Saboot News

10/05/2026

بلوچستان کے سکولوں گرمیوں کی چھٹیوں کے حوالے سے سوشل میڈیا پر گردش کرنے والے نوٹیفیکیشنز جعلی قرار اعلامیہ میں کہا گیا ہے کہ چھٹیوں کا باقاعدہ اعلان صرف حکومتِ بلوچستان کے ڈائریکٹوریٹ آف پبلک ریلیشنز کے آفیشل پیجز اور تصدیق شدہ ذرائع سے ہی کیا جائے گا۔

10/05/2026

09 مئی رات 09:00 بجے سے کچھ موڑ روڈ کلی ناصران کے پورے علاقے کی بجلی بند کر رکھی ہے، جو تاحال بحال نہیں کی گئی۔

حیرت کی بات یہ ہے کہ علاقے میں 09 دیگر ٹرانسفارمر موجود ہیں جو درست کام کر رہے ہیں، مگر ایک ٹرانسفارمر کے مسئلے کو جواز بنا کر پورے علاقے کو سزا دی جا رہی ہے۔

اہلِ علاقہ شدید گرمی اور مشکلات کا شکار ہیں۔
حکام بالا سے فوری نوٹس لینے اور بجلی بحال کرنے کی اپیل ہے۔

10/05/2026

09/05/2026

کیا ہوگا کوئی پوچھنے والا ہے۔۔۔؟؟؟؟؟؟؟؟؟؟؟

09/05/2026

یقین کریں یا نہیں لیکن سابق وزیر اعلٰی بلوچستان نواب اسلم رئیسانی نے پشنگوئی کرلیا یے ۔۔

09/05/2026

ہائے رے بلوچستان تکبر کا مارا ہوا ڈومیسائل راجن پور کا باشندہ اے سی ایس ڈیولپمنٹ پی اینڈ ڈی بلوچستان زاہد سلیم صوبے کے غریب عوام کے ٹیکس سے خریدنے والی بلڈ فروف گاڑی میں بیٹھا ہوا اور اور تنخوا لینے والا ملازم بادشاہ سلامت ٹیکس دینے والے بلوچستان کے عزتدار خواتین کو ٹکر مارکر راہ فرار اختیار کیا ،

09/05/2026

*ینگ ڈاکٹرز ایسوسی ایشن بلوچستان کے زیر اہتمام آج جنرل باڈی اجلاس و حلف برداری کی پروقار تقریب منعقد ہوئی، جس میں بلوچستان بھر سے ڈاکٹرز کی بڑی تعداد نے شرکت کرکے اس اجتماع کو شاندار کامیابی سے ہمکنار کیا۔*

اجلاس سے چیئرمین سپریم کونسل ڈاکٹر یاسر اچکزئی نے خطاب کرتے ہوئے تنظیم کی ساخت، مقاصد اور حالیہ تنظیمی انتخابات پر تفصیلی روشنی ڈالی۔ انہوں نے نئی منتخب مرکزی کابینہ کو مبارکباد پیش کی۔ اس موقع پر جنرل باڈی اجلاس کے شرکاء نے سپریم کونسل کی زیر نگرانی منعقد ہونے والے شفاف انتخابات کو بھرپور انداز میں سراہا، جبکہ نئی منتخب کابینہ کے انتخاب پر پورے ہال نے پرجوش انداز میں مبارکباد پیش کی۔

جنرل باڈی اجلاس میں اہم تنظیمی امور پر باضابطہ منظوری دی گئی۔ اجلاس کو آگاہ کیا گیا کہ تنظیم نے شفاف جمہوری طریقہ کار کے تحت پہلے الیکٹورل کالج تشکیل دیا، جس کے بعد الیکٹورل کالج نے ووٹنگ کے ذریعے نمائندگان کا انتخاب کیا۔ اس طریقہ کار کو جنرل باڈی کے سامنے پیش کیا گیا جسے متفقہ طور پر منظور کیا گیا۔

اسی طرح سپریم کونسل کے کردار کو بطور الیکشن کمیشن واضح کیا گیا، جس نے کابینہ کی تشکیل میں اپنی ذمہ داریاں ادا کیں۔ جنرل باڈی نے اس عمل کو بھی مکمل طور پر اینڈورس کرتے ہوئے اس کی منظوری دی۔

مزید برآں، جنرل باڈی نے اس امر کی بھی منظوری دی کہ موجودہ کونسل کی مدت مکمل ہو چکی ہے، لہٰذا تنظیم کو مزید مؤثر اور مضبوط بنانے کے لیے اس کی ساخت میں بہتری اور ضروری تبدیلیاں کی جائیں۔ اس ضمن میں موجودہ کونسل کو باقاعدہ مینڈیٹ دیا گیا کہ وہ اصلاحات کے ذریعے کونسل کو مزید فعال، مستحکم اور مؤثر بنائے۔

