09/07/2023
محمد پور دیوان ( )دیہی مرکز محمدپوردیوان میں عوام کو ریلیف دینے کے لئے دوائی یا ایکسرے مشینری نام کی کوئی چیز نہیں۔ سادہ بے بس غریب لوگوں کو پرائیویٹ میڈیکل سٹور سے دوائی لینے پر مجبور کیا جا رہا ہے ۔اور ایکسرے کے لئے کمینش دینے والے ایکسرے سنٹر بھیجا جاتا ہے ۔ اہلیان علاقہ سراپا احتجاج ۔
تفصیلات کے مطابق گزشتہ روز اہلیان علاقہ نے احتجاج کرتے ہوئے کہا کہ دیہی مرکز محمدپوردیوان میں کسی بھی بخار ۔درد۔وغیرہ کی کوئی دوائی موجود نہیں ۔رات کی تاریکی میں ایمرجنسی مریضوں کو سخت پریشانی کا سامنا کرنا پڑتا ہے ۔ایم بی بی ایس ڈاکٹر کی جگہ ڈسپنسر موجود ہوتے ہیں جو مریضوں کی ٹریٹمنٹ کرتے ہیں ۔ اکثر لوگوں کا یہ بھی کہنا ہے کہ ہر قسم کی دوائی موجود ہے مگر ایم ایس کی ملی بھگت سے پرائیویٹ کلینکس پر استعمال كی جاتی ہیں ۔ اہلیان علاقہ میں محمداقبال ۔خورشید احمد۔ساجد خان ۔امیر بخش ۔بختاور مائی۔شفیعہ مائی۔ کا کہنا ہے کہ خدا را متعلقہ حکام نوٹس لیں۔ غریب لوگوں کو ریلیف دینے میں اہم کردار ادا کریں ۔۔
