AP News

31/01/2026

ای جی اے ایمریٹس گلوبل ایلومینیم میں آپریشن اولمپکس ہاکی ٹورنامنٹ کا انعقاد۔

ای جی اے ایمریٹس گلوبل ایلومینیم میں آپریشن اولمپکس کے تحت ہاکی ٹورنامنٹ منعقد کیا گیا، جس میں 12 ٹیموں نے شرکت کی۔ سخت مقابلوں کے بعد پارٹ روم سروسز اور ریڈکشن کی ٹیمیں فائنل میں پہنچیں۔فائنل میچ پارٹ روم سروسز اور ریڈکشن کی ٹیموں کے درمیان کھیلا گیا۔ پارٹ روم سروسز کی ٹیم کی قیادت جناب محمد جمیل صاحب نے کی جبکہ ریڈکشن ٹیم کی کپتانی جناب محمد ارشد صاحب نے کی۔ریڈکشن ٹیم نے شاندار کارکردگی دکھاتے ہوئے کامیابی حاصل کی۔ تنویر احمد نے دو گول اسکور کر کے اپنی ٹیم کو فتح دلانے میں اہم کردار ادا کیا۔ٹورنامنٹ میں بہترین اسکورر کا اعزاز عامر محمود (PRS) نے حاصل کیا، بہترین کھلاڑی (فیڈر و دفاع) محمد ارشد (ریڈکشن) قرار پائے جبکہ مجموعی طور پر بہترین کھلاڑی کا ایوارڈ محمد احسن (ADNH) کو دیا گیا۔ فائنل میچ میں گول اسکورر کا اعزاز بھی تنویر احمد (ریڈکشن) کے حصے میں آیا۔میچ کی کمپیرنگ جناب جہانزیب صاحب نے کی، جبکہ ریفری کی ذمہ داریاں جناب محمد فاروق صاحب، جناب محمد نوید صاحب اور جناب احمد سائی صاحب (دو بال سابق منیجر) نے سرانجام دیں۔
تقریبِ تقسیمِ انعامات میں مہمانِ خصوصی جناب عبدالوہاب مدنی، جناب یوسف جمعہ اہلی، جناب عبدالنبی، جناب محمد ابراہیم صالح، جناب مصطفیٰ صاحب اور جناب عبدالعزیز صاحب نے شرکت کی۔ اختتام پر راجا عبدالغفور، جناب سمر شاہ، جناب محمد ارشد، جناب محمد جمیل، جناب محمد امتیاز، جناب جہانزیب صاحب اور جناب شاید سیال سمیت ان کی پوری ٹیم نے کمپنی کی اعلیٰ مینجمنٹ کا شکریہ ادا کیا جنہوں نے آپریشن اولمپکس کے انعقاد میں بھرپور تعاون اور حوصلہ افزائی کی۔ آخر میں مینجمنٹ کی جانب سے قرعہ اندازی بھی کی گئی جس میں متعدد شرکاء نے انعامات جیتے۔

