Dilchasp Dunya

01/07/2025

کوئٹہ: واٹر اینڈ سینیٹیشن نیٹ ورک کی سوشل آڈٹ رپورٹس اداروں کے حوالے

کوئٹہ (دلچسپ دنیا نیوز) HOPE آرگنائزیشن، فانسا نیٹ ورک، واٹر اینڈ سینیٹیشن نیٹ ورک اور بل اینڈ میلنڈا گیٹس فاؤنڈیشن کے اشتراک سے واٹر اینڈ سینیٹیشن اسکیموں پر سوشل آڈٹ رپورٹس تیار کر کے متعلقہ سرکاری اداروں کے سپرد کر دی گئیں۔

اجلاس میں پبلک ہیلتھ انجینئرنگ(تنویر احمد)، واسا(مسس عشرت جہان،سید مظہر علی)، صفا کوئٹہ (امجد خان کاکڑ، سلمان بابی) اور پبلک پرائیویٹ پارٹنرشپ کے نمائندوں نے شرکت کی، تاہم میٹروپولیٹن کارپوریشن اور لوکل گورنمنٹ کے نمائندے غیر حاضر رہے۔

چار ٹیموں نے شہر کے مختلف علاقوں میں اسکیموں کا جائزہ لیا۔ ٹیم لیڈرز میں میر بہرام لہڑی، شیزان ولیم، صادق سمالانی،بہرام بلوچ، نیلم، عبدالوحید اور صاحبزادہ عتیق اللہ نورزئی شامل تھے۔

مقررین نے اس اقدام کو عوامی مسائل کے حل اور اداروں میں شفافیت کے فروغ کے لیے اہم قرار دیا۔ اختتام پر سوشل آڈٹ رپورٹس اداروں کے حوالے اور ٹیموں کو تعریفی اسناد دی گئیں۔

01/07/2025

28/06/2025

چمن: نورزئی قومی جرگہ، خان حاجی امین اللہ خان نورزئی کو نیا قبائلی سربراہ منتخب کرلیا
رپورٹ: صاحبزادہ عتیق خان نورزئی

چمن (دلچسپ دنیا نیوز) — چمن میں نورزئی قبیلے کا ایک اہم قومی جرگہ مرحوم خان حاجی فیض اللہ خان نورزئی کے نورزئی ہاؤس میں منعقد ہوا۔ جرگہ میں نورزئی قبیلے کے مشران، معتبرین، قبائلی عمائدین اور بڑی تعداد میں افراد نے شرکت کی۔

جرگہ میں متفقہ طور پر مرحوم خان حاجی فیض اللہ خان نورزئی کے جانشین کے طور پر ان کے بھائی خان حاجی امین اللہ خان نورزئی کو نورزئی قبیلے کا نیا قبائلی سربراہ منتخب کر لیا گیا۔

اس موقع پر مشران نے اپنے خطاب میں کہا کہ خان حاجی امین اللہ خان نورزئی اپنے والد کے نقشِ قدم پر چل کر قبائلی اتحاد، امن، بھائی چارے اور عوامی خدمت کے مشن کو آگے بڑھائیں گے۔ انہوں نے اس فیصلے کو قبیلے کے اتحاد اور استحکام کے لیے ایک مثبت قدم قرار دیا۔

جرگہ کے اختتام پر مرحوم خان حاجی فیض اللہ خان نورزئی کی مغفرت اور قبیلے کی ترقی و خوشحالی کے لیے خصوصی دعا بھی کی گئی۔

28/06/2025

میٹر سپروائزر ون و ٹو میٹر ریڈر اینڈ بل ڈسٹریبیو ٹر کا اہم اجلاس طلب

کوئٹہ (دلچسپ دنیا نیوز) کیسکو میٹر ریڈنگ سیکشن اسٹاف، سپروائزرز 1 و 2 اور بی ڈی ملازمین کا ایک اہم اجلاس بروز اتوار شام 3 بجے خورشید لیبر ہال کوئٹہ میں منعقد ہوگا۔

اجلاس کی صدارت معروف مزدور رہنما، مرکزی جوائنٹ صدر اور صوبائی چیئرمین قائدِ مزدور حاجی محمد رمضان اچکزئی کریں گے۔ اس موقع پر میٹر ریڈر، سپروائزرز اور بی ڈی اسٹاف کو درپیش مسائل، مطالبات اور ان کے حل کے حوالے سے تفصیلی گفتگو کی جائے گی۔

