کیبلاغی آزرگی رجسٹرڈ کویٹہ

کیبلاغی آزرگی رجسٹرڈ کویٹہ پېجی اسلی کېبلاغی آزرگی اېنمی استۂ

آوالچی: مئنزور پۉیانئسلی نۆ سئرمایې یئگ قۆم یا مئردوم استۂ و کیتاب سئرمایې اسلی امزو نئلسی نۆ استۂ۔ کېبلاغی آزرگی از گوز...
30/08/2025

آوالچی: مئنزور پۉیا

نئسلی نۆ سئرمایې یئگ قۆم یا مئردوم استۂ و کیتاب سئرمایې اسلی امزو نئلسی
نۆ استۂ۔
کېبلاغی آزرگی از گوزئشتۂ چئندین سال کی بئلې زیبۉن و ادئبیاتی آزرگی کار مونۂ دۂ نئتیجۂ چئندین کیتابا رۂ دۂ چاب رئسئندۂ کی خۉد شی یئگ کیݖݖۂ سئرمایې قۆمی استۂ۔
کېبلاغی آزرگی ای تئسمیم رۂ گیریفتئد کی از کیتابای چاپ شودۂ دۂ شئکلی سۆغات دۂ تئمام کیتاب خانای ازارۂ ݖاون و مئکاتیب از دئووری کېبلاغ سۆغات ددۂ شونۂ و بئلدې ازی کار قئدرتو رازیق کۉزاد جئواد آزرۂ و نئدیم سادیق یئگ وئفد جۉر شودۂ ای کاری خݷر رۂ انجام دئد۔

11/08/2025

رازیق کۉزاد

31وومنۂ سالپورغویی پرۉفېسئر آلئم میسبا

10/08/2025

موستئفا امئر

31وومنۂ سالپورغویی آلئم میسبا

04/08/2025

31وومنۂ سالپورغویی شئیید پرۉفېسئر آلئم میسبا
سئرېشتۂ گئری بئرنامۂ: کیبلاغی آزرگی رجسٹرڈ کویٹہ

آوالچی: مئنزور پۉیاایمرۉز یئگشومبې 3 اگئست 2025 کېبلاغی آزرگی دۂ موناسیبئتی 31وومنۂ سالپورغویی جېرکئتوی قۆم شئیید پرۉفېس...
03/08/2025

آوالچی: مئنزور پۉیا

ایمرۉز یئگشومبې 3 اگئست 2025 کېبلاغی آزرگی دۂ موناسیبئتی 31وومنۂ سالپورغویی جېرکئتوی قۆم شئیید پرۉفېسئر آلئم مسبا یئگ بئرنامې قئستۂ گۉیی و تۉرگۉیی سئرېشتۂ کیدئد کی دئزی نوربئن بئرمانۂ تئمام رۆشئن فیکرا٬ ایلم دۉستا ٬ قۆم دۉستا٬ انجومئنا و اونئر مئندا; از جوملۂ سئر میری دوومی ازارۂ ۮېمۉکرېݖیک پارݖی قئدتتو ازیز اوللا ازارۂ ٬ سئر میری اېچ اېس اېف قئدرتو مئنزور اوسݷن انان قئد بئستۂ مېمبئرای اېچ اېس اېف ٬ دۉستای ازارۂ جیرگۂ٬ انجومئنی اۉماغی نۆ ٬ ازارۂ اېساس فاۆنۮېشئن٬ امیدی سئخی زادۂ ٬ ریزا ریزایی٬ داوود یکاولئنگی و باقی اونئر مئندا دۂ دیل گئرمی شیرکئد کیدئد۔
بئرنامۂ دۂ سې بئخش تئخسیم بود کی دۂ اوئلنۂ بئخشی بئرنامۂ سئر میری کېبلاغی آزرگی قئدرتو الی تورانی دۂ بارې ارزیش و گیرئنگی ازی رئقئم بئرناما٬ مودا و مئخسئد و پېش بوردۉنی رایی آلئم میسبا تۉرگۉیی کئد۔
دۂ دوومنۂ بئخشی بئرنامۂ قئدرتو الی یاری دۂ موناسیبئتی سالپورغویی آلئم میسبا یئگ نوربئن و چئمرئستو مئختۂ خاند۔
امی رئقئم سېیوومنۂ بئخشی بئرنامۂ قئستۂ گۉیی بود کی دئزی جئمشود; قئستۂ گۉیایی جېرکئتو رئمزان رئخمانی٬ سۉیۂ باتور٬ مېدی اېناغ٬ موستئفا امئر٬ الی امدئم٬ رازیق کۉزاد جئواد آزرۂ و دۂ آخیر میری جئمشودی قئستۂ گۉیی الی تورانی قئستای خو خاند۔
جارچی بئرنامۂ و جئمشودی قئستۂ گۉیی موستئفا ایلخانی بود

