30/11/2025
د پاکستان مرستیال صدراعظم او د بهرنیو چارو وزیر اسحاق ډار د افغانستان له خاورې څخه په پاکستان کې د بریدونو په اړه د خبرو پر مهال ویلي دي چې «هغه وخت لرې نه دی چې مسلمانان او غیر مسلمانان به د تر.هګرۍ د له منځه وړلو لپاره سره راټول شي.»
هغه د شنبې په ورځ په اسلام آباد کې د یوې خبري غونډې پر مهال وویل چې «هغه څه چې له چین سره شوي، هغه څه چې په امریکا کې شوي دي. هغه وخت لرې نه دی چې مسلمانان او غیر مسلمانان به د ترهګرۍ د له منځه وړلو لپاره سره راټول شي. دا غوره نه ده چې موږ په ګډه خپله سیمه له تر.هګرۍ څخه پاکه کړو.»
اسحااق ډار وویل، چې «ما د افغانستان مشرتابه ته ویلي وو چې که تاسو ستونزه حل نه کړئ، نو دا به ستاسو لپاره هم ستونزه شي او هغه وخت لرې نه دی. دوی باید اوس خپله پالیسي بدله کړي.»
اسحاق ډار وویل چې «ما په صادقانه ارادې سره افغانستان ته درې سفرونه کړي او هڅه یې کړې چې اړیکې ښې کړو ځکه چې افغانستان زموږ ګاونډی او یو مسلمان هیواد دی. خو کله چې زموږ د ش.هیدانو جنازې ترسره کیږي، نو موږ څنګه اوس خپلې سترګې پټولی شو؟»
د پاکستان د بهرنیو چارو وزیر وویل، «دا د دوی دا وهم دی چې شیان نشي سمیدلی. موږ پوځي اقدام کولی شو، خو دا هم سمه نه ده چې د ورور کور ته لاړ شو او ننوځو او دا عناصر ووژنو او له منځه یوسو. د هغوی لرې کول کومه ستونزه نه ده. که موږ هند ته درس ورکولی شو، نو دا کومه ستونزه نه ده.»
