10/06/2026
کہوٹہ: عبدالخطیب چوہدری کی کونسلر قاضی اخلاق سے ملاقات، مہاجرین کے مسائل پر تبادلہ خیال
کہوٹہ میں جاری انتخابی مہم کے سلسلے میں آزاد جموں و کشمیر قانون ساز اسمبلی کے حلقہ LA-39 جموں 6 کے امیدوار عبدالخطیب چوہدری نے بلدیہ کہوٹہ کی معروف سیاسی و سماجی شخصیت اور کونسلر قاضی اخلاق سے ملاقات کی۔
ملاقات کے دوران کہوٹہ اور حلقہ جموں 6 میں مقیم کشمیری مہاجرین کو درپیش مسائل، عوامی توقعات اور دیگر اہم امور پر تفصیلی گفتگو کی گئی۔ قاضی اخلاق نے اپنے سیاسی تجربے اور عوامی مشاہدات کی روشنی میں مختلف تجاویز اور آراء پیش کیں۔
اس موقع پر چوہدری اظہر اعیاض، فرید، سردار فیصل، سردار اشتیاق اور سردار بشارت بھی موجود تھے۔ شرکاء نے مہاجرین کے مسائل، عوامی رابطہ مہم اور آئندہ انتخابات کے حوالے سے تبادلہ خیال کیا۔
عبدالخطیب چوہدری نے قاضی اخلاق اور دیگر شرکاء کا شکریہ ادا کرتے ہوئے کہا کہ عوامی مشاورت اور باہمی تعاون انتخابی مہم کو مزید مؤثر بنانے میں اہم کردار ادا کر رہے ہیں۔
KahutaVoice
کہوٹہ اور گردونواح کی تازہ ترین خبروں اور اپ ڈیٹس کے لیے ہمارے ساتھ جڑے رہیں۔
