02/08/2026
نواب سر صادق محمد خان عباسی پنجم نے 1907ء میں اقتدار سنبھالنے کے بعد ججہ عباسیہ میں ایک عظیم الشان محل تعمیر کروایا، جو ریاستِ بہاولپور کی شان، تعمیراتی مہارت اور تاریخی عظمت کی ایک منفرد علامت سمجھا جاتا تھا۔
یہ محل صرف شاہی رہائش گاہ نہیں تھا بلکہ شکار گاہ اور آرام گاہ کے طور پر بھی استعمال ہوتا تھا۔ اس دور میں یہاں ایک ریلوے اسٹیشن بھی قائم کیا گیا تھا تاکہ نواب اپنی خصوصی ریل گاڑی کے ذریعے براہِ راست یہاں تشریف لا سکیں۔ روایات کے مطابق اس محل میں تقریباً 300 کمرے تھے اور یہ اپنے وقت کی جدید ترین سہولیات سے آراستہ تھا۔
افسوس کہ وقت گزرنے کے ساتھ یہ تاریخی ورثہ اپنی اصل شکل برقرار نہ رکھ سکا۔ محل کو منہدم کر دیا گیا، اس کی زمین مختلف حصوں میں تقسیم ہو گئی اور بعد ازاں وہاں رہائشی آبادیاں قائم ہو گئیں۔ آج اس عظیم الشان محل کی یاد صرف چند پرانی تصاویر، تاریخی حوالوں اور بزرگوں کی روایات میں باقی رہ گئی ہے۔
آج آپ کے ساتھ اس تاریخی محل کی چند نایاب HD تصاویر شیئر کی جا رہی ہیں، جو اس کی ماضی کی شان و شوکت اور ریاستِ بہاولپور کے شاندار ورثے کی ایک جھلک پیش کرتی ہیں۔