منتظمین کی جانب سے تمام ڈویژن کے میٹر ریڈنگ اسٹاف، سپروائزرز 1 و 2 اور بی ڈی ملازمین سے بھرپور شرکت کی اپیل کی گئی ہے تاکہ اجتماعی طور پر مسائل کا مؤثر حل نکالا جا سکے۔

27/06/2025

سریاب ڈویژن میں میٹر ریڈنگ اسٹاف کا اہم اجلاس، مسائل کے حل کے لیے لائحہ عمل تیار

رپورٹ: صاحبزادہ عتیق اللہ نورزئی، دلچسپ دنیا نیوز، کوئٹہ۔

کوئٹہ (ڈی ڈی این ) سریاب ڈویژن میں کیسکو میٹر ریڈنگ اسٹاف سینٹرل سرکل کا ایک اہم نمائندہ اجلاس منعقد ہوا۔ اجلاس کی صدارت آل پاکستان واپڈا ہائیڈرو الیکٹرک ورکرز یونین (سی بی اے) کیسکو میٹر ریڈنگ اسٹاف کوارڈینیشن کمیٹی بلوچستان کے کنوینر خان محمدخلجی نے کی۔

اجلاس میں میٹر ریڈنگ اسٹاف کو درپیش مسائل اور ان کے حل کے لیے تفصیلی غور و خوض کیا گیا۔ اجلاس میں شریک نمائندوں میں حشمت علی مروت میٹر سپروائزر (ایم ایس ون، اسپیزنٹ سب ڈویژن)، محمد رضوان قریشی میٹر سپروائزر (ایم ایس ون، کرانی سب ڈویژن)، جمیل احمد لہڑ ی میٹر ریڈر (کچہری سب ڈویژن)، سید عبدالرحمن میٹر ریڈر (مہردر سب ڈویژن)، نوید علوی میٹر ریڈر (لیاقت بازار سب ڈویژن) اور عبدالحمید خان کاکڑ میٹر ریڈر (سریاب سب ڈویژن) شامل تھے۔

اجلاس میں سینٹرل سرکل میں ریکوری کو بہتر بنانے اور لائن لاسسز پر قابو پانے کے لیے مؤثر اقدامات پر زور دیا گیا۔ میٹر ریڈنگ اسٹاف کو درپیش مسائل جن میں چھ سالہ پرانے میٹر ریڈنگ موبائلز کی تبدیلی، نئی روٹیفیکیشن کے اجر پروموشن کے عمل میں تیزی اور سب ڈویژن سطح پر میٹر سپروائزر ون اور ٹو کی پوسٹوں کی منظوری کروانے شامل ہیں، ان پر تفصیل سے بات چیت کی گئی۔

اجلاس میں فیصلہ کیا گیا کہ ان تمام مسائل کے حل کے لیے قائدِ مزدور حاجی محمد رمضان اچکزئی، مرکزی جوائنٹ صدر اور صوبائی چیئرمین سے خورشید لیبر ہال میں ملاقات کی جائے گی۔ اس سلسلے میں بہت جلد لیبر ہال میں ایک باقاعدہ اور منظم پروگرام منعقد کرنے پر اتفاق کیا گیا۔

27/06/2025

ڈائریکٹوریٹ آف پبلک ریلیشنز، جامعہ بلوچستان

کوئٹہ (دلچسپ دنیا نیوز)جامعہ بلوچستان کے وائس چانسلر سیکریٹریٹ کے سنڈیکیٹ ہال میں ایڈوانس اسٹڈیز اینڈ ریسرچ بورڈ (AS&RB) کا 187واں اجلاس وائس چانسلر پروفیسر ڈاکٹر ظہور احمد بازئی کی زیر صدارت منعقد ہوا۔ اجلاس میں ایم ایس، ایم فل اور پی ایچ ڈی پروگرامز سے متعلق اہم تحقیقی و تعلیمی امور کا تفصیلی جائزہ لیا گیا۔

اس موقع پر مختلف تحقیقی مقالہ جات، تھیسز اور ریسرچ سینوپسس کی منظوری دی گئی۔ بورڈ نے تحقیق کے معیار، تخلیقی انداز اور قومی و علاقائی ترقی سے ہم آہنگی پر زور دیتے ہوئے اعلیٰ معیار کی ریسرچ کو فروغ دینے کا عزم دہرایا۔

