29/03/2026
ایک جیولری شاپ میں پیش آنے والی حیران کن واردات کی سی سی ٹی وی فوٹیج سامنے آ گئی ہے، جس میں ایک خاتون انتہائی چالاکی سے دکاندار کی آنکھوں کے سامنے سے سونے کی قیمتی چین چرا لیتی ہے۔
فوٹیج میں دیکھا جا سکتا ہے کہ خاتون پہلے سونے کی ایک چین دیکھنے کے بہانے دکاندار کو مصروف کرتی ہے اور اسے وزن کرنے کا کہتی ہے۔ جیسے ہی دکاندار وزن کرنے کے لیے پیچھے مڑتا ہے، خاتون موقع کا فائدہ اٹھاتے ہوئے دوسری قیمتی چین بڑی صفائی سے اپنے ہاتھ میں چھپا لیتی ہے۔
واردات میں ایک اور شخص بھی خاتون کا ساتھی بتایا جا رہا ہے جو پیچھے بیٹھا نظر آتا ہے۔ چند لمحوں بعد دونوں ملزمان نہایت اطمینان سے دکان سے نکل جاتے ہیں جبکہ دکاندار کو چوری کا علم بھی نہیں ہو پاتا۔
واقعے کی ویڈیو سوشل میڈیا پر تیزی سے وائرل ہو رہی ہے اور شہریوں کو خبردار کیا جا رہا ہے کہ ایسے واقعات سے بچنے کے لیے دکانوں میں خصوصی احتیاطی تدابیر اختیار کریں۔
