Gidroshia Point

10/08/2026

#تربت ( #گدروشیاپوائنٹ) رند ہاؤس تربت میں پارلیمانی سیکرٹری برائے انرجی میر اصغر علی رند سے آج مسلسل تیسرے روز بھی مختلف سیاسی و سماجی شخصیات، علاقہ مکینوں اور نمائندہ وفود کی ملاقاتوں کا سلسلہ جاری رہا۔ ملاقاتوں کے دوران علاقے میں جاری اور درپیش ترقیاتی مسائل سمیت بجلی، سڑکوں، اسکولوں، اسپتالوں، واٹر سپلائی اور دیگر بنیادی سہولیات سے متعلق امور پر تفصیلی تبادلہ خیال کیا گیا۔ اس موقع پر مختلف وفود اور علاقہ مکینوں نے علاقے میں ترجیحی بنیادوں پر ترقیاتی کاموں کے آغاز اور عوامی مسائل کے حل کے لیے کی جانے والی کوششوں پر میر اصغر علی رند کا شکریہ ادا کیا۔ وفود نے امید ظاہر کی کہ عوامی فلاح و بہبود کے لیے جاری اقدامات کا سلسلہ مستقبل میں بھی جاری رہے گا اور علاقے کے دیگر دیرینہ مسائل بھی ترجیحی بنیادوں پر حل کیے جائیں گے۔ میر اصغر علی رند نے وفود کے مسائل اور تجاویز کو توجہ سے سنا اور یقین دہانی کرائی کہ عوامی مسائل کا حل ان کی اولین ترجیحات میں شامل ہے۔ انہوں نے کہا کہ میری کوشش ہے کہ موجودہ دورِ حکومت میں علاقے کے زیادہ سے زیادہ بنیادی مسائل حل کیے جائیں اور عوام کو ان کی دہلیز پر ضروری سہولیات فراہم کی جائیں۔ میر اصغر رند نے مزید کہا کہ ٹمْپ کو ضلع کا درجہ ملنے کے بعد مختلف سرکاری محکموں کو فعال بنانا بھی ضروری ہے تاکہ وہ مؤثر انداز میں اپنا کردار ادا کریں اور ٹمْپ کے عوام کو تعلیم، صحت، بجلی، پانی، سڑکوں اور دیگر بنیادی سہولیات اپنے ہی علاقے میں میسر آسکیں۔ انہوں نے کہا کہ عوامی مسائل کے حل اور علاقے کی مجموعی ترقی کے لیے تمام دستیاب وسائل کو بروئے کار لایا جائے گا۔

10/08/2026

گوادر: ماں جی ویلفیئر ٹرسٹ میں منشیات کے مریضوں کے علاج اور بحالی کا سلسلہ جاری

10/08/2026

#تربت ( #گدروشیاپوائنٹ) معتبر رند ہاؤس میں تیسرے روز بھی دشت سمیت مختلف علاقوں سے تعلق رکھنے والے سیاسی و سماجی شخصیات اور عوامی وفود نے مسلم لیگ (ن) کے سینئر رہنما اور پارلیمانی سیکرٹری برائے فشریز، معتبر حاجی برکت رند سے ملاقات کی۔ ملاقاتوں کے دوران وفود نے علاقے میں تعلیم، بجلی، سڑکوں، بارڈر، روزگار اور دیگر بنیادی مسائل سے متعلق تفصیلی گفتگو کی اور عوام کو درپیش مشکلات سے آگاہ کیا۔ اس موقع پر مختلف وفود نے معتبر حاجی برکت رند کو ان کی عوامی و ترقیاتی خدمات پر مبارکباد پیش کرتے ہوئے کہا کہ آپ نے اپنے عملی اقدامات سے ثابت کیا ہے کہ آپ حقیقی معنوں میں عوام دوست رہنما ہیں۔ آپ کی کوششوں سے علاقے کے کئی خاندانوں کے گھروں کے چولہے جل رہے ہیں، نوجوانوں کو روزگار کے مواقع ملے ہیں اور بارڈر سے متعلق مسائل کے حل کے لیے بھی مؤثر کوششیں کی جا رہی ہیں۔ وفود نے کہا کہ علاقے کو نئے ضلع کا درجہ دلوانا بھی ایک اہم پیش رفت ہے۔ وفود کا کہنا تھا کہ عوامی مسائل کے حل اور علاقے کی ترقی کے لیے معتبر حاجی برکت رند کی مسلسل کوششیں قابلِ تحسین ہیں اور ان کے اقدامات سے عوام کو امید کی نئی کرن ملی ہے۔ اس موقع پر معتبر حاجی برکت رند نے کہا کہ میری اولین ترجیح اپنے علاقے اور اپنے لوگوں کی خدمت ہے۔ میرا مقصد یہ ہے کہ اپنے دور میں زیادہ سے زیادہ ترقیاتی منصوبے لاؤں، عوام کو روزگار کے مواقع فراہم کروں اور علاقے کے بنیادی مسائل حل کروں۔ جب میرے کسی اقدام سے کسی خاندان کے گھر کا چولہا جلتا ہے اور کسی نوجوان کو روزگار ملتا ہے تو مجھے دلی خوشی ہوتی ہے۔ انہوں نے کہا کہ عوام سے کیے گئے وعدوں کو پورا کرنے کی بھرپور کوشش کی ہے اور آئندہ بھی علاقے کی بہتری اور عوام کی خوشحالی کے لیے مزید اقدامات کیے جائیں گے۔ معتبر حاجی برکت رند نے کہا کہ میرے لیے تمام تحصیلیں اور علاقے برابر ہیں۔ ترقیاتی منصوبے ہوں یا روزگار کے مواقع، میری کوشش ہے کہ تمام علاقوں کو برابری کی بنیاد پر حق دیا جائے اور کسی علاقے یا طبقے کو نظر انداز نہ کیا جائے۔ انہوں نے کہا کہ ان کی بھرپور کوشش ہے کہ دن رات محنت کرکے اپنے علاقے کو ترقی کی راہ پر گامزن کیا جائے۔ میرے لیے تمام لوگ برابر ہیں اور میں ہر وقت اپنے عوام کے لیے دستیاب ہوں۔ معتبر حاجی برکت رند نے مزید کہا کہ آنے والے وقت میں علاقے میں بجلی، سڑک، روزگار اور دیگر بنیادی سہولیات کے حوالے سے مزید منصوبے لانے کے لیے کوششیں جاری رکھی جائیں گی، کیونکہ عوام کو بنیادی سہولیات کی فراہمی اور روزگار کے مواقع پیدا کرنا ان کی اولین ترجیحات میں شامل ہے۔ اس موقع پر مسلم لیگ ن کے ضلع کیچ کے صدر حاجی سلمان رند اور ضلعی نائب صدر حاجی ارشاد ڈاھنڈائی بھی موجود تھے

