https://www.facebook.com/104053655818208/

Pakistani News, Rawailpindi, Rawalpindi (2025)

26/10/2022

سعودی عرب کے ولی عہد محمد بن سلمان نے پاکستانی وزیراعظم شہباز شریف کی درخواست پر رواں برس اپریل میں مسجدِ نبوی میں نعرے بازی کر کے مقاماتِ مقدسہ کی حرمت پامال کرنے والے پاکستانیوں کی سزا معاف کر کے انھیں رہا کرنے کا حکم دیا ہے۔

یہ واقعہ وزیر اعظم شہباز شریف کے گذشتہ دورۂ سعودی عرب کے دوران پیش آیا تھا جب ان کے وفد کے دو ارکان وزیر اطلاعات مریم اورنگزیب اور وزیر برائے نارکوٹکس شاہ زین بگٹی کی مسجد نبوی میں حاضری کے دوران مبینہ طور پر تحریک انصاف کے حامیوں نے نعرے بازی کی تھی جس کی ویڈیو وائرل ہوئی تھی۔

اس واقعے کی ملکی و غیر ملکی سطح پر مذمت کی گئی تھی اور تحریک انصاف کے کئی رہنماؤں نے اس احتجاج سے لاتعلقی ظاہر کی تھی۔

اس نعرے بازی کے بعد سعودی حکام نے سات پاکستانیوں کو گرفتار کیا تھا اور مدینہ منورہ کی عدالت نے ان میں سے تین کو آٹھ سال، تین کو چھ سال جبکہ ایک شخص کو تین سال قید اور دس ہزار ریال جرمانے کی سزا سنائی تھی۔

25/10/2022

انڈسٹری کے اعلی افسران پریشان تھے۔ اُن کی کمپنی کسینو (جوا خانہ) کے لیے ایسی مشینیں بناتی تھی جو تاش کے پتوں کو شفل یعنی مِکس کر کے بالکل صحیح کارڈ نکالتی تھیں۔ ان کی اس طرح کی ہزاروں مشینیں لاس ویگاس اور دنیا کے مختلف شہروں میں موجود کسینوز میں زیر استعمال تھیں۔

ان مشینوں کے کرائے سے کمپنی ہر برس دسیوں لاکھ ڈالر کماتی تھی اور کمپنی نیو یارک سٹاک ایکسیچ میں تجارتی کمپنیوں کی فہرست میں بھی شامل تھی۔

کمپنی کے افسران کو حال میں یہ پتہ چلا کہ ان کی کمپنی کی مشینوں کو دھوکے بازوں کے ایک گینگ نے ہیک کر لیا ہے۔ اس گینگ نے شیشے کی ایک کھڑکی کے ذریعے ایک ایسا خفیہ کیمرہ نصب کر دیا جس سے کارڈز کی شفلنگ کا طریقہ کار ریکارڈ کیا جا سکے۔

کیمرے کے ذریعے ریکارڈ کی گئی تصاویر گینگ کے اس ممبر کے پاس جاتی تھیں جو کسینو کے باہر کار پارک میں بیٹھا ہوا ہوتا تھا۔ وہ سلو موشن یعنی آہستہ رفتار پر ان تصاویر کو چلاتا تھا جس سے یہ پتہ چل سکے کہ آخر کار مشین کس طرح اور کس ترتیب میں کام کرتی ہے۔ بعد میں یہ معلومات کسینو میں جوا کھیلنے والوں کو دے دی جاتی تھی۔ جب تک اس گروہ کا پتہ چلا تب تک کسینو کو دسیوں لاکھ ڈالر کو نقصان ہو چکا تھا۔

کمپنی کے افسران نے یہ سوچ لیا تھا کہ وہ ان مشینوں کو دوبارہ ہیک نہیں ہونے دیں گے۔ انھوں نے شفلنگ مشین کا ایک نیا ایسا اعلیٰ درجے کا نمونہ تیار کرایا جس کو انھوں نے ایک غیر شفاف یا شیشے کے ایک ایسے باکس میں رکھا جس میں آر پار نہیں دکھائی دیتا تھا۔

ان کے انجینیئروں نے یہ یقین دہانی کرائی کہ مشین ایک بار میں کارڈ اتنی تیزی اور بے ترتیب طریقے سے گڈمڈ کرے گی کہ جس سے ایک باری سے دوسری باری کے درمیان وقت بھی کم لگے گا اور دھوکہ دہی کرنے والے جواریوں کو مات دینے میں مدد ملے گی۔

لیکن کمپنی کے افسران کو اس بات کی یقین دہانی کرانی تھی کہ ان کی مشین کارڈز کو صحیح طریقے سے شفل کرے۔ اس کے لیے انھوں نے پرسی ڈایاکونس سے رابطہ کیا۔

ڈایاکونس امریکہ کی سٹینفرڈ یونیورسٹی میں ایک ریاضی دان تھے جو پہلے ایک جادو گر ہوتے تھے۔ وہ کارڈ شفلنگ کے طریقہ کار کو سمجھنے والے دنیا کے سب سے بڑے ماہر تھے۔ کارڈ شفلنگ کے موضوع پر جتنا بھی لٹریچر اور معلومات موجود تھی اس میں ان کا نام بار بار سب سے زیادہ آتا تھا۔

کسینو کمپنی کے افسران نے جب ان سے کارڈ شفل کرنے والی مشین کی اندرونی جانچ کے لیے رابطہ کیا تو انھیں اپنی خوش قسمتی پر یقین نہیں ہوا۔

سٹینفرڈ میں ان کی ساتھی سوزن ہولمز کے ساتھ ڈایاکونس نئی مشینوں کا معائنہ کرنے لاس ویگاس پہنچے۔

25/10/2022

کینیا میں پولیس اہلکاروں کی مبینہ فائرنگ سے ہلاک ہونے والے پاکستانی صحافی ارشد شریف کی میت قطر ایئر لائن کی پرواز کے ذریعے پاکستان روانہ کر دی گئی ہے جو آج شام دوحہ سے اسلام آباد پہنچے گی۔

ارشد شریف اتوار کی شب کینیا کے دارالحکومت نیروبی کے قریب فائرنگ کے ایک واقعے میں مارے گئے تھے اور پولیس کی ابتدائی رپورٹ کے مطابق پولیس اہلکاروں نے شناخت میں غلط فہمی پر اس گاڑی پر گولیاں چلائیں جس میں ارشد شریف سوار تھے۔

