11/08/2025
#*🔴ترکیہ میں شدید زلزلہ، شدت 6.1 ریکارڈ، 10 عمارتیں گر گئیں*ترکیہ میں 6.1 شدت کا زلزلہ آیا ہے، جس کے نتیجے میں 10 سے زائد عمارتیں زمین بوس ہو گئیں۔ ترک میڈیا کے مطابق زلزلے کے بعد 4.6 اور 4.1 سدش کے آفٹر شاکس بھی محسوس کیے گئے۔اس حوالے سے استنبول میں بتایا گیا ہے کہ جرمن ریسرچ سینٹر فار جیو سائنسز کے مطابق زلزلے کی گہرائی 10 کلو میٹر ریکارڈ کی گئی۔ترک ڈیزاسٹر منیجمنٹ اتھارٹی کے مطابق ترکیے کے مغرب میں بالیک ایسیر صوبے میں 6.1 شدت کازلزلہ مقامی وقت کے مطابق شام 7 بج کر 53 منٹ پر آیا اور استنبول سمیت 11 صوبوں میں زلزلے کے جھٹکے محسوس کیے گئے۔ترک ڈیزاسٹر منیجمنٹ اتھارٹی کے مطابق زلزلے کے جھٹکے استنبول، برصا اور آس پاس کے صوبوں میں بھی محسوس کیے گئے، زلزلے کا مرکز صوبہ بالیک ایسیر کے ضلع سندرگی میں تھا۔زلزلے کے نتیجے میں فوری طور پر کسی جانی نقصان کی اطلاع نہیں ملی، تاہم ترک میڈیا کے مطابق زلزلے سے 10 سے زائد عمارتوں کے گرنے کی اطلاع ہے۔ترک صدر رجب طیب اردوان نے زلزلے سے متاثرہ شہریوں کے لیے نیک خواہشات کا اظہار کیا ہے۔
