ENN News Balochistan

22/12/2025

کچلاک واپڈا کی بے حسی جس دن سے بارش ہوا ہے آج تیسری رات ہے مجیب فیڈر کی بجلی غائب ہے ۔عوام کے گھروں میں پینے کی پانی تک نہیں لیکن یہ صاحبان ٹس سے مس نہیں ہورہے۔عوامی حلقے

22/12/2025

کوئٹہ–کچلاک لوکل بسوں پر پابندی، گرین بس غائب — شہریوں اور طلبہ کی مشکلات میں اضافہ
(رپورٹ جہانزیب خان کاکڑ)
کچلاک تا کوئٹہ روٹ پر چلنے والی لوکل بسوں کے کوئٹہ شہر میں داخلے پر پابندی اور گرین و پنک بس سروس کی تاحال عدم دستیابی کے باعث شہریوں کو شدید سفری مشکلات کا سامنا ہے۔
ان حالات میں کچلاک سے کوئٹہ آنے والے شہریوں، بالخصوص طلبہ، کو نہ صرف اضافی مالی بوجھ برداشت کرنا پڑ رہا ہے بلکہ قیمتی وقت کا ضیاع بھی ہو رہا ہے۔
طلبہ اور ملازمت پیشہ افراد کا کہنا ہے کہ بسوں کی پابندی کے بعد انہیں مختلف مقامات پر گاڑیاں تبدیل کرنا پڑتی ہیں، جس سے کرایہ بڑھنے کے ساتھ ساتھ ذہنی کوفت بھی پیدا ہو رہی ہے۔
واضح رہے کہ کچلاک ایک گنجان آبادی والا علاقہ ہے جہاں سے روزانہ بڑی تعداد میں طلبہ، اساتذہ اور ملازمین کوئٹہ کا سفر کرتے ہیں۔
شہریوں اور طلبہ نے وزیراعلیٰ بلوچستان میر سرفراز احمد بگٹی، سیکریٹری ٹرانسپورٹ اور متعلقہ حکام سے مطالبہ کیا ہے کہ کچلاک کی بڑھتی ہوئی آبادی اور عوامی ضرورت کو مدنظر رکھتے ہوئے گرین بس سروس فوری طور پر بحال کی جائے، یا کم از کم کچلاک لوکل بسوں کو کوئٹہ کے نئے بس اڈے (سیٹلائٹ ٹاؤن) تک آنے کی اجازت دی جائے تاکہ عوام کو درپیش مشکلات میں کمی آ سکے

22/12/2025

******** افسوس ناک خبر *******
پاکستان پیپلز پارٹی کا رہنما بسم اللہ خان کاکڑ انتقال کرگئے

21/12/2025

21/12/2025

سرکل آفس کچلاک میں اسٹڈی سرکل ھوا، جس میں شاہ مسعود کاکڑ (اسسٹنٹ ڈائریکٹر) نے خصوصی شرکت کی، اسٹڈی سرکل میں تعلیم کی تنوع Diversity اور انکی دور جدید میں اہمیت پر تفصیلی گفتگو ھوئی.

21/12/2025

اقراء روضۃ الاطفال انگلش اسٹینڈرڈ اسکول میں سالانہ تقریب و تقسیمِ انعامات
کچلاک: اقراء روضۃ الاطفال انگلش اسٹینڈرڈ اسکول میں سالانہ تقریب و تقسیمِ انعامات کی ایک شاندار اور پُروقار تقریب منعقد ہوئی، جس میں ایم این اے ملک عادل خان بازئی بطور مہمانِ خصوصی شریک ہوئے۔ تقریب میں ڈاکٹر ضیاء الحق کاکڑ، ملک رشید کاکڑ، نواز پندرانی، گلزار احمد، عظمت کاکڑ، مولوی عبیداللہ کاکڑ، نذر بڑیچ، عبدالظاہر کاکڑ، ڈاکٹر عطاء الرحمان، مولوی جلانی، حاجی فدا محمد، حاجی عاصم، سمیع اللّٰہ بازئی اور محمد عظم کاکڑ سمیت معزز شخصیات نے شرکت کی۔
مہمانانِ خصوصی نے اپنے خطابات میں اسکول کے تعلیمی نظم و ضبط، اساتذہ کی محنت اور طلبہ کی کارکردگی کو سراہتے ہوئے کہا کہ معیاری تعلیم اور مثبت تربیت ہی ایک باشعور اور ترقی یافتہ معاشرے کی بنیاد ہے۔ انہوں نے والدین پر بھی زور دیا کہ وہ بچوں کی تعلیمی سرگرمیوں میں بھرپور دلچسپی لیں۔
تقریب کے دوران نمایاں کارکردگی دکھانے والے پوزیشن ہولڈر طلبہ میں شیلڈز اور انعامات تقسیم کیے گئے، جس سے طلبہ میں خوشی اور حوصلہ افزائی کی فضا قائم رہی۔
تقریب کے اختتام پر اسکول کے ڈائریکٹر قاری نعیم صاحب نے تمام معزز مہمانوں، والدین، اساتذہ اور شرکاء کا شکریہ ادا کرتے ہوئے اس عزم کا اظہار کیا کہ ادارہ آئندہ بھی معیاری تعلیم اور اخلاقی تربیت کے مشن کو جاری رکھے گا۔

21/12/2025

کچلاک بوستان کرکٹ پرائمر لیگ کا گرینڈ فائنل شاندار انداز میں اختتام پذیر
کچلاک (کلی آٹوزئی) میں کچلاک بوستان کرکٹ پرائمر لیگ کا گرینڈ فائنل نہایت جوش و خروش سے منعقد ہوا، جس میں عوامی نیشنل پارٹی کے مرکزی رہنما و رکن صوبائی اسمبلی ملک نعیم خان بازئی نے بطور مہمانِ خصوصی شرکت کی اور نمایاں کھلاڑیوں میں انعامات تقسیم کیے۔
تقریب میں جمالدین ریشتاء، منظور احمد بازئی، ملک آصف مہترزئی، حاجی آصف، ملک مصطفیٰ کاکڑ سمیت متعدد سیاسی و سماجی شخصیات کی شرکت نے ایونٹ کو مزید وقار بخشا۔
اس موقع پر ایم پی اے ملک نعیم خان بازئی نے نوجوانوں کو کھیلوں کی جانب راغب کرنے اور مثبت سرگرمیوں کے فروغ کے لیے بھرپور تعاون کی یقین دہانی کرائی۔
آخر میں ٹورنامنٹ کے منتظم اعلیٰ شاہ فیصل کاکڑ اور ان کی ٹیم کو کامیاب اور منظم انعقاد پر خراجِ تحسین پیش کیا گیا۔

21/12/2025

دو بوند بارش کل ہوئی لیکن کچلاک واپڈا سے منسلک مجیب فیڈر کی بجلی ابھی تک غائب ہے۔نوٹس لینے والا کوئی نہیں