اجلاس میں پرو وائس چانسلر پروفیسر ڈاکٹر غلام رزاق شاہوانی، مختلف فیکلٹیز کے ڈینز، ڈائریکٹرز، چیئرمین جی ایس او قیصر اقبال، رجسٹرار محمد طارق جوگیزئی، کنٹرولر امتحانات ڈاکٹر محمد شریف حسنی، اور ڈی جی اسٹوڈنٹس افیئرز عبد الناصر کیازی سمیت دیگر اراکین نے شرکت کی۔وائس چانسلر نے اسکالرز اور ان کے سپروائزرز کی تعلیمی کاوشوں کو سراہتے ہوئے کہا کہ جامعہ بلوچستان تدریس اور تحقیق کے میدان میں مسلسل ترقی کے لیے پُرعزم ہے، اور مستقبل میں بھی علمی معیار کو اولین ترجیح دی جائے گی۔

22/06/2025

بلوچستان میں زمینوں کی حدبندی: قبائلی تنازعات اور حکومتی نظام زیرِ بحث

تحریر: صاحبزادہ عتیق اللہ نورزئی | تحقیقی صحافی

کوئٹہ – سنو نیوز اسٹیشن، 22 جون 2025:
بلوچستان میں زمینوں کی حدبندی کا دیرینہ مسئلہ ایک بار پھر منظرِ عام پر آیا ہے، جب معروف تحقیقی صحافی صاحبزادہ عتیق اللہ نورزئی کو سنو نیوز اسٹیشن کوئٹہ میں معروف آر جے علی احمد ریکی کے پروگرام میں مدعو کیا گیا۔ اس خصوصی گفتگو کا مرکز قبائلی علاقوں میں زمینوں کے سرکاری ریکارڈ، حدبندی کے فقدان، اور حکومت کی جانب سے اس معاملے کے حل کے لیے اپنائے گئے اقدامات تھے۔

بلوچستان کے کئی موضعات اور محلات میں گزشتہ ساٹھ سال سے زمینوں کی باقاعدہ حدبندی نہیں کی گئی، جس کے باعث قبائلی خاندانوں اور برادریوں کے درمیان تنازعات مسلسل جاری ہیں۔ زمینوں کا ریکارڈ غیر واضح اور ناقص ہونے کی وجہ سے کئی علاقوں میں کشیدگی اور جھگڑوں کی صورتِ حال پیدا ہو چکی ہے۔

پروگرام کے دوران صاحبزادہ عتیق اللہ نورزئی نے اس بات پر روشنی ڈالی کہ قبائلی علاقوں میں زمینوں کی حدبندی نہ ہونے کے باعث نہ صرف وراثتی مسائل جنم لے رہے ہیں بلکہ قبائلی رقابتیں بھی بڑھتی جا رہی ہیں۔ انہوں نے کہا کہ پرانے اور غیر ڈیجیٹل نظام کی وجہ سے بے شمار خاندانوں کے پاس اپنی زمینوں کا قانونی دستاویزی ثبوت تک موجود نہیں ہے۔

بی آرٹس فاؤنڈیشن کے سی ای او جمیل احمد لہڑی نے گفتگو میں شامل ہوتے ہوئے اس مسئلے کے سماجی اور ثقافتی اثرات پر روشنی ڈالی۔ انہوں نے زور دیا کہ ایک ایسا شفاف اور بااعتماد نظام متعارف کروایا جائے جو قبائلی روایات کو احترام دے اور ساتھ ہی قانونی تقاضے بھی پورے کرے۔

موجودہ حکومتی حکمتِ عملی

حالیہ برسوں میں حکومت نے کچھ ابتدائی اقدامات کیے ہیں تاکہ زمینوں سے متعلقہ دیرینہ مسائل حل کیے جا سکیں۔ بورڈ آف ریونیو کے تحت بلوچستان لینڈ ریکارڈ مینجمنٹ سسٹم (BLRMS) متعارف کروایا جا رہا ہے تاکہ زمینوں کے ریکارڈ کو جدید، شفاف اور مرکزی ڈیجیٹل نظام میں منتقل کیا جا سکے۔ تاہم، اس منصوبے کی رفتار سست ہے اور بیشتر قبائلی علاقے ابھی تک اس نظام میں شامل نہیں ہو سکے۔

خاندانی اور قبائلی جھگڑوں کے حل کے لیے حکومت کی جانب سے مقامی زمین حدبندی کمیٹیوں کی تشکیل کی تجویز دی گئی ہے جن میں ریونیو ڈیپارٹمنٹ کے افسران، قبائلی عمائدین اور قانونی ماہرین شامل ہوں گے۔ یہ کمیٹیاں جرگہ اور رسمی قانون دونوں کے امتزاج سے مسائل کا حل نکالنے کی کوشش کریں گی تاکہ فیصلے کو قانونی جواز اور عوامی اعتماد دونوں حاصل ہوں۔

