ڈی آئی خان سے وزیرستان واپسی کے سفر کے دوران کہیں راستے میں گم ہو گیا ہے۔

ایس ایچ او سراروغہ سب انسپکٹر نیاز محمد خان نے معاملے کو سنجیدگی سے لیتے ہوئے فوری تحقیقات کا آغاز کیا، جو مسلسل کئی ماہ جاری رہیں۔ طویل محنت اور تکنیکی معاونت کے ذریعے آخرکار موبائل فون دور افتادہ علاقہ جگملائی سے برآمد کیا گیا، جہاں ایک شہری نے اسے محفوظ حالت میں سنبھال رکھا تھا۔

موبائل کی واپسی پر شہری عبداللہ محسود نے خوشی اور حیرت کا اظہار کرتے ہوئے کہا:

> "یہ میرے لیے ناقابل یقین لمحہ ہے کہ پولیس سترہ ماہ تک مسلسل میرا موبائل تلاش کرتی رہی۔ اس میں میرا انتہائی اہم ڈیٹا محفوظ تھا، اور اس بازیابی نے پولیس پر میرا اعتماد مزید مضبوط کر دیا ہے۔"

شہری نے ڈسٹرکٹ پولیس آفیسر جنوبی وزیرستان اپر ارشد خان (پی ایس پی) اور ایس ایچ او سراروغہ نیاز محمد خان کو خراجِ تحسین پیش کیا اور اسے پولیس کی عوام دوست پالیسیوں کا عملی ثبوت قرار دیا۔

پولیس حکام کے مطابق، جنوبی وزیرستان اپر پولیس "آپ کی خدمت، آپ کی حفاظت" کے عزم پر کاربند ہے، اور ہر ممکن کوشش کی جاتی ہے کہ عوامی مسائل کو بروقت اور مؤثر انداز میں حل کیا جائے۔

20/07/2025

📢 فوری اپیل برائے خون کا عطیہ
ڈاکٹر غزالہ ہدایت کے زیر نگرانی ایک مریضہ کی ڈلیوری کا کیس درپیش ہے، جس کے لیے O+ مثبت خون کے ایک ڈراپ کی اشد ضرورت ہے۔
🩸 آپریشن آج رات متوقع ہے۔
اگر کوئی بھائی یا بہن O+ بلڈ گروپ رکھتے ہیں تو براہِ کرم فوری رابطہ کریں اور ایک قیمتی جان بچانے میں ہمارا ساتھ دیں۔

📞 رابطہ نمبر:
0323 1876414

اللہ تعالیٰ آپ کو اس نیکی کا بہترین اجر دے۔ 🌸
برائے مہربانی پوسٹ کو شیئر کریں تاکہ یہ پیغام زیادہ سے زیادہ لوگوں تک پہنچ سکے۔

Address

Peshawar
0862

Website

Alerts

Be the first to know and let us send you an email when Independent Pakhtunkhwa News/ آزاد پختونخوا نیوز posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Independent Pakhtunkhwa News/ آزاد پختونخوا نیوز:

Shortcuts

Share

Category