07/02/2026
کوئٹہ
شاہوانی ابڑو ساتکزئی قبائل کے کچھی تنازعہ کے حوالہ سے تمام فریقین کو اعتماد میں لیا گیاہے جرگہ سے قبل از وقت بیان جاری کرنا تعجب خیز بات ہے ترجمان قلات ہاؤس
شاہوانی ابڑو ساتکزئی قبائل کے مابین دیرینہ کچھی تنازعہ کے حل کے حوالہ سے تینوں قبائل کے فریقین کو پہلے بھی اعتماد میں لیا گیا تھا اور اب بھی تمام فریقین سے رابطے میں ہیں
قلات ہاؤس کے ترجمان نے وضاحتی بیان جاری کرتے ہوئے کہاکہ شاہوانی ابڑو ساتکزئی جرگہ کےحوالہ سے چار روز قبل تمام قبائل کے سربراہان سمیت ثالثین کو مطلع کیا گیا تھاجبکہ کل پرنس آغاعمرجان احمدزئی نے نوابزادہ شادین شاہوانی سےٹیلی فونگ رابطہ میں واضح طور پر کہا کہ سردار اسداللہ خان شاہوانی ثالثین سمیت جرگہ میں شریک ہو کر موقف پیش کریں
ترجمان قلات ہاؤس نے مزید کہا کہ فریقین نے سردار کمال خان بنگلزئی ،سردارزادہ جاوید عزیز لہڑی میر کبیر احمد محمدشہی پر اعتماد کا اظہار کرتے ہوئے جرگہ ممبران انتخاب کیا گیا تھا
انھوں نے کہا کہ قبل از وقت بیان جاری کرنا تعجب خیز عمل ہے
انھوں نے کہا کہ اس حوالہ سے ماضی میں متعدد بار نشست ہوئی ہے سب فریقین کو سنا جارہاہے 10فروری کا جرگہ میں بھی تمام فریقین کو دعوت دی گئی ہے اگر کوئی فریق جرگہ میں شرکت نہ کریں تو یہ اس فریق کا ذاتی رائے تصور کیا جائے گا
انھوں نے کہا کہ قلات ہاؤس کے دروازے ہر کسی کے لیئے کھلے ہیں 10 فروری کا جرگہ اپنے دیے گئے وقت پر منقد کیا جائے گا
