Balochistan

22/12/2025

کوئٹہ: نجی بینک میں ڈکیتی، مسلح افراد 3 کروڑ 50 لاکھ روپے لوٹ کر فرار
واردات میں خاتون کے ملوث ہونے کا انکشاف، سیکورٹی گارڈ گرفتار، تفتیش شروع

22/12/2025

بارکھان. تاریخ میں پہلی بار ایک تعلیمی مدرسہ میں ایک کم سن بچے پر بد ترین تشدد ہوا ہے ، اس کی شدید الفاظ میں مذمت کرتے اور زمیداران کے خلاف کاروائی کا مطالبہ کرتے ہیں

22/12/2025

بلوچستان میں دو اہم رہنماؤں کی ملاقات ہوئی، جس میں صوبے کی مجموعی سیکیورٹی صورتحال اور ریاستی حکمتِ عملی پر تفصیلی تبادلۂ خیال کیا گیا۔ ملاقات کے دوران امن و امان کو درپیش چیلنجز، موجودہ اقدامات کے اثرات اور مستقبل کی حکمتِ عملی پر غور کیا گیا، تاکہ خطے میں استحکام اور عوام کے تحفظ کو یقینی بنایا جا سکے۔

22/12/2025

غیر مصدقہ اطلاعات کے مطابق پاکستان پیپلز پارٹی کے دیرینہ بزرگ رہنما بسم اللہ خان کاکڑ کراچی کے مقامی ہسپتال میں قضائے الٰہی سے انتقال کر گئے

22/12/2025

انوارالحق کاکڑ اور سرفراز بگٹی عوامی مینڈیٹ کے بغیر مسلط کیے گئے، یہ ہر دور کے بینیفشری ہیں: سردار اختر مینگل

بلوچستان نیشنل پارٹی (مینگل) کے سربراہ سردار اختر مینگل نے کہا ہے کہ انوارالحق کاکڑ وہ شخصیت ہیں جو اپنی سیاسی حیثیت میں ایک یونین کونسل جیتنے کی صلاحیت بھی نہیں رکھتے تھے، مگر انہیں پورے پاکستان کا نگران وزیراعظم بنا دیا گیا اور پھر انہیں توسیع بھی دی جاتی رہی۔ انہوں نے کہا کہ یہ صورتحال دراصل عوامی مینڈیٹ کی نفی اور غیر نمائندہ فیصلوں کی واضح مثال ہے۔عمران خان کو توشہ خانہ میں سزا دی گئ اس ملک میں اپکو توشہ خانہ نظر آیا جو آئین کو تھوڑا گیا وہ نظر نہیں ایا؟ ملک کو دو لخت کیا گیا وہ نظر نہیں آیا۔

سردار اختر مینگل نے کہا کہ بالکل اسی طرز پر سرفراز بگٹی کو وزیراعلیٰ بلوچستان بنایا گیا ہے، جن کے پاس عوام کی واضح حمایت اور حقیقی مینڈیٹ موجود نہیں۔ ان کے مطابق ایسے افراد کو اقتدار میں لانا اس بات کا ثبوت ہے کہ فیصلے عوام نہیں بلکہ پس پردہ قوتیں کر رہی ہیں۔

انہوں نے مزید کہا کہ انوارالحق کاکڑ اور سرفراز بگٹی جیسے لوگ ہمیشہ ہر دور کی حکومتوں کے ساتھ رہے ہیں اور ہر نظام میں فائدہ اٹھانے والے یہی افراد ہیں۔ اختر مینگل کا کہنا تھا کہ یہی لوگ مختلف ادوار میں اقتدار کے اصل بینیفشری رہے ہیں، جبکہ عوام کو مسلسل نظرانداز کیا جاتا رہا ہے۔

اختر مینگل نے کہا کہ بلوچستان اور پاکستان کے عوام کو اب یہ سمجھنا ہوگا کہ غیر نمائندہ حکمرانوں کے ذریعے مسائل حل نہیں ہوں گے بلکہ حقیقی جمہوریت اور عوامی مینڈیٹ کی بالادستی ہی ملک کو بحرانوں سے نکال سکتی ہے۔استثنی صرف طاقتور لوگوں اور انکو حاصل ہے جنکے ہاتھ میں بندوق ہو یا ڈنڈاہو۔