31/01/2026

شرقی گوجرخان میں ترقیاتی کاموں کو نظرانداز کرنا لمحہ فکریہ ہے، چوہدری ظفر محمود

سابق امیدوار قومی اسمبلی چوہدری ظفر محمود آف تھاتھی نے وزیراعلیٰ پنجاب مریم نواز شریف صاحبہ سے مطالبہ کیا ہے کہ شرقی گوجرخان میں ترقیاتی کاموں کو مسلسل نظرانداز کیے جانے کا نوٹس لیا جائے۔ ان کا کہنا تھا کہ شرقی گوجرخان میں پاکستان مسلم لیگ (ن) کا ووٹ بینک بڑی تعداد میں موجود ہے، مگر ترقیاتی منصوبوں کی عدم دستیابی کے باعث پارٹی ووٹرز میں شدید بے چینی پائی جاتی ہے۔انہوں نے بتایا کہ اسلام پورہ تا بھلوٹ روڈ، اسلام پورہ تا میانہ پوٹھہ روڈ، کنگر تا نوٹلہ روڈ، تھاتھی تا کنڈ روڈ، تھاتھی تا راہون روڈ، تھاتھی تا خانپور روڈ، مندہال تا چنگھڑالی روڈ اور مندہال تا سراں نا گوڑھا روڈ سمیت متعدد لنک سڑکیں خستہ حالی کا شکار ہو چکی ہیں اور کھنڈرات کا منظر پیش کر رہی ہیں۔چوہدری ظفر محمود نے کہا کہ حالیہ عرصے میں سڑکوں کے مختلف ترقیاتی منصوبے غربی گوجرخان میں منظور کیے گئے ہیں جبکہ شرقی گوجرخان کو یکسر نظرانداز کیا جا رہا ہے، جو انصاف کے تقاضوں کے منافی ہے۔ انہوں نے وزیراعلیٰ پنجاب سے مطالبہ کیا کہ صورتحال کا فوری نوٹس لیتے ہوئے شرقی گوجرخان کے لیے بھی ترقیاتی منصوبوں کی منظوری دی جائے۔

25/01/2026

حبیب چوک کے نواحی علاقے ڈھوک پلاہی میں گلی بند کرنے کے تنازع پر فائرنگ، ایک شخص زخمی

ڈھوک پلاہی حبیب چوک میں گلی بند کرنے کے تنازع پر فائرنگ کا واقعہ پیش آیا جس کے نتیجے میں ایک شخص وقاص بشیر زخمی ہو گیا۔ وقاص بشیر نے چوکی انچارج قاضیاں کو بیان قلمبند کرواتے ہوئے بتایا کہ میں محنت مزدوری کرتا ہوں اور مورخہ 25 جنوری 2026 کو صبح تقریباً ساڑھے سات بجے اسے اطلاع ملی کہ اسد منظور اور قاسم منظور اینٹیں لگا کر گلی کا راستہ بند کر رہے ہیں۔ اطلاع ملنے پر وہ اپنے بھائی ناظم بشیر کے ہمراہ موقع پر پہنچا، جہاں دونوں ملزمان گلی بند کرتے پائے گئے۔اور جب اس نے انہیں منع کیا تو ملزمان نے گالم گلوچ شروع کر دی۔ اور قاسم منظور نے دھکے دیے جبکہ اسد منظور کو فائر کرنے کے لیے للکارا اور اسد منظور نے 30 بور پستول سے فائرنگ کی جس کے نتیجے مجھے بائیں ٹانگ، ٹخنے، پاؤں اور دائیں ٹانگ پر گولیاں لگیں اور فائرنگ کے دوران میرے بھائی ناظم بشیر نے بچاؤ کی کوشش کی تو اس پر بھی فائر کیے گئے تاہم وہ خوش قسمتی سے محفوظ رہا۔ واقعے کے بعد دونوں ملزمان موقع سے فرار ہو گئے پولیس نے مقدمہ درج کرکے تفتیش کا آغاز کر دیا

18/01/2026

راولپنڈی بار ایسوسی ایشن کے نو منتخب صدر ساجد اعوان ایڈووکیٹ اور جنرل سیکرٹری قمر نیازی ایڈووکیٹ کو ان کے عہدوں کا منصب سنبھالنے پر کرنل (ر) واجد علی نے ان کے آفس جا کر مبارکباد پیش کی۔اس موقع پر کرنل (ر) واجد علی کا کہنا تھا کہ ساجد اعوان اور قمر نیازی جیسے باصلاحیت اور متحرک وکلاء کی قیادت میں راولپنڈی بار مزید مضبوط اور مؤثر کردار ادا کرے گی۔ انہوں نے اس امید کا اظہار کیا کہ نئی قیادت وکلاء برادری کے مسائل کے حل اور قانون کی بالادستی کے لیے مثبت اور فعال کردار ادا کرے گی۔

