Jaams

06/05/2021

حجر اسود کے بعد مقام ابراہیم کی بھی جدید ترین تکنیک سے بنائی گئی تصاویر جاری

مقام ابراہیم خانہ کعبہ کے مشرقی حصے پر وہ مقام ہے جہاں اللہ کے نبی، حضرت ابراہیم نے ایک پتھر پر کھڑے ہو کر خانہ کعبہ کی تعمیر کی تھی اور اس پتھر پر ان کے قدموں کے نشانات موجود ہیں۔

06/05/2021

جنت کا پتھر
سعودی حکام نے حجر اسود کی قریب ترین تصویر بنالی۔ تصویر میں حجر اسود کا 49 ہزار میگاپکسل تک کلوزاپ دکھایا گیا ہے۔ تاریخ میں پہلی مرتبہ حجر اسود کی اتنی باریک اور شفاف تصویر بنائی گئی ہے۔سبحان اللہ جنت کا پتھر اتنا خوب صورت ہے تو باقی کا تصور کیجیے. ماشااللّہ

28/01/2021

08/01/2021

داخلے جاری ہیں

15/06/2020

22 کروڑ آبادی کے اس ملک کے مضافات سڑکوں اور آبادی میں درخت نا ہونے کے برابر ہیں. او
گل مہر پاکستان کا ایک خوبصورت درخت ہے، کونو کارپس درخت نہیں ہے بلکہ باڑ (Hedge) بنانے کے کا پودا / جھاڑی ہے.
نیم لگائیں، گل مہر لگائیں، بچوں کی پیدائش پر لگائیں، توبہ کریں تو پودا لگائیں، مرحومین کی برسی پر لگائیں، دل میں کسی کے لئے محبت کی کونپل پھوٹے تو لگائیں، نوکری ملے تو لگائیں، ترقی پر لگائیں.
اور پھر ان کی نگہداشت بھی ایسے کریں جیسے اوپر لکھے گئے معاملات کی کرتے ہیں.

گھر کے باہر لگائیں، اسکول کالج یونیورسٹی مدرسے میں لگائیں، دفتر میں لگائیں، دکان کارخانے کے باہر لگائیں.
ایک درخت کار کے اے سی کے بدلے کا، ایک گھر کے اے سی کے بدلے ایک آفس کے اے سی کے بدلے.

ایک گھنے درخت کا سایہ درجہ حرارت کو 7 سے 15 درجہ کم کرتا ہے، جبکہ فائبر پلاسٹک یا ٹین کی چادر کے چھجہ کا سایہ 1 سے 3 سینٹی گریڈ درجہ حرارت کم کرتا ہے. نیم کا ایک درخت 1000 BTU یا 6 kw سے زیادہ ٹھنڈ مہیا کرتا ہے (یعنی ایک سے ڈیڑھ ٹن کے اے سی کے برابر).



اپنے آنے والی نسل کے لئے کچھ کر کے جائیں.

01/06/2020

الحمدللہ آج سے باغ و بہار میں نیکی کی ٹوکری کا باقاعدہ افتتاح ہو گیا ہے جہاں سے مستحق افراد مفت روٹی حاصل کر سکتے ہیں

