RYK News Network

02/10/2025

پاکستان مسلم لیگ (ن)کے ضلعی جنرل سیکرٹری و سابق ایم این اے میاں امتیاز احمد سے صادق آباد کے سیاسی و سماجی رہنماؤں پر مشتمل وفد نے ملاقات کی۔
وفد کی قیادت چوہدری اظہر شفیق اور سابق چیئرمین میونسپل کمیٹی صادق آباد چوہدری شفیق پپا نے کی۔ اس موقع پر سابق صدر چیمبر آف کامرس اینڈ انڈسٹری رحیم یار خان چوہدری محمد اقبال حفیظ، چوہدری مسعود احمد، چوہدری عبدالصبور، میاں اختر الیاس اور دیگر بھی موجود تھے۔
وفد نے میاں امتیاز احمد، محمود الحسن چیمہ اور ورکرز پر قائم کی جانے والی "بے بنیاد ایف آئی آرز" کی شدید مذمت کی اور انہیں مسترد کرتے ہوئے میاں امتیاز احمد سے اظہارِ یکجہتی کیا۔

02/10/2025

میاں امتیاز احمد سابق ایم این اے و ضلعی جنرل سیکرٹری پاکستان مسلم لیگ ن کا رحیم یارخان نورے والی والے ریلوے پھاٹک کی بندش پر اہم پیغام۔

01/10/2025

میاں امتیاز احمد سابق ایم این اے و ضلعی جنرل سیکرٹری پاکستان مسلم لیگ ن نے ڈپٹی کمشنر خرم پرویز کو 29 جولائی 2025 کو عرفان انور اور رانا محمود احمد کے تمام حقائق سے آگاہ کر دیا تھا جو رحیم یارخان شہر ،تاجران اور عوام کے بارے میں تھے۔

30/09/2025

صبح رحیم یار خان سے گزرنے والا مزائل پاک فوج کا فتح4 کروز میزائل تھا

پاکستان نے فتح 4 کروز میزائل کا کامیاب تجربہ کرلیا
ہدف کو مکمل نشانہ بنانے اور دفاعی نظام کو چکمہ دینے کی مکمل صلاحیت رکھتا ہے آئی ایس پی آر

30/09/2025

30/09/2025

۔آج عدالت میں سابق ایم این اے میاں امتیاز احمد، چوہدری محمود الحسن چیمہ سابق ایم پی اے اور ایڈمنسٹریٹر میونسپل کمیٹی عرفان انور کے مابین جاری تنازعے کی سماعت کے موقع پر میاں امتیاز احمد سابق MNA وضلعی جنرل سیکرٹری پاکستان مسلم لیگ ن اور چوہدری محمود الحسن چیمہ سابق ایم پی اے اپنے وکلاء اور اپنے کارکنان کے ہمراہ ۔

30/09/2025

۔آج عدالت میں سابق ایم این اے میاں امتیاز احمد، چوہدری محمود الحسن چیمہ سابق ایم پی اے اور ایڈمنسٹریٹر میونسپل کمیٹی عرفان انور کے مابین جاری تنازعے کی سماعت کے موقع پر میاں امتیاز احمد سابق MNA وضلعی جنرل سیکرٹری پاکستان مسلم لیگ ن اور چوہدری محمود الحسن چیمہ سابق ایم پی اے اپنے وکلاء اور اپنے کارکنان کے ہمراہ ۔

27/09/2025

یہ کیسا ظلم ہے؟ یہ کیسی رعونت ہے؟ حکمران جماعت کا ضلعی جنرل سیکرٹری، قومی حلقے کا ٹکٹ ہولڈر، ایک بار کا رکنِ قومی اسمبلی، دو مرتبہ کا ایم پی اے اور سابق مشیرِ اعلیٰ پنجاب، جب ایسے عوامی نمائندے کی نصف درجن سے زائد عوامی مسائل پر کی گئی فون کالز کو بے دردی سے نظر انداز کیا جاتا ہے، پبلک آفس میں تذلیل کی جاتی ہے، اور پھر آتشیں اسلحہ کی سنگین دفعات کے تحت سراسر جھوٹا من گھڑت مقدمہ درج کر دیا جاتا ہے تو یہ میاں امتیاز احمد کی کمزوری نہیں بلکہ افسر شاہی کی وحشی منہ زوری کا ناقابلِ انکار ثبوت ہے!

