Pashto Journal

Pashto Journal Contact information, map and directions, contact form, opening hours, services, ratings, photos, videos and announcements from Pashto Journal, Media/News Company, Room no 2 jinnh palza jinnh Road Quetta, Quetta.

05/11/2025

د خیبر جرګه کامیابه وه خو « هوم ورک» ورته نه وو شوی
له عوامي نیشنل ګوند نه زه او زما ملګري په دې ویستل چې مونږ د افغانستان خبره کوله .

نامتو سیاستوال افراسیاب خټک ځانګړې مرکه

د پاکستان د لومړي وزیر مرستیال او د بهرنیو چارو وزیر، اسحاق ډار د پاکستان سنا ته په وینا کې ویلي، چې کابل کې یې د ط.الب....
05/11/2025

د پاکستان د لومړي وزیر مرستیال او د بهرنیو چارو وزیر، اسحاق ډار د پاکستان سنا ته په وینا کې ویلي، چې کابل کې یې د ط.الب.انو په حاکمیت سره ډېر نرم چلند وکړ.

اسحاق ډار ویلي، کابل کې ورته د پاکستان د آی ایس آی د پخواني مشر، فیض حمید چایو پیاله پورته کول په ډېره ګرانه بیه تمام شوي دي.

هغه ویلي، ط.البا.نو سره پاکستان دومره نرم چلند وکړ، لکه یوازې کابل ته چې له اسلام آباده د چای څکلو لپاره ورځي.

په ۲۰۲۱ کې د ط.الب.انو له واک ته رسېدو سره د پاکستان د استخباراتي ادارې پخوانی مشر، فیض حمید کابل ته ورسېد او په سرینا هوټل کې یې ط.الب.انو سره یو ځای د چایو پیالې پورته کړې.

دا هغه انځور او شېبه وه، چې د ط.ال.بانو په واک ته رسولو او د جمهوري نظام په سقوط کولو کې یې د پاکستان د پراخې ونډې څرګندونه کوله او د میلیونو افغانانو د ځور لامل شوه.

افغان سیاستوال او فعالان اوس هم په کابل کې د فیض حمید د چایو پيالې پورته کول په افغاني تاریخ کې د پېغور په توګه یادوي او وايي د دغې ورځې مسوول طالبان دي.

ورته مهال اسحاق ډار سنا ته په وینا کې اضافه کړې، چې د ط.الب.انو په واک ته رسېدو سره شاوخوا ۴۰ زره وسله وال فعال شوي او دا هغه تېروتنې وې، چې پاکستان باید پرې غور وکړي.

ط..البانو د پاکستان د لومړي وزیر مرستیال څرګندونو ته غبرګون نه دی ښودلای، خو تر دې وړاندې یې د پاکستان ناامنۍ د دغه هېواد داخلي موضوع بللې او له افغان خاورې یې د امنیت ډاډ ورکړی دی.

د پاکستان د دولتي هوايي شرکت «PIA» کورنۍ او نړۍوالې الوتنې د انجنیرانو د اعتصاب له امله ځنډېدلې دي.د راپورونو له مخې، د ...
04/11/2025

د پاکستان د دولتي هوايي شرکت «PIA» کورنۍ او نړۍوالې الوتنې د انجنیرانو د اعتصاب له امله ځنډېدلې دي.

د راپورونو له مخې، د دوشنبې له ماښام وروسته ټول پروازونه درېدلي او شاوخوا ۱۲ نړۍوالې الوتنې لغوه شوې دي. د الوتکو د انجنیرانو ټولنې ویلي، دوی به تر هغه وخته کار ته بېرته ستانه نه شي څو د د پاکستان د دغه دولتي هوايي شرکت د عمومي رییس چلند بدل نه شي.

د دوی په خبره، له انجنیرانو غوښتنه کېده چې د خوندیتوب اصولو خلاف الوتنې تایید کړي، خو هغوی دا کار د مسافرو د ژوند له خطر سره تړلی بللی.

04/11/2025

افغان کډوال: د ورور د واده لپاره مې په مزدوري روپۍ راغونډې کړې وې د کراچۍ پولیسو ټولې رانه واخیستې.

پاکستاني رسنیو دا خبره د پاکستان د پوځ د ویاند جنرال احمد شریف چوهدري په حواله کړې ده.چوهدري د دوشنبې په ورځ په یوه ناست...
04/11/2025

پاکستاني رسنیو دا خبره د پاکستان د پوځ د ویاند جنرال احمد شریف چوهدري په حواله کړې ده.