10/08/2026

#تربت ( #گدروشیاپوائنٹ) ناصرآباد سے بلوچی زبان کے نامور گلوکار راشد سبز زیبرنور ارشد سبز اور مخدم شاہ نے نیشنل پارٹی سے سیاسی وابستگی چھوڑ کر باقاعدہ پاکستان پیپلز پارٹی کے سینئر رہنما اور صوبائی پارلیمانی سیکرٹری انرجی میر اصغر رند کی قیادت میں پاکستان پیپلز پارٹی میں شمولیت اختیار کی اور اس موقع پر پاکستان پیپلز پارٹی ناصرآباد کے سینئر کارکن شاکر جیر موجود تھے

10/08/2026

اوستامحمد:ڈپٹی کمشنرمحمد رمضان پلال کا زیرِ تعمیر پری فیبریکیٹڈ ہاؤسز کا معائنہ

10/08/2026

https://youtu.be/5-SU9AyUnow?si=hoLMnY62eyb2F5OM
ڈگری کالج بلیدہ میں تعلیمی کانفرنس کا انعقاد

Enjoy the videos and music you love, upload original content, and share it all with friends, family, and the world on YouTube.

10/08/2026

https://youtu.be/ljixQ1Ni76U?si=YnxJ0rxNOeniHL0z
بلوچ تحریک بھی کرد تحریک کی طرح صلح کی طرف آ جائے گی, میر ظہور احمد بلیدی کا اہم خطاب

Enjoy the videos and music you love, upload original content, and share it all with friends, family, and the world on YouTube.

10/08/2026

کوئٹہ: صوبائی مشیر مینا مجید بلوچ کا مختلف علاقوں کا دورہ، جشن آزادی کی تیاریوں کا جائزہ

10/08/2026

#تربت ( #گدروشیاپوائنٹ) گورنمنٹ شہید ایوب بلیدی ڈگری کالج بٹ بلیدہ میں تعلیمی کانفرنس منعقد، مہمان خصوصی صوبائی وزیر میر ظہور احمد بلیدی کا خطاب