یہ واضح نہیں کہ ارشد شریف کینیا میں کیا کر رہے تھے تاہم کینیا کی پولیس کے ترجمان برونو شیوسو نے بی بی سی کو بتایا ہے کہ وہ ارشد شریف کی موت کے پسِ منظر کے حالات کی تحقیقات کر رہے ہیں۔

وفاقی وزیر اطلاعات مریم اورنگزیب کے مطابق صحافی ارشد شریف کی میت کو پاکستان روانہ کر دیا گیا ہے جس سے پہلے وزیر اعظم شہباز شریف کی کینیا کے صدر سے گفتگو کے نتیجے میں قانونی امور کو تیزی سے مکمل کیا گیا۔

وزیر اعظم شہباز شریف نے کینیا کے صدر ولیم روٹو کو ٹیلی فون کر کے پاکستانی صحافی ارشد شریف کے موت کے حوالے سے بات کر کے واقعے کی غیرجانبدارانہ اور شفاف تحقیقات پر زور دیا۔ اس موقعے پر کینیا کے صدر نے افسوس کا اظہار کیا، انصاف کے تقاضے پورے کرنے کی یقین دہانی کرائی اور کہا کہ واقعے کی تحقیقاتی رپورٹ جلد پیش کی جائے گی۔

وفاقی وزیر اطلاعات مریم اورنگزیب کے مطابق ارشد شریف کی میت کو 1 بج کر 25 منٹ پر نیروبی سے براستہ دوحہ اسلام آباد روانہ کیا گیا۔ مریم اورنگزیب کے مطابق کینیا میں پاکستان کی سفیر سیدہ ثقلین نے کئی گھنٹے تک مسلسل تمام مراحل کی نگرانی کی۔

24/10/2022

کینیا میں حکام کے مطابق پاکستانی صحافی ارشد شریف کی پولیس اہلکاروں کی فائرنگ سے ہلاکت کے واقعے کی تحقیقات شروع کر دی گئی ہیں۔

ارشد شریف اتوار کی شب کینیا کے دارالحکومت نیروبی کے قریب فائرنگ کے ایک واقعے میں مارے گئے تھے اور پولیس کی ابتدائی رپورٹ کے مطابق پولیس اہلکاروں نے شناخت میں غلط فہمی پر اس گاڑی پر گولیاں چلائیں جس میں ارشد شریف سوار تھے۔

یہ واضح نہیں کہ ارشد شریف کینیا میں کیا کر رہے تھے تاہم کینیا کی پولیس کے ترجمان برونو شیوسو نے بی بی سی کو بتایا ہے کہ وہ ارشد شریف کی موت کے پسِ منظر کے حالات کی تحقیقات کر رہے ہیں۔

کینیا کی پولیس کی جانب سے اس واقعے کی جو ابتدائی رپورٹ مگدائی پولیس سٹیشن میں جمع کروائی گئی ہے اس میں کہا گیا ہے کہ ارشد شریف جس کار میں سفر کر رہے تھے پولیس نے اسے مسروقہ سمجھا اور جب وہ عارضی رکاوٹوں کے باوجود نہیں رکی تو اس پر فائرنگ کی گئی۔

بی بی سی سے بات کرتے ہوئے پولیس حکام نے اس رپورٹ کے اصل ہونے کی تصدیق کی ہے جس کے مطابق ’فائرنگ اور ایک غیر ملکی شہری کی موت کی اطلاع سب سے پہلے 23 اکتوبر کو مقامی وقت کے مطابق رات 10 بجے موصول ہوئی تھی‘۔

رپورٹ کے مطابق ’پولیس کو ابتدائی طور پر معلوم ہوا کہ فائرنگ کے ایک واقعے میں کینیا کی پولیس سروس کے دستے جنرل سروس یونٹ (جی ایس یو) کے افسران ملوث تھے اور اس کے نتیجے میں لگ بھگ 50 سالہ پاکستانی شہری ارشد شریف فائرنگ سے ہلاک ہو گئے ہیں‘۔

فائرنگ کے واقعے کی اس پولیس رپورٹ کے مطابق ارشد شریف اس کار میں سفر کر رہے تھے جس کا رجسٹریشن نمبر کے ڈی جی 200 ایم تھا۔

10/10/2022

مہسا امینی کے اہل خانہ نے ایک ویڈیو شیئر کی ہے جس میں وہ ایک شادی میں ڈانس کرتے ہوئے اور رنگین شال لہراتے ہوئے دکھائی دے رہی ہیں

پولیس کی حراست میں ہلاک ہونے والی 22 سالہ کرد خاتون مہسا امینی کے اہل خانہ کا کہنا ہے کہ انہیں جان سے مارنے کی دھمکیاں موصول ہوئی ہیں اور انہیں خبردار کیا گیا ہے کہ وہ مظاہروں میں شامل نہ ہوں۔ مہسا امینی کی موت کے بعد پورے ایران میں مظاہرے شروع ہو گئے تھے۔

اخلاقی پولیس کے ہاتھوں گرفتاری کے بعد مہسا ایرانی 'جبر 'کی علامت بن گئیں، ان کا چہرہ اور ان کی کہانی اب پوری دنیا میں مشہور ہو چکی ہے۔

مہسا کے کزن عرفان مرتزئی کا کہنا ہے کہ 'ہمارے خاندان پر اسلامی جمہوریہ کے حکام کی جانب سے بہت زیادہ دباؤ ہے، اس لیے ہم ایران سے باہر انسانی حقوق کی تنظیموں یا چینلز سے بات نہیں کرتے اور نہ ہی ان کے انتقال کے بارے میں بیرونی دنیا میں کسی سے بات کرتے ہیں'۔عرفان مرتزئی نے سرحد کے اس پار عراق کے کردستان علاقے میں ملاقات کے دوران مجھے یہ سب بتایا۔

10/10/2022

ہمیں سنیچر کو روس اور کریمیا کے درمیان کرچ پُل پر ڈرامائی دھماکے کے بارے میں اب تک کیا معلوم ہوا ہے؟ اس کے بارے میں کئی نظریات گردش میں ہیں مگر وہ تمام قابل اعتماد نہیں۔

