03/06/2026
پیٹرول بحران کی خبروں پر ڈپٹی کمشنر کوئٹہ ؟ سخت نوٹس، ہنگامی اجلاس طلب کا*پیٹرول بحران کی خبروں پر ڈپٹی کمشنر کوئٹہ کا سخت نوٹس، ہنگامی اجلاس طلب۔*
*کوئٹہ(بلوچستان ٹی وی )ڈپٹی کمشنر کوئٹہ مہراللہ بادینی نے شہر میں پیٹرول کی ممکنہ قلت اور سپلائی سے متعلق گردش کرنے والی خبروں کا سختی سے نوٹس لیتے ہوئے ہنگامی اجلاس طلب کر لیا اجلاس میں آئل مارکیٹنگ کمپنیوں کے نمائندوں، ضلعی انتظامیہ کے افسران اور متعلقہ حکام نے شرکت کی، جہاں شہر میں پیٹرول کی دستیابی اور سپلائی کی صورتحال کا تفصیلی جائزہ لیا گیاںاجلاس کے دوران ڈپٹی کمشنر کو بریفنگ دیتے ہوئے بتایا گیا کہ کوئٹہ شہر کے تمام رجسٹرڈ پیٹرول پمپس کو معمول کے مطابق سپلائی جاری ہے اور شہریوں کو پیٹرول کی فراہمی میں کسی قسم کی رکاوٹ نہیں ہے۔ ڈپٹی کمشنر مہراللہ بادینی نے واضح ہدایت جاری کی کہ کسی بھی رجسٹرڈ پیٹرول پمپ کی غیر ضروری بندش ہرگز برداشت نہیں کی جائے گی، جبکہ خلاف ورزی کرنے والوں کے خلاف سخت قانونی کارروائی عمل میں لائی جائے گی انہوں نے مصنوعی بحران پیدا کرنے، ذخیرہ اندوزی اور ناجائز منافع خوری کے خلاف زیرو ٹالرنس پالیسی کا اعادہ کرتے ہوئے کہا کہ ضلعی انتظامیہ صورتحال پر کڑی نظر رکھے ہوئے ہے اور عوام کو کسی بھی قسم کی دشواری کا سامنا نہیں ہونے دیا جائے گا شہریوں کی سہولت اور شکایات کے فوری ازالے کے لیے ضلعی انتظامیہ کی جانب سے ایمرجنسی کنٹرول روم بھی قائم کر دیا گیا ہے، جبکہ شکایات درج کرانے کے لیے فون نمبر 9202268 جاری کر دیا گیا ہے ڈپٹی کمشنر نے بتایا کہ ہر پیٹرول پمپ کو پانچ ہزار لیٹر تک سپلائی فراہم کی جا رہی ہے اور اس عمل کی مسلسل نگرانی کی جا رہی ہے۔ انہوں نے تمام اسسٹنٹ کمشنرز کو فیلڈ میں موجود رہنے، پیٹرول پمپس کی مانیٹرنگ یقینی بنانے اور صورتحال پر مکمل نظر رکھنے کی ہدایت بھی جاری کر دی ہے ضلعی انتظامیہ کے مطابق شہر میں پیٹرول کی فراہمی معمول کے مطابق جاری ہے اور عوام افواہوں پر کان نہ دھریں۔*