BNC

14/10/2026

آج اسمبلی سیشن کے دوران جس بہادری اور دلیری سے صوبائی وزیر حاجی علی مدد جتک نے شہید وڈیرا غلام سرور موسیانی ، شہید سردارزادہ کامران جتک سمیت دیگر شہدا کے آواز بلند کی ان کی اس اقدام کو قدر کی نگاہ سے دیکھتے ہے اور امید کرتے ہے کہ شہدا کے قاتلوں کی گرفتاری تک آواز بلند کرتے رہیں گے اور ہمیں انصاف دلانے میں اپنا کردار ادا کریں ہے

حاجی علی مدد جتک صاحب کو شہدا کا مقدامہ اس دلیرانہ انداز میں پیش کرنے پر سلام پیش کرتے ہے

حکومت وقت ہمیں انصاف دلانے کیلئے قاتلوں اور ان کے سرپرستوں کو قانوں کے کھٹرے میں لائے
سردارذادہ عمران جتک

14/10/2026

صوبائی مشیر بلدیات امیر حمزہ زہری سے رکن اسمبلی سید ظفر آغا کی ملاقات، سیاسی و علاقائی امور پر تبادلہ خیال

کوئٹہ: 14 اکتوبر 2026ء

صوبائی مشیر بلدیات و دیہی ترقی نوابزادہ امیر حمزہ خان زہری سے جمعیت علمائے اسلام کے رکن بلوچستان اسمبلی سید ظفر آغا نے جھالاوان ہاؤس کوئٹہ میں ملاقات کی۔ ملاقات کے دوران موجودہ سیاسی صورتحال اور علاقائی امور پر تفصیلی تبادلہ خیال کیا گیا، جبکہ باہمی رابطوں کو مزید مضبوط اور مستحکم بنانے پر اتفاق کیا گیا۔ اس موقع پر ڈسٹرکٹ چیئرمین خضدار حاجی صلاح الدین زہری بھی موجود تھے۔

14/10/2026

اس وزیر کو کوئی حج اور بیت اللہ نہیں بچ سکتا ! جہاں ہماری مائیں تڑپ رہی ہو
وڑھ کے سردار کا بیٹا لوگوں کی بکریاں چرا کر لے جاتا ہے

14/10/2026

ڈاکٹر مالک بلوچ وفاق میں موجود بلوچستان کے افسران کے حق میں بول پڑے
وفاق میں پہلے ہی ہماری نمائندگی کم ہے افسران کو وہاں رہنے دیا جائے

14/10/2026

وزیر اعلیٰ بلوچستان میر سرفراز بگٹی سے صوبائی مشیر بلدیات امیر حمزہ خان زہری کی ملاقات، بلدیاتی نظام اور دیہی ترقی پر تبادلہ خیال

کوئٹہ : 14 اکتوبر 2026ء

وزیر اعلیٰ بلوچستان میر سرفراز احمد بگٹی سے صوبائی مشیر بلدیات و دیہی ترقی نوابزادہ امیر حمزہ خان زہری نے ملاقات کی، جس میں صوبے کے سرکاری امور، بلدیاتی نظام کی بہتری اور دیہی ترقی سے متعلق مختلف معاملات پر تفصیلی تبادلہ خیال کیا گیا ملاقات میں بلدیاتی اداروں کی کارکردگی بہتر بنانے، شہری و دیہی علاقوں میں عوام کو درپیش مسائل کے حل اور بنیادی سہولیات کی فراہمی سے متعلق امور کا جائزہ لیا گیا اس موقع پر بلدیاتی نظام کو مزید مؤثر بنانے، مقامی سطح پر عوامی ضروریات پوری کرنے اور ترقیاتی اقدامات کے ذریعے عوامی مشکلات میں کمی لانے کے لیے مربوط حکمت عملی کی اہمیت پر بھی گفتگو کی گئی۔

14/10/2026

13/10/2026

صوبائی مشیر بلدیات نوابزادہ امیر حمزہ خان زہری کی ارباب ہاؤس کوئٹہ میں سینیٹر ارباب عمر فاروق کاسی سے تعزیتی ملاقات، علاقائی و سیاسی صورتحال پر تبادلہ خیال

کوئٹہ: 13 اکتوبر 2026ء

صوبائی مشیر بلدیات و دیہی ترقی نوابزادہ امیر حمزہ خان زہری نے ارباب ہاؤس کوئٹہ میں عوامی نیشنل پارٹی کے صوبائی جنرل سیکرٹری سینیٹر نواب ارباب عمر فاروق کاسی سے ملاقات کی اور ان کی کزن اور فرید خان (خان جی) کی ہمشیرہ کے انتقال پر تعزیت و افسوس کا اظہار کیا۔ اس موقع پر صوبائی مشیر بلدیات نوابزادہ امیر حمزہ خان زہری نے مرحومین کے ایصالِ ثواب کے لیے فاتحہ خوانی کی اور سوگوار خاندانوں سے دلی ہمدردی کا اظہار کرتے ہوئے دعا کی کہ اللہ تعالیٰ مرحومین کو جوارِ رحمت میں جگہ اور لواحقین کو صبرِ جمیل عطا فرمائے ملاقات کے دوران صوبائی مشیر بلدیات نوابزادہ امیر حمزہ خان زہری اور سینیٹر نواب ارباب عمر فاروق کاسی کے درمیان علاقائی و سیاسی صورتحال پر بھی تبادلہ خیال کیا گیا اس موقع پر ڈسٹرکٹ چیئرمین خضدار حاجی صلاح الدین زہری، چیئرمین میونسپل کمیٹی زہری میر فیصل زہری، سردارزادہ میر قیوم ساسولی سمیت دیگر شخصیات بھی موجود تھیں۔

13/10/2026

عطاء شاد ڈگری کالج کے طلباء کا ریڈیو پاکستان تربت کا مطالعاتی دورہ

تربت (بی این سی) گورنمنٹ بوائز عطاء شاد ڈگری کالج تربت کے طلباء کے وفد نے لیکچرار بلوچ کی سربراہی میں ریڈیو پاکستان تربت کا مطالعاتی دورہ کیا، جس کا مقصد طلباء کو ریڈیو کے نشریاتی نظام، جدید ٹیکنالوجی اور ذرائع ابلاغ میں اس کی اہمیت سے آگاہ کرنا تھا۔

اس موقع پر اسٹیشن ڈائریکٹر عبدالحمید شاکر، سینئر پروڈیوسر جلیل احمد، انجینئر اکرم بلوچ، نیوز ایڈیٹر عبدالصمد خالق اور دیگر افسران نے طلباء کو مختلف شعبوں کے بارے میں بریفنگ دی۔ طلباء نے اسٹوڈیو، کنٹرول روم، ٹرانسمیٹر اور دیگر تکنیکی شعبوں کا معائنہ کیا جبکہ براہِ راست پروگرام میں بھی شرکت کی۔

اسٹیشن ڈائریکٹر عبدالحمید شاکر نے کہا کہ سوشل اور ڈیجیٹل میڈیا کے دور میں بھی ریڈیو کی اہمیت برقرار ہے، خصوصاً دور دراز اور انٹرنیٹ کی محدود سہولت رکھنے والے علاقوں میں ریڈیو خبروں، تعلیم، معلومات اور تفریح کا مؤثر اور قابلِ رسائی ذریعہ ہے۔ طلباء اور کالج کے لیکچرار نے دورے کو معلوماتی اور مفید قرار دیتے ہوئے ریڈیو پاکستان تربت کی انتظامیہ کا شکریہ ادا کیا۔