Mayo News

04/06/2026

https://youtube.com/shorts/8vQtOhJI5CY?si=dwlu5Z0bEeQv81vp
"بسم اللہ الرحمٰن الرحیم۔ نفرت نہیں، خدمت؛ تقسیم نہیں، اتحاد۔ یہی مضبوط اور خوشحال پاکستان کا راستہ ہے۔ پاکستان زندہ باد۔"
محمد فاروق جان میو
چیرمین پاکستان مسلم لیگ آزاد پولیٹیکل پارٹی

"بسم اللہ الرحمٰن الرحیم۔ نفرت نہیں، خدمت؛ تقسیم نہیں، اتحاد۔ یہی م...

04/06/2026

https://youtube.com/shorts/FTBu-uz9jx4?si=g8x3WLYxZzznMDuA
بسم اللہ الرحمٰن الرحیم

وَمَن يَتَّقِ اللّٰهَ يَجْعَلْ لَهُ مَخْرَجًا
"اور جو اللہ سے ڈرتا ہے، اللہ اس کے لیے نکلنے کا راستہ بنا دیتا ہے۔"
(سورۃ الطلاق: 2)

بسم اللہ الرحمٰن الرحیموَمَن يَتَّقِ اللّٰهَ يَجْعَلْ لَهُ مَخْرَ...

04/06/2026

نہ زمین پھٹی، نہ آسمان گرا، مگر چنیوٹ کے علاقہ محلہ ڈھگی پار میں بااثر افراد نے ظلم و زیادتی کی ایسی داستان رقم کر دی جس نے انسانیت کو بھی شرمندہ کر دیا۔ مبینہ طور پر چند بااثر افراد نے چادر و چار دیواری کا تقدس پامال کرتے ہوئے ایک غریب خاندان کے گھر میں گھس کر مردوں کے ساتھ ساتھ خواتین کو بھی بدترین تشدد کا نشانہ بنایا۔ متاثرہ خاندان نے انصاف کی اپیل کرتے ہوئے مطالبہ کیا ہے کہ واقعہ میں ملوث عناصر کے خلاف فوری اور سخت قانونی کارروائی عمل میں لائی جائے تاکہ قانون کی بالادستی قائم ہو اور متاثرین کو انصاف مل سکے۔

