13/09/2026
ٹیکنیکل کالج مہارانوالہ میانوالی کا موقف ۔۔۔۔
اسکالرشپ کے حوالے سے سامنے آنے والی شکایات اور سوشل میڈیا پر کی جانے والی پوسٹس کے بارے میں یہ وضاحت ضروری ہے کہ اسکالرشپ پالیسی کے مطابق مقررہ دورانیے کا کورس کامیابی سے مکمل ہونے اور حتمی نتائج کے باضابطہ اعلان کے بعد ہی اسکالرشپ کی تقسیم کا عمل شروع کیا جاتا ہے۔
واضح رہے کہ تمام کورسز میں اسکالرشپ صرف میرٹ کی بنیاد پر نمایاں کارکردگی کا مظاہرہ کرنے والے ٹاپ 25 طلبہ کو دی جاتی ہے۔ اس پالیسی اور طریقہ کار سے تمام طلبہ کو کورس کے آغاز میں منعقدہ اورینٹیشن سیشن کے دوران باقاعدہ طور پر آگاہ کر دیا گیا تھا۔
اب چونکہ حتمی نتائج کا باضابطہ اعلان ہو چکا ہے، اس لیے مقررہ پالیسی اور میرٹ کے مطابق اہل قرار پانے والے طلبہ میں اسکالرشپس کی تقسیم کا عمل شروع کیا جا رہا ہے۔
لہٰذا تمام طلبہ سے گزارش ہے کہ سوشل میڈیا پر کسی بھی قسم کی شکایت یا الزام عائد کرنے سے قبل اسکالرشپ پالیسی، میرٹ لسٹ اور مقررہ طریقہ کار کی مکمل تصدیق کر لیا کریں۔ کسی بھی غلط فہمی کی صورت میں متعلقہ انتظامیہ سے براہِ راست رابطہ کیا جا سکتا ہے، تاکہ حقائق سامنے آ سکیں اور غیر ضروری تشہیر یا غلط تاثر سے گریز کیا جا سکے۔
انتظامیہ میرٹ، شفافیت اور مقررہ پالیسی کے مطابق تمام اہل طلبہ کے جائز حق کو یقینی بنانے کے لیے پُرعزم ہے۔
