11/12/2025
بلوچستان 24
"اگر میں شہید ہوگیا تو۔۔۔" چوہدری اسلم نے رات کے
اندھیرے میں اہلیہ سے قرآن پر ہاتھ رکھوا کر کون سا وعدہ لیا؟ 8 سال بعد راز سے پردہ اٹھ گیا
کراچی: شہرِ قائد کے وہ نڈر پولیس افسر جن کے نام سے دہشت گرد کانپتے تھے، ان کی زندگی کا آخری باب کسی فلمی کہانی سے کم نہیں۔
شہید ایس ایس پی چوہدری اسلم کی شہادت کو برسوں بیت گئے، مگر اب ان کی اہلیہ نے اس بہادر افسر کی نجی زندگی اور شہادت سے قبل ہونے والی پراسرار گفتگو کے وہ راز افشاں کر دیے ہیں جنہیں سن کر ہر آنکھ اشکبار ہو جائے۔
رات کا پچھلا پہر اور قرآن پر حلف
ڈیجیٹل پاکستان کو دیے گئے انٹرویو میں چوہدری اسلم کی بیوہ نے انکشاف کیا کہ شہادت سے کچھ عرصہ قبل کی ایک
رات، جب دنیا محوِ خواب تھی، چوہدری اسلم بے چین تھے۔
انہوں نے اپنی اہلیہ کو نیند سے جگایا اور ایک ایسا سوال کیا جس کی توقع کوئی بھی بیوی اپنے شوہر سے نہیں کر سکتی۔
"اگر میں شہید ہوگیا تو کیا تم دوسری شادی کر لو گی؟"
اہلیہ نے گھبرا کر انکار کیا، لیکن "کراچی کے شیر" کو محض زبانی انکار پر تسلی نہ ہوئی۔
انہوں نے قرآن پاک منگوایا، اس پر اپنی شریک حیات کا ہاتھ رکھوایا اور قسم لی کہ ان کے جانے کے بعد وہ کسی اور کی نہیں ہوں گی۔ ان کے الفاظ تھے: "میں تمہیں اپنی وفا میں ڈوبتا ہوا دیکھنا چاہتا ہوں۔"
دبئی سے آنے والی الوداعی کال
اہلیہ نے بتایا کہ جب وہ ناراض ہو کر دبئی چلی گئی تھیں، تو انہیں اندازہ نہیں تھا کہ حالات کس قدر سنگین ہو چکے ہیں۔ تبھی ان کا فون بجا، دوسری طرف چوہدری اسلم تھے جنہیں اپنی موت کی آہٹ سنائی دے رہی تھی۔
انہوں نے کہا:
"مجھے لگتا ہے اب ہماری ملاقات نہیں ہو پائے گی، شاید یہ آخری کال ہے۔ میں نے کراچی کا 80 فیصد گند صاف کر دیا ہے، باقی رہ جانے والے 20 فیصد کے لیے اگر مجھے جان بھی دینی پڑی تو پیچھے نہیں ہٹوں گا۔"
ان کاؤنٹرز کی حقیقت: "حساب تو کرنا پڑتا ہے"
چوہدری اسلم پر لگنے والے "ماورائے عدالت قتل" کے الزامات پر ان کی اہلیہ نے گرجدار لہجے میں جواب دیا۔
انہوں نے کہا کہ جب شہر میں 25، 25 لوگوں کے قاتل دندناتے پھر رہے ہوں اور خوف کے مارے کوئی گواہ عدالت جانے کو تیار نہ ہو، تو پھر چوہدری اسلم کو خود ہی "حساب" برابر کرنا پڑتا تھا۔ ان کا دعویٰ تھا کہ کراچی میں امن ان کے شوہر کی بے خوفی اور سخت فیصلوں کی مرہونِ منت ہے۔
فرض، خاندان سے بڑا ہے
ایک جذباتی لمحے کا ذکر کرتے ہوئے انہوں نے بتایا کہ جب انہوں نے اپنے شوہر کو روکنے کی کوشش کی تو ان کی اپنی ہی بیٹی نے کہا، "ماما! اگر پاپا شہید ہو گئے تو کیا آپ ان سے ناراض ہی رہیں گی؟"
چوہدری اسلم کو معلوم تھا کہ وہ کس راستے کے مسافر ہیں، وہ ہمیشہ کہتے تھے کہ مجھے بلٹ پروف گاڑیوں پر نہیں، عوام کی دعاؤں پر یقین ہے۔