03/06/2026

لاہور سے میو نیوز کی رپورٹ کے مطابق، ٹاؤن شپ کالج روڈ لاہور کے رہائشی محمد طارق شکور میو کے بڑے بھائی اور سابق رکن پنجاب اسمبلی چوہدری محمد امجد میو پتوکی کے چچا زاد بھائی، اور محمد آیان آصف میو کے والد محترم معروف سیاسی،و سماجی اور عوامی شخصیت چوہدری محمد آصف خاں میو، سابق چیئرمین یونین کونسل 135 ٹاؤن شپ لاہور، سابق صدر پاکستان میو عوامی اتحاد اور صدر پاکستان میو اتحاد کے ایصالِ ثواب کے لیے ان کی رہائش گاہ آصف پارک، ٹاؤن شپ کالج روڈ لاہور میں قل شریف اور قرآن خوانی کا اہتمام کیا گیا۔
اس روح پرور تقریب میں مرحوم کے عزیز و اقارب، دوست احباب، سیاسی، سماجی، مذہبی اور مختلف شعبہ ہائے زندگی سے تعلق رکھنے والی ممتاز شخصیات سمیت سینکڑوں افراد نے شرکت کی اور مرحوم کی خدمات کو خراجِ عقیدت پیش کرتے ہوئے ان کے درجاتِ بلندی کے لیے دعا کی۔
تقریب میں ، سابق ایم پی اے چوہدری محمد امجد میو، کیپٹن عطاء محمد میو ڈی آئی جی پنجاب، وفاقی وزیر اطلاعات عطاء اللہ تارڑ، راؤ غلام محمد میو اسلام آباد، محمد فاروق جان میو چیئرمین میو نیوز اینڈ لائیو حقیقت نیوز، محمد نعیم میو صدر ضلع لاہور پاکستان میو اتحاد ، ریحان احمد خاں میو ایڈووکیٹ ممبر پنجاب بار کونسل، شکراللہ میو ڈائریکٹر میو نیوز، مشتاق احمد میو امبرالیا اینکر پرسن میو نیوز، محمد آصف میو اینکر پرسن میو نیوز، سہیل احمد میو،
علی شیر میو، احمد خاں میو،راؤ خورشید میو ، خالد حسن میو ،سردار ابراہیم شاہین میو، محمد جاوید میو رائے ونڈ، حکیم محمد زاہد وصی زیدی، محمد سعید اقبال میو پراپرٹی ڈیلر ، ڈاکٹر محمد اقبال میو جنرل ہسپتال لاہور،راؤ خضر حیات میو، محمد آصف میو بیدیاں روڈ لاہور، چوہدری وحید اختر میو اور دیگر معزز شخصیات نے شرکت کی۔
اس موقع پر تلاوتِ کلامِ پاک اور قرآن خوانی کے بعد عقیدت و احترام سے نعتیہ کلام پیش کیا گیا، جبکہ ختمِ پاک بھی پڑھا گیا۔ شرکاء نے مرحوم چوہدری محمد آصف خاں میو کی بخشش و مغفرت، درجاتِ بلندی اور جنت الفردوس میں اعلیٰ مقام کے لیے خصوصی دعائیں کیں۔ مقررین نے مرحوم کی سماجی، سیاسی اور قومی خدمات کو سراہتے ہوئے انہیں ایک باوقار، مخلص، خدمتِ خلق کے جذبے سے سرشار اور برادری کے لیے قابلِ فخر شخصیت قرار دیا۔
تقریب کے اختتام پر مرحوم کے ایصالِ ثواب کے لیے اجتماعی دعا کی گئی جبکہ تمام مہمانوں کے لیے پرتکلف ضیافت اور لنگر کا بھی اہتمام کیا گیا، جس میں شرکاء نے بھرپور شرکت کی اور مرحوم کے اہلِ خانہ سے اظہارِ تعزیت کرتے ہوئے ان کے لیے صبرِ جمیل کی دعا کی۔

03/06/2026

خبر شامل کرتے ہیں ضلع سیالکوٹ کلووال سے اپنے نمائندے محمد شہباز مہر کی رپورٹ کے مطابق نیوشاپ ڈیلکس دروازے شاندار افتاح اور محفل میلاد مصطفی صلی اللہ علیہ وسلم بالمقابل گورنمنٹ بوائز پرائمری سکول گگڑ مغلاں افتاح بدست مبارک ہمرار سنگت کے جناب صوفی محمد بوٹا نقشبندی مجددی آف کلووال نے اللہ کے نام سے کیا
ساتھ ہی محفل مراد مصطفی صلی اللہ علیہ وسلم کا اغاز قران پاک کی تلاوت سے کیا گیا مختلف نعت خواں حضرات نے عمدہ انداز میں ہدیہ نعت پیش کیا خصوصی نعت حضرت صوفی محمد رزاق صاحب نے پڑھ کر حاضرین محفل کے دلوں کو منور فرمایا صوفی محمد بوٹا نقشبندی مجدری نے اقا علیہ الصلوۃ والسلام کی تمام امت کے لیے دعا فرمائی بالخصوص پاکستان کے لیے اور اس نیے کاروبار کے لیے اور اخر میں حاضرین محفل میں لنگر تقسیم کیا گیا

