Kashmir Express Digital

Kashmir Express Digital Its first digital news channel of AJK.
(1)

پپلز پارٹی کی حکومت نے پبلک سروس کمیشن کے ممبران کی تعیناتی کا نوٹیفکیشن جاری کردیا منیر حسین چوہدری، ڈاکٹر لیاقت حسین، ...
09/08/2026

پپلز پارٹی کی حکومت نے پبلک سروس کمیشن کے ممبران کی تعیناتی کا نوٹیفکیشن جاری کردیا منیر حسین چوہدری، ڈاکٹر لیاقت حسین، محمد زاہد خان، پروفیسر ڈاکٹر عبدالقدوس خان، مدحت شہزاد ،عبدالحمید پیرزادہ اور ڈاکٹر محمد سلیم خان شامل ہیں۔

راجہ محمد فاروق حیدر خان کا اہلیانِ راولاکوٹ و سدھنوتی کے نام اہم پیغامبسم اللہ الرحمٰن الرحیماللہ رب العزت کے فضل و کرم...
09/08/2026

راجہ محمد فاروق حیدر خان کا اہلیانِ راولاکوٹ و سدھنوتی کے نام اہم پیغام

بسم اللہ الرحمٰن الرحیم

اللہ رب العزت کے فضل و کرم اور عوام کے تعاون اور دعاؤں سے الحمدللہ! مظفرآباد، میرپور ڈویژنز اور مہاجرین کے حلقوں میں ہونے والے انتخابات میں مسلم لیگ نون واضح اکثریت کے ساتھ حکومت سازی کی پوزیشن میں ہے۔ ان شاء اللہ تعالیٰ باغ اور حویلی سے بھی ہماری جماعت سرخرو ہو کر عوامی امنگوں کی ترجمان حکومت تشکیل دے گی۔

اہلیانِ راولاکوٹ و سدھنوتی!
آپ اس سرزمین کے وہ فرزند ہیں جنہوں نے ہر دور میں غیرت، حمیت اور قربانی کی مثال قائم کی۔ پونچھ کی مٹی نے تحریکِ آزادی کو جان دی، جمہوریت کو استحکام بخشا، اور حق و سچ کے لیے سینہ سپر رہی۔ آپ کی تاریخی جدوجہد، سیاسی بصیرت اور بے مثال حوصلہ ہماری قومی شناخت کا فخر ہے۔

میں پورے وثوق سے کہتا ہوں کہ مسلم لیگ نون کی حکومت بنتے ہی آزاد کشمیر کو درپیش معاشی، انتظامی اور عوامی مسائل کے حل کے لیے ٹھوس اور فوری اقدامات کیے جائیں گے۔

میں اپنے ان ناراض بھائیوں سے بھی دل سے مخاطب ہوں۔ اختلاف اپنی جگہ، لیکن رشتے اپنی جگہ۔ *ہم نے آپ سے بات کرنی ہے، کیونکہ آپ کے بغیر یہ گھر مکمل نہیں۔* خصوصاً پونچھ کے بغیر۔

میرے نزدیک پونچھ کی شمولیت کے بغیر حکومت سازی بے معنی ہے۔*
*پونچھ کے عوام کی قربانیاں، ان کا استقامت سے جمہوریت پر یقین، اور ان کا تاریخی کردار — یہی وہ چراغ ہیں جن سے آزاد کشمیر کی سیاست روشن ہے۔

میں آپ کو یقین دلاتا ہوں کہ آپ کی عزت، وقار اور جائز حقوق پر کوئی سمجھوتہ نہیں ہو گا۔

لیکن یاد رکھیں:
*حکومت سازی کے اس اہم عمل کا حصہ بننے کے لیے آپ کو بھی ایک قدم آگے بڑھنا ہوگا۔* اپنا کردار ادا کرنا ہوگا۔

اہلیانِ پونچھ و سدھنوتی سے میری پرخلوص اپیل ہے کہ آزاد کشمیر میں اگست کے دوسرے عشرے میں ہونے والے انتخابات میں بھرپور شرکت کریں۔ ضلع پونچھ اور ضلع سدھنوتی میں الیکشن کمیشن سے تعاون کریں تاکہ پرامن، شفاف اور باوقار انتخابی عمل کو یقینی بنایا جا سکے۔

آزادانہ طور پر اپنے حقِ رائے دہی کا استعمال کریں۔ جس جماعت کو آپ بہتر سمجھتے ہیں، اسے ووٹ دیں۔ فیصلہ آپ کا، اختیار آپ کا۔

میں صورتحال سے مکمل طور پر باخبر ہوں۔ ایک بھائی اور بزرگ کی حیثیت سے واضح کہتا ہوں:
ہم اس حکومت سازی کے مرحلے میں آپ کو اکیلا نہیں چھوڑیں گے۔

آپ آزاد کشمیر کے سب سے بڑے شراکت دار ہیں۔ آپ درخشندہ تاریخ کے وارث ہیں۔ آپ ہی مستقبل کے معمار ہیں۔

آئیں، بات چیت سے راستے نکالیں۔ اختلافات کو مکالمے سے ختم کریں۔ مل کر ایک مضبوط، باوقار اور خوشحال آزاد کشمیر