روس نے فوری طور پر کہا کہ ایک ٹرک میں دھماکہ ہوا مگر یہ نہیں بتایا کہ اس کے پیچھے کون تھا۔ بعد میں روسی صدر ولادیمیر پوتن نے یوکرین پر اس حملے اور ’دہشتگردی‘ کا الزام لگایا۔

سوشل میڈیا پر شیئر کردہ کیمرا فوٹیج میں ایک ٹرک دیکھا جا سکتا ہے جو مبینہ طور پر روسی شہر کراسنوڈار سے آتا ہے اور اس کراسنگ سے ایک گھنٹہ دور ہے۔ یہ دھماکے کے وقت پُل پر مغربی جانب سے گزرتا ہے۔

روسی حکام نے ٹرک کے مالک ایک 25 سالہ شخص کو نامزد کیا ہے اور کہا ہے کہ ان کے ایک معمر رشتے دار ٹرک کے ڈرائیور تھے۔

تاہم ویڈیو کے قریبی جائزے سے معلوم ہوتا ہے کہ ٹرک کا اس دھماکے سے کوئی تعلق نہیں۔

ویڈیو میں ٹرک کے پیچھے اور اس کے ایک جانب آگ بھڑکتی نظر آتی ہے۔ اس دوران ٹرک پُل کے چڑھائی کے حصے کی جانب بڑھ رہا ہوتا ہے۔

روسی حلقوں میں پُراسرار انداز میں ٹرک دھماکے کی تھیوری گردش کرنے لگی۔ اس سے یہ تاثر ملا کہ کریملن کے مطابق یہ ممکنہ ’دہشتگرد حملہ‘ ہو سکتا ہے۔ یہ کہا جانے لگا کہ اس کے پیچھے یوکرین ہے۔
برطانوی فوج میں دھماکہ خیز مواد کے ایک سابق ماہر نے کہا ہے کہ ’میرے وقتوں میں آئی ای ڈیز بڑے پیمانے پر بڑی گاڑیوں میں نصب کی جاتی تھیں مگر یہاں ایسا نہیں لگ رہا۔‘

ان کے مطابق یہ زیادہ قابل یقین ہے کہ پُل کے نیچے ایک بڑا دھماکہ کیا گیا۔ ہو سکتا ہے کہ یہ ایک خفیہ سمندری ڈرون کے ذریعے کیا گیا ہو۔

ان کا کہنا ہے کہ کسی پُل کی تعمیر اس طرح کی جاتی ہے کہ سامان کی وجہ سے نیچے پڑنے والے دباؤ اور اطراف سے آنے والی ہوا کو برداشت کر سکیں۔

’یہ عام طور پر ایسے ڈیزائن نہیں کیے جاتے کہ اوپر کی طرف پڑنے والا دباؤ برداشت کریں۔ میرے خیال سے یوکرینی حملے میں اسی حقیقت کا استعمال کیا گیا۔‘

بعض مبصرین نے بتایا ہے کہ کچھ دوسری سکیورٹی کیمرا ویڈیوز میں دھماکے سے کچھ دیر قبل پُل کے نیچے ایک چھوٹی کشتی کو دیکھا جا سکتا ہے۔

21 ستمبر کو روسی سوشل میڈیا پر تصاویر میں دیکھا گیا ہے کہ کریمیا کے شہر سواستوپول میں روسی بحری اڈے کے قریب بغیر مسافروں والی ایک پُراسرار کشتی ساحل پر موجود ہے۔

مقامی اطلاعات کے مطابق اس کشتی کو سمندر سے نکالا گیا اور اسے دھماکے سے تباہ کر دیا گیا۔

یہ کریمیا اور روس کے درمیان ایک اہم گزرگاہ ہے
،تصویر کا ذریعہGETTY IMAGES
،تصویر کا کیپشن
یہ کریمیا اور روس کے درمیان ایک اہم گزرگاہ ہے

سواستوپول کے روسی حمایت یافتہ گورنر نے کہا تھا کہ ’بغیر کسی شخص کے ایک گاڑی کو دریافت کیا گیا۔ سروے کی تکمیل کے بعد اسے سمندر میں دھماکے سے تباہ کر دیا گیا۔ کسی کو چوٹ نہیں پہنچی۔‘

یہ ایسی پہلی اطلاعات نہیں جن سے یہ تاثر ملے کہ یوکرین کے پاس ایسے خفیہ سامان تک رسائی ہے۔

دھماکہ خیز مواد کے برطانوی ماہرین نے بتایا ہے کہ ’ایسی مستند اطلاعات ہیں کہ یوکرین کے پاس نگرانی کے لیے اور دور سے سمندری حملوں کے لیے ریمورٹ کنٹرولڈ وہیکلز ہیں۔‘

09/10/2022

حال ہی میں ایک ویڈیو کلپ سوشل میڈیا پر کافی وائرل ہو رہا ہے، جس کے بارے میں کہا جا رہا ہے کہ یہ آخری ویڈیو ہوگی جو امریکی نیوز چینل ”کیبل نیوز نیٹ ورک“ (سی این این) دنیا کے خاتمے کے آخری لمحات میں چلائے گا۔

کہا جاتا ہے کہ اگر آپ سی این این پر یہ ویڈیو کلپ چلتا دیکھیں تو بس دعا کیجئے اور محفوظ مقام تلاش کیجئے۔

رپورٹ کے مطابق یہ ویڈیو کلپ ایک ارب پتی براڈکاسٹر تیار کروایا، جس میں دکھایا گیا ہے کہ دنیا کے آخری لمحات میں نیوز بلیٹن کیسا نظر آئے گا۔

سی این این کے بانی ٹیڈ ٹرنر کا یہ کلپ اس انکشاف کے ساتھ لیک کیا گیا کہ ان کے چینل نے قیامت کے دن کی ممکنہ نشریات کا منصوبہ تیار کر رکھا ہے۔

جب انہوں نے کہا کہ، ”سیٹیلائٹ کے مسائل کے علاوہ ہم اس وقت تک نشریات بند نہیں کریں گے جب تک دنیا ختم نہیں ہو جاتی…“

تو اس وقت بہت سے لوگوں نے سوچا کہ وہ مذاق کر رہے ہیں۔

ٹیڈ ٹرنر نے مزید کہا، ”ہم نشریات جاری رکھیں گے اور ہم دنیا کے اختتام کا احاطہ کریں گے، زندہ رہیں گے اور یہ ہمارا آخری پروگرام ہوگا۔“

