Bostan News

13/01/2026

13/01/2026

امان الله ناصر کی اہلیہ شریک۔حیات وفات پاگئی ہے نمازجنازہ آج بروزمنگل 2بجے سنگین ھاوسینگ سکیم ایرپورٹ روڈمیں ادا جائیگی اور 3 بجے کوئٹہ شہر کے کاسی قبرستان میں تدفین کی جائیگی

12/01/2026

ڈی پی او پشین عبدالعلیم آچکزئی اور ایس ڈی پی او عنایت اللہ کاکڑ کے خصوصی ہدایت پر پولیس فورس بوستان کی کامیاب کارروائی ، اسلحہ و ایمونیشن برآمد
بوستان پولیس فورس کے ایس ایچ او سید احمد شاہ آغا و اینوسٹی گیشن آفیسر سید بشیر آغا نے پولیس فورس کے ہمراہ کامیاب کارروائی کرتے ہوئے اسلحہ و ایمونیشن برآمد کر کے ایک ملزم کو گرفتار کر لیا۔ پولیس کے مطابق گرفتار ملزم کی شناخت کمال خان ولد لعل محمد سکنہ کلی مغٹیان دامان کے نام سے ہوئی ہے۔
پولیس نے ملزم کے قبضے سے غیر قانونی اسلحہ اور ایمونیشن برآمد کر لیا، جس پر ملزم کے خلاف مقدمہ نمبر 2/2026 بجرم دفعہ 15/D آرمز آرڈیننس 1997 کے تحت درج کر کے مزید تفتیش شروع کر دی گئی ہے۔
پولیس حکام کے مطابق علاقے میں امن و امان کی صورتحال برقرار رکھنے کے لیے اس طرح کی کارروائیاں جاری رکھی جائیں گی اور قانون کی خلاف ورزی کرنے والوں کے خلاف بلاامتیاز کارروائی عمل میں لائی جائے گی۔

08/01/2026

بوستان پریس کلب کے تمام ممبران انتخاب آخبار کے کیمرہ مین محمد سمیع کی پولیس کی جانب سے گرفتاری کی شدید الفاظ میں مذمت کرتے ہیں۔ صحافیوں کو اپنے فرائض کی انجام دہی کے دوران ہراساں اور گرفتار کرنا آزادی صحافت پر کھلا حملہ ہے ، جو کسی صورت قابل قبول نہیں۔
بوستان پریس کلب کا موقف ہے کہ محمد سمیع ایک ذمہ دار صحافی ہیں اور وہ اپنے پیشہ ورانہ فرائض انجام دے رہے تھے ان کی گرفتاری نہ صرف صحافتی اقدار کی توہین ہے بلکہ جمہوری روایات کے بھی منافی ہے۔
ہم اعلیٰ احکام سے مطالبہ کرتے ہیں کہ محمد سمیع کو فوری طور پر رہا کیا جائے اور صحافیوں کو آئندہ ایسے ناروا سلوک سے محفوظ رکھنے کے لیے ٹھوس اقدامات کیے جائیں۔ بصورت دیگراحتجاج کا حق محفوظ رکھتا ہے۔