02/07/2025

29/06/2025

بیول موضع دھمیال کے رہائشی توقیر احمد ولد محمد شریف نے اپنے بیان میں کہا کہ اوورسیز پاکستانی آحسن وقاص نے راولپنڈی پریس کلب میں جو پریس کانفرنس کی ہے سر اسر جھوٹ کا پلندہ ہے حقائق کو غلط طریقے سے پیش کر رہا ہے اپنے آپ کو مظلوم اور مظلوم کو ظالم ثابت کرنے کی ناکام کوشش کر رہا ہے میں توقیر احمد ولد محمد شریف مرحوم حال مقیم لندن یوکے اپنے مکمل حوش وحواس میں تحریری حقائق بمعہ ثبوت عوام کے سامنے پیش کر رہا ہوں چونکہ مجھے شوگر کی بیماری لاحق ہے جس کی وجہ تقربیاً نابینا ہو چکا ہوں 18 اپریل 2025 کو میں توقیر احمد ولد محمد شریف بمعہ فیملی پاکستان آتا ہوں اور اپنے گھر جاتا ہوں وہاں یہ دیکھ کر حیران رہ جاتا ہوں کہ وہاں کوئی رہائش پذیر ہے دورزہ کھولوا کر جب اندر جاتا ہوں تو وہاں آحسن ولد نذر حسین اپنے والدہ اور بیوی کے ساتھ موجود ہوتا ہے جب میں اس سے پوچھتا ہوں کہ میرے گھر میں آپ کیا کر رہے ہیں تو آحسن غصہ ہو جاتا ہے اور مجھے اور فیملی کو دھکے دے کر گھر سے باہر نکال دیتا ہے اور سنگین نتائج کی دھمکیاں دیتا ہے ہم باہر کھڑے رہے دروازہ کھٹکھٹاتے رہے مگر باوجود کوشش اس نے دروازہ نہ کھولا مایوس ہونے کے بعد میں نے اس بارے میں ایس ایچ او گوجرخان کو تحریری درخواست دی کہ میرے گھر پر ایسے قبضہ ہوا جسے واگزار کروایا جائے چند دن گزرنے کے بعد جب پولیس کی طرف سے کوئی جواب نہ آیا چونکہ میں نے واپس آنا تھا میری آنکھوں کی اپونٹمنٹ تھی میں نے ایڈیشنل سیشن جج صاحب کی عدالت میں اس قبضہ کو ختم کروانے کی درخواست بھی دی ۔
ایس ایچ او گوجرخان کی طرف سے ادھوری رپورٹ آنے کے بعد اعلی افسران بشمول اے ایس پی گوجرخان کو انکوائری کی درخواست کی جس کی تفتیش کرنے پولیس اے ایس پی بذات خود بھی موقع پر آئے اور ہماری دادی صاحبہ سے بھی ملے اور انہوں نے بھی اے ایس پی کو بتایا کہ دونوں فریق میرے پوتے ہیں مگر یہ مکان توقیر احمد کے والد محمد شریف نے 1980 کی دہائی میں تعمیر کئے تھے تفتیش جاری رہی اسی سلسلے میں پولیس مورخہ 27/6/25 کو بھی موقع پر آئی اور بڑی خوش اسلوبی سے آحسن کی والدہ کو اپنے گھر چھوڑ آئی اس موقع پر کوئی بدتمیزی نہیں کی گئی اگر آحسن سچ کہہ رہا ہے تو اگر پولیس کے گھر میں داخلے کی وڈیو ان کے پاس موجود ہے تو کوئی ایسی وڈیو بھی ان کے پاس موجود ہوگی جس میں یہ دیکھا جا سکے کہ ان کے گھر والوں سے بدتمیزی ہوئی ہے جبکہ آحسن کی بیوی مسلسل اپنے موبائل میں وڈیو بناتی رہی ہے
