MKL News

01/11/2025

پنجاب : خرمزئی اور محمد زئی کے درمیان قتل کا تنازعہ حل ۔ لالا حاجی امیر زمان کا اسی حوالے سے اظہار خیال ۔۔۔
Video credit : Lala israfel Khan

31/10/2025

پنجاب : خرمزئی اور محمد زئی کے درمیان قتل کا تنازعہ حل ۔ لالا حاجی امیر زمان کا اسی حوالے سے اظہار خیال ۔۔۔
Video credit : عبد الجبار غوری

31/10/2025

پنجاب : خرمزئی اور محمد زئی کے درمیان قتل کا تنازعہ حل ۔ سردار تیمور شاہ کا خطاب ۔۔۔
Video credit : Lala Israfel Khan

31/10/2025

رپورٹ : عبد الرحمٰن & وائس موسیٰ خیل
موسیٰ خیل : کنگری احمدزئی، سوری کے قریب اچانک بھڑکنے والی آگ نے جنگل کے ایک وسیع رقبے کو اپنی لپیٹ میں لے لیا۔
آگ کی شدت اتنی زیادہ ہے کہ علاقے میں دن کے وقت بھی رات کا منظر پیش کر رہا ہے۔ دور دور تک شعلے اور دھواں نظر آ رہا ہے، جبکہ مقامی آبادی میں خوف و ہراس پھیل گیا ہے۔
ابتدائی اطلاعات کے مطابق آگ لگنے کی وجوہات تاحال معلوم نہیں ہوسکیں۔ مگر عینی شاہدین کا کہنا ہے کہ ہر سال اس علاقے میں انسانی غفلت یا لاپرواہی کے باعث جنگلات جل کر راکھ بن جاتے ہیں۔ محکمہ جنگلات اور مقامی انتظامیہ کو فوری طور پر کارروائی کی ہدایت کی گئی ہے تاکہ قیمتی درختوں اور جنگلی حیات کو مزید نقصان سے بچایا جا سکے۔

31/10/2025

کوئٹہ : لیویز فورس کو پولیس میں ضم نہیں ہونا چاہیے یہ قبائلی فورس ہے ،سابق ڈپٹی اسپیکر سردار بابر خان موسیٰ خیل

کوئٹہ : سابق ڈپٹی اسپیکر بلوچستان اسمبلی سردار بابر خان موسیٰ خیل ہمیشہ سے لیویز فورس کے حامی رہے ہیں اور ان کا ماننا ہے کہ یہ فورس صوبے کے قبائلی اور دور دراز علاقوں میں امن و امان قائم رکھنے میں بنیادی کردار ادا کر رہی ہے۔ اپنے دورِ حکومت میں انہوں نے پاکستان ٹیلی ویژن (PTV) پر گفتگو کرتے ہوئے واضح طور پر کہا تھا کہ "لیویز فورس کو پولیس میں ضم نہیں ہونا چاہیے، کیونکہ یہ قبائلی فورس ہے اور مقامی روایات کے مطابق کام کرتی ہے۔"

سردار بابر خان کا کہنا تھا کہ لیویز فورس کو ختم کرنے یا ضم کرنے کے بجائے اسے جدید خطوط پر استوار کیا جائے۔ ان کے مطابق اگر اس فورس کو بہتر تربیت، جدید اسلحہ، گاڑیاں اور دیگر سہولیات فراہم کی جائیں تو یہ کسی بھی جدید پولیس فورس کی طرح مؤثر ثابت ہو سکتی ہے۔ انہوں نے افسوس کا اظہار کیا کہ ماضی میں لیویز فورس کو جدید سہولیات اور ٹریننگ کے حوالے سے وہ توجہ نہیں دی گئی جس کی وہ حقدار تھی۔