چیم دۂ رایی قۆما استېسوبا یئگ شومبې سادی 5 بئجې پاس رۉزجای: ال آدی تۉی خانۂجئنرئل موسا رۉۮ کۉیݖۂ
02/08/2025

چیم دۂ رایی قۆما استې
سوبا یئگ شومبې سادی 5 بئجې پاس رۉز

جای: ال آدی تۉی خانۂ
جئنرئل موسا رۉۮ کۉیݖۂ

سی و یئکومنۂ سالپورغویی پرۉفېسئر آلئم میسبا رۉزی یئگ شومبې سادی 5 بئجې پاس رۉزجای: ال آدی تۉی خانۂ جئنرئل موسا رۉۮ
01/08/2025

سی و یئکومنۂ سالپورغویی پرۉفېسئر آلئم میسبا

رۉزی یئگ شومبې سادی 5 بئجې پاس رۉز
جای: ال آدی تۉی خانۂ جئنرئل موسا رۉۮ

آوالچی: مئنزور پۉیاکېبلاغی آزرگی رېجیسثئرذ کۉیثۂ کی اینتیخابات شی دۂ 29 جون 2025 از خاتیری باز جینجالا موکئممئل نۂ شودئد...
27/07/2025

آوالچی: مئنزور پۉیا

کېبلاغی آزرگی رېجیسثئرذ کۉیثۂ کی اینتیخابات شی دۂ 29 جون 2025 از خاتیری باز جینجالا موکئممئل نۂ شودئد۔ باز یئگ چئن جئمشودی کۉنۂ کابینۂ و نۆ دۉستای کی دۂ اینتیخابات اېستۂ شودئد بیلدې جۉر کیدۉنی نۆ کابینۂ یئگ کئمېݖی جۉر کئد کی دۂ مېنکئل ازو کئمېݖی قادیر ناییل موستئفا اېلخانی و الی امدئم شامیل بود۔ از دئووری دۉستا کئمېݖی رۂ پورۂ ایختیار دئد کی کابینۂ رۂ جۉر کئنۂ۔ کئمېݖی باد از خېلی تۉرۂ گۉیی و نئزئر سئنجی بئلدې پېش بوردۉنی ایدارۂ یئگ کابینۂ رۂ جۉر کئد و کابینۂ رۂ پابئند کئد بئلدې سالای آییندۂ آیینی کېبلاغ رۂ خامیای شی دور کئنۂ تا کی یئگۉ ای رئقئم جینجالا پېش نۂ یۂ۔

نامای نۆ کابینې کېبلاغی آزرگی
سئر میر: الی تورانی
سئر میری دووم: مېدی اېناغ
میر: موستئفا اېلخانی
میری دووم: الی امدئم
خئزانچی: رازیق کۉزاد
آوالچی: مئنزور پۉیا
دئفتئرچی: سیما بئتول

ای کابینې کیبلاغې آزرگی دۂ 25 جولایی 2025 دۂ دئفتئری کېبلاغی آزرگی جۉر شد.

آوالچی: سیما بئتولدۂ 21 جون 2025 کېبلاغی آزرگی از سایی آوالی کارکئردیگی کابینې 2023 تا 2025 کېبلاغی آزرگی یئگ جئمشود سئر...
23/06/2025

آوالچی: سیما بئتول

دۂ 21 جون 2025 کېبلاغی آزرگی از سایی آوالی کارکئردیگی کابینې 2023 تا 2025 کېبلاغی آزرگی یئگ جئمشود سئرېشتۂ کیدئد ۔
دئزی جئمشود پئگ شئریگدارای کابینې کېبلاغی آزرگی دۂ نۉبئد امو دو سالنۂ کارای کی دۂ زیممېشی بود رۂ کی انجام دیدئد دانۂ دانۂ قئد بېخی دۂ مېنۂ اېشت۔
دۂ آخیر آر کئس کی سئوال یا اېتیراز دئشت از آر شئریگداری کابینۂ پورسان موکئد و کابینۂ مېمبئر جواب میدئد۔
قئد امزی قادی وئختی الینۂ کابینۂ تامۉ شود و بئلدې نۆ اینتیخابات 29 جون 2025 رۉزی یئگ شومبې دۂ نئزئر گیریفتۂ شود۔