21/12/2025

طالبان نے جعلی ادویات قرار دے کر نزر آتش کر دیا باقی دیگر سامان بھی تلف کر دی گئی ہے افغانستان پاکستان سے اب کوئی چیز افغان ایریا میں داخل ھونے نہیں دے رہا طالبان نے چند دنوں میں یہ گاڑیاں پکڑی ہے

21/12/2025

وزیراعلیٰ نے ڈپٹی کمشنر کو ڈانٹ دیا!
عابد میر

کل جعفرآباد میں وزیراعلیٰ کا عوامی جرگہ تھا۔ (ویسے بلوچستان میں جرگہ غیرقانونی ہے، سرکار کر سکتی ہے)۔ وہاں اُستامحمد کے کسی نوجوان نے ڈپٹی کمشنر کی شکایت کر دی کہ وہ لائبریری کے مسائل پر نوجوانوں کو نہیں سنتے۔ اس پر وزیراعلیٰ صاحب نے ڈپٹی کمشنر کو مخاطب کر کے کہا کہ آپ انگریز دور کے وائسرائے نہ بنیں، سائلیں کو سنیں ورنہ آپ کو پنجاب بھیج دیا جائے گا۔

یہ ڈپٹی کمشنر یہیں کا ایک مقامی نوجوان ہے۔ لوئر کلاس سے ہوتا ہوا آیا اور اپنی محنت کے بل بوتے پر یہاں تک پہنچا۔ نہایت کتاب دوست اور علم دوست ہے۔ آج سے بارہ سال پہلے جب یہ جھل مگسی میں اسسٹنٹ کمشنر لگا تو وہاں نوابوں کی ریاست میں اس نے کتاب میلے اور ادبی مجالس کروائیں۔ اور یہ کبھی اسٹیج پر نہیں آیا۔ ہمیشہ پچھلی نشستوں پر دوستوں کے ساتھ بیٹھا گپیں مارتا اور وہیں سے چلا جاتا۔

ابھی کچھ ماہ قبل کلچر ڈپارٹمنٹ میں کسی پوزیشن پر تھا۔ ہمارے ڈاک بھجوانے والے نوجوان نے ماہانہ کھاتا بھیجا تو اُس میں اس کا نام دیکھ کر حیرت ہوئی۔ منصور سے پوچھا تو اس نے کنفرم کیا کہ ہاں یہ تو اکثر ہر نئی کتاب منگواتے رہتے ہیں۔ آغا گل کی ساری کتابیں منگوائیں۔ مجھے خوشگوار حیرت ہوئی۔ کتنے سرکاری بیوروکریٹ ہیں جو کروڑوں کے فنڈز کے باوجود ہم سے سرکاری لائبریریوں کے لیے مفت کتابیں مانگتے رہتے ہیں۔ وہ مجھے ایک میسج کر سکتا تھا، ہم اسے کتابیں بھجوا دیتے مگر وہ خرید کر کتاب پڑھنے کا عادی ہے۔ اس نے زمانہ طالب علمی کی اپنی یہ اچھی عادت آج تک برقرار رکھی ہوئی ہے۔

یہ ابھی کچھ ماہ قبل اپنے ہوم ٹاؤن میں ڈپٹی کمشنر بن کر گیا۔ بڑے عرصے بعد ایسا کوئی بیوروکریٹ آیا جو جمالی صاحبان کے در پر حاضری دینے کی بجائے خود کو عوام کا خادم سمجھتا ہے۔ سو، اس نے آتے ہی برسوں سے کٹھائی میں پڑے گرلز کالج کی منظورشدہ عمارت پہ کام شروع کروایا۔ بچیوں کے لیے بند پڑی بس کو ایکٹو کیا۔ شہر کی سیوریج پہ توجہ دی۔ عام لوگوں کے مسائل سنے۔