انہوں نے مزید کہا کہ صوبے کے صرف 10 فیصد "A ایریا" (جہاں پولیس کا دائرہ اختیار ہے) کو پولیس سنبھالتی ہے، جبکہ 90 فیصد علاقہ "B ایریا" پر مشتمل ہے، جہاں لیویز فورس امن و امان برقرار رکھنے کی ذمہ دار ہے۔ ان علاقوں میں زیادہ تر دور دراز، پہاڑی اور قبائلی علاقے شامل ہیں، جہاں پولیس کا نظام مؤثر انداز میں کام نہیں کر سکتا۔
سردار بابر خان موسیٰ خیل کے مطابق لیویز فورس مقامی لوگوں پر مشتمل ہونے کے باعث علاقے کے مسائل کو بہتر طور پر سمجھتی ہے اور عوام کا اس پر اعتماد بھی زیادہ ہے۔ ان کا مؤقف تھا کہ اگر حکومت اس فورس کو مضبوط کرے تو یہ نہ صرف جرائم کے خاتمے میں مددگار ثابت ہوگی بلکہ قبائلی نظام اور مقامی روایات کے تسلسل کو بھی برقرار رکھے گی۔
مختصراً، سردار بابر خان موسیٰ خیل کا کہنا تھا کہ:
“ہم نے لیویز فورس کو جدید خطوط پر استوار نہیں کیا، نہ انہیں اچھی تربیت دی گئی، نہ گاڑیاں فراہم کی گئیں۔ اگر انہیں بہتر مواقع اور سہولیات دی جائیں تو وہ بھی ایک مثالی فورس بن سکتی ہے۔”
لیک ✍️ صحافی عبد الرحمٰن & وائس موسیٰ خیل

29/10/2025

29/10/2025

کوئٹہ: ڈاکٹر میر نوراللہ خان موسیٰ خیل کے لئے ڈاکٹر گرینڈز کنونشن میں جس احترام اور محبت کا اظہار کیا گیا، وہ ان کی طویل، مخلص اور مثالی خدمات کا اعتراف ہے۔ مختلف ہسپتالوں میں بطور ایم ایس ان کی بہترین کارکردگی اور صحت کے شعبے میں گراں قدر خدمات کو خراجِ تحسین پیش کیا گیا۔ تمام حاضرین نے ان کے لیے تالیاں بجا کر اپنی عقیدت اور احترام کا اظہار کیا۔
اللہ تعالیٰ ڈاکٹر میر نوراللہ خان موسیٰ خیل کو مزید کامیابیاں اور عزتوں سے نوازے۔ 🌹
لیک ✍️ ایڈمن عبد الرحمٰن & وائس موسیٰ خیل

29/10/2025

موسی خیل29اکتوبر۔ ترقیاتی منصوبوں میں سست روی اور ناقص معیار پر برہمی چیئرمین سی ایم آئی ٹی کا اعلیٰ سطحی دورہ، سخت ہدایات اور فوری اقدامات کا اعلان کیا۔چیئرمین کمیٹی برائے مانیٹرنگ اینڈ امپلی مینٹیشن (CMIT) محمد علی کاکڑ کی سربراہی میں ایک اعلیٰ سطحی سرکاری وفد نے ضلع موسیٰ خیل کا اہم دورہ کیا، جس کا مقصد جاری ترقیاتی منصوبوں کی رفتار اور معیار کا براہِ راست جائزہ لینا تھا۔وفد میں ایڈیشنل چیف سیکریٹری (ڈویلپمنٹ) زاہد سلیم، سیکریٹری کمیونیکیشن اینڈ ورکس (C&W) لعل جان جعفر اور اسپیشل سیکرٹری ہیلتھ شہک بلوچ شامل تھے۔ضلعی انتظامیہ کی جانب سے وفد کا پرتپاک استقبال اسسٹنٹ کمشنر موسیٰ خیل نجیب اللہ کاکڑ، ایس پی پولیس کلیم اللہ کاکڑ اور اسسٹنٹ کمشنر درگ گل نواز نے کیا۔وفد نے مختلف ترقیاتی منصوبوں کا موقع پر معائنہ کیا اور متعدد مقامات پر غیر معیاری میٹریل، بدانتظامی اور سست رفتاری پر شدید برہمی کا اظہار کیا۔ چیئرمین سی ایم آئی ٹی نے متعلقہ افسران اور ٹھیکیداروں کو معیار بہتر بنانے اور مقررہ مدت میں تکمیل کی سخت ہدایات جاری کیں۔روڈ انفراسٹرکچر منصوبے موسیٰ ٹو کنگری روڈ (فیز ون) پر چیئرمین نے اظہار کرتے ہوئے ٹھیکیدار کو 20 نومبر 2025ءتک 13 کلومیٹر روڈ بلیک ٹاپ کرنے اور معیار بہتر بنانے کی ہدایت دی۔تونسہ شریف تا درگئی شبوزئی روڈ پر حکام کو ہدایت دی کہ 14 کلومیٹر سڑک کو 20 نومبر تک اعلیٰ معیار کے ساتھ مکمل کیا جائے۔کام کی رفتار تیز کرنے کی ہدایات دیتے ہوئے چیئرمین نے کہا کہ تمام تاخیر برداشت نہیں کی جائے گی۔ڈسٹرکٹ ہیڈکوارٹر ہسپتال اور زچہ و بچہ سینٹر ، آئی سی یو اور زچہ و بچہ بلاک کی تعمیر میں سستی پر چیئرمین نے سخت ناراضگی کا اظہار کیا۔ حکام کو ہدایت دی گئی کہ کام کی رفتار فوری تیز کی جائے، بصورتِ دیگر ٹھیکیدار کے خلاف محکمانہ و قانونی کارروائی عمل میں لائی جائے گی۔پچاس بستروں پر مشتمل ہسپتال کے لیے مختص زمین کا جائزہ لیا گیا اور انتظامیہ کو تمام قانونی و دفتری کارروائیاں فی الفور مکمل کرنے کی ہدایت دی گئی تاکہ عوام کو جلد معیاری علاج کی سہولت فراہم کی جا سکیں۔پراجیکٹ کی اہمیت کے پیش نظر، اسے نئے پی ایس ڈی پی (PSDP) میں ترجیحی بنیادوں پر دوبارہ شامل کرنے کی منظوری دی گئی۔خواتین کی تعلیم کے فروغ کے لیے کالج منصوبے کو نئے پی ایس ڈی پی میں شامل کرکے فنڈز کی فوری فراہمی یقینی بنانے کی ہدایت دی گئی۔عوامی علمی ضروریات کے پیشِ نظر، فنڈز فوری طور پر جاری کرنے اور لائبریری کو جلد از جلد مکمل کرنے کے احکاماتِ جاری کیے۔دورے کے اختتام پر چیئرمین محمد علی کاکڑ نے کہا کہ ترقیاتی منصوبوں میں کسی قسم کی غفلت، تاخیر یا غیر معیاری کام ہرگز برداشت نہیں کیا جائے گا۔ عوامی فلاح کے تمام منصوبوں میں شفافیت، معیار اور بروقت تکمیل حکومت بلوچستان کی اولین ترجیح ہے۔چیئرمین سی ایم آئی ٹی محمد علی کاکڑ، ایڈیشنل چیف سیکریٹری زاہد سلیم، سیکرٹری سی اینڈ ڈبلیو لعل جان جعفر اور اسپیشل سیکرٹری ہیلتھ شہک بلوچ موسیٰ خیل میں ترقیاتی منصوبوں کا جائزہ لیا۔

