22/08/2026
کوئٹہ ویمن فٹسال لیگ سیزن 2 کا رنگا رنگ اختتام
ہزارہ کوئٹہ فٹبال اکیڈمی نے ایس بی کے ویمن یونیورسٹی کو 11-1 سے شکست دے کر چیمپئن کا ٹائٹل اپنے نام کر لیا
کوئٹہ – کوئٹہ ویمن فٹسال لیگ سیزن 2 کا فائنل میچ بڑیچ واریئرز فٹبال کلب کے زیر اہتمام ایس بی کے وویمن یونیورسٹی فٹسال گراؤنڈ میں کھیلا گیا۔ فائنل میں ہزارہ کوئٹہ فٹبال اکیڈمی اور ایس بی کے ویمن یونیورسٹی کی ٹیمیں مدمقابل آئیں۔
ہزارہ کوئٹہ فٹبال اکیڈمی نے شاندار کھیل کا مظاہرہ کرتے ہوئے ایس بی کے ویمن یونیورسٹی کو 11-1 کے بڑے مارجن سے شکست دے کر ایونٹ کا ٹائٹل اپنے نام کر لیا۔ فاتح ٹیم کی جانب سے پورے میچ میں جارحانہ کھیل پیش کیا گیا۔
تقریب کی مہمانِ خصوصی ڈاکٹر روبینہ مشتاق، وائس چانسلر ایس بی کے ویمن یونیورسٹی تھیں۔ ان کے ہمراہ انٹرنیشنل باکسر افضل خان کاکڑ، محترمہ اختر صدر بلوچستان سٹوڈنٹس اولمپک ایسوسی ایشن، محترمہ شائستہ لغاری،انٹرنیشنل کوچ آصف مراد شاہ، محترمہ صدف فیض اللہ، محترمہ فاطمہ خان، محترمہ اسماء شاہ اور دیگر معززین نے شرکت کی۔
میچ کے اختتام پر مہمانِ خصوصی نے فاتح ٹیم ہزارہ کوئٹہ فٹبال اکیڈمی کو چیمپئن ٹرافی پیش کی۔ جبکہ مہمانانِ اعزاز نے دونوں ٹیموں کے کھلاڑیوں میں میڈلز اور سرٹیفکیٹس تقسیم کیے۔
ایونٹ کے حوالے سے وائس چانسلر ڈاکٹر روبینہ مشتاق نے کہا کہ خواتین کا کھیلوں میں بڑھتا ہوا رجحان بلوچستان کے لیے فخر کی بات ہے۔ ایسی لیگز سے ہماری بیٹیوں کو اپنی صلاحیتوں کو منوانے کا موقع ملتا ہے۔ یونیورسٹی خواتین کے کھیلوں کو فروغ دینے کے لیے ہر ممکن تعاون فراہم کرے گی۔
انٹرنیشنل باکسر افضل خان کاکڑ نے کہا کہ بلوچستان کی بیٹیاں کسی سے کم نہیں۔ انہوں نے ثابت کر دیا کہ اگر موقع دیا جائے تو وہ قومی اور بین الاقوامی سطح پر ملک کا نام روشن کر سکتی ہیں۔ کھیل ہی وہ پلیٹ فارم ہے جو نوجوانوں کو مثبت راستہ دکھاتا ہے۔
محترمہ شائستہ لغاری نے کہا کہ بلوچستان میں خواتین کے فٹسال کا مستقبل بہت روشن ہے۔ ہمیں مزید گراؤنڈز، کوچنگ اور سپورٹ کی ضرورت ہے تاکہ دور دراز علاقوں کا ٹیلنٹ بھی سامنے آ سکے۔
محترمہ اختر نے کہا کہ میں منتظمین اور تمام ٹیموں کو مبارکباد دیتی ہوں۔ کھیل سے ہی ہماری نوجوان نسل میں نظم و ضبط، ٹیم ورک اور اعتماد پیدا ہوتا ہے۔ ایسی سرگرمیاں نوجوانوں کو صحت مند سرگرمیوں کی طرف راغب کرتی ہیں۔
تقریب کے آخر میں منتظمین نے تمام مہمانوں اور حصہ لینے والی ٹیموں کا شکریہ ادا کیا اور کہا کہ یہ اقدام خواتین فٹسال کے فروغ اور کھلاڑیوں کی حوصلہ افزائی کے لیے ایک خوبصورت کاوش ہے۔ ⚽🏆
Sponsors: BeeBerry, Shah Institute, Balochistan Students Olympic Association, AB News & Studio, Razite Pvt LTD and SBK University