10/08/2026

#تربت ( #گدروشیاپوائنٹ) صوبائی وزیر منصوبہ بندی و ترقیات میر ظہور احمد بلیدی نے دو ہفتے کے بعد آج دوبارہ اپنے حلقے کا دورہ کیا۔ گورنمنٹ شہید ایوب ڈگری کالج بلیدہ میں تعلیمی کانفرنس میں بطور مہمان خصوصی شرکت کی۔ خطاب کرتے ہوئے میر ظہور احمد بلیدی نے کہا کہ نوجوان کسی بھی معاشرے کا اصل سرمایہ اور مستقبل ہوتے ہیں انہیں مثبت، تعمیری اور صحت مند سرگرمیوں کی جانب راغب کرنا وقت کی اہم ضرورت ہے۔ والدین بچوں کے ساتھ دوستانہ ماحول میں گفتگو کریں، ان کے مسائل سمجھیں اور انہیں سوشل میڈیا کے مثبت اور ذمہ دارانہ استعمال کے حوالے سے آگاہی دیں۔ تعلیمی کانفرنس میں ڈویژنل مانیٹرنگ آفیسر کالجز سر برکت اسماعیل، ڈسٹرکٹ ایجوکیشن آفیسر کیچ امجد شہزاد نے بھی خطاب کرکے تعلیم کی اہمیت وفضیلت پر روشنی ڈالی۔کالج کے پرنسپل الٰہی بخش بلوچ نے اظہار تشکر کیا اسٹیج سیکرٹری کے فرائض اسسٹنٹ پروفیسر انور زھیر نے سرانجام دیئے تلاوت کلام پاک کی سعادت لیکچرار مولانا عبد الوکیل نے حاصل کی۔ کانفرنس سے صوبائی وزیر نے کہا کہ بلوچستان کے نوجوانوں کو ورغلا کر ایک لاحاصل جنگ میں دھکیلا جا رہا ہے جس کا سب سے بڑا نقصان خود نوجوانوں اور ان کے خاندانوں کو اٹھانا پڑ رہا ہے۔ تاریخ گواہ ہے کہ بندوق کے زور پر کسی قوم یا ملک کو مستقل طور پر فتح نہیں کیا جاسکتا کیونکہ جنگوں کا انجام بالآخر انسانی جانوں کے ضیاع، تباہی اور معاشرتی نقصان کی صورت میں نکلتا ہے۔
میر ظہور بلیدی نے کہا کہ موجودہ صورتحال میں ہزاروں نوجوان اس تنازع کا ایندھن بن سکتے ہیں اور اندازہ ہے کہ 50 سے 60 ہزار افراد اس تنازع کی نذر ہوسکتے ہیں۔ انہوں نے کہا کہ بالآخر مسلح افراد کو بھی ایک دن ہتھیار چھوڑ کر قومی دھارے میں شامل ہونا ہوگا، کیونکہ پائیدار حل طاقت نہیں بلکہ مذاکرات، سیاسی عمل اور قومی دھارے میں شمولیت سے ہی ممکن ہے۔ انہوں نے کرد قوم اور ترکی کی مثال دیتے ہوئے کہا کہ ماضی میں کردوں اور ترکی کے درمیان بھی ایک طویل تنازع موجود رہا، تاہم وقت کے ساتھ سیاسی راستہ اختیار کیا گیا اور لوگ حکومت اور قومی دھارے کا حصہ بنے۔ اس مثال سے یہ سبق ملتا ہے کہ پیچیدہ مسائل کا مستقل حل طاقت کے بجائے سیاسی، جمہوری اور مذاکراتی عمل کے ذریعے تلاش کیا جا سکتا ہے انہوں نے کہا کہ ممکن ہے آج ہم جو بات کر رہے ہیں اس کے نتائج اپنی زندگی میں دیکھیں یا آنے والی نسلیں اس تبدیلی کا مشاہدہ کریں، لیکن تاریخ یہ ضرور یاد رکھے گی کہ بلوچستان کے مسئلے کا پائیدار حل تعلیم، ترقی، سیاسی عمل اور نوجوانوں کو مثبت راستہ فراہم کرنے میں ہے۔ میر ظہور احمد بلیدی نے کہا کہ بلوچستان کے نوجوان باصلاحیت اور باہمت ہیں، انہیں مایوسی اور تشدد کے راستے کے بجائے تعلیم، ہنر، روزگار اور ترقی کے مواقع فراہم کرنے کی ضرورت ہے۔ نوجوان نسل کے مستقبل کو محفوظ بنانے کے لیے حکومت، والدین، اساتذہ اور معاشرے کے تمام طبقات کو مشترکہ ذمہ داری ادا کرنا ہوگی۔ پروگرام کے بعد انہوں نے گدروشیا پوائنٹ سے گفتگو کے دوران بتایا کہ تعلیم کسی بھی قوم کی ترقی، خوشحالی اور روشن مستقبل کی بنیادی اکائی ہے، بلوچستان کے نوجوانوں کو بندوق کے بجائے قلم، تعلیم، ہنر اور روزگار کی طرف لانے کی ضرورت ہے۔ والدین اپنے بچوں کی تعلیم و تربیت کے ساتھ ساتھ اس بات پر بھی کڑی نظر رکھیں کہ وہ سوشل میڈیا پر کیا دیکھ رہے ہیں اور کن سرگرمیوں کا حصہ بن رہے ہیں۔ اس موقع پر چیئرمین اسلام بہادر، ڈی ڈی او بلیدہ ممتاز بلوچ، اسسٹنٹ کمشنر بلیدہ ابوبکر بلوچ، سماجی کارکن مجیب الرحمٰن بلیدی، ڈاکٹر رحیم جان، پرنسپل عزیز احمد اور میر محراب اسلم بلیدی بھی موجود تھے۔