JK News Balochistan

18/08/2026

ابتدائی اطلاعات کے مطابق ہزارگنجی کے قریب سونا خان چوک پر موٹرسائیکل سواروں کی فائرنگ سے تین افغان باشندے شہید اور ایک زخمی

18/08/2026

بوستان: کلی مہترزئی کے قریب موٹر سائیکل سوار نامعلوم افراد کی جانب سے راہ چلتے لڑکے سے موبائل فون اور نقدی چھیننے کا افسوسناک واقعہ پیش آیا ہے۔
​متاثرہ نوجوان کے مطابق، موٹر سائیکل پر سوار دو نامعلوم ملزمان نے اسلحے کے زور پر اسے روکا، اس کا موبائل فون اور جیب میں موجود نقدی زبردستی چھین لی اور موقع سے فرار ہونے میں کامیاب ہو گئے۔ دن دہاڑے پیش آنے والے اس ڈکیتی کے واقعے کے بعد علاقے میں شدید خوف و ہراس پھیل گیا ہے۔
​عوامی حلقوں اور مقامی مکینوں نے انتظامیہ سے مطالبہ کیا ہے کہ علاقے میں پولیس گشت کو مؤثر بنایا جائے، سکیورٹی کے سخت انتظامات کیے جائیں اور ملزمان کو جلد از جلد گرفتار کر کے کیفر کردار تک پہنچایا جائے تاکہ اس طرح کے جرائم کا تدارک کیا جا سکے۔
​رپورٹ: جہانزیب خان کاکڑ

18/08/2026

عوامی نیشنل پارٹی ضلع کوئٹہ جنرل سیکرٹری حمزہ کاکڑ ،آفس سیکرٹری ملک عبدالستار خلجی نے کچلاک واپڈا ایس ڈی او ملک وقار سے ملاقات کی. ملاقات میں کلی جمال آباد اور کچلاک کے شہر اور مختلف کلیوں میں بجلی کی لوڈشیڈنگ پر تفصیلی گفتگو کی گئی. ایس ڈی او کچلاک اور واپڈا حکام نے بجلی لوڈشیڈنگ کم کرنے اور مسائل حل کرنے کی یقین دہانی کرائی

17/08/2026

17/08/2026

منگی ڈیم حملہ: بلوچستان حکومت کا عدالتی تحقیقاتی کمیشن کا قیام، عوام سے معلومات طلب

17/08/2026

قمر جاوید باجوہ 3ہفتے سی ایم ایچ میں زیرعلاج رہے،انہیں سر اور کمرمیں چوٹ آئی تھی۔فیملی ذرائع کے مطابق سابق آرمی چیف قمر باجوہ نے یو اے ای میں اپنا طبی معائنہ کرایا،دبئی میں ڈاکٹرز نے قمر جاوید باجوہ کاتفصیلی طبی معائنہ کیا۔ذرائع کے مطابق قمر جاوید باجوہ کی طبیعت بہتر ہے، کچھ ٹیسٹ کے نتائج آنا باقی ہیں، چیک اپ اورڈاکٹروں کی ہدایات کے بعد قمر باجوہ واپسی کافیصلہ کریں گے۔

قمر جاوید باجوہ کچھ دن متحدہ عرب امارات میں بیٹے کے پاس قیام کریں گے، جنرل ریٹائرڈ قمر باجوہ ساڑھے چار ماہ قبل گھرمیں وضو کے دوران گر گئے تھے۔یاد رہے رواں سال فروری میں پاک فوج کے شعبہ تعلقاتِ عامہ (آئی ایس پی آر)نے پاک فوج کے سابق آرمی چیف جنرل ریٹائرڈ قمر جاوید باجوہ کے زیرِ علاج ہونے کی تصدیق کی تھی۔

17/08/2026

کوئٹہ: بھائی کی فائرنگ سے بھائی جاں بحق، بھتیجا اور بھانجہ زخمی

17/08/2026

اسرائیل کی جانب سے ٹرمپ کے غزہ جامع منصوبے کے روڈ میپ کو مسترد کرنا منصوبے پر عملدرآمد سے واضح انکار ہے: 8 اسلامی ممالک کا مشترکہ بیان

17/08/2026

مشکل وقت میں جن لوگوں نے سہارا دیا، دل کی گہرائیوں سے ان سب کا شکریہ۔
حکومتِ چین، شینڈونگ یونیورسٹی، پاکستان ایمبیسی بیجنگ، حکومتِ بلوچستان، پاک چین کونسل، اور خاندانی بزرگوں کا خصوصی شکریہ جنہوں نے ڈاکٹر احمد جان کاکڑ کی جان بچانے میں کردار ادا کیا۔
ابھی احمد جان کا علاج شفا انٹرنیشنل اسلام آباد میں جاری ہے۔ آپ سب سے دعاؤں کی درخواست ہے۔
اللہ سب کو اس کا اجر دے۔ آمین

