04/11/2025
(کچلاک میڈیا کونسل کے چیئرمین آللہ بخش خان کاکڑ کی قیادت میں ڈی ایس پی کچلاک عابد شاہ بخاری سے ملاقات)
کچلاک(04 نومبر 2025) کچلاک میڈیا کونسل کے چیئرمین آللہ بخش خان کاکڑ کی قیادت میں وفد نے ڈی ایس پی کچلاک سید عابد شاہ بخاری سے ملاقات کی ، اس موقع پر ایس ایچ او کچلاک محمد اجمل ، ایس ایچ او محمد نسیم کاکڑ اور پی ایس ٹو ڈی ایس پی کچلاک رحمت اللہ بھی موجود تھے ۔
وفد میں کچلاک میڈیا کونسل کے صدر سمیع اللہ دومڑ ، جنرل سکریٹری محمد داؤد کاکڑ ، سیکریٹری اطلاعات میروایس خان ترین ، مشاورتی کمیٹی کے اراکین عبدالوحید دومڑ ، صلاح الدین کاکڑ اور عطاء اللہ ناصر شامل تھے ۔
ملاقات میں کچلاک اور مضافات میں میڈیا اور پولیس کے درمیان روابط ، مل کر جرائم پیشہ عناصر کیخلاف اقدامات ، عوام کی جان و مال کی حفاظت ، امن و امان کا قیام اور جرائم کی بیخ کنی سمیت مختلف امور پر سیر حاصل گفتگو ہوئی۔
ملاقات میں علاقائی اور قبائلی امور پر بھی تبادلہ خیال کیاگیا ۔
ملاقات میں جرائم کی بیخ کنی اور عوام کے تحفظ کے لئے مل کر کام کرنے پر اتفاق کیا گیا ۔