یہ کیسی ریاست ہے جہاں لوٹ مار اور کرپشن کے الزامات میں لتھڑے افسران عوام کو ریوڑ کی طرح ہانکیں، نمائندوں کو ترنوالہ سمجھیں اور پھر بھی اپنی کرسیوں پر براجمان رہیں؟ یہ سب کچھ اربابِ اختیار کی آشیر باد کے بغیر کیسے ممکن ہے؟ یہ تو وہی نظام ہے جو عوام کی ہڈیوں کا گودا تک نچوڑ لینے پر تُلا ہوا ہے اور پھر سینہ تان کر اپنی بدمعاشی کو قانون کا نام دیتا ہے!

میاں امتیاز احمد نے ذاتی مفاد نہیں، عوامی فرض ادا کیا ہے۔ وہ عوام کی عدالت میں باوقار و سرخرو ہیں۔ جو لبادہ اترا ہے، وہ کسی شخص کا نہیں بلکہ اس پورے استحصالی نظام کا ہے جو افسر شاہی کے ہاتھوں یرغمال بن کر عوام پر بے رحمی کے ساتھ مسلط ہے۔ میاں صاحب ، اپنا حوصلہ اور عوامی خدمت کا عزم بلند رکھیں، اللّٰہ تعالیٰ آپ کا حامی و ناصر ہو۔ آمین ❣️
دعاگو : عرفان علی

27/09/2025

ضلعی جنرل سیکرٹری استحکام پاکستان
جناب حافظ عمار عزیز بلوچ صاحب کا ایک اہم بیان

27/09/2025

غیر قانونی ہاؤسنگ سکیمیں ہوں یا تجاوزات ، میاں امتیاز احمد نے کبھی غلط کام کی حمایت کی نہ سفارش، ایڈمنسٹریٹر میونسپل کمیٹی اور ان کی پروپیگنڈہ بریگیڈ کے ایسے الزامات جھوٹ اور حقائق کے منافی ہیں۔ تاجروں کو ہراساں کرنے رشوت ستانی اور لوٹ مار کا راستہ روک کر شہریوں کے حقوق کا تحفظ ہر قیمت پر کیا جائے گا۔ جھوٹے مقدمے ، چھاپے ، گرفتاریاں اور اختیارات کے زعم میں دھونس، دھمکیاں عوامی خدمت کے مشن سے پیچھے نہیں ہٹا سکتی۔ ترجمان میاں امتیاز احمد

پاکستان مسلم لیگ ن کے ضلعی جنرل سیکرٹری رحیم یارخان و سابق ایم این اے میاں امتیاز احمد کے ترجمان نے واضح کیا ہے کہ ایڈمنسٹریٹر میونسپل کمیٹی کے دفتر میں گزشتہ دنوں ایک واقعہ کے بعد ایڈمنسٹریٹر موصوف اور ان کی پروپیگنڈہ بریگیڈ حقائق کے یکسر منافی اور جھوٹا پروپیگنڈہ کر رہے کہ میاں امتیاز احمد وقوعہ کے روز رحیم یارخان شہر کی بعض غیر قانونی ہاؤسنگ سکیمز کے مالکان کی حمایت میں ان کی ناجائز سفارش کیلئے ایڈمنسٹریٹر میونسپل کمیٹی کے آفس گئے تھے۔ یہ تاثر سراسر غلط ، بے بنیاد اور محض بہتان و الزام تاشی ہے۔