انہوں نے کہا تھا کہ، ”ہم صرف ایک بار قومی ترانہ بجائیں گے، پہلی جون کو (جس دن CNN شروع ہوا)، اور آخری بار جب دنیا کا خاتمہ ہوگا، ہم سائن آف کرنے سے پہلے ’نیئرر مائی گاڈ ٹو تھی‘ بجائیں گے۔“

اس ویڈیو کو چلانا اس آخری زندہ ملازم کی ذمہ داری ہوگی جو اپنی ناگزیر موت سے پہلے اسے نشر کرے گا۔

مبینہ طور پر 1980 کی دہائی میں ریکارڈ کئے گئے اس کلپ میں ایک ”براس بینڈ“ دکھایا گیا ہے جو ’نیئرر مائی گاڈ ٹو تھی‘ پیش کر رہا ہے۔

یہ گانا مبینہ طور پر جہاز کے ڈوبنے سے پہلے ٹائی ٹینک پر گایا جانے والا آخری گانا تھا۔

یہ کلپ فی الحال سی این این کے MIRA آرکائیو سسٹم پر ”ٹرنر ڈومس ڈے“ ویڈیو کے نام سے محفوظ ہے اور اسے صرف اس وقت استعمال کیا جائے گا جب دنیا کا آخری دن ہوگا۔

قیامت کے دن کے ٹیپ (ڈومس ڈے ٹیپ) کی افواہیں نیویارک میں 1988 میں گردش کرنے لگی تھیں اور پھر 2001 میں ڈیلی نیوز میں دوبارہ منظر عام پر آئیں۔

یہ ویڈیو کلپ لیک کس طرح ہوا؟ اس بارے میں کئی قیاس ہیں لیکن سچ کیا ہے؟ کوئی نہیں جانتا۔

تاہم، کئی ذرائع ابلاغ نے دعویٰ کیا ہے کہ یہ کلپ ویب سائٹ ”جالوپنک“ پر سین این این کے سابق انٹرن مائیکل بالبان نے جاری کیا ہے۔

09/10/2022

کینیڈا کے شہر سینٹ جانز سے 400 میل دور شمالی بحر اوقیانوس کی تیز لہروں والے پانیوں میں ایک بڑا صنعتی بحری جہاز سست رفتاری کے ساتھ ایک کنارے سے دوسرے کنارے جاتا نظر آتا ہے۔ اس جہاز پر سٹاکٹن رش نے مستقبل کی ایک منفرد پیشگوئی کی ہے۔

’ایک وقت آئے گا جب لوگ باقاعدگی سے کم خرچے پر خلا میں جائیں گے۔ مجھے لگتا ہے کہ زیر آب جانا بھی ایسا ہی ہوگا۔‘

رش کو امید ہے کہ ان کی کمپنی اوشن گیٹ زیر سمندر ایسی تحقیق کر سکے گی جیسی ایلون مسک، رچرڈ برانسن اور جیف بیزوس خلائی سفر میں کرنے کی کوشش کر رہے ہیں: استطاعت رکھنے والوں کو نئی دنیاؤں کی دریافت کا موقع دینا، بے شک اگر ان کے پاس خصوصی تربیت نہ ہو۔

نارتھ اٹلانٹک پر رش کا مقام پہلی نظر میں بے مثال معلوم ہوتا ہے۔ تاہم یہ وہ جگہ ہے جہاں تاریخ کا ایک بڑا سانحہ ہوا تھا۔ اسی پانی کے 3800 میٹر نیچے ٹائٹینک کا ملبہ ہے جو اپریل 1912 میں اپنے پہلے سفر کے دوران برف کے تودے سے ٹکرانے کے بعد غرق ہوا تھا۔

رش کی کوشش ہے کہ زیر سمندر سفر کو عام لوگوں کے لیے ممکن بنایا جا سکے۔ وہ کہتے ہیں کہ دنیا کے سب سے مشہور بحری جہاز کے ملبے کو دیکھنے کے لیے زیر آب جانا ایک زبردست تجربہ ہے۔ ان کے مطابق ’میں نے ایک تحریر پڑھی تھی جس میں کہا گیا کہ انگلش زبان کے تین الفاظ پوری دنیا میں پہچانے جاتے ہیں: کوکا کولا، گاڈ اور ٹائٹینک۔‘

ٹائٹینک، سٹاکٹن رش
،تصویر کا ذریعہBBC'S THE TRAVEL SHOW
مگر ٹائٹینک کے خواب کو حقیقت بنانے کے لیے رش نے نئے طرز کی آبدوز بنائی ہے جس میں ہلکے مٹیریل کا استعمال کیا گیا ہے۔ اس پر سوار پانچ لوگ سمندر کی تہہ میں جا کر ٹائٹینک کو دیکھ سکتے ہیں۔ کئی لوگوں کا خیال تھا کہ ایسا ناممکن ہے۔

مگر رش نے یہ کر دکھایا۔ وہ گذشتہ سال اس آبدوز پر جہاز کے ملبے تک پہنچے۔ اس بار اس سفر پر آبدوز کے پائلٹ، اوشن گیٹ کا عملہ، سائنسدان اور پیسوں کے عوض آنے والے مسافر موجود تھے جنھیں ’مشن سپیشلسٹ‘ کہتے ہیں۔ انھوں نے فی کس ڈھائی لاکھ ڈالر دیے تاکہ وہ قریب سے ایک بار ٹائٹینک کو دیکھ سکیں۔

اس دوران وہ اپنے ساتھ ’سٹیزن سائنسدانوں‘ کو بھی لے جاتے ہیں جو زیر سمندر حیاتیاتی تنوع کی تصاویر اور ویڈیوز جمع کرتے ہیں۔

اس سفر میں بینکر رینیتا روجاس، کاروباری شخصیت اوسن فیننگ اور ٹی وی پروفیشنل جیڈن پین موجود تھے۔ اس سفر میں سمندروں پر تحقیق کرنے والے سٹیو راس اور آبدوز کے پائلٹ سکاٹ گریفتھ بھی شامل ہوئے

09/10/2022

واٹس ایپ نے صارفین کو اکاؤنٹ محفوظ رکھنے کے 3 طریقے بتاتے ہوئے کہا ہے کہ جو ان پر عمل کرلے گا اُس کا نمبر ہیک ہونے سے بچ جائے گا۔