03/06/2026

خبر شامل کرتے ہیں تحصیل ڈسکہ سے جہاں پٹرولنگ پولیس نے کال سنتے ہی ڈاکوؤں کے چھکے چھڑا دئیے تفصیلات کے مطابق
ٹیم پٹرولنگ پوسٹ گلوٹیاں موڑ کی بروقت کاروائی
ریجنل افیسر ایس پی میاں معظم صاحب کی خصوصی ہدایت پر اور ڈسٹرکٹ انچارج ڈی ایس پی خداداد تارڑ کی زیر نگرانی انچارج پٹرولنگ پوسٹ گلوٹیاں موڑ سب انسپیکٹر یاسر محمود اور ان کی ٹیم اے ایس آئی عمران بسرانے واردات کی کال موصول ہونے پر بروقت ایکشن لیتے ہوئے محمد عرفان سے موٹر سائیکل چھین کر فرار ہونے والے ملزم ولید سکنہ ڈسکہ کو مختصر وقت میں ناکہ بندی کر کے گرفتار کر لیا اور چھینی ہوئی موٹر سائیکل بھی برآمد کر لئی گئی
جبکہ مزید کاروائی کرتے ہوئے بابر سکنہ ڈسکہ کے قبضہ سے شراب برآمد کر کے تھانہ سٹی ڈسکہ کے حوالے کر کے مقدمہ کا اندراج کروایا گیا۔ متاثرہ شخص کا کہنا ہے
اسی طرح اگر موقع ہاتھ سے گنوائے بغیر ہمارے محافظ ہماری پنجاب پولیس کے نوجوان چوکنا رہیں تو کسی ڈاکو لٹیرے کی جرات نہیں ہو گی ۔وہ کسی کے لئیے راہ جاتے ہوئے پریشانی کا سبب بنے

03/06/2026

🌹 بچیوں کی شادی میں اپنا حصہ ڈالیں 🌹

الحمدللہ! ایک مستحق گھرانے کی بچیوں کی شادی کے لیے اہلِ خیر سے تعاون کی اپیل پر چند مخیر احباب نے حصہ ڈالا:
▪ غلام نبی میو ایڈووکیٹ — 25,000 روپے
▪ محمد اسحاق میو (اسلام آباد) — 20,000 روپے
▪ محمد حنیف (کراچی) — 5,000 روپے
▪ منیر احمد (کراچی) — 5,000 روپے

اللہ تعالیٰ ان سب کو جزائے خیر عطا فرمائے۔ آمین۔

آپ بھی اپنی استطاعت کے مطابق اس نیک کام میں شریک ہو سکتے ہیں۔ چاہے 500، 1000 یا اس سے زیادہ، ہر تعاون قیمتی ہے اور ان شاء اللہ ایک ایک روپیہ اسی مقصد پر خرچ کیا جائے گا جس کے لیے وصول کیا جا رہا ہے۔

📱 رابطہ و تعاون:
0333-2961633
غلام نبی میو ایڈووکیٹ سپریم کورٹ، میرپورخاص
سیکرٹری جنرل پاکستان میو اتحاد

آئیے مل کر ایک ضرورت مند گھرانے کی خوشیوں کا سبب بنیں۔

03/06/2026

آوازِ فاروق

سچ کی آواز، میو قوم کی رہنمائی

ایک تحریر نے مجھے رُلا دیا!

کیا ہم اپنے خدمت گاروں کو تنہا چھوڑ رہے ہیں؟

تحریر: محمد فاروق جان میو
چیئرمین میونیوز HD
چیئرمین پاکستان مسلم۔لیگ آزاد (پولیٹیکل پارٹی)

