01/08/2025
پاکستان کې ټولو مهاجرينو ته مهم خبرداری 📢
د خیبر پښتونخوا حکومت
د داخله او قبایلي چارو ریاست
د خلکو د خبرتیا لپاره
(په صوبه کې مېشت ټول افغان وګړي دې متوجه وي)
د پاکستان د کورنیو چارو وزارت د 2025 کال د جولای د 31مې نېټې د (1)SRO 2025 له مخې، د پاکستان حکومت پرېکړه کړې چې ټول هغه افغان وګړي چې د POR اسنادو لرلو سره په پاکستان کې مېشت دي، باید خپل وطن ته ستانه شي.
روښانه کېږي، چې ټول هغه افغان وګړي چې POR کارتونه لري، د دغو کارتونو موده د 2025 کال د جون پر 30مه پای ته رسېدلې ده، او اوس دغه وګړي په پاکستان کې غيرقانوني ګڼل کېږي.
همداراز، له دې مخکې هغه افغان وګړي چې هیڅ قانوني سند نه لري، یا د ACC کارت لرونکي دي، د هغوی د بېرته ستنولو پرېکړه پخوا لا نافذه شوې ده.
په دې لړ کې، ټولو هغه افغان وګړو ته چې اعتباري پاسپورټ او پاکستاني ویزه نه لري، د دې اعلامیې له لارې خبر ورکول کېږي چې د پاکستان د کډوالۍ قوانینو له مخې، ستاسو نور پاتې کېدل قانوني نه دي، او باید خپل هېواد ته ستانه شئ.
د خیبر پښتونخوا حکومت د دې پروسې د منظم او باعزته تطبیق لپاره، په پېښور او لنډي کوتل کې د ترانزیت مرکزونه جوړ کړي دي، چیرې چې ستاسو لپاره د لنډمهالې میلمستیا اسانتیاوې برابرې شوې دي.
له ټولو افغان وګړو څخه هیله کېږي چې په دې پروسه کې بشپړ همکاري وکړي.
صادر کوونکی:
د داخله او قبایلي چارو ریاست،
د خیبر پښتونخوا حکومت