واٹس ایپ کی جانب سے ٹوئٹر پر سلسلہ وار ٹوئٹ کے ذریعے صارفین کو بتایا گیا کہ وہ ٹو اسٹیپ ویری فکیشن، اینڈ ٹو اینڈ انکرپشن، بلاک / رپورٹ کا استعمال کریں گے تو اکاؤنٹ ہمیشہ اُن کے کنٹرول میں رہے گا۔

کمپنی نے بتایا کہ اکاؤنٹ کے تحفظ کی پہلی تہہ ٹو اسٹیپ ویری فکیشن ہے، اس فیچر کی مدد سے اکاؤنٹ کو کسی دوسرے موبائل میں استعمال کرنے کے لیے مخفی کوڈ درج کرنا ہوتے ہیں۔

واٹس ایپ کی سیکیورٹی فیچر کی دوسری سہولت اینڈ ٹو اینڈ انکرپشن ہے، جس کے تحت ایک صارف کے دوسرے دوست کو بھیجے گئے پیغامات ان دوں کے علاوہ کوئی اور نہیں دیکھ سکتا۔

واٹس ایپ کی آخری اور بڑی سیکیورٹی تہے کو دراصل کومبو کہا جاتا ہے جس کے تحت صارف کو سہولت دی گئی ہے کہ وہ کسی بھی مشکوک نمبر کو رپورٹ یا بلاک کرسکتا ہے۔

اس تمام اسٹیس پر عمل کر کے صارف بلا خوف و خطر واٹس ایپ استعمال کرسکتا ہے۔

دوسری جانب واٹس ایپ نے ’ونس ویو‘ یعنی ایک بار دیکھنے کے لیے بھیجی جانے والی ویڈیوز، تصاویر اور آڈیو فائلز کے اسکرین شاٹ لینے اور ان کی ریکارڈنگ کو روکنے کے فیچر پر آزمائش شروع کردی۔

مذکورہ فیچر کے تحت کوئی بھی صارف اب کسی بھی ’ونس ویو‘ تصویر، ویڈیو یا آڈیو فائل کا نہ تو اسکرین شاٹ لے سکیں گے اور نہ ہی اس کی ریکارڈنگ کر سکیں گے۔

اس فیچر کے تحت اگر کوئی شخص موصول ہونے والی ’ونس ویو‘ ویڈیو، آڈیو اور تصویر کا اسکرین شاٹ لینے کی کوشش کرے گا تو اسے اسکرین شاٹ کے بدلے ایک نوٹی فکیشن موصول ہوگا، جس میں اسے بتایا جائے گا کہ سیکیورٹی فیچرز کے تحت وہ اسکرین شاٹ نہیں لے

08/10/2022

9اکتوبر کو ملک بھر میں عید میلاد النبیﷺ انتہائی عقیدت اور مذہبی جوش وجذبے سے منایا جائے گا،شہر قائد میں کل جشن عید میلاد النبی ﷺ کے موقع پر موبائل سروسز بند رہے گی۔

پاکستان ٹیلی کمیونیکیشن اتھارٹی کے ترجمان کے مطابق حکومتی احکامات کے مطابق 11 اور 12 ربیع الاؤل کو سیکیورٹی وجوہات کی بنا پر شہر کے مختلف علاقوں میں موبائل سروس بند رہے گی۔ موبائل سروس کی بندش کی گلستان جوہر، ڈیفنس ہاؤسنگ اتھارٹی، صدر، ناظم آباد اور کچھ دیگر علاقوں میں رہےگی۔ 12ربیع الاؤل کو عام تعطیل کا اعلان بھی کیا گیا۔
پاکستان اور دنیا بھر کے مسلمان 12 ربیع الاؤل کو اس دن کے طور پر مناتے ہیں جب حضور نبی اکرم صلی اللہ علیہ وآلہ وسلم کی ولادت باسعادت ہوئی۔ اس مقدس مہنے کا چاند نظر آتے ہی ملک مساجد،سڑکیں، گلیاں، عمارتوں کو رنگ برنگی روشنیوں سے سجایا جاتا ہے، مہینے بھر میں تقریبات ہوتی ہیں۔

ہر سال حکومت، مذہبی تنظیمیں، میلاد کمیٹیاں، اور افراد سالانہ تقریب کے موقع پر بڑی تعداد میں سرگرمیوں کی منصوبہ بندی کرتے ہیں، جن میں جلوس، سیمینار، کانفرنسز اور مباحثے کے پروگرام شامل ہوتے ہیں۔
پی ٹی اے نے کل لاہور شہر میں جزوی موبائل فون جامنگ کی منظوری دی دی ,لاہور شہر میں کل عید میلاد کی مرکزی جلوں کے راستے میں موبائل سروس جام ہوگی۔

دوسری جانب حکومت سندھ کی جانب سے جاری اعلامیے میں عید جشن میلاد النبی ﷺ کے موقع پر 9 اکتوبر کو عام تعطیل کا اعلان کیا ہے۔ جشن میلاد النبی ﷺ کی مناسبت سے ملک بھر میں چراغاں کیا جا رہا ہے اور مساجد میں پروگرامات کا انعقاد کیا جا رہا ہے جس میں نبی آخر الزماں کی زندگی کی مناسبت سے خطابات کا سلسلہ جاری ہے۔
لاہور میں عیدمیلادالنبیﷺ کے موقع پر موبائل فون سروس جام کی جائے یا نہیں؟ محکمہ داخلہ نے ڈپٹی کمشنرز سے رائے مانگی تھی،محکمہ داخلہ کے ذرائع کے مطابق عید میلاد النبیﷺ کے موقع پر موبائل فون سروس جامنگ کا فیصلہ ڈی سیز کی رپورٹ پر کیا جائےگا، محکمہ داخلہ نے اضلاع کے ڈی سیز کو ڈسٹرکٹ اینٹیلیجینس کمیٹی کا اجلاس بلانے کی بھی ہدایت کی گئی تھی۔