اپنے ایک بیان میں ترجمان نے کہا کہ میاں امتیاز احمد کی رحیم یارخان میں تین دہائیوں پر مشتمل عوامی خدمت کی سیاست اس امر کی شاہد ہے کہ انہوں نے سرکاری دفاتر سمیت کسی بھی فورم پر کبھی بھی غلط کام کی سفارش یا حوصلہ افزائی نہیں کی۔ رحیم یارخان کی ہاؤسنگ سکیموں کے معاملے پر بھی میاں امتیاز احمد کا موقف روز اول سے واضح اور شفاف ہے کہ جہاں جہاں قواعد و ضوابط سے ہٹ کر غیر قانونی بن رہی یا وہاں تعمیرات ہو رہی ہیں، ان کے خلاف محترمہ مریم نواز وزیراعلیٰ پنجاب کے ویژن اور حکومتی پالیسی کے مطابق کارروائی ہونی چاہیے۔ میاں امتیاز احمد اسے سرکاری اقدامات کی نہ صرف حمایت کرتے آئے ہیں بلکہ انہیں سراہتے ہیں۔ لیکن جن ہاؤسنگ سکیموں کے مالکان نے تمام شرائط اور قواعد و ضوابط پورے کرتے ہوئے اپنے واجبات و فیسز تک جمع کروا رکھی ہیں۔ ان کے کیسز کی منظوری حکومتی اداروں کا کام ہے ، اور ان کی منظوری میں غیر معمولی تاخیر یا تسخیری حربے خود بیوروکریسی کی ساکھ پر ایک سوالیہ نشان ہے۔

تجاوزات کی آڑ میں حکومت مخالف مخصوص ایجنڈے پر کام کرنے ہوئے تاجروں کو ناجائز ہراساں کرنے ان سے لاکھوں روپے کی رشوت لینے کے واقعات ریکارڈ پر ہیں، پہلے حیلے بہانوں سے دکانوں کو بلا وجہ سیل کیا جاتا ہے اور پھر دکانداروں کو پریشان و ہراساں کرنے ان سے بھاری رقوم بٹوری جاتی ہیں۔ اس ظلم، زیادتی اور لوٹ مار کے شکار ہونے والے شہریوں اور تاجروں کو بے یار و مددگار، لاوارث اور تنہا نہیں چھوڑا جا سکتا۔ میاں امتیاز احمد رحیم یارخان میں عوام کے نمائندے اور حکومتی جماعت کے ذمہ دار عہدے پر فائز ہے۔ ہاؤسنگ سکیموں کیخلاف اقدام یا شہر میں تجاوزات کیخلاف آپریشن کی آڑ میں شہریوں، تاجروں اور دکانداروں کو ناجائز تنگ و ہراساں کرنے کی شکایات کے کر متاثرین جب جب میاں امتیاز احمد کے پاس داد رسی کیلئے آئے گے، میاں امتیاز احمد ان کے جائز حقوق کے تحفظ کیلئے ضرور بہ ضرور اپنا کردار ادا کریں گے اور عوامی فرض نبھائیں گے۔

سرکاری دفاتر میں افسران کا آنا جانا معمول کی بات ہے لیکن میاں امتیاز احمد کی سیاست اور جینا مرنا اپنے عوام کیلئے ہے۔ عوام کے حقوق پر بہرحال سمجھوتہ کسی قیمت پر نہیں ہو سکتا اس محاذ پر میاں امتیاز احمد کا ماضی گواہ ہے۔

ترجمان نے کہا کہ میاں امتیاز احمد کا اپنے بہی خواہوں اور پارٹی کارکنوں کے نام پیغام ہے کہ ہم سب اپنی پارٹی قیادت قائد محترم میاں محمد نواز شریف ، وزیراعظم میاں محمد شہباز شریف اور وزیر اعلیٰ پنجاب محترمہ مریم نواز شریف کی قیادت میں متحد ہیں۔ عوام کی خدمت ہمارا سیاسی ایجنڈا ہے۔ اس مشن کی راہ میں جھوٹے مقدمے، چھاپے، گرفتاریاں، دھونس، دھمکیاں اور کوئی دوسری رکاوٹ حائل نہیں ہو سکتی۔