Sabrang Dunya

24/10/2025

جب سی ایس ایس آفیسرز کی عزت نفس بھی جاہل منسٹرز کے جاہلانہ فیصلوں کی زد پر ہوگی تو پھر ایسا تو ہو گا

23/10/2025

21/10/2025

قران مجید میں جتنی بھی قوموں کی تباہی کا ذکر آیا ہے، ان میں سے ایک بھی قوم کی تباہی کی وجہ روزہ، "زکات" یا حج کا چھوڑنا نہیں ہے۔
بلکہ کم تولنا، رشوت ستانی، انصاف نا کرنا، کسی کا حق کھانا، ملاوٹ کرنا، ناحق قتل کرنا۔
یعنی تمام معاملات ، حقوق العباد سے متعلق تھے۔
اگر ہم قران پاک میں بتلائے گئے درج بالا تباہی کے ان اسباب کا بغور تنقیدی جائزہ لیں تو اک بات جو کھل کر ہمارے سامنے آتی ہے وہ یہ کہ تباہی کے مذکورہ تمام تر اسباب میں بے انصافی کا عنصر مشترک اور نمائیاں طور پر پایا جاتا ہے۔ یعنی
کم تولنا، تولنے والے کی بے انصافی۔
رشوت ستانی، صاحب اختیار کی بے انصافی۔
کسی کا حق کھانا، غاصب کی بے انصافی۔
ملاوٹ کرنا، ملاوٹ کرنے والے کی بے انصافی۔
قتل کرنا، قاتل کی بے انصافی۔
انصاف نہ کرنا، منصف کی بے انصافی
اس سے پتہ چلتا ہے کہ انصاف کرنا بہت افضل فعل ہے۔ جو کہ ہمارے معاشرے، ہمارے گھروں، خاندانوں، محکموں، حتی کہ عدالتوں تک میں بھی تقریبا نا پائید ہو چکا ہے۔ اب زرا سوچئیے کہ جب ہمارا مکمل عدالتی نظام، کسی غریب کے خلاف تو کس چیتے کی طرح چنگھاڑتا ہوا کھڑا ہو کر اسے چیر پھاڑنے کو تیار ہو جائے، مگر پھر یہی قانون کسی طاقتور کے سامنے اپنے پیروں میں گھنگھرو باندھ کر اس کی خواہش کے عین مطابق بےانصافی کا عریاں رقص پیش کرتے نا تھکے، تو پھر عذاب الہی نہ آئے تو کیا آئے ؟
ہاں، یہ عذاب کسی بھی شکل میں ہو سکتا ہے۔ تو اب سوچئیے کہ کسی بھی معاشرے میں مذکورہ تمام تر برائیوں کا یکجا ہو کر پایا جانا، بذات خود کسی بڑے عذاب الہی سے کم ہےکیا؟