17/08/2026

بلوچستان میں نادرا کے نظام کی فوری اصلاح اور خصوصی نگرانی
نادرا کا زونل بورڈ نظام تباہ ہے اور خصوصی بلوچستان میں

بلوچستان میں نادرا کا نظام طویل تاخیر، محدود ٹوکن، غیر ضروری بورڈ ریفرلز، بغیر نوٹس شناختی کارڈ بلاک کرنے اور پاک آئی ڈی موبائل ایپ کے کیسز میں غیر ضروری ویری فکیشن کی شکایات کے باعث فوری اصلاحات کا متقاضی ہے۔ بلوچستان کے عوام ان مسائل کی وجہ سے شدید مشکلات کا شکار ہیں۔ لہٰذا نادرا ہیڈکوارٹر اسلام آباد کی نگرانی میں بلوچستان کے لیے خصوصی اصلاحاتی و مانیٹرنگ بورڈ فوری طور پر تشکیل دیا جائے۔
1۔
بلوچستان میں زونل یا ریجنل بورڈ میں بھیجے گئے کیسز میں 6 سے 7 ماہ کا طویل وقت نہ دیا جائے۔ ایک ماہ کے اندر اپوائنٹمنٹ، پیشی اور ضروری کارروائی مکمل کرکے کیس کا فیصلہ کیا جائے۔ پرانے زیرِ التواء کیسز اور غیر ضروری ریفرلز کی خصوصی نگرانی کی جائے اور غیر معمولی تاخیر پر متعلقہ افسر سے جواب طلب کیا جائے۔
2۔
نادرا مراکز پر ٹوکن کی غیر ضروری حد مقرر کرنے یا کام سست کرنے کی مؤثر نگرانی کی جائے۔ خصوصاً دیہی اور دور دراز علاقوں میں عوام کی ضرورت کے مطابق ٹوکن بڑھائے جائیں اور جہاں ممکن ہو کم از کم 300 ٹوکن روزانہ جاری کیے جائیں۔
3۔
نادرا افسران کو سختی سے پابند کیا جائے کہ قوم، زبان، علاقے یا قبیلے کی بنیاد پر کسی شہری کے ساتھ امتیازی کارروائی نہ ہو۔ پرانے شناختی کارڈ یا دستاویزات بلاوجہ طلب کرنے کے بجائے پہلے نادرا کے V1، V2 اور V3 ریکارڈ سے تصدیق کی جائے اور ضرورت پڑنے پر شہری و خاندان کے متعلقہ افراد سے انٹرویو لے کر ریکارڈ کی تصدیق کی جائے۔

بلوچستان میں پاک آئی ڈی موبائل ایپ کے ذریعے شناختی کارڈ کے لیے اپلائی کرنے والے شہریوں کی شکایات کا بھی فوری نوٹس لیا جائے۔ کیسز کو بلاوجہ ویری فکیشن میں نہ ڈالا جائے۔ اگر کسی دستاویز یا ثبوت کی ضرورت ہو تو ایپ پر مطلوبہ دستاویز واضح کرکے دوبارہ اپلوڈ کرنے کا آپشن اور مناسب اضافی وقت دیا جائے۔
4۔
کسی شہری کا شناختی کارڈ بغیر پیشگی نوٹس بلاک نہ کیا جائے، کیونکہ اس سے بینک اکاؤنٹ، ATM، موبائل سم، کاروبار، ٹیکس اور دیگر ضروری معاملات متاثر ہوتے ہیں۔ پہلے تحریری نوٹس دے کر وضاحت اور پیشی کا موقع دیا جائے۔ نوٹس کے باوجود شہری پیش نہ ہو تو قانون کے مطابق کارروائی کی جائے، جبکہ بلاک شدہ کیس کا ایک ماہ کے اندر جائزہ لے کر فیصلہ لازمی کیا جائے۔
5۔
ہر نادرا سنٹر پر تمام سروسز، فیس، مطلوبہ دستاویزات، شرائط اور مکمل طریقۂ کار واضح معلوماتی بورڈ پر درج کیے جائیں۔ اگر کسی کیس کے لیے اضافی دستاویز یا تصدیق ضروری ہو تو شہری کو اس کی واضح وجہ اور مقررہ طریقۂ کار بتایا جائے۔ نادرا عملہ مقررہ قواعد کا پابند ہو اور شہری سے غیر ضروری یا اضافی دستاویز طلب نہ کی جائے۔
6۔
نادرا ہیڈکوارٹر اسلام آباد بلوچستان میں فوری اصلاحاتی و مانیٹرنگ بورڈ قائم کرکے تمام نادرا مراکز اور بورڈ کیسز کی مؤثر نگرانی کرے، غیر ضروری تاخیر، ریفرلز اور بغیر نوٹس شناختی کارڈ بلاک کرنے کا خاتمہ کرے اور بلوچستان کے شہریوں کو بروقت، شفاف، یکساں اور باعزت سہولیات فراہم کی جائی