کبھی کبھی چند الفاظ انسان کے دل پر ایسی چوٹ لگا دیتے ہیں جو برسوں تک محسوس ہوتی رہتی ہے۔ بعض اوقات ایک مختصر سی تحریر سینکڑوں تقریروں اور ہزاروں الفاظ سے زیادہ اثر چھوڑ جاتی ہے۔
کچھ دیر پہلے سوشل میڈیا اور مختلف واٹس ایپ گروپس میں ایک تحریر نظر سے گزری۔ یہ تحریر میواتی زبان کے معروف خادم، نعت خواں، شاعر اور فنکار حافظ محمد جعفر ضیاء قصوری صاحب کی تھی۔ بظاہر یہ چند سطریں تھیں، لیکن حقیقت میں یہ ایک ایسے دل کی آواز تھی جو برسوں سے اپنی قوم، اپنی زبان اور اپنی ثقافت کے لیے دھڑک رہا ہے۔
میں نے جب یہ تحریر پڑھی تو سچ کہتا ہوں کہ میرا دل بے حد دکھی ہوا۔ میں دیر تک خاموش بیٹھا رہا۔ بار بار اس تحریر کو پڑھتا رہا اور سوچتا رہا کہ آخر وہ شخص جو ہمیشہ مضبوط نظر آیا، جو کبھی تھکا ہوا محسوس نہیں ہوا، جو ہمیشہ بغیر کسی لالچ، بغیر کسی صلے اور بغیر کسی دنیاوی مفاد کے میواتی زبان کی خدمت میں مصروف رہا، وہ آج اتنا دل گرفتہ کیوں نظر آ رہا ہے؟
اللہ تعالیٰ گواہ ہے، میں کسی جذباتی بات کے لیے یہ الفاظ نہیں لکھ رہا۔ میں کسی کو اپنا دل چیر کر نہیں دکھا سکتا، لیکن حقیقت یہ ہے کہ اس تحریر نے مجھے اندر تک ہلا کر رکھ دیا۔
میں سوچتا رہا کہ ایک ایسا شخص جس نے اپنی صلاحیتیں، اپنا وقت، اپنی محنت، اپنی کمائی اور اپنی زندگی کے قیمتی سال میواتی زبان کے نام کر دیے، اگر وہ بھی یہ محسوس کرنے لگے کہ اس کی محنت کی قدر نہیں ہو رہی، تو پھر ہمیں رک کر سوچنا ہوگا۔
یہ صرف حافظ جعفر ضیاء صاحب کا مسئلہ نہیں۔
یہ پوری میو قوم کے لیے ایک لمحۂ فکریہ ہے۔
قوموں کو دشمن کمزور نہیں کرتے، قوموں کی بے حسی اپنے محسنوں کو تھکا دیتی ہے۔
میں اپنی پوری میو برادری سے ایک سوال پوچھنا چاہتا ہوں۔
اگر کل کو کوئی نوجوان اپنی زبان، اپنی ثقافت اور اپنی قوم کی خدمت کا جذبہ لے کر اٹھے اور وہ حافظ جعفر ضیاء جیسے لوگوں کی زندگی کو دیکھے تو وہ کیا سوچے گا؟
وہ یہی سوچے گا کہ ایک شخص نے اپنی پوری زندگی قوم کے نام کر دی، اپنا وقت قربان کیا، اپنا سرمایہ قربان کیا، اپنی صلاحیتیں قربان کیں، لیکن آخر میں اسے یہ لکھنا پڑا کہ اب مزید حوصلہ باقی نہیں رہا۔
پھر وہ کیوں آگے بڑھے گا؟
وہ کیوں قربانی دے گا؟
وہ کیوں اپنا وقت اور وسائل قوم کے لیے وقف کرے گا؟
یہ سوال صرف حافظ جعفر ضیاء صاحب کا نہیں بلکہ ہماری آنے والی نسلوں کا بھی ہے۔
ہمیں ایک حقیقت تسلیم کرنی ہوگی کہ ہماری برادری میں خدمت لینے والے بہت ہیں لیکن خدمت کرنے والوں کی حوصلہ افزائی کرنے والے بہت کم ہیں۔
