09/10/2025
شلوبر کے علاقے قمبر آباد آیاز مارکیٹ جمرود روڈ پی ایس او پمپ کے سامنے میں آشنا ریسٹورنٹ اینڈ جوس پوائنٹ کا باقاعدہ افتتاح کر دیا گیا۔
افتتاحی تقریب کے مہمانانِ خصوصی میں جماعت اسلامی رہنما خان ولی آفریدی اور پاکستان تحریک انصاف ضلع خیبر کے ایڈیشنل جنرل سیکرٹری شیرمت خان آفریدی شامل تھے۔ تقریب میں مقامی مشران، نوجوانوں اور تاجروں نے بڑی تعداد میں شرکت کی۔
ریسٹورنٹ میں مزیدار مٹن کڑاہی، مٹن سیخ تکہ، پٹے تکے، پلیٹر، پیزا اور تازہ جوسز گارنٹی کے ساتھ معیاری ذائقے میں فراہم کیے جا رہے ہیں۔
خان ولی آفریدی نے میڈیا سے گفتگو کرتے ہوئے کہا کہ علاقے میں اس معیار کا کوئی ہوٹل موجود نہیں تھا۔ عوام کی ضرورت کو محسوس کرتے ہوئے آشنا ریسٹورنٹ کا قیام عمل میں لایا گیا تاکہ شہریوں کو ایک صاف ستھرا، پُرامن اور خاندانی ماحول فراہم کیا جا سکے، جہاں لوگ سکون سے کھانا کھا سکیں اور وقت گزار سکیں۔
ایڈیشنل جنرل سیکرٹری شیر مت خان آفریدی نے اپنے خطاب میں کہا کہ نوجوانوں کا کاروباری میدان میں آنا ایک حوصلہ افزا اور مثبت قدم ہے۔ انہوں نے کہا کہ جو نوجوان اپنی محنت سے روزگار کے مواقع پیدا کر رہے ہیں، وہ نہ صرف خود کفیل بن رہے ہیں بلکہ علاقے کی معیشت اور ترقی میں بھی اہم کردار ادا کر رہے ہیں۔
ریسٹورنٹ کے مالک نصیب گل آفریدی اور ان کے پارٹنر ساد آفریدی نے کہا کہ آشنا ریسٹورنٹ میں تازہ زندہ مچھلی، سیخ مچھلی، کلائی مچھلی، کابلی پلاؤ، چکن ڈشز اور مختلف لذیذ کھانے دستیاب ہوں گے۔
ان کے مطابق ریسٹورنٹ کو ایک پرسکون اور خاندانی ماحول کے تحت ترتیب دیا گیا ہے تاکہ مقامی اور بیرونی مہمان دونوں ایک معیاری اور خوشگوار کھانے کے تجربے سے لطف اندوز ہو سکیں۔