27/03/2020

پاکستان میں ایک دن میں پچاس ہزاراسپتال بنائے جا سکتے ہیں

ملک میں صورت حالات بالکل بگڑ جائے، اسپتال کم پڑجائیں، ڈاکٹر کم پڑجائیں، پھر کیا ہو گا؟ اور ایسے میں بڑی سطح پر کرونا مریض ہر گاؤں، شہر میں بڑھنے لگیں تو ان کو کہاں لے جایا جائے گا؟ آخر کرونا مریض کو کہاں لے کر جایا جائے گا؟ اس سوال نے اوسان خطا کیے ہوئے ہیں۔ کیونکہ ہم نے دیکھاہے کہ یورپ اور امریکا کا بیسٹ میڈیکل سسٹم پورا نہیں پڑ رہا پھر ہم کس کھیت کی مولی ہیں کہ جو ایک ایکسیڈنٹ کے کیسز کو سنبھال نہیں سکتے، ہزاروں، بلکہ خدا نخواستہ لاکھوں خطرناک مریضوں کو کیسے سنبھالیں گے؟ ہمارے اسپتال تو پورے نہیں پڑیں گے، بلکہ دنیا میں کسی بھی ملک کے اسپتال ایک ساتھ لاکھوں لوگوں کے لئے کافی نہیں پڑتے میرے خیال میں عوام کو اس سلسلے میں خود ہی تیاری کر لینی چاہیے۔ ایسے میں ہم گاؤں کی سطع پر ایک دن کے اندر ہزاروں بیسک ہیلتھ یونٹ اپنی مدد آپ کے تحت بنا سکتے ہیں۔ دیہاتی زندگی گزارنے والے ہر شخص کو پتہ ہے کہ ہر گاؤں میں ایک سے زیادہ بڑے کھلے، بیٹھک، اوطاق، حجرے ہوتے ہیں، گھروں سے ہٹ کر، الگ تھلگ، وہاں ویسے ہی شام کو کچہری لگتی ہے، سو سو لوگ آکر بیٹھتے ہیں۔ ان حجروں، اوطاقوں، بیٹھکوں کو کچھہ مہینے کے لئے گاؤں والے اپنے لئے ہی اسپتال میں تبدیل کر دیں۔ اگر خدا نخواستہ حالات بگڑ جائیں تو یہ ان کے اپنے اسپتال بہت کام آئیں گے۔ہر بیٹھک میں مناسب فاصلے پر، چالیس، پچاس یا جتنی جس اوطاق کی گنجائش ہو چارپائیاں لگا دی جائیں، چارپائیوں کی گاؤں میں کمی نہیں ہوتی۔ ہرچارپائی پر مچھردانی لگا کر، ڈرپ ٹانگنے کے لئے ایک لکڑی اوپر پاوے کے ساتھ باندھ دی جائے۔ کچرے کے لئے ہر چارپائی کے ساتھہ ڈبہ رکھیں، بستر، گاؤں کے لوگوں کے پاس بہت ہوتے ہیں، وہ مریضوں کے استعمال میں لاکر بعد میں سپرد آتش کر دیے جایئں۔ان اسپتالوں کے لئے گاؤں میں ایک ڈاکٹر اگر ہے تو ایمرجنسی میں کافی ہوگا۔ اس کی مدد کے لئے، لیڈی ہیلتھ ورکر، کمپاؤنڈر سے مدد لی جا سکتی ہے، عطائی ڈاکٹروں سے بھی کمپاؤنڈر کا کام لیا جا سکتا ہے۔ گاؤں کے ڈاکٹر اور دیگر اسٹاف کو کرونا مریض سے ڈیل کرنے،کون سی سپورٹنگ دوائیاں دینی ہیں؟ مریض کو کیسے رکھنا ہے، اور دیگر بنیادی معلومات آن لائن دے کر ایک دن میں تربیت یافتہ بنایا جا سکتا ہے، ایسے اسپتال حکومت کے لئے بھی بہت مددگار ثابت ہوں گے کہ صرف ایک ڈاکٹر اور کچھ میڈیسن بھیج کر، گاؤں میں موجود ہیلتھ ورکر، کمپاؤنڈر اور رضاکاروں کی مدد سے پورا گاؤں کور کیا جا سکتا ہے، ویسے بھی ہمارے ملک میں سرکاری اسپتالوں میں اس سے زیادہ مریض کے لئےکیا ہوتا ہے؟ہو سکے تو اسپتال قائم کرنے والی گاؤں کی پنچائت، ایمرجنسی دواؤں، ڈرپس، انجیکشنس، کا تھوڑا اسٹاک کر دے۔ مجھے یقین ہے، بنیادی صحت مرکز آپ کے پاس اپنا ہوگا تو، حکومت باقی مدد ضرور کرے گی۔ ظاہر ہے، وینٹیلیٹر تو اس وقت ہر مریض کو ملیں گے نہیں۔ اگر گاؤں کے لوگ اپنے گاؤں میں صرف چند مہینے کے لئے ایسے اسپتال بنا کر اپنے گاؤں کو کرونا میں سنبھالتے ہیں تو یہ اپنی، اپنے پیاروں کی بہت بڑی مدد ہوگی اور حکومت کے لئے بھی بڑی مدد ہوگی۔ ورنہ سرکاری اسپتال اس آفت میں بالکل بھی کافی نہیں ہیں۔
اگر آ یئڈیا پسند آئے تو زیادہ سے زیادہ شئر کریں تاکہ مشکل وقت میں سب کے کام آئے
شکریہ

29/02/2020

تین روزہ فری آئی کیمپ2020

07/02/2020

3 day free eye camp 2020

23/12/2019

Mass wedding 2019

12/08/2019

آپ نے اکثر لوگوں کو یہ کہتے سنا ہوگا کہ قربانی کے گوشت کا ذائقہ اچھا نہیں ہوتا، اس میں سے ایک ناگوار سی مہک یا بو آتی ہے اور یہ جلدی گلتا یعنی پکتا بھی نہیں۔ ہوسکتا ہے یہ سب کچھ آپ نے بھی محسوس کیا ہو۔ اگر ہاں تو کیا کبھی سوچا کہ ایسا کیوں یے؟ اگر غور کرنے کا وقت نہیں ملا تو ہم بتائے دیتے ہیں، لیکن معذرت کے ساتھ آپ کو جانور ذبح کرنا یا کروانا نہیں آتا۔

