27/09/2026
نوڈیرو (رپورٹ:عابد بھٹو) شہر کی معزز شخصیت مرحوم محمد پناہ سومرو کی روح کو ایصالِ ثواب پہنچانے کے لیے ان کے فرزند ایڈووکیٹ عبدالفتاح سومرو اور دیگر صاحبزادوں کی جانب سے ان کی رہائش گاہ پر نعت خوانی کی روح پرور محفل کا اہتمام کیا گیا۔
اس موقع پر شھریوں کی سہولت کے لیے ایم پی ایس (MPS) ٹیوشن سینٹر کا بھی افتتاح کیا گیا، جس میں کمپیوٹر کی تعلیم اور سی ایس ایس کی تیاری سمیت دیگر جدید تعلیم دی جائے گی۔
تقریب کا آغاز تلاوتِ قرآن پاک سے کیا گیا، جس کے بعد نامور نعت خوانوں نے حضور اکرم صلی اللہ علیہ وآلہ وسلم کی شان میں نعتیں اور سلام پیش کر کے آئے ہوئے مہمانوں کے دلوں کو منور کیا۔ تقریب میں نئے قائم ہونے والے سینٹر کے اساتذہ جلیل جروار، منصور مصطفیٰ کھڑو، رفیق قاضی سمیت شہر کی معزز شخصیات ریٹائرڈ استاد عبدالرحمن سپڑو، عبدالرحمن سوائی، انجینئر اختیار جونیجو، ایکس مین سروس سوسائٹی کے رہنماؤں ضلع لاڑکانہ کے جنرل سیکرٹری انعام صادق بھٹو، کیپٹن عبدالرزاق، منور علی کوریجو، جاوید احمد، لیاقت کھوکھر، نثار جروار، نصیر ابڑو سمیت شہریوں نے بڑی تعداد میں شرکت کی۔
اس موقع پر خطاب کرتے ہوئے ایڈووکیٹ عبدالفتاح سومرو نے خطاب کرتے کہا کہ شہریوں کی سہولت کے لیے یہ ٹیوشن سینٹر قائم کیا گیا ہے تاکہ یہاں کے ذہین نوجوان، طلبہ و طالبات سی ایس ایس سمیت دیگر مقابلہ جاتی امتحانات کی تیاری کر کے اچھے نمبر حاصل کریں اور اعلیٰ عہدوں پر فائز ہو کر ملکِ پاکستان اور نوڈیرو کا نام روشن کر سکیں۔
انہوں نے کہا کہ اس سینٹر میں ذہین اور تجربہ کار اساتذہ کی نگرانی میں تعلیم دی جائے گی، نوجوان اس سینٹر سے بھرپور فائدہ حاصل کریں۔ انہوں نے شہریوں سے مخاطب ہوتے کرتے ہوئے کہا کہ انشاء اللہ اس سینٹر میں جدید تعلیمی نظام متعارف کرایا جائے گا۔
آخر میں آئے ہوئے مہمانوں میں خیرات کا لنگر بھی تقسیم کیا گیا۔