آحسن کا یہ کہنا کہ ہمارے مکان کی وجہ سے اڈیالہ جیل رہ کر آیا ہے جناب سراسر جھوٹ ہے آحسن وقاص پر اسی سال جنوری ۲۰۲۵ گوجرخان پولیس سٹیشن میں اقدام قتل اور غیرقانونی اسلحہ رکھنے کی ایف آئی آر بھی مقدمہ نمبر 49 15.01.2025 ./34 /ii 506ت پ درج ہے اور یہ جیل بھی رہ چکا ہے اور اس وقت ضمانت پر ہے اور اس کیس میں اس کی سزا یقینی ہے اس کا جیل میں رہنے کا اس مکان والے معاملے سے کچھ تعلق نہ ہے
ہمارے گھر کی چاردیواری کی دیوار توڑ کر یہ میرے گھر میں داخل ہوئے اور تالے توڑ کر اندر رہنے لگے میرے پاس 20/10/24 کی وڈیو بھی موجود ہے جس میں صاف طور پر دیکھا جا سکتا ہے تالے لگے ہوئے ہیں
آحسن وغیرہ کا گھر ہمارے گھر کے ساتھ جڑا ہوا ہے اور اس کے ساتھ بلال فدا / اسد کا گھر ہے تقربیاً دو کنال پر ان کزن کے گھر بنے ہوئے ہیں اور ایک کنال پر ہمارا گھر بنا ہوا ہے شروع سے ہمارے گھروں کی کوئی چیز آپس میں مشترک نہیں رہی ہمارے گھر میں پانی کا بور اپنا ہے ان کے دونوں گھروں میں کنواں ہے بجلی کے میٹر اپنے اپنے لگے ہوئے ہیں ہمارے گھر میں ہمارے چچا محمد اشتیاق کے نام کا میٹر ہے ان کے گھروں میں ان کے والد نذرحسین اور فداحسین کے نام میٹر لگے ہوئے ہیں ہمارا مکان عمومی طور پر بند ہی رہتا ہے جس کی وجہ سے بجلی کا استعمال نہ ہونے کے برابر رہتا تھا ان کے گھر داخلے سے سالوں پہلے کے بل چیک کئے جا سکتے ہیں جن کے ہمیشہ یونٹ زیرو ہی رہے ہیں
اس کا یہ کہنا کہ یہ جدی زمین کا مسلہ ہے بلکل جھوٹ ہے یہ کل زمین چھ کنال یا کچھ ہے جس میں ہم بہن بھائیوں کا ڈیڑھ کنال حصہ بنتا ہے اور تقربیاً ان کا بھی اتنا اتنا حصہ ہے مکانات برسوں پہلے سے یہاں بنے ہوئے جن کا کبھی کوئی تنازعہ نہ رہا ہے ہمارے والدین خوش و خرم اپنے اپنے گھروں میں رہے ہیں یہ مسلہ آحسن اور اس کے بھائیوں کے لالچ کی وجہ سے بنا ہے انکی نیت خراب ہو گئی اور ہمارے گھر کی دیوار توڑ کر یہ زبردستی قابض ہونے کی کوشش میں ہیں
میں اپنے اور ان کے گھروں کی تصویریں بھی بھیج رہا ہوں جس واضع طور پر دیکھا جا سکتا ہے کہ ہمارا گھر کا دروازہ مین سڑک پر ہے اور ان کے گھروں کا راستہ دوسری طرف اپنی مشترکہ زمین میں ہے حتی کہ گھروں کے رنگ بھی علیحدہ علیحدہ ہیں