آوالچی: سیما بئتولدیرۉز دۂ 15 جون 2025 چئن نئفئر از شاگیردای جېرکیتو دۂ دئفتئری کېبلاغی آزرگی امدئد تا کی دۂ کارئوانی ...
16/06/2025

آوالچی: سیما بئتول

دیرۉز دۂ 15 جون 2025 چئن نئفئر از شاگیردای جېرکیتو دۂ دئفتئری کېبلاغی آزرگی امدئد تا کی دۂ کارئوانی کېبلاغی آزرگی شئریگ شودۂ قئد دۉستای کېبلاغ قئتی کار کئنۂ۔
کېبلاغی آزرگی دۂ سئرکئدیگی الی تورانی ازی آغݷگۉ خۉشی کئشید و دیل پوری دئد کی کېبلاغی آزرگی بئلدې پئگ قۆما کی میتیلبۂ بئلدې بال بورشئوی رئسم و زیبۉنی آزرگی کار کئنۂ یئگ چئمتو و بې جۉرۂ ایدارۂ استۂ و شئریگ شودۉنی شاگیردا دئزی جۉپۂ از پئگ کیدۂ ارزیش تویۂ٬ چئرۂ کی اروغی نئوی یئگ مئردوم جۉر گئری آییندې ازو مئردوم استۂ۔

15/06/2025

جینجالی دو قودغو

رۉزی رئسمی آزرۂ 2025

ایجرا:
لینا آغݷ
یاسمین آغݷ

نیمیشتۂ:
الی تورانی
موستئفا اېلخانی
جئواد آزرۂ
مېدی اېناغ
مئنزور پۉیا

آوالچی سیما بئتولدۂ 2 جون 2025 کېبلاغی آزرگی یئگ جئمشودی از خۉدگی رۂ بئلدې موبارئگ بادی و اۆسیلۂ دیدۉنی چار گولی سئر س...
03/06/2025

آوالچی سیما بئتول

دۂ 2 جون 2025 کېبلاغی آزرگی یئگ جئمشودی از خۉدگی رۂ بئلدې موبارئگ بادی و اۆسیلۂ دیدۉنی چار گولی سئر سئبئد و اولگوی کامیابی بئلدې نۆ جوانا ( قئدرتو ماسومۂ موغول آغݷ ٬ زئکیۂ تئقی ٬ فاتیمۂ ازارۂ و لینا آغݷ ) سئرېشتۂ کیدئد۔
ای جئمشودی از خۉدگی دۂ خانې آتیفۂ سادیق آغݷ گیریفتۂ شودئد کی یئگ پور چئم و زامئد کئش مېمبئری کېبلاغی آزرگی استۂ۔
نا گوفتۂ نئمنۂ کی ماسومۂ موغول قئد زئکیۂ تئقی ایمسال دۂ سئر تا سئری پاکیستان دۂ ایمتیانی سی اېس اېس کامیاب شودۂ۔ فاتیمۂ ازارۂ چئن غݷد پېش دۂ یئگ موقابیلې بݷنولمیلئلی گۉلۮ میۮئلسݖ شود و امی رئقئم لینا آغݷ پارسال دۂ بۉرۮ ایگزېمی مېݖریگ دۂ بئستۂ بئلۉچیستان نومرې اوئل رۂ گیریفتئد۔
دئزی جئمشود دۂ سئرکیردیگی قئدرتو الی تورانی پئگ شئریگدارای کېبلاغ بئلدې چیم رۉشنیگی و موبارئگ بادی و نئقل و تۉر تۉرۂ قئد آر چار آغݷگۉ امدئد۔
دئزی مابݷن دۂ بارې موختئلیف مۆزو وا تۉرۂ گۉیی شود و بئلې امزی تۉرا کی آر کئس و آر ایدارې قۆمی بایئد موتابیقی وئس خو کۉشیش کئنۂ کی بئلدې بال بورشئوی جئممی خو کار کیدۂ و زامئد بیکشۂ۔
کېبلاغی آزرگی بیسئم کامیابی ازی آر چار آغݷ گۉنی جېرکیتو رۂ از قئستی دیل موبارئگ موگیۂ و تئما دیرۂ کی شیجر امیتئر پېرۉزی و کامیابی نئسیب شی شونۂ

Address

Quetta

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Website

Alerts

Be the first to know and let us send you an email when کیبلاغی آزرگی رجسٹرڈ کویٹہ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category