08/10/2022

تحریک انصاف کے سربراہ عمران خان کی ہارس ٹریڈنگ کے بارے میں مبینہ آڈیو سامنے آنے کے بعد جماعت کے رہنما فواد چوہدری نے کہا ہے کہ اس طرح آوازیں جوڑ کر این آر او کو جائز ثابت نہیں کیا جا سکتا
اسلام آباد کی ایک احتساب عدالت نے آمدن سے زائد اثاثہ جات بنانے کے کیس میں وزیر خزانہ اسحاق ڈار کے وارنٹ گرفتاری منسوخ کرتے ہوئے انھیں دس لاکھ روپے کے ضمانتی مچلکے جمع کروانے کے احکامات جاری کیے ہیں۔
وزارت داخلہ کے ذرائع کا کہنا ہے کہ رانا ثنا اللہ کی حکمت عملی کے تحت تحریک انصاف کے لانگ مارچ کی صورت میں ریڈ زون کی سکیورٹی کے لیے فوج کو طلب کیا جائے گا
وزیر اعظم شہباز شریف نے کہا ہے کہ عمران خان نے پاکستان کے دوست ممالک کے ساتھ تعلقات کو نقصان پہنچایا اور سی پیک پر کام روکا گیا مگر اب وہ اسے بہتر کرنے کی کوشش کر رہے ہیں
فیصل واوڈا نااہلی کیس میں چیف جسٹس عمر عطا بندیال نے تاحیات نااہلی پر سوال اٹھاتے ہوئے کہا ہے کہ یہ ’کالا قانون‘ ہے
عمران خان نے کہا ہے کہ انٹیلیجنس ایجنسیوں کا کام ’سیاسی انجینیئرنگ‘ نہیں بلکہ ملک کو محفوظ بنانا ہے۔

وفاقی وزیر داخلہ رانا ثنا اللہ کے ناقابل ضمانت گرفتاری وارنٹ جاری ہوئے ہیں تاہم اسلام آباد پولیس کا کہنا ہے کہ اگر اینٹی کرپشن ٹیم اسلام آباد کے متعلقہ تھانے آئی تو وہ تعمیل کے لیے اس سے ریکارڈ مانگے گی۔

‏خیال رہے کہ رانا ثنا اللہ کی گرفتاری کے لیے وارنٹ سپیشل جیوڈیشل مجسٹریٹ کی جانب سے سنیچر کو جاری کیے گئے ہیں۔

پولیس کی جانب سے جاری کیے جانے والے تحریری بیان میں بتایا گیا ہے کہ ’وارنٹ کی تعمیل کے لیے اینٹی کرپشن ٹیم تھانہ آئی تو ان سے کاغذات وصول کیے جائیں گے۔ اینٹی کرپشن اسٹیبلشمنٹ ٹیم سے درخواست کی جائے گی کہ وہ تعمیل کے لیے ریکارڈ مہیا کرے تا کہ قانون کے مطابق عمل کیا جا سکے۔

بی بی سی کی نامہ نگار حمیرا کنول سے گفتگو کرتے ہوئے اسلام آباد پولیس کے ایک انتظامی عہدے دار نے بتایا کہ ان کے وارنٹ پنجاب میں جاری ہوئے ہیں یہ اسلام آباد کا معاملہ نہیں اور نہ ہی ابھی اسلام آباد پولیس سے رابطہ کیا گیا ہے۔

08/10/2022

وسطی پنجاب کے ضلع شیخوپورہ کے ایک گاؤں میں آٹھ افراد کو کلہاڑے کے وار کر کے قتل کر دیا گیا ہے۔ تمام آٹھ افراد کو ایک ہی رات میں اس وقت قتل کیا گیا جب وہ اپنے گھروں سے باہر سو رہے تھے۔

یہ واقعہ ضلع شیخوپورہ کے تھانہ نارنگ منڈی کی حدود میں آنے والے گاؤں ہچر میں پیش آیا ہے۔

ڈسٹرکٹ پولیس افسر شیخوپورہ فیصل مختار نے اس واقعے کی تصدیق کرتے ہوئے بتایا کہ پولیس نے قتل کے الزام میں ایک ملزم کو گرفتار کر کے آلہ قتل بھی برآمد کر لیا ہے۔

پنجاب کے وزیر اعلیٰ چودھری پرویز الٰہی نے اس واقعے کا نوٹس لیتے ہوئے آئی جی پولیس سے رپورٹ طلب کر لی ہے۔

پولیس کی ابتدائی تحقیقات کے مطابق ایک شخص نے رات کو کھیتوں اور گلیوں میں سوئے ہوئے مختلف افراد کو قتل کیا۔

ڈی پی او فیصل مختار نے بتایا کہ 22 سالہ ملزم کا دماغی معائنہ کروایا جائے گا۔ پولیس کی ابتدائی تحقیقات کے مطابق ملزم نے تمام قتل رات تین بجے کے بعد کیے جب سارا گاؤں سو رہا تھا۔

پولیس کے کرائم انویسٹیگیشن یونٹ نے پورے علاقہ کو محاصرے میں لے کر تفتیش شروع کر دی ہے۔

پولیس
پنجاب کے دیہات میں موسم گرما اور موسم برسات میں عموماً لوگ رات کو کھیتوں میں، گلیوں یا مکانوں کی چھتوں پر سوتے ہیں۔

پولیس کی مختلف تفتیشی ٹیموں نے ملزم کے اہل خانہ اور گاؤں والوں سے ملزم کے بارے میں پوچھ گچھ کی ہے جس میں یہ بات سامنے آئی کہ ملزم گریجویٹ ہے اور گاؤں کے بچوں کو پڑھاتا بھی رہا ہے۔

مقامی لوگوں کا کہنا ہے کہ ملزم کا ذہنی توازن خراب ہونے کے بعد لوگوں نے اپنے بچے اس کے پاس پڑھنے بھیجنے بند کر دیے تھے جس کے بعد وہ بیروزگاری سے پریشان تھا۔

گاؤں کے لوگوں نے پولیس کو بتایا کہ چند روز قبل گاؤں والوں نے ملزم کی مشکوک حرکات کو دیکھتے ہوئے اس کو پولیس کے حوالے کیا تھا تاہم پولیس نے اسے نامعلوم وجوہات کی بنا پر چھوڑ دیا تھا۔

پولیس کا کہنا ہے کہ ملزم کو جلد ہی مجسٹریٹ کے سامنے پیش کیا جائے گا۔

08/10/2022

حال ہی میں پنجاب میں بچوں کے اغوا کے بڑھتے ہوئے واقعات کی خبریں سوشل میڈیا سمیت ہر جگہ پھیلی ہوئی ہیں جس کے باعث والدین سمیت تقریباً ہر دوسرے شخص کو یہ تشویش لاحق ہے کہ کیا واقعی ہی ہمارے بچے غیر محفوظ ہیں۔