ان کے والد ہمارے چچا نذرحسین گزشتہ سال جون میں فوت ہوئے وہ کچھ عرصہ بیمار رہے وہ اپنے گھر میں رہے انتقال کے بعد ان کا جسدِ خاکی بھی ایمبولینس کے ذریعے اپنے گھر لایا گیا ان کا جنازہ بھی ان کے اپنے گھر سے ہی اُٹھایا گیا جس کی وڈیو اور تصویریں بھی شئیر کر رہا ہوں
اس کے بعد ستمبر دوہزار چوبیس 2024 میں آحسن کی شادی ہوئی جس کی تمام رسومات ان کے گھر میں ہی انعقاد پذیر ہوئی سوائے ولیمہ کے جو گوجرخان ہال میں ہوا جس کی تصویریں بھی شئیر کر رہا ہوں
جہاں تک آحسن نے ہمارے چچا اشتیاق چوہدری پر الزامات لگائے سراسر جھوٹ ہیں ہاں وہ ہمارے چچا ہیں اور ان کے بھی چچا ہیں وہ نہایت ہی شفیق ہیں ہم سب کے ساتھ ہمیشہ شفقت فرماتے ہیں آحسن وغیرہ کو بھی ہمیشہ سپورٹ کرتے ہیں انہوں نے انہیں بھی کہا ہے کہ آپ غلط کر رہے ہو کسی دوسرے کے گھر پر قبضہ کرنا جرم ہے جس کی وجہ سے یہ ان کے بھی خلاف ہو گئے ہیں
سارا گاؤں اور برادری شہادتیں دے رہے ہیں کہ یہ مکان ہمارا والدِ محترم نے بنائے اور شروع سے ہی ہمارے ہیں خاص کر ہماری دادی صاحبہ کی گواہی سب سے متعبر ہے جہنوں نے پولیس کو بھی گواہی دی ہے اور موقع پر اے ایس پی صاحب کے سامنے اپنے بیان قلمبند کروایا ہے آحسن وغیرہ کے پاس ایک بھی شہادت اور ثبوت نہیں ہے جہاں تک زرعی زمین کا تعلق ہمارے پاس کوئی زمین نہیں ہے سوائے مکانات والی زمین نہ چچا اشتیاق اور دوسرے چچا اخلاق کے پاس جو خاندانی زمین ہے کچھ بلال فدا اور کچھ ہماری پھوپھو کاشت کرتی ہیں اور ہمیں یا چچا کو کوئی اعتراض نہیں جو ان کے حصے کی زمین ہے وہ اپنا حصہ لے سکتے ہیں اور حال ہی میں ہمارے چچا اخلاق احمد نے تقسیم زمین کے لئے دعویٰ بھی دائر کیا ہوا ہے کہ ہماری خاندانی زمین سب حصے داروں کو ان کے حصے کے مطابق تقسیم کی جائے ۔
یہ تمام حقائق سچ پر مبنی ہیں اور میں حلفاً اقرار کرتا ہوں کہ درست ہیں مزید سچ ثابت کرنے کے لئے معززین علاقے سے کھلی انکوائری بھی کی جا سکتی ہے اور محکمہ مال تحصلدار سے بھی ریکارڈ کے مطابق رپورٹ طلب کی جا سکتی ہے اس سے پہلے پٹواری نے عکس دیا تھا جس میں صاف ظاہر تھا کہ میرے مکانوں کا ان کے مکانوں سے کوئی تعلق نہ ہے