ہم اپنی خبریں لگواتے ہیں۔
ہم اپنی تقریبات کی تشہیر کرواتے ہیں۔
ہم چاہتے ہیں کہ ہمارے مسائل اجاگر ہوں۔
ہم چاہتے ہیں کہ ہماری آواز لوگوں تک پہنچے۔
لیکن جب انہی پلیٹ فارمز، انہی خدمت گاروں اور انہی محسنوں کی حوصلہ افزائی کا وقت آتا ہے تو اکثر ہم خاموش ہو جاتے ہیں۔
سب سے زیادہ افسوس کی بات یہ ہے کہ آج کسی سے لاکھوں روپے نہیں مانگے جا رہے۔
کسی سے جائیدادیں نہیں مانگی جا رہیں۔
کسی سے بڑی قربانیاں نہیں مانگی جا رہیں۔
صرف ایک کلک مانگا جا رہا ہے۔
صرف ایک لائک مانگا جا رہا ہے۔
صرف ایک کمنٹ مانگا جا رہا ہے۔
صرف ایک شیئر مانگا جا رہا ہے۔
صرف ایک سبسکرائب مانگا جا رہا ہے۔
صرف اتنا کہ اپنے خدمت گار کو یہ احساس دلایا جائے کہ وہ اکیلا نہیں ہے۔
لیکن افسوس کہ ہم میں سے اکثر لوگ یہ بھی نہیں کرتے۔
ہم گھنٹوں غیر ضروری ویڈیوز دیکھ سکتے ہیں۔
ہم دوسروں کے صفحات کو فالو کر سکتے ہیں۔
ہم غیر متعلقہ مواد کو آگے پھیلا سکتے ہیں۔
لیکن جب اپنی زبان، اپنی ثقافت اور اپنی قوم کے لیے کام کرنے والوں کی بات آتی ہے تو ہماری دلچسپی کم ہو جاتی ہے۔
میرا مقصد کسی پر تنقید کرنا نہیں۔
یہ تحریر کسی کے خلاف نہیں۔
یہ تحریر ہم سب کے لیے ایک آئینہ ہے۔
آج اگر حافظ جعفر ضیاء صاحب کا دل دکھی ہوا ہے تو ہمیں اس درد کو سمجھنا چاہیے۔
آج اگر ایک خدمت گار کی آنکھ نم ہوئی ہے تو ہمیں اس کی وجہ تلاش کرنی چاہیے۔
کیونکہ جب قوم کے مخلص لوگ خاموش ہو جاتے ہیں تو قومیں آہستہ آہستہ اپنی شناخت کھونے لگتی ہیں۔
میں یہاں ایک اور حقیقت بھی بیان کرنا چاہتا ہوں۔
میو نیوز بھی انہی راستوں پر چل رہا ہے۔
الحمدللہ دن رات قوم کی خبریں، خوشیاں، غم، تعزیتی اعلانات، سماجی سرگرمیاں، سیاسی معاملات اور برادری کے مسائل لوگوں تک پہنچانے کی کوشش کی جا رہی ہے۔
بہت سے لوگ اپنی خبریں لگواتے ہیں، اپنے اشتہارات دیتے ہیں، اپنی سرگرمیوں کی تشہیر کرواتے ہیں، لیکن شاید ہی کبھی کسی نے یہ پوچھا ہو کہ یہ سلسلہ کن مشکلات کے ساتھ جاری رکھا جا رہا ہے۔
کبھی اخراجات سامنے کھڑے ہوتے ہیں۔
کبھی وسائل کم پڑ جاتے ہیں۔
کبھی حالات ایسے ہوتے ہیں کہ دل میں خیال آتا ہے کہ شاید اب رک جانا چاہیے۔
شاید اب اپنے گھر والوں کے حقوق پر زیادہ توجہ دینی چاہیے۔
شاید اب کوئی اور راستہ اختیار کر لینا چاہیے۔
لیکن پھر یہی سوچ آتی ہے کہ اگر ہم بھی رک گئے تو قوم کی آواز کون بنے گا؟
اسی لیے سفر جاری ہے اور ان شاء اللہ جاری رہے گا۔