چوهدري د دوشنبې په ورځ په یوه ناسته کې خبریالانو ته ویلي: اسلام اباد له واشنګتن سره داسې کومه هوکړه نه لري چې په اساس یې پر افغانستان برید ته اجازه ورکړي.

د پاکستان د پوځ ویاند دا خبره داسې وخت کړې چې د راپورونو له مخې د افغان واکمن حکومت چارواکو له هغې ډلې د دوی د حکومت جګپوړي ویاند ذ.بیـ.ح الله مـ.جاه.د ویلي امریکايي ډرونونه د پاکستان له لارې افغان خاورې ته دننه کېږي.

د افغانستان او پاکستان تر منځ تېره میاشت خونړۍ نښتې وشوې خو بیا د قطر او ترکیې په منځګړیتوب دواړو خواو اوربند ته غاړه کېښوده.

تمه ده د نومبر په شپږمه د اوربند د دوام او اړوندو چارو په اړه یو وار بیا افغان او پاکستاني چارواکي او د نورو هېوادونو منځګړي مرکچیان سره جرګه شي.

د افغانستان د ټرانسپورټ او هوايي چلند وزارت د هوا پېژندنې ادارې نن د افغانستان په لسو ولایتونو کې د تېزو بادونو، باران ا...
04/11/2025

د افغانستان د ټرانسپورټ او هوايي چلند وزارت د هوا پېژندنې ادارې نن د افغانستان په لسو ولایتونو کې د تېزو بادونو، باران او سېلابونو راوتلو اټکل کړی دی.

په دغو ولایتونو کې بدخشان، تخار، نورستان، کونړ، ننگرهار، کندز، بغلان، سمنگان، بامیان او پروان شامل دي. د هوا پېژندنې ادارې په یادو ولایتونو کې د ورښتونو کچه له ١٠ تر ٣٥ ملي مترو ښودلې.

په ورته وخت کې، له طبیعي پیښو سره د مبارزې ملي ادارې په یوه اعلامیه کې د دې ولایتونو له اوسیدونکو غوښتي دي چې د سیندونو غاړو ته له نږدې کېدو ډډه وکړي.

د پاکستان لومړي وزیر شهباز شریف د افغانستان د شمال مزارشریف زلزله ځپلیو ته په خپل یو پیغام خواشینی او خواخوږي څرګنده کړې...
03/11/2025

د پاکستان لومړي وزیر شهباز شریف د افغانستان د شمال مزارشریف زلزله ځپلیو ته په خپل یو پیغام خواشینی او خواخوږي څرګنده کړې ده
هغه ویلي: "زه د افغانستان په شمالي کې د زلزلې له کبله د خپل ګاونډ افغانانو د ژوند له لاسه ورکولو څخه پوره خواشیني یم؛ د قربانیانو له کورنیو سره خپله خواخوږي څرګندوم او ټپیانو ته د ژر رغېدو دعا کوم. پاکستان په دې سخت وخت کې له خپلو افغان وروڼو او خویندو سره ولاړ دی."

د افغان کډوالو د خپل هېواد افغانستان ته د ستنېدو لړۍ په چټکۍ سره روانه ده.چارواکي وايي، د تورخم د دروازې له پرانیستلو ور...
03/11/2025

د افغان کډوالو د خپل هېواد افغانستان ته د ستنېدو لړۍ په چټکۍ سره روانه ده.
چارواکي وايي، د تورخم د دروازې له پرانیستلو وروسته، یوازې د یکشنبې په ورځ شاوخوا ۵ زره او ۲۲۰ افغان وګړي بېرته خپل هېواد ته تللي دي.

د ورکړل شوو معلوماتو له مخې، له دې جملې ۴۰۱ کسان د قانوني لارو ستانه شوي، خو ۲ زره او ۳۱۴ کسان یې داسې دي چې هېڅ ډول اسناد نه لري.
تر اوسه پورې نږدې ۸ لکه او ۲۸ زره افغان کډوال بېرته افغانستان ته استول شوي دي.

چارواکي زیاتوي چې د نورو صوبو څخه هم د کډوالو د ستنېدو بهیر دوام لري.
د یکشنبې په ورځ له اسلام‌اباده ۱۹ کسان او له پنجاب څخه ۴۵۰ افغان کډوال د تورخم له لارې افغانستان ته تللي، چې له بېلابېلو سیمو څخه د ستنېدونکو مجموعي شمېر ۲۵ زره او ۳۹۲ کسانو ته رسېدلی دی.