19/06/2025

جائیداد کے معاملے میں کسی سے کوئی تنازع نہیں، زائد قبضے کا الزام بے بنیاد ہے، چوہدری عبدالعزیز

چوہدری عبدالعزیز نے اپنے جاری کردہ بیان میں کہا ہے کہ ان کا اپنے کسی عزیز یا رشتہ دار سے جائیداد کے حوالے سے کوئی تنازع نہیں ہے۔ انہوں نے واضح کیا کہ وہ ایک اوورسیز پاکستانی ہیں اور کسی بھی قسم کے جھگڑے یا تصادم پر یقین نہیں رکھتے انہوں نے کہا کہ میرا صرف اتنا مطالبہ ہے کہ اگر کسی کو شک ہے کہ میں نے جائیداد میں اپنے حصے سے زائد زمین پر قبضہ کر رکھا ہے تو وہ باقاعدہ نشاندہی کر کے درخواست دے دے۔ اگر ایسا ثابت ہو جائے کہ میں نے کسی کے حصے پر ناجائز قبضہ کیا ہے تو میں ایک منٹ میں وہ زمین واپس کر دوں گا چوہدری عبدالعزیز کا کہنا تھا کہ اگر میرے والد محترم میرا ذاتی مکان بھی لینا چاہتے ہیں وہ بھی دینے کا تیار ہوں انہوں نے مزید کہا کہ بے بنیاد الزامات کے بجائے حقائق کی روشنی میں بات کی جائے تاکہ خاندانی رشتے اور امن و سکون برقرار رہ سکے۔

19/06/2025

بیول دھیڑہ کنیال کے رہائشی ضعیف باپ کی فریاد، بیٹے کے خلاف اعلیٰ حکام سے کارروائی کا مطالبہ

بیول کے نواحی گاؤں دھیڑہ کنیال کے رہائشی چوہدری عبدالحفیظ نے ایک بیان میں الزام عائد کیا ہے کہ ان کا بیٹا چوہدری عبدالعزیز نافرمان اور حد سے زیادہ لالچی ہو چکا ہے۔ انہوں نے بتایا کہ کچھ عرصہ قبل نافرمانی کی بنیاد پر اپنے بیٹے کو عاق کر دیا تھا، اور اس کے حصے میں آنے والی زمین بھی رضاکارانہ طور پر اسے دے دی گئی تھی چوہدری عبدالحفیظ کا کہنا ہے کہ اس کے باوجود چوہدری عبدالعزیز مزید زمین پر زبردستی قبضہ کرنے کی کوشش کر رہا ہے اور انہیں ناجائز طور پر تنگ و ہراساں کر رہا ہے انہوں نے اعلیٰ حکام سے اپیل کی ہے کہ فوری نوٹس لیا جائے اور ایسے بیٹے کے خلاف کارروائی کی جائے جو اپنے ضعیف والد کو ذہنی اذیت دے رہا ہے اور وراثتی حق سے تجاوز کرتے ہوئے ناجائز تصرف میں مصروف ہے۔

13/06/2025

اوورسیز پاکستانی کو ہراساں کرنے کی کوشش، پولیس نے فوری کارروائی شروع کر دی

اوورسیز پاکستانی عبدالعزیز کو مبینہ طور پر ہراساں کرنے اور جائیداد پر قبضے کی کوشش کا واقعہ پیش آیا ہے۔ تفصیلات کے مطابق پہلے عبدالعزیز کے گھر کو جانے والا راستہ بند کر دیا گیا، جسے پولیس کی فوری مداخلت پر کھول دیا گیا۔ تاہم اگلی صبح گھر کے مرکزی دروازے کو باہر سے لاک کر دیا گیا، جس کی وجہ سے عبدالعزیز گھر کے اندر محصور ہو کر رہ گئے عبدالعزیز نے واقعے کی اطلاع فوری طور پر پولیس کو دی، جس پر پولیس چوکی قاضیاں نے فوری کارروائی کرتے ہوئے موقع پر پہنچ کر ابتدائی تفتیش شروع کر دی اور عبدالعزیز کی درخواست وصول کر لی متاثرہ شخص عبدالعزیز کے مطابق یہ حرکت عبدالمجید عرف علی اور روہیب رشید نے کی ہے، جو مختلف ہتھکنڈے استعمال کرتے ہوئے انھیں بلاوجہ تنگ کر رہے ہیں تاکہ ان کی جائیداد پر قبضہ کیا جا سکے۔

