07/10/2026
7 اکتوبر 2026
ملک نصیر احمد شاہوانی اور عتیق الرحمن شاہوانی کی کوششوں سے عمر فاروق روڈ کیچی بیگ کا 15 روز سے خراب ٹرانسفارمر مرمت کے لیے منتقل
کوئٹہ (نماہندہ خصوصی): سریاب ٹاؤن کے علاقے عمر فاروق روڈ، کیچی بیگ میں گزشتہ 15 روز سے خراب اور بجلی کی معطلی کا سبب بننے والے ٹرانسفارمر کو بلاآخر کیسکو حکام نے اتار کر مرمت کے لیے منتقل کر دیا۔ ٹرانسفارمر کی منتقلی اور دیرینہ مسلہ کا حل بلوچستان نیشنل پارٹی کے مرکزی ڈپٹی سیکرٹری جنرل ملک نصیر احمد شاہوانی اور عتیق الرحمن شاہوانی کی کوششوں اور کیسکو کے اعلیٰ افسران سے مسلسل رابطوں کے نتیجے میں ہوا۔
تفصیلات کے مطابق، عمر فاروق روڈ کیچی بیگ میں پچھلے دو ہفتوں سے ٹرانسفارمر خراب ہونے کی وجہ سے اہل علاقہ شدید مشکلات اور اندھیرے میں زندگی گزارنے پر مجبور تھے، جس سے روزمرہ کے معمولاتِ زندگی اور کاروباری سرگرمیاں بری طرح مفلوج ہو کر رہ گئی تھیں۔ اس سنگین صورتحال کا نوٹس لیتے ہوئے بی این پی کے مرکزی رہنما ملک نصیر احمد شاہوانی اور شہید حسیب جان یونٹ کے ممبر بلدیاتی الیکشن میں بی این پی کے ٹکٹ ہولڈر عتیق الرحمن شاہوانی نے ذاتی طور پر کیسکو حکام سے ملاقاتیں کیں اور انہیں عوامی پریشانی سے آگاہ کیا اور اس موقع پر ملک نصیر احمد شاہوانی نے کیسکو سب ڈویژن سریاب کے حکام کی شدید غیر ذمہ داری، سست روی اور عوامی مسائل سے مجرمانہ عدم توجہ پر گہری برہمی اور سخت ناراضگی کا اظہار کیا انہوں نے واضح کیا ہے کہ محکمے کی اس روش کے باعث عوام کو شدید ترین مشکلات کا سامنا کرنا پڑ رہا ہے جسے کسی صورت برداشت نہیں کیا جائے گا ان رہنماؤں کی مسلسل پیروی اور دباؤ کے بعد، کیسکو کی ٹیم کرین اور خصوصی گاڑی کے ساتھ موقع پر پہنچی، جوکہ خراب ٹرانسفارمر کو اتارا اور اسے فوری مرمت کے لیے ورکشاپ منتقل کر دیا۔ کیسکو حکام نے یقین دہانی کرائی ہے کہ ٹرانسفارمر کو جلد از جلد ٹھیک کر کے دوبارہ نصب کر دیا جائے گا۔
خراب ٹرانسفارمر کی منتقلی پر عمر فاروق روڈ کیچی بیگ کے رہائشیوں نے ملک نصیر احمد شاہوانی اور عتیق الرحمن شاہوانی کی ان مخلصانہ کوششوں اور عوامی درد رکھنے کے جذبے کو زبردست الفاظ میں خراجِ تحسین پیش کیا اور ان کا شکریہ ادا کیا۔