08/01/2026

محمود خان اچکزئی اصول، جدوجہد اور جمہوری فکر کی
علامت
تحریر نقیب اللہ کاکڑ) محمود خان اچکزئی پاکستان کی سیاست میں ایک ایسا نام ہے جو اصول پسندی، بے باک مؤقف اور جمہوری اقدار کی ترجمانی کے طور پر پہچانا جاتا ہے۔ وہ ایک سینئر سیاستدان، دانشور اور پشتون قوم کے ایک نمایاں رہنما ہیں جنہوں نے اپنی پوری سیاسی زندگی آئین، پارلیمنٹ اور عوامی بالادستی کے لیے وقف کر رکھی ہے۔
محمود خان اچکزئی کا تعلق ایک معزز سیاسی گھرانے سے ہے۔ ان کے والد خان عبدالصمد خان اچکزئی برصغیر کے عظیم آزادی پسند رہنماؤں میں شمار ہوتے تھے۔ یہی وجہ ہے کہ محمود خان اچکزئی کو سیاست وراثت میں ضرور ملی، مگر انہوں نے اپنی پہچان اپنی فکر، زبان اور جرأت مندانہ سیاست سے خود قائم کی۔ انہوں نے ہمیشہ طاقت کے مراکز کے سامنے جھکنے کے بجائے سچ بولنے کو ترجیح دی، چاہے اس کی کوئی بھی قیمت کیوں نہ ادا کرنی پڑے۔
وہ پشتونخوا ملی عوامی پارٹی کے سربراہ ہیں اور پشتونوں کے سیاسی، سماجی اور ثقافتی حقوق کے مضبوط حامی رہے ہیں۔ ان کی سیاست کا محور صرف ایک قوم نہیں بلکہ تمام محکوم اور پسماندہ طبقات کے حقوق ہیں۔ وہ ایک ایسے پاکستان کا خواب دیکھتے ہیں جو حقیقی معنوں میں ایک وفاقی، جمہوری اور آئینی ریاست ہو، جہاں تمام قومیتوں کو برابری اور عزت کے ساتھ جینے کا حق حاصل ہو۔
محمود خان اچکزئی کی سب سے نمایاں خوبی ان کی بے خوف زبان ہے۔ وہ پارلیمنٹ کے اندر ہوں یا عوامی جلسوں میں، ہمیشہ کھل کر بات کرتے ہیں۔ انہوں نے بارہا اسٹیبلشمنٹ کی سیاست، آئین شکنی، اور جمہوریت کو کمزور کرنے والے عناصر پر سخت تنقید کی، جس کے نتیجے میں انہیں سیاسی تنہائی، دباؤ اور مشکلات کا سامنا بھی کرنا پڑا۔ مگر وہ اپنے مؤقف سے کبھی پیچھے نہیں ہٹے۔
وہ تعلیم، تاریخ اور سیاست پر گہری نظر رکھتے ہیں۔ ان کی تقاریر میں دلیل، حوالہ اور فکری گہرائی نمایاں ہوتی ہے۔ یہی وجہ ہے کہ ان کے ناقدین بھی ان کی سیاسی بصیرت اور مطالعے کا اعتراف کرتے ہیں۔ وہ نوجوان نسل کو شعور، مطالعہ اور جمہوری جدوجہد کی طرف راغب کرنے کے خواہاں ہیں۔
مختصراً، محمود خان اچکزئی ایک ایسے سیاستدان ہیں جو وقتی مفادات کے بجائے طویل المدتی قومی سوچ رکھتے ہیں۔ وہ پاکستان کی سیاست میں ایک مضبوط جمہوری آواز، پشتون عوام کے وکیل، اور اصولی سیاست کی روشن مثال ہیں۔ ایسے رہنما قوموں کی تاریخ میں کم ہی پیدا ہوتے ہیں جو اقتدار سے زیادہ نظریے کو اہمیت دیں۔

08/01/2026

ہم آج لاہور آئے ہیں۔ ذندہ دلان لاہور!
میاں محمد نواز شریف صاحب میرا دوست ہے۔ انہوں نے کہا تھا “ؤوٹ کو عزت دو”۔ ہم آج لاہور سے، لاہوریوں سے اور میاں محمد نواز شریف سے اُس پُرانے سلوگن کےلئے آئیں ہیں۔ غلطیاں ہوتی ہے انسانوں سے۔

قران کریم شِرک کے بعد انسان کی قتل کو سب سے بڑی گُناہ سمجھتا ہے۔ آپ نے ہمارے بچوں کو قتل کردیا۔ ہمارے عورتوں کی بےعزتیاں کی۔

لاکھوں لوگ عمران خان سے محبت کے گُن گھاتے ہیں۔ لیکن اُن کی تنظیم کمزور ہے۔ بیس آدمی ایک ساتھ نہیں چل سکتے۔ انقلاب تنظیم سے آئے گا۔

ہم پولیس والوں سے درخواست کرتے ہیں۔ آپ کسی فرد واحد ( خان، سردار ) کی پولیس نہیں ہو۔ آپ پاکستان کی پولیس ہو۔ آپ وہی کرو۔ جو آپ کو قانوں بتاتا ہے۔

تحریک تحفظ آئین پاکستان کے سربراہ اور پشتونخوا ملی عوامی پارٹی کے چئیرمین محترم مشر محمودخان اچکزی۔

07/01/2026

اسلامی معلومات ویڈیو ملاحظہ فرمائیں اور شئیر کریں تاکہ دوسروں مسلمانوں تک پہنچ سکے

07/01/2026

خانوزئی کے علاقے کلی مرغہ زکریازئی کے عوام لانگ مارچ

07/01/2026

چمن بارڈر کی بندش سے فاقہ کشی، نوجوان خودکشیوں پر مجبور، قاری امداد کے گھر چھاپے کی مذمت: مولانا ہدایت الرحمان

07/01/2026

قومی وطن پارٹی کے صوبائی جنرل سیکرٹری حاجی جلیل خان بازئی اور پشتونخواہ ملی عوامی پارٹی کے رکن نزیر احمد بازئی نے کبیر شمسی آٹا چکی کا باقاعدہ افتتاح کیا۔ اس موقع پر علاقے کے لوگوں نے بڑی تعداد میں شرکت کی۔ افتتاحی تقریب میں دعا مولوی محمد ابراہیم صاحب نے کروائی۔ تقریب کے اختتام پر شرکاء میں لنگر بھی تقسیم کیا گیا۔
ایڈریس:
نیشنل ہائی وے این۔50، کلی مغٹیان