تاہم ان خبروں یا واقعات میں کتنی حقیقت ہے اور کیا واقعی بچوں کو اغوا کرنے والا کوئی گروہ سرگرم ہے؟

اس کے لیے ہم نے درجنوں ایسے والدین سے بات کی جو ان خبروں کو سچ سمجھتے ہوئے یہ مانتے ہیں کہ ہمارے بچے غیر محفوظ ہیں۔

نبیلہ جمال تین بچوں کے ماں ہیں۔ انھوں نے اپنے اس خوف کا اظہار کرتے ہوئے بتایا کہ ’میرے بچے گھر سے باہر محلے میں کھیلتے تھے لیکن بچوں کے اغوا کے بڑھتے ہوئے واقعات کی وجہ سے میں نے ان کا گھر سےنکلنا بالکل بند کر دیا ہے۔

میں نے صرف یہ سنا ہے کہ ہمارے اردگرد کے علاقوں سے بچے اٹھائے گئے ہیں لیکن مجھ سمیت ہمارے کسی جاننے والے نے ایسا ہوتا دیکھا نہیں ہے۔‘

انھوں نے مزید کہا کہ ’اگر ایسا نہیں بھی ہوا تب بھی ایک ماں کا ایسی خبریں سن کر کیا حال ہو گا آپ خود سمجھ سکتی ہیں۔‘

سکول جاتے بچے

والدین میں پایا جانے والا خوف و ہراس

نبیلہ واحد ماں نہیں ہیں جو ان خبروں کی وجہ سے پریشان ہیں۔ سوشل میڈیا پر اس وقت ہر دوسری ماں یہ سوال کر رہی ہے کہ کیا واقعی ہی ایسے واقعات ہو رہے ہیں؟
ایسی ہی ایک ماں نے فیس بک پر پوسٹ کیا کہ میں بہت خوفزدہ ہوں کیونکہ حال ہی میں میرے بچوں کے سکول سے نوٹس آیا ہے کہ امن و امان کی خراب صورتحال کی وجہ سے بچوں کو سکول چھوڑنے اور لینے کے لیے آنے والے والدین کے لیے اصول تبدیل کیے جا رہے ہیں تاکہ بچوں کی سکیورٹی یقینی بنائی جا سکے۔

انھوں نے مزید لکھا کہ ’مجھے بہت وہم ہوتا ہے جب تک میرا بچہ سکول سے واپس نہیں آ جاتا۔ عجیب عجیب خیال آتے ہیں کہ اگر میرے بچے کو کسی نے اٹھا لیا تو میں تو مر ہی جاؤں گی۔ حکومت کیوں اس معاملے کو سنجیدگی سے نہیں دیکھ رہی؟‘

پنجاب کے مختلف شہروں میں درجنوں نجی سکولوں کی جانب سے مبینہ طور پر بڑھتے ہوئے اغوا کے کیسز اور بچوں کی حفاظت کے حوالے سے والدین کو نوٹس اور پیغامات بھیجے گئے ہیں جو مزید خوف وہراس پھیلانے کا باعث بنے ہیں۔

بی بی سی سے گفتگو کرتے ہوئے دو بچوں کے والد محمد پرویز کا کہنا تھا کہ ’میری بیوی ان باتوں سے اتنی ڈری ہوئی تھی کہ وہ بچوں کو سکول سے چھٹیاں کروانے کو تیار تھی۔ جب ہر جگہ سے ایسی باتیں سامنے آتی ہیں تو جھوٹ بھی سچ لگنے لگتا ہے۔

ہم نے سوشل میڈیا پر پہلے یہ افواہیں دیکھیں پھر ٹی وی پر بھی کچھ نیوز چینلز نے ایسی خبریں چلائیں اور پھر کچھ جاننے والوں نے بھی بتایا کہ انھوں نے ایسا سنا ہے۔ اب اگر اتنی جگہوں سے ایسی باتیں سامنے آ رہی ہوں تو ذہن میں سوالات تو اٹھتے ہیں کہ کوئی تو ایسی بات ہوگی جس کی وجہ سے یہ باتیں پھیل رہی ہیں۔‘

07/10/2022

پاکستان سے ترکی، یورپ، برطانیہ اور امریکہ جانے والے مسافروں کے لئے اچھی خبر،پاکستان سے یورپ، برطانیہ اور امریکہ جانےوالے مسافر استنبول سے پی آئی اے ترکش ائیر لائن کوڈ شئر معاہدے کے تحت سفر کر سکیں گے۔
تفصیلات کےمطابق وفاقی وزیر ایوایشن خواجہ سعد رفیق کا کہناتھا کہ پاکستان اور ترکی کے مابین سفارتی تعلقات کی 75ویں سالگرہ پر پی آئی اے استنبول کا آپریشن شروع کررہا ہے ،پی آئی اے 14نومبر سے پاکستان سے ترکی کے لئے ہفتہ وار 6 پروازوں چلائے گا،پاکستان سے یورپ، برطانیہ اور امریکہ جانےوالے مسافر استنبول سے پی آئی اے ترکش ائیر لائن کوڈ شئر معاہدے کے تحت سفر کر سکیں گے ۔
سعد رفیق نے کہا کہ معاہدے کی رو سے مسافر استنبول سے 28 شہروں تک رسائی حاصل کرسکیں گے،ابتدائی طور پر اسلام آباد سے 4، جبکہ لاہور سے 2 پروازیں بوئنگ 777 کے ذریعے آپریٹ ہوں گی،دوسرے مرحلے میں کراچی سے استنبول کی پروازیں بھی شروع کی جائیں گی۔