29/10/2025

موسیٰ خیل ۔ ( 28 اکتوبر 2025):

چیئرمین سی ایم ٹی جناب محمد علی کاکڑ کی سربراہی میں ایک اعلیٰ سطحی سرکاری وفد نے موسیٰ خیل کا ایک اہم دورہ: ترقیاتی منصوبوں پر سخت نوٹس سست روی اور ناقص معیار پر شدید برہمی، ٹھیکیداروں کے خلاف کارروائی کی ہدایات:

آج چیئرمین سی ایم ٹی جناب محمد علی کاکڑ کی سربراہی میں ایک اعلیٰ سطحی سرکاری وفد نے ضلع موسیٰ خیل کے جاری ترقیاتی منصوبوں کے معیار اور رفتار کا جائزہ لینے کے لیے ایک اہم دورہ کیا۔ وفد میں ایڈیشنل چیف سیکرٹری ڈویلپمنٹ جناب زاہد سلیم، سیکرٹری سی اینڈ ڈبلیو جناب لعل جان جعفر، اور اسپیشل سیکرٹری ہیلتھ جناب شہیک بلوچ شامل تھے۔

ضلعی انتظامیہ کی جانب سے وفد کا استقبال اسسٹنٹ کمشنر موسیٰ خیل نجیب اللہ کاکڑ، ایس پی پولیس کلیم اللہ کاکڑ، اور اسسٹنٹ کمشنر درگ گل نواز نے کیا۔

👈 معائنہ اور جاری کردہ سخت ہدایات:

وفد نے مختلف زیرِ تعمیر منصوبوں کا تفصیلی معائنہ کیا اور کئی مقامات پر ناقابل قبول سست روی، غیر معیاری میٹریل کے استعمال، اور بدانتظامی کا سختی سے نوٹس لیا۔

⬅️ روڈ انفراسٹرکچر:

👈 موسیٰ خیل تا کنگری روڈ (فیز ون):

ٹھیکیدار کو سختی سے ہدایت کی گئی کہ 20 نومبر 2025ء تک 13 کلومیٹر روڈ کو بلیک ٹاپ کرکے معیار کو بہتر بنائے۔

👈 تونسہ شریف تا درگئی شبوزئی روڈ:

حکام کو ہدایت دی گئی کہ سڑک کے 14 کلومیٹر حصے کو بھی 20 نومبر 2025ء تک اعلیٰ معیار کے ساتھ بلیک ٹاپ مکمل کیا جائے۔

