03/05/2026
میں بحیثیت اہلِ سنت اور ایک فنکار کی حیثیت سے اسماعیلی مسلمان برادری کے روحانی پیشوا پرنس شاہ رحیم اغا خان کی چترال آمد پر دل کی گہرائیوں سے مبارکباد پیش کرتا ہوں۔ یہ ایک خوشی کا موقع ہے، اور ہم اس خوشی میں اپنے اسماعیلی بھائیوں کے ساتھ برابر کے شریک ہیں۔
میں اپنی اہلِ سنت برادری سے مؤدبانہ گزارش کرتا ہوں کہ سوشل میڈیا پر یا کسی بھی پلیٹ فارم پر ان کے بارے میں کوئی نامناسب یا نازیبا تبصرہ کرنے سے گریز کریں۔ جس طرح ہم اپنے علماء اور آئمہ کے بارے میں کسی بھی بے ادبی کو برداشت نہیں کرتے، اسی طرح ہر برادری کے اپنے جذبات اور احترام کے تقاضے ہوتے ہیں۔
الحمدللہ، اس وقت چترال میں ایک خوشگوار اور پُرامن ماحول قائم ہے، جہاں سب لوگ بھائی چارے کے ساتھ مہمان کے استقبال کی تیاری کر رہے ہیں۔ ہمیں چاہیے کہ اس فضا کو برقرار رکھیں اور محبت، رواداری اور باہمی احترام کا مظاہرہ کریں۔
آئیں ہم سب مل کر امن، یکجہتی اور بھائی چارے کا پیغام دیں تاکہ ہمارا معاشرہ مزید مضبوط اور پُرسکون بنے۔
اللہ ہم سب کو صحیح سوچ اور عمل کی توفیق عطا فرمائے۔
آپ کا بھائی محسن حیات شاداب.