لیکن آج میں اپنی پوری میو قوم، اپنے سیاسی و سماجی رہنماؤں، کاروباری حضرات، مخیر افراد، نوجوانوں اور سوشل میڈیا استعمال کرنے والے ہر فرد سے ایک عاجزانہ درخواست کرنا چاہتا ہوں۔
خدارا اپنے خدمت گاروں کی قدر کیجیے۔
ان کا ہاتھ تھامیے۔
ان کے کام کو دیکھیے۔
ان کے صفحات کو فالو کیجیے۔
ان کے چینلز کو سبسکرائب کیجیے۔
ان کی پوسٹس پر کمنٹ کیجیے۔
ان کی ویڈیوز کو مکمل دیکھیے۔
اور اگر اللہ تعالیٰ نے وسعت دی ہے تو مالی تعاون بھی کیجیے۔
کیونکہ کبھی کبھی چند اچھے الفاظ ایک ٹوٹے ہوئے دل کو دوبارہ زندہ کر دیتے ہیں۔
کبھی کبھی ایک کمنٹ ایک انسان کو مزید کئی سال خدمت کا حوصلہ دے دیتا ہے۔
کبھی کبھی ایک سبسکرائب ایک مشن کو زندہ رکھ لیتا ہے۔
اور کبھی کبھی ایک دعا پوری نسل کا مستقبل بدل دیتی ہے۔
میں حافظ جعفر ضیاء صاحب سے بھی عرض کرنا چاہتا ہوں کہ آپ جیسے لوگ ہار ماننے کے لیے پیدا نہیں ہوتے۔
آپ نے جو چراغ جلایا ہے، وہ صرف آپ کا نہیں بلکہ پوری میو قوم کا چراغ ہے۔
اسے بجھنے نہ دیجیے۔
ہوسکتا ہے آج لوگ خاموش ہوں، لیکن اللہ تعالیٰ کے ہاں آپ کی محنت کا ایک ایک لمحہ محفوظ ہے۔
قربانیاں کبھی صلہ نہیں مانگتیں۔
جو قربانیاں اللہ کی رضا کے لیے دی جائیں، ان کا اجر انسانوں کے پاس نہیں بلکہ اللہ تعالیٰ کے خزانے میں محفوظ ہوتا ہے۔
آخر میں اپنی پوری میو قوم سے صرف اتنا کہوں گا کہ آج بھی وقت ہے۔
اگر ہم نے اپنے زبان و ثقافت کے خدمت گاروں، اپنے صحافیوں، اپنے ادیبوں، اپنے شاعروں، اپنے نعت خواں حضرات، اپنے فنکاروں اور اپنی قوم کے لیے کام کرنے والے مخلص افراد کا ہاتھ تھام لیا تو کل کئی نئے حافظ جعفر ضیاء پیدا ہوں گے۔
لیکن اگر ہم نے اپنے مخلص لوگوں کو تنہا چھوڑ دیا تو آنے والی نسلیں ہم سے ضرور سوال کریں گی کہ جب تمہارے محسن تمہیں آواز دے رہے تھے تو تم کہاں تھے؟
اللہ تعالیٰ ہمیں اپنے محسنوں کی قدر کرنے، اپنے خدمت گاروں کا ساتھ دینے اور اپنی زبان، ثقافت اور شناخت کو محفوظ رکھنے کی توفیق عطا فرمائے۔
آمین یا رب العالمین۔

02/06/2026

https://youtu.be/UdrMuLXoSnc
لاہور ٹاؤن شپ میں مرحوم چوہدری محمد آصف خاں میو کے ایصالِ ثواب کے لیے قرآن خوانی اور قل شریف کا روح پرور اجتماع منعقد ہوا.مکمل تفصیلات جانئیے اس ویڈیو میں صرف میو نیوز پر۔
مزید معلومات اور خبروں کے لیے میونیوز کو لائیک سبسکرائیںب کرلیں اور کمینٹس لازمی کریں ۔
اس لنک کو آگے دوستوں کو شئیر کریں

Description:لاہور ٹاؤن شپ میں مرحوم چوہدری محمد آصف خاں میو کے ایص...