👈 توئی سر تا سنگر روڈ:

منصوبے پر کام کی رفتار کو فوری تیز کرنے کی ہدایت دی گئی۔

⬅️ صحت کے منصوبے۔

👈 ڈسٹرکٹ ہیڈکوارٹر ہسپتال اور زچہ و بچہ سینٹر:

ہسپتال کے اہم سیکشنز (آئی سی یو اور زچہ بچہ سینٹر) کی تعمیر میں سخت سستی پر ناراضگی کا اظہار کیا گیا۔ حکام کو کام کی رفتار کو فوری طور پر تیز کرنے کا حکم دیا گیا، بصورتِ دیگر ٹھیکیدار کے خلاف سخت محکمانہ اور قانونی کارروائی کی جائے گی۔

👈50۔ بستروں کا ہسپتال (یو اے ای کی تعاون):

ہسپتال کے لیے مختص کردہ زمین کا جائزہ لیا گیا۔ انتظامیہ کو ہدایت دی گئی کہ تمام قانونی اور دفتری کارروائیوں کو فی الفور مکمل کیا جائے تاکہ عوام الناس کو جلد از جلد معیاری صحت کی سہولیات کی فراہمی یقینی بنائی جا سکے۔

⬅️ اہم ترقیاتی و تعلیمی منصوبے:

👈 موسیٰ خیل ٹاؤن پراجیکٹ:

پراجیکٹ کی افادیت کے پیش نظر، وفد نے اسے دوبارہ نئے پی ایس ڈی پی (PSDP) میں ترجیحی بنیادوں پر شامل کرنے کی اصولی منظوری اور ہدایات جاری کیں۔

👈 گورنمنٹ گرلز کالج، موسیٰ خیل:

ضلع میں خواتین کی تعلیم کو فروغ دینے کے عزم کے تحت، زیرِ تعمیر کالج کی سکیم کو دوبارہ نئے پی ایس ڈی پی میں شامل کرکے فنڈز کی دستیابی یقینی بنانے کی ہدایات دی گئیں۔

👈 سردار عصمت اللہ مرحوم لائبریری:

لائبریری کی جلد تکمیل کے لیے فوری طور پر فنڈز جاری کرنے کی ہدایت دی گئی۔

دورے کے اختتام پر وفد نے واضح طور پر کہا کہ ترقیاتی منصوبوں کے معیار اور مقررہ وقت پر تکمیل کے حوالے سے کسی قسم کی غفلت یا کوتاہی برداشت نہیں کی جائے گی۔ انہوں نے متعلقہ محکموں کو ہدایت کی کہ عوامی فلاح کے ان منصوبوں کی تکمیل میں شفافیت اور رفتار کو یقینی بنایا جائے۔ پوسٹ : خانک خان ، پی اے ڈپٹی کمشنر موسیٰ خیل

25/10/2025

موسیٰ خیل میونسپل کمیٹی وارڈ نمبر پانچ۔
چار پلاٹ متصل برائے فروخت
03312059998
03228185422

25/10/2025

ضلع موسیٰ خیل میں جیل کے قیام کے لئے کئی بار کوششیں کی گئیں مگر اراضی دستیاب نہ ہونے کے باعث منصوبہ تاحال التوا کا شکار تھا۔ تاہم، اب سول سوسائٹی کے سربراہ صدرالدین موسیٰ خیل نے مغدوزئ قوم کے تعاون سےجوڈیشل لاک اپ کے لیے زمین فراہم کر دی ہے، جو علاقے کے لیے ایک اہم پیش رفت ہے۔یاد رہے اس سے قبل دانش سکول و ہسپتال کے لئے بھی صدر الدین نے قوم کے تعاون سے اس سے متصل اراضی دی ۔

سول سوسائٹی کے سربراہ صدرالدین موسیٰ خیل نے کہا کہ "ہم نے ہمیشہ کوشش کی ہے کہ موسیٰ خیل کے عوام کو بنیادی سہولیات میسر ہوں۔ جیل کا قیام بھی اسی سلسلے کی ایک اہم کڑی ہے تاکہ قیدیوں کو انسانی حقوق کے مطابق سہولتیں دی جا سکیں۔"

عوامی حلقوں کا کہنا ہے کہ صدرالدین موسیٰ خیل جیسے سماجی رہنما علاقے کی ترقی اور عوامی فلاح کے لیے عملی کردار ادا کر رہے ہیں۔

✍️ عبدالرحمٰن & وائس موسیٰ خیل