19/04/2025

سب انسپکٹر فیضان کو خراجِ تحسین، منشیات اور فحاشی کے خلاف اقدامات قابلِ ستائش قرار
بحریہ ٹاؤن فیز سیون میں پولیس چوکی کے انچارج سب انسپکٹر فیضان کی منشیات فروش خاتون عظمیٰ کے خلاف مؤثر کارروائی پر اہل علاقہ کی جانب سے انہیں خراجِ تحسین پیش کیا گیا ہے فیز سیون کے مکین محمد عاطف، محمد فہد اور ایمل علی نے اپنے مشترکہ بیان میں کہا کہ سب انسپکٹر فیضان کی منشیات اور فحاشی کے خلاف کارروائیاں لائقِ تحسین ہیں، جن کی بدولت علاقے میں جرائم کی سرگرمیوں میں نمایاں کمی آئی ہے ان کا کہنا تھا کہ مجرمانہ عناصر اب ان کے خلاف منفی پروپیگنڈا کرنے کی کوششوں میں مصروف ہیں، مگر وہ اپنے مذموم مقاصد میں ہرگز کامیاب نہیں ہوں گے۔ ہمیں ایسے ہی نڈر اور بہادر پولیس افسران کی ضرورت ہے جو جرائم پیشہ افراد سے خوفزدہ ہوئے بغیر قانون کی عملداری یقینی بنائیں۔

26/03/2025

سپر ڈوپر چیمپئن کبڈی کلب بیول کے ممبران کی یوکے میں شاندار افطار نشست
یوکے میں مقیم سپر ڈوپر چیمپئن کبڈی کلب بیول کے تمام ممبران نے ایک خوبصورت افطار نشست کا اہتمام کیا، جس میں دوستانہ ماحول میں گپ شپ ہوئی اور کھیلوں کے فروغ پر تبادلہ خیال کیا گیا اس موقع پر تمام شرکاء نے عزم ظاہر کیا کہ وہ بیول کے نوجوانوں کو کھیلوں کی طرف راغب کرنے اور کبڈی سمیت دیگر کھیلوں کو فروغ دینے کے لیے بھرپور کردار ادا کریں گے۔ افطار نشست میں بیول سے تعلق رکھنے والی مختلف شخصیات اور کمیونٹی ممبران نے شرکت کی، جہاں بیول کی کبڈی ٹیم کی کارکردگی اور مستقبل کی حکمت عملی پر بھی گفتگو ہوئی یہ نشست نہ صرف ایک خوشگوار ملاقات ثابت ہوئی بلکہ اس سے یوکے میں مقیم اوورسیز کا اپنے علاقے کے کھیلوں کی ترقی کے لیے جذبہ بھی نمایاں ہوا۔

17/03/2025

امن فورس بیول کے نوجوانوں کی شاندار کاوش، طارق پرویز کی بھرپور حمایت
رمضان المبارک کے مقدس مہینے میں عوام کو ریلیف فراہم کرنے کے لیے امن فورس بیول کے نوجوان بھرپور محنت کر رہے ہیں۔ معروف سیاسی و سماجی شخصیت طارق پرویز نے ان کی کاوشوں کو سراہتے ہوئے کہا کہ بیول کے عوام کے لیے ان کا یہ جذبہ بے حد قابلِ تعریف ہے سستا بازار میں شہریوں کو معیاری پھل، سبزیاں، آٹا اور گوشت رعایتی نرخوں پر فراہم کیا جا رہا ہے، جو ایک احسن اقدام ہے۔ اس موقع پر طارق پرویز نے کہا، "میں ان نوجوانوں کے شانہ بشانہ کھڑا ہوں اور ہر ممکن تعاون فراہم کروں گا۔ یہ نوجوان قوم کا سرمایہ ہیں، جو بے لوث ہو کر عوام کی خدمت کر رہے ہیں۔ ایسے جذبے ہی حقیقی تبدیلی کا پیش خیمہ ثابت ہوتے ہیں۔
چوہدری مبشر