وزیر اعلیٰ صاحب بادشاہ ہیں، پورے صوبے کے مالک ہیں، کچھ بھی کر سکتے ہیں ورنہ اصولاً طریقہ تو یہ ہے کہ کوئی شکایت آئے تو دوسرے فریق کو بھی سنا جاتا ہے۔ ڈپٹی کمشنر سے پوچھا جانا چاہیے تھا کہ کیا واقعی یہ شکایت درست ہے؟ نوجوان صحیح بات کر رہے ہیں؟ بالفرض ایسا ہوا ہے تو کیوں ہوا ہے؟ لیکن انھوں نے صاحب بہادر کی طرح یک طرفہ حکم بل کہ صوبہ بدری کی دھمکی بھی دے دی۔

حالاں کہ جہاں تک میرے علم میں ہے، یہ نوجوان پی سی ایس افسر ہے، اسے صوبے سے باہر نہیں بھیجا جا سکتا۔ ویسے اگر بھیج بھی دیں تو یہ اس کے حق میں بہتر ہی ہو گا۔ پنجاب لائق اور اہل افسران کی قدر کرتا ہے، ہماری طرح انہیں رسوا اور گھربدر نہیں کرتا۔ یہ شہر یوں بھی کسی لائق شخص کو ڈیزرو ہی نہیں کرتا۔ لائبریریوں کو کتابیں، کرسیاں، ٹیبل ہم نے بھی دیے، آپ نے ہمارے ساتھ کیا کیا؟ ڈپٹی کمشنر کی شکایت کرنے والے نوجوان نے یقیناً کبھی اُس بھوتار سے کوئی سوال، کوئی شکایت نہیں کی ہو گی جنہیں وہ ووٹ دیتے ہیں اور جنھوں نے ستر سال سے اس شہر کو تباہ حال رکھا ہوا ہے۔ نہ وزیراعلیٰ صاحب کو بھوتاروں سے کوئی شکایت ہو گی، نہ وہ انھیں عوامی خدمت کرنے کا کہیں گے۔

اس لیے میں کہتا ہوں یہ صرف بے مہر شہر ہی نہیں، محسن کش بھی ہے۔ یہ طاقت ور کے سامنے سر جھکا کر رہنے اور اپنے محسنوں کے گریبان میں ہاتھ ڈالنے والوں کا شہر ہے۔ گو کہ آج وہاں کے بھوتار پرست و بھوتار مخالف ہر قسم کی صحافی اور سوشل میڈیا ایکٹوسٹس کی والز ڈپٹی کمشنر کے حق میں بھری پڑی ہیں، مگر اس تکلیف دہ سلوک کے بعد مجھے یقین ہے وہ یہاں مزید رہنا پسند نہیں کرے گا، نہ اسے رہنا چاہیے۔ جب کوئی شہر اپنی حتمی تباہی کا فیصلہ کر چکا ہو تو وہاں سے ہجرت کے سوا کوئی چارہ نہیں۔ یہاں تو کشتیِ نوح کا بھی کوئی امکان ہے۔

اس شہر کا نصیب تباہی کے سوا کچھ نہیں۔
اور یہ تباہی بھی اسے اپنے بنیادگزاروں کے ہاتھوں ملنی ہے۔
عابد میر

21/12/2025

😶

21/12/2025

*"6000 ہزار دنوں کی جدوجہد کا اختتام، ماما قدیر بلوچ سوراب میں سپرد خاک۔۔۔"*

سوراب: بلوچ قوم کے معروف سماجی رہنما اور لاپتہ افراد کی بازیابی کی جدوجہد کی علامت ماما قدیر بلوچ کو ان کے آبائی علاقے سوراب میں نماز جنازہ کی ادائیگی کے بعد سپردِ خاک کر دیا گیا۔ ان کی تدفین میں انسانی حقوق کے کارکنوں، سیاسی و سماجی شخصیات، قبائلی عمائدین، کامریڈ سمی دین بلوچ اور عوام کی بڑی تعداد نے شرکت کی۔

20/12/2025

صفا کوئٹہ نے نہیں، پورا کوئٹہ صاف کر دیا۔

20/12/2025