31/08/2026
*پشتون قومی جرگہ دوسرے دن بھی کامیابی سے جاری*
_پشتونخوامیپ کے چیئرمین محمود خان اچکزئی کی قیادت میں ہزاروں معززین کی شرکت_
*کوئٹہ، 31 اگست 2026* - پشتونخوامیپ کے چیئرمین محترم مشر محمود خان اچکزئی کی جانب سے بلائے گئے "پشتون قومی جرگہ" آج دوسرے روز بھی کامیابی کے ساتھ جاری ہے۔ جرگے کی صدارت پشتونخوا ملی عوامی پارٹی کے مرکزی سیکرٹری نواب ایاز خان جوگیزئی کر رہے ہیں۔
جرگہ 30 اگست سے 1 ستمبر تک جاری رہے گا۔ ملک بھر سے آئے ہوئے پشتون معززین اور معتبرین کی میزبانی کے لیے ہر ضلع نے الگ الگ استقبالیہ کیمپ قائم کیے ہیں۔
پشتونخوامیپ سبی نے بھی اپنے معززین کے استقبال کے لیے خصوصی کیمپ لگایا ہے جہاں آنے والے مہمانوں کا پرتپاک خیرمقدم کیا جا رہا ہے۔
جرگہ انتظامیہ کی جانب سے دور دراز سے تشریف لانے والے تمام مہمانوں کے لیے ٹرانسپورٹ، رہائش، صبح کا بہترین ناشتہ اور پشتونوں کی تاریخی روایات کے مطابق مہمان نوازی کے تحت عمدہ کھانوں کا انتظام کیا گیا ہے۔
پشتونخوامیپ سبی کے ترجمان نے کہا: "ہم جرگے میں شریک تمام معززین کو دل کی گہرائیوں سے خوش آمدید کہتے ہیں۔ ان کی آمد کو ہم نیک شگون قرار دیتے ہیں۔ ہم واضح طور پر باور کراتے ہیں کہ ہم تمام پشتونوں اور مظلوم اقوام کے حقوق کے لیے اپنی آواز بلند کرتے رہیں گے۔"