الیاس کریم

17/10/2025

میرا اک جاننے والا ان پڑھ افغانی جسے ٹھیک سے اردو بولنا بھی نہیں آتی تھی۔ وہ افغانستان بارڈر سے جب ژوب آتا تو مجھے اکثر کہتا، یار کسی بھی طرح سے میرا شناختی کارڈ بنوا دو۔۔۔۔ میں جب کسی دوسرے شہر جاتا ہوں تو وہاں کی پولیس بہت تنگ کرتی ہے۔ میں شناختی کارڈ کے لیے نادرا والوں کو پچاس ہزار روپے تک دینے کو تیار ہوں۔ یہ غالبا 2001 کی بات ہے۔ میں نے اس سے بارہا معذرت کی کہ یہ کام میرے بس کا نہیں۔ پھر اس نے یہ کار خیر میرے اور اپنے اک مشترکہ دوست کے سپرد کر دیا۔ اس بیچارے نے اپنے تئیں بہت کوشش کی مگر قصہ مختصر شناختی کارڈ نہ بن سکا۔
کچھ عرصے کے بعد اس کا اپنا حیدر آباد کا چکر لگا۔ وہ اکثر سردیوں کے موسم میں وہاں جایا کرتا۔ جب وہ واپس ژوب آیا تو اس نے مجھے اپنا "نوا نکور" شناختی کارڈ دکھاتے ہوئے بڑا چہک کر کہا "تم پڑھے لکھے پھنے خان تو بنوا کر دینے سے رہے، یہ دیکھو میں نے خود ہی بنوا لیا"۔ میں نے حیرت سے پوچھا یہ کیسے بن گیا۔ تو اس نے کہا کہ بغیر کسی سفارش کہ، اپنے زور بازو پر۔ پھر اس نے تفصیلا بتایا کہ میں ایک دن حیدرآباد کے نادرہ آفس شناختی کارڈ بنوانے کے لیے ایسے ہی منہ اٹھا کر چلا گیا۔ وہاں جب مجھ سے عملے کے ایک شخص نے والد کا شناختی کارڈ اور بے فارم طلب کیا تو میں نے اسے صاف صاف بتا دیا کہ میرے پاس ایسا کچھ بھی نہیں میں افغانی ہوں۔ تو وہ فورا ادھر ادھر دیکھنے کے بعد اٹھا، میرے قریب آیا اور میرا ہاتھ تھام کر مجھے آفس سے باہر لے گیا اور کہنے لگا، پورے دو ہزار لگیں گے۔ میں نے جھٹ سے دو ہزار نکالے اور اس کی ہتھیلی پر دھر دیئے۔ اس نے مٹھی بھینچی اور مجھے واپس اندر لےجا کر مختلف کاونٹرز سے ساری کاروائی مکمل کروانے کے بعد رسید اپنی جیب میں رکھتے ہوئے کہا "اب تم پندرہ دن کے بعد آ کر مجھ سے اپنا شناختی کارڈ لے جانا" میں مقررہ تاریخ پر نادرہ آفس پہنچا اور اس سے اپنا شناختی کارڈ وصول کر لیا۔ بس اتنی سی بات تھی۔ ہاں مگر شناختی کارڈ بنانے والے اس فرشتہ صفت انسان نے مجھے کارڈ دیتے ہوئے ایک ضروری زبانی ہدایت نامہ بھی جاری کیا۔ وہ یہ کہ اگر خدا نخواستہ پولیس تم سے شناختی کارڈ لے کر تمہارے باپ کا نام پوچھے تو یاد رکھو کہ تم نے اسے اپنے باپ کا اصل نام گل خان نہیں بلکہ اب انور علی ساجدی بتانا ہے۔ اب تم یہ نام اچھی طرح سے یاد کر لو، کیونکہ اسی انور علی ساجدی نامی شخص کے بے فارم پہ تمہارا شناختی کارڈ بنا ہے۔ بس صرف ولدیت تبدیل ہو گئی ہے باقی سب ٹھیک ہے۔
اور ہاں دوسری بات، اگر پولیس والا الجھے تو اس سے زیادہ بحث نہ کرنا، بس کچھ دے دلا کر کسی بھی طرح سے اپنا کارڈ واپس لے لینا۔ اسے مزید جانچ پڑتال کے لیے آگے ہرگز نہ جانے دینا۔ کیونکہ نادرہ ریکارڈ کے مطابق
تم عمر میں اپنے باپ سے دو سال بڑے ہو۔
(الیاس کریم)

16/10/2025

کوئٹہ؟ ہدہ کے منو جان روڈ پر موٹر سائیکل سواروں کی فائرنگ سے دن دہاڑے ایک 17 سالہ نوجوان لڑکی کے قتل کی سی سی ٹی وی فوٹیج۔ لڑکی کا نام مریم بتایا جاتا ہے جو اسکول ٹیچر تھی

09/10/2025

Big shout out to my newest top fans! 💎 Ahmed Jan, Malik Mudassir Hassan

Drop a comment to welcome them to our community, fans

09/10/2025

موٹر سائیکل کوچینگ سینٹر۔۔۔۔ ہم سا ہو تو سامنے آئے

07/10/2025

جعفر ایکسپریس حسب معمول اک بار پھر سے دہشت گردی کا شکار۔ شکار پور کے قریب راولپنڈی سے کوئٹہ جا ے والی جعفر ایکپریس کے ٹریک پر بم دھماکا۔ 3 بوگیاں پٹری سے اتر گئیں۔ 7 افراد زخمی۔

05/10/2025

کوئٹہ اور اس کے گرد و نواح میں زلزلے کے جھٹکے محسوس کئیے گئے ۔ ریکٹر سکیل پر شدت 5 ریکارڈ کی گئی۔ زلزلے کا مرکز 65 کلو میٹر مغرب میں تھا اور گہرائی 25 کلو میٹر تھی۔ زلزلہ پیما مرکز

02/10/2025

اک پرانی یاد

میری ایکو کارڈیو گرافی کرتے ہوئے اس نے بتایا کہ آپ کے شہر کوئٹہ کے مشہور ایکٹر حسام قاضی اور اسماعیل شاہ، دونوں مرحومین بھی مجھ ہی سے اپنا چیک اپ کروایا کرتے۔ میرا ماتھا ٹھنکا اور میں نے دبی آواز میں تھوک نگلنےکی کوشش کرتے ہوئے پوچھا۔ ڈاکٹر صاحبہ کیا میرا حوصلہ بڑھانے کے لیے آپ کے پاس زندوں میں سے کسی کی کوئی مثال نہیں؟ تو اس نے سر جھکا دیا۔
الیاس کریم