آپ کو کرنا کیا ہوگا؟ کچھ بھی نہیں۔ بس ساون کے مینڈکوں کی طرح نکلنے والے نسلی یا فصلی قصائیوں کی باتوں پر یقین نہیں کرنا بلکہ دین کی روشنی اور ذبیحے کی سائنس کو مدنظر رکھتے ہوئے ان سے میرٹ پر جانور ذبح کروانا اور گوشت بنوانا ہے۔ اگر وہ آگے سے جز بز ہوں تو آپ چیں بچیں ہو جائیں۔ آخر آپ ان کو پیسے کس بات کے ادا کر رہے ہیں؟ اگرچہ سچے آپ بھی ہیں کہ پاکستان اور میرٹ!!! جی ہاں! کہیں اور ہو یا نہ ہو، لیکن اس بار چھری تلے میرٹ ضرور ہونا چاہیے، بس یہی آپ نے کرنا ہے۔

اگر آپ پاکیزہ، خوشبودار اور ذائقہ دار گوشت کھانے کے واقعی خواہشمند ہیں تو پھر سنیے۔ ذبح کرنے کی چھری آپ کی نیتوں کی مثل اچھی طرح تیز ہونی چاہیے، ذبح کرنے سے قبل جانور کو خوب کھلا پلا لیں اور جانوروں کو ایک دوسرے کے سامنے ذبح کرکے خوف کا شکار مت کریں۔ ان تمام صورتوں میں جسم میں ایک کیمیکل 'ہسٹامین' خارج ہونا شروع ہوجاتا ہے، جو خون کی نالیوں کو پھیلا دیتا ہے، جس سے خون سست رفتار ہوکر مکمل طور پر جسم سے خارج نہیں ہو پاتا۔ اور یوں گوشت کی کوالٹی متاثر ہو جاتی ہے۔

اور سب سے اہم بات جو آپ نے دھیان میں رکھنی ہے وہ یہ کہ ذبح کرنے والے کو کبھی مذبوح کے حرام مغز کو نہیں کاٹنے دینا۔ اگرچہ وہ سو بہانے بنائے گا اور جانور کو جلدی ٹھنڈا کرکے اذیت سے نجات دلانے کے دعوے کرے گا، لیکن آپ نے سنی ان سنی کردینی ہے۔ اسے نہ آپ کے جذبہ قربانی کی فکر اور نہ بسمل کی تکلیف کا خیال۔ وہ تو بس اگلے گاہک اور اپنی ففٹی سنچری کے تصور میں ہوگا۔ اور شرعی طور پر بھی چھری ریڑھ کی ہڈی کے مہروں تک لیجانا جانور کو بلاوجہ اذیت دینا اور مکروہ ہے۔ ذبح کی شرائط میں اول سانس کی نالی، دوم خوراک کی نالی، سوم دو جگلر آرٹریز اور چہارم دو کیروٹڈ آرٹریز میں سے کسی تین کا مکمل یا جزوی کٹ جانا اور خون کا بہہ جانا شامل ہے۔ چلیں آپ ساری نالیاں اور رگیں کاٹ دیں مگر مہروں تک چھری پہنچانے کی کوئی ضرورت نہیں۔ لیکن پھر بھی اگر کوئی دادوں پردادوں کے فن دکھانے کی کوشش میں حرام مغز کو کاٹ دیتا ہے تو جسم کا تڑپنا یکدم رک جائے گا اور یوں گوشت میں موجود باریک رگوں سے خون خارج نہیں ہوپائے گا۔ جس کا نتیجہ گوشت کی خرابی کی صورت میں نکلتا ہے۔

اور آخری بات، جانور کے تڑپنے کے ساتھ اس کی تکلیف کا کوئی تعلق نہیں۔ پہلے دو تین سیکنڈ میں ہی جب سانس اور خون کی نالیاں کٹ جاتیں ہیں، تو اس کا دماغ بے حس ہوکر تکلیف محسوس کرنا بند کردیتا ہے۔ تڑپنا اس کے پٹھوں کی غیر ارادی حرکات کی وجہ سے ہوتا ہے جو اس کے حرام مغز کے تحت ہوتی ہیں۔