14/10/2025
ماہ نور شاہ - ایک اُبھرتا ہوا ماہکاں
تحریر (مہرو بلوچ)
دنیا میں کچھ لوگ ایسے ہوتے ہیں جو محض اپنی موجودگی سے ماحول کو منور کر دیتے ہیں۔ اُن کی باتوں میں خلوص، سوچ میں گہرائی، اور عمل میں سچائی جھلکتی ہے۔ وہ جہاں بھی جاتے ہیں، وہاں امید، محبت اور احساسِ انسانیت کے دیپ جلا دیتے ہیں۔ ان کی موجودگی دلوں کو سکون اور ذہنوں کو یقین بخشتی ہے۔ وہ کبھی شہرت کے متلاشی نہیں ہوتے، مگر ان کا کردار خود ان کے لیے پہچان بن جاتا ہے۔ وہ لوگوں کے دلوں میں ایسا چراغ جلاتے ہیں جو وقت گزرنے کے بعد بھی بجھتا نہیں، بلکہ روشنی بانٹتا رہتا ہے۔ ایسے لوگ اس دنیا کا اصل حسن ہیں — جو خاموشی سے بدلاؤ لاتے ہیں اور انسانیت کی روح کو زندہ رکھتے ہیں۔ ماہ نور شاہ اُن ہی لوگوں میں سے ایک نام ہے — ایک لکھاری، ایک جرنلسٹ، ایک سوشل ورکر، اور نوجوانوں، خاص طور پر طالبات کے لیے، امید اور حوصلے کی علامت ہے۔
ایک لکھاری کی حیثیت سے
ماہ نور شاہ کے قلم میں احساس اور حقیقت کا حسین امتزاج ہے۔ اُن کی تحریریں محض الفاظ نہیں بلکہ احساسات کی ترجمانی کرتی ہیں۔ وہ معاشرتی مسائل، عورت کے مقام، اور نوجوان نسل کے چیلنجز پر نہ صرف لکھتی ہیں بلکہ ان موضوعات پر بحث و مکالمہ کو فروغ بھی دیتی ہیں۔
اُن کے آرٹیکلز پڑھنے والے خود کو ایک آئینے کے سامنے محسوس کرتے ہے، جہاں وہ اپنے معاشرے اور اپنے ضمیر دونوں کا عکس دیکھتا ہے۔ ماہنور شاہ کا قلم ایک ایسا ہتھیار ہے جو نفرت نہیں، شعور بیدار کرتا ہے۔
بطور صحافی، ماہ نور شاہ نے ہمیشہ سچائی کو اپنا معیار بنایا۔ وہ اُن چند باہمت خواتین میں سے ہیں جو مشکل سوالات کرنے سے نہیں گھبراتیں۔ اُن کی رپورٹنگ میں عوامی مسائل، سماجی انصاف، اور انسانی ہمدردی کا گہرا رنگ جھلکتا ہے۔
ماہ نور شاہ کا ماننا ہے کہ صحافت محض خبر دینا نہیں، بلکہ ضمیر جگانا ہے۔
اسی سوچ کے تحت وہ نوجوان جرنلسٹس کے لیے ایک مثال بن چکی ہیں — ایک ایسی مثال جو کہتی ہے کہ سچ بولنے کے لیے ہمت چاہیے، اور ہمت کے لیے ایمان چاہیے۔
قلم کے ساتھ ساتھ، ماہ نور شاہ نے اپنی زندگی کا بڑا حصہ سماجی خدمت کے لیے وقف کر رکھا ہے۔ اُنہوں نے مختلف سماجی تنظیموں کے ساتھ مل کر خواتین کی تعلیم، بچوں کے حقوق، اور نوجوانوں کی رہنمائی کے لیے بے شمار اقدامات کیے۔
اُن کے نزدیک خدمت کا مطلب صرف مدد کرنا نہیں، بلکہ دوسروں کو خود مختار بنانا ہے۔
ماہ نور شاہ نوجوانوں کو سکھاتی ہیں کہ کامیابی کی پہلی شرط “خود پر یقین” ہے۔ اُن کی باتیں اور سوشل میڈیا مہمات نوجوانوں میں ایک نیا جوش اور جذبہ پیدا کرتی ہیں۔
اُن کا کہنا ہے کہ اگر ایک لڑکی قلم اُٹھا سکتی ہے، تو وہ دنیا بدلنے کا حوصلہ بھی رکھتی ہے۔ اُن کی زندگی اس بات کا عملی ثبوت ہے کہ عورت صرف خواب دیکھنے والی نہیں، بلکہ اُنہیں تعبیر دینے والی بھی ہے۔
ماہ نور شاہ کی شخصیت کے کئی رنگ ہیں — نرمی، خلوص، عزم اور جرات۔ وہ جہاں بھی جاتی ہیں، اپنے علم، کردار اور اخلاق سے لوگوں کے دل جیت لیتی ہیں۔ ان کی موجودگی ایک روشنی ہے جو دلوں میں امید جگاتی ہے۔
وہ اُن چند لوگوں میں سے ہیں جو یہ سمجھتے ہیں کہ دنیا کو بدلنے کے لیے کسی بڑے عہدے یا طاقت کی ضرورت نہیں، بلکہ ایک سچے ارادے اور محبت بھرے دل کی ضرورت ہوتی ہے۔