د خیبر پښتونخوا د ترانزېټ له مرکزونو څخه هم ۱۹ افغان وګړي له هېواده شړل شوي، او د پېښور، لنډي کوتل او کوهاټ له زندانونو څخه ۷ زره او ۲۶۱ بنديان بېرته افغانستان ته استول شوي دي.

د تازه شمېرنو له مخې، د ملک‌بدري د بهیر له پیل راپه‌دېخوا تر اوسه پورې له ۵۴ زرو څخه ډېر قانوني او له ۶ لکه او ۲۸ زرو ډېر بې‌اسناده افغان کډوال خپل وطن ته ستانه شوي دي.

03/11/2025

په بلوچستان کې د زيږدون په مهال په یو لک میندو کې دوه سوه میندې مړې کیږي علتونه څه دي په دې هکله مو د بلوچستان نامتو د ښځو رنځپوه ډاکټر عائشه صدیقه سره ځانګړې مرکه کړې.
مرکه وګورئ او له خپلو سره شريکه کړئ ولې چې ډاکټر عائشه صدیقه په هغو علتونو خبرې کړې کوم چې زمونږ په ټولنه کې شتون لري

تېره شپه شاوخوا یوه بجه د افغانستان په شمالي ولایت سمنګان په نخچیر سیمه کې د رامنځته شوې زلزلې له کبله د لومړنیو معلومات...
03/11/2025

تېره شپه شاوخوا یوه بجه د افغانستان په شمالي ولایت سمنګان په نخچیر سیمه کې د رامنځته شوې زلزلې له کبله د لومړنیو معلوماتو له مخې؛ ۲۶۰ کسان ټپیان او له لسو ډېر مړی روغتونو ته وړل شوي دي.

د افغانستان دعامې روغتیا وزارت ویاند ډاکټر شرافت زمان زیاته کړې؛ البته په سیمه کې اوس هم د ژغورنې ډلې کار کوي، چې ارقام د بدلېدو په حال کې دي.

سیمې ته روغتیایي ډلې رسېدلي او د رهبرۍ له لوري ټولو نږدې روغتونو ته د اماده ګۍ امر شوی.

د ډان ورځپاڼې راپور لمخې، د تح.ریک ‹ط› پاکستان د یکشنبې په ورځ موافقه وکړه چې د ځایی مشرانو سره لفظي تفاهم ته رسیدو وروس...
03/11/2025

د ډان ورځپاڼې راپور لمخې، د تح.ریک ‹ط› پاکستان د یکشنبې په ورځ موافقه وکړه چې د ځایی مشرانو سره لفظي تفاهم ته رسیدو وروسته په تیره کې د بار قمبرخیل سیمه پریږدي.

د معتبرو سرچینو څخه د راټولو شویو معلوماتو له مخې، د بار قمبرخیل مشرانو یوې ډلې د یکشنبې په ورځ د «ټـ،ي ټـ،ي پـ،ي» سیمه ایزو قوماندانانو سره وکتل او دوی ته یې د اګست په څلورمه د دوی لیکلي تړون یادونه وکړه چې په هغه کې دوی مشرانو ته ډاډ ورکړی و چې د دوی کورونه به په امنیتي ځواکونو باندې د هیڅ ډول برید لپاره نه کارول کیږي.

سرچينې زياته کړې، چې د بار قمبرخيل مشرانو د «ټـ،ي ټـ،ي پـ،ي» قوماندانانو ته وويل، چې ځايي خلک د ځواکونو او تر.هګرو تر منځ د جګړې له امله زيانمن شوي دي، ځکه چې يو شمېر وسله والې ډلې لا هم په شخصي کورونو کې پټې دي او د سيمې اوسېدونکي يې د خپلو کورونو د خالي کولو لپاره مجبوروي.

شاهد اپریدی وايي:زموږ غېرتي قبایل پښتانه د سولې او ثبات لپاره د پاکستان پوځ سره شانه بشانه (اوږه په اوږه) ولاړ دي.
03/11/2025

شاهد اپریدی وايي:
زموږ غېرتي قبایل پښتانه د سولې او ثبات لپاره د پاکستان پوځ سره شانه بشانه (اوږه په اوږه) ولاړ دي.

Address

Room No 2 Jinnh Palza Jinnh Road Quetta
Quetta
87300

Telephone

+923468175115

Website

Alerts

Be the first to know and let us send you an email when Pashto Journal posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Pashto Journal:

Shortcuts

Share

Category