تاہم ماہرین اور سماجی کارکنان کا ماننا ہے کہ جب تک صوبے بھر میں مکمل زمین حدبندی منصوبہ، مناسب بجٹ اور تربیت یافتہ عملے کے ساتھ نافذ نہیں کیا جاتا، یہ اقدامات مسائل کا بنیادی حل نہیں بن سکیں گے۔

فوری اقدام کی ضرورت

پروگرام میں اُٹھنے والی آوازیں اس بات کی غمازی کرتی ہیں کہ بلوچستان میں زمینوں کے نظام کو جدید، شفاف اور منصفانہ بنانے کے لیے فوری اقدامات کی ضرورت ہے۔ صحافیوں، سماجی کارکنوں، اور قبائلی رہنماؤں نے حکومت سے مطالبہ کیا ہے کہ وہ زمینوں کی حدبندی اور ریونیو نظام کی مکمل اصلاحات کو اپنی اولین ترجیح بنائے۔

آج بھی لاکھوں ایکڑ زمین غیر رجسٹرڈ ہے اور بے شمار خاندان حکومتی غفلت کا شکار ہو کر اپنے حق سے محروم ہیں۔ وقت آ چکا ہے کہ اس مسئلے کو سنجیدگی سے لے کر مستقل بنیادوں پر حل کیا جائے۔

21/06/2025

کوئٹہ میں HOPE بلوچستان اور FANSA پاکستان کے زیر اہتمام کمیونٹی چینج چیمپئنز کے لیے ایک روزہ تربیتی ورکشاپ

https://youtu.be/idDwSfsVzdo?si=P3mYmFpSEefWAJAb

18/06/2025

فسوسناک خبر: چمن کے ممتاز تاجر و قبائلی رہنما حاجی فیض اللّٰه خان نورزئی انتقال کر گئے

چمن (دلچسپ دنیا نیوز) بلوچستان کے معروف تاجر، قبائلی رہنما اور نورزئی قبیلے کے سربراہ حاجی فیض اللّٰه خان نورزئی دل کا دورہ پڑنے کے باعث انتقال کر گئے۔ ان کے انتقال کی خبر نے پورے علاقے کو سوگوار کر دیا ہے۔

مرحوم نہ صرف ایک کامیاب کاروباری شخصیت تھے بلکہ قبائلی روایات و اقدار کے علمبردار بھی سمجھے جاتے تھے۔ ان کی خدمات کو ہمیشہ یاد رکھا جائے گا۔ ان کی وفات پر قبائلی حلقوں، سیاسی و سماجی شخصیات اور عوام الناس نے گہرے رنج و غم کا اظہار کیا ہے۔

اللّٰہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبر جمیل عطا کرے۔

17/06/2025

بی آرٹ فاؤنڈیشن کے وفد کی ایس این جی ڈی انڈر سیکرٹری آفتاب حسین جبال سے ملاقات

کوئٹہ(دلچسپ دنیا نیوز) بی آرٹ فاؤنڈیشن (بی ایف) کے ایک وفد نے ایس این جی ڈی کے انڈر سیکرٹری اور سینئر اداکار آفتاب حسین جبال سے ملاقات کی۔ ملاقات کے دوران فنونِ لطیفہ، فلم سازی اور مقامی آرٹ کے فروغ سے متعلق اہم امور پر تبادلہ خیال کیا گیا۔

بی آرٹ فاؤنڈیشن کے وفد میں سی ای او جمیل احمد لہڑی، معروف فلم ڈائریکٹر اور بی ایف ڈائریکٹر نصیر رند، دلچسپ دنیا نیوز کے بانی اور بی ایف کے اسسٹنٹ ڈائریکٹر صاحبزادہ عتیق اللہ خان نورزئی شامل تھے۔

اس ملاقات کا مقصد بلوچستان میں آرٹ اور ثقافت کو فروغ دینا، نوجوان فنکاروں کو مواقع فراہم کرنا، اور مقامی سطح پر فلم و تھیٹر کے شعبے میں پیشہ ورانہ ترقی کی راہیں ہموار کرنا تھا۔ آفتاب حسین جبال نے وفد کی کاوشوں کو سراہا اور ہر ممکن تعاون کی یقین دہانی کروائی۔