سابق صدر ڈاکٹر کلیم اللہ کاکڑ نے اپنی کابینہ کی کارکردگی پیش کرتے ہوئے ڈاکٹرز کمیونٹی کو درپیش مسائل کے حل کے لیے کی گئی کاوشوں کا تفصیلی ذکر کیا، جس پر شرکاء نے ان کی خدمات کو سراہا۔ سابق ترجمان ڈاکٹر صبور کاکڑ نے سابقہ کابینہ کی جانب سے حاصل کردہ اہم دستاویزات اور نوٹیفکیشنز پیش کیے، جن کے ذریعے ڈاکٹرز کے کئی دیرینہ مسائل کے حل کو ممکن بنایا گیا۔

وائس چیئرمین سپریم کونسل ڈاکٹر بہار شاہ نے نئی منتخب کابینہ سے حلف لیا اور انہیں مبارکباد دی۔

تقریب کے اختتام پر صدر ینگ ڈاکٹرز ایسوسی ایشن بلوچستان ڈاکٹر حئی بلوچ نے خطاب کرتے ہوئے ڈاکٹرز کا شکریہ ادا کیا اور کہا کہ ڈاکٹرز کمیونٹی کے اعتماد نے ان پر ایک بڑی ذمہ داری عائد کی ہے، جسے وہ اپنی کابینہ کے ہمراہ دیانتداری اور محنت سے نبھائیں گے۔ انہوں نے اپنی کابینہ کی پالیسی اور منشور پیش کرتے ہوئے تنظیم کو مزید مضبوط، منظم اور پائیدار بنانے کے عزم کا اعادہ کیا۔

ڈاکٹر حئی بلوچ نے حکومت بلوچستان سے مطالبہ کیا کہ بے روزگار ڈاکٹرز، خصوصاً لیڈی میڈیکل آفیسرز اور ڈینٹل سرجنز کو پبلک سروس کمیشن کے ذریعے فوری بنیادوں پر ملازمتیں فراہم کی جائیں۔ انہوں نے خبردار کیا کہ مطالبات کو سنجیدگی سے نہ لیا گیا تو ڈاکٹرز احتجاج پر مجبور ہوں گے۔

انہوں نے مزید کہا کہ بلوچستان کے ڈاکٹرز کو دیگر صوبوں کے مساوی تنخواہیں اور مراعات دی جائیں، جبکہ ہاؤس آفیسرز اور پوسٹ گریجویٹ ٹرینیز (PGs) کو مناسب وظیفہ فراہم کیا جائے۔ ڈاکٹرز کے لیے ہاسٹل سمیت تمام بنیادی سہولیات کی فراہمی بھی یقینی بنائی جائے۔

صدر ینگ ڈاکٹرز ایسوسی ایشن بلوچستان نے حکومت کو متنبہ کیا کہ آئندہ بجٹ میں محکمہ صحت کو نظر انداز کیا گیا تو تنظیم خاموش نہیں رہے گی۔

انہوں نے تنظیمی نظم و ضبط پر زور دیتے ہوئے واضح کیا کہ کسی بھی فرد کو تنظیم کا نام ذاتی مفادات کے لیے استعمال کرنے کی اجازت نہیں دی جائے گی۔ حالیہ دنوں میں بعض عناصر کی جانب سے منفی پروپیگنڈا کیا گیا، جس پر جنرل باڈی اجلاس کے شرکاء نے شدید ردعمل کا اظہار کرتے ہوئے ان کے خلاف کارروائی کا مطالبہ کیا۔

جنرل باڈی اجلاس کی منظوری کے بعد ایسے آٹھ افراد کو تنظیم سے فارغ کر دیا گیا جو اس منفی پروپیگنڈے اور متنازعہ سرگرمیوں میں ملوث تھے۔ تاہم دیگر متعلقہ افراد کی رکنیت معطل کرکے یہ پیغام دیا گیا کہ اگر وہ تنظیمی اصولوں کے تحت واپس آنا چاہتے ہیں تو ان کے لیے دروازے کھلے ہیں۔

ڈاکٹر حئی بلوچ نے واضح کیا کہ آئندہ بھی تنظیم کے خلاف کسی قسم کی منفی سرگرمی میں ملوث افراد کے خلاف بلا امتیاز سخت تنظیمی کارروائی عمل میں لائی جائے گی۔

آخر میں انہوں نے تمام شرکاء کا شکریہ ادا کرتے ہوئے اس عزم کا اظہار کیا کہ ینگ ڈاکٹرز ایسوسی ایشن بلوچستان کو مزید مضبوط، منظم اور مستحکم بنا کر ڈاکٹرز کمیونٹی میں اتحاد کو فروغ دیا جائے گا اور ان کے حقوق کے حصول کے لیے جدوجہد جاری رکھی جائے گی۔