07/10/2022

ویب ڈیسک: حکومت نے اگلے ماہ کے بجلی بلز میں واضح ریلیف دینے کی یقین دہانی کرادی۔

وزیر توانائی خرم دستگیر خان نے قومی اسمبلی میں اظہار خیال کرتے ہوئے کہا کہ اگلے مہینے کے بجلی کے بلوں میں واضح ریلیف ملے گا، جون کی فیول پرائس ایڈجسٹمنٹ کے باعث اگست میں بلز میں 10 روپے کا اضافہ ہوا، مگر جون کے مقابلے میں فیول پرائس ایڈجسٹمنٹ اب کم ہو کر 22 پیسے رہ گئی ہے، لہذا عوام کو اگلے مہینے کے بجلی بلوں میں ریلیف دیا جائے گا۔
خرم دستگیر خان نے کہا کہ اس مہینے بھی بجلی بلوں کچھ بہتری آئے گی، مگر اگلے مہینے سے عوام کو بجلی بلوں میں واضح ریلیف دیا جائے گا۔انہوں نے مزید کہا کہ پہلے 200 اور پھر 300 یونٹ والوں کو 55 ارب کا ریلیف دے چکے ہیں، سیلاب زدگان کیلئے بھی 10 ارب کا ریلیف دیا جا چکا ہے، عوام کی بہت بڑی تشویش اگلے مہینے دور ہو جائے گی۔

07/10/2022

تحریک انصاف کے سربراہ عمران خان کی ہارس ٹریڈنگ کے بارے میں مبینہ آڈیو سامنے آنے کے بعد جماعت کے رہنما فواد چوہدری نے کہا ہے کہ اس طرح آوازیں جوڑ کر این آر او کو جائز ثابت نہیں کیا جا سکتا اور لوگ جانتے ہیں کہ یہ آڈیوز کہاں اور کیسے بن رہی ہیں۔

خلاصہ

تحریک انصاف کے سربراہ عمران خان کی ہارس ٹریڈنگ کے بارے میں مبینہ آڈیو سامنے آنے کے بعد جماعت کے رہنما فواد چوہدری نے کہا ہے کہ اس طرح آوازیں جوڑ کر این آر او کو جائز ثابت نہیں کیا جا سکتا
اسلام آباد کی ایک احتساب عدالت نے آمدن سے زائد اثاثہ جات بنانے کے کیس میں وزیر خزانہ اسحاق ڈار کے وارنٹ گرفتاری منسوخ کرتے ہوئے انھیں دس لاکھ روپے کے ضمانتی مچلکے جمع کروانے کے احکامات جاری کیے ہیں۔
وزارت داخلہ کے ذرائع کا کہنا ہے کہ رانا ثنا اللہ کی حکمت عملی کے تحت تحریک انصاف کے لانگ مارچ کی صورت میں ریڈ زون کی سکیورٹی کے لیے فوج کو طلب کیا جائے گا
وزیر اعظم شہباز شریف نے کہا ہے کہ عمران خان نے پاکستان کے دوست ممالک کے ساتھ تعلقات کو نقصان پہنچایا اور سی پیک پر کام روکا گیا مگر اب وہ اسے بہتر کرنے کی کوشش کر رہے ہیں
فیصل واوڈا نااہلی کیس میں چیف جسٹس عمر عطا بندیال نے تاحیات نااہلی پر سوال اٹھاتے ہوئے کہا ہے کہ یہ ’کالا قانون‘ ہے
عمران خان نے کہا ہے کہ انٹیلیجنس ایجنسیوں کا کام ’سیاسی انجینیئرنگ‘ نہیں بلکہ ملک کو محفوظ بنانا ہے۔
لائیو رپورٹنگ

07/10/2022

دنیا کے تیل پیدا کرنے والے ممالک کی تنظیم اوپیک پلس نے بدھ کے روز تیل کی پیدوار میں یومیہ 20 لاکھ بیرل کمی کا اعلان کیا ہے۔

ویانا میں اوپیک پلس کے مرکزی دفتری میں صرف آدھ گھنٹہ جاری رہنے والی میٹنگ میں فیصلہ ہوا کہ تیل کی پیداوار میں روزانہ 20 لاکھ بیرل کی کمی کی جائے گی۔

اوپیک کا کہنا ہے کہ خام تیل کی پیدوار میں کمی کا فیصلہ تیل کی قیمت کو مستحکم رکھنے کی غرض سے اٹھایا گیا ہے کیونکہ حالیہ مہینوں میں عالمی کساد بازاری کا خطرہ مزید گہرا ہوا ہے اور تیل کی قیمت میں کمی واقع ہوئی ہے۔

سنہ 2020 کے بعد اوپیک اور اس کے اتحادیوں کی طرف سے خام تیل کی پیداوار میں یومیہ بنیادوں پر یہ سب سے بڑی کٹوتی ہے۔

ظاہر ہے کہ جب مارکیٹ میں خام تیل کی پیداوار کم ہو گی تو دنیا میں اس قلت ہو گی اور پھر قیمت بھی بڑھے گی۔ یعنی آنے والے دنوں میں تیل کی قیمتوں میں اضافے کا امکان ہے۔

06/10/2022

کیلیفورنیا میں چار انڈینز کی لاشیں برآمد، ہلاک ہونے والوں میں ایک آٹھ ماہ کی بچی بھی شامل ہے
امریکی ریاست کیلیفورنیا کی مرسڈ کاؤنٹی پولیس نے بدھ کی شام ایک پریس کانفرنس میں بتایا کہ انھیں ایک پنجابی خاندان کے چار افراد کی لاشیں ملی ہیں جنھیں چند روز قبل اغوا کیا گیا تھا۔

پولیس پچھلے کچھ دنوں سے اس خاندان کی تلاش کر رہی تھی۔ ان میں 27 سالہ جسلین کور، 36 سالہ جسدیپ سنگھ، 39 سالہ امن دیپ سنگھ اور ایک آٹھ ماہ کی بچی شامل تھی۔

پولیس نے کہا ہے کہ اس معاملے میں ان کے پاس مشتبہ ملزمان سے متعلق معلومات ہیں، لیکن اس بارے میں وہ مزید تفصیل نہیں بتا سکتے۔

پولیس نےبتایا ’شام ساڑھے پانچ بجے ہمیں ایک کسان نے اس بارے میں فون کر کے اطلاع دی تھی، جس کے بعد ان چاروں کی لاشوں کو برآمد کیا گیا۔‘

Pakistani News

26/10/2022

25/10/2022

25/10/2022

24/10/2022

10/10/2022

10/10/2022

09/10/2022

09/10/2022

09/10/2022

08/10/2022

08/10/2022

08/10/2022

08/10/2022

07/10/2022

07/10/2022

07/10/2022

07/10/2022

06/10/2022

Address

Website

Alerts

Contact The Business

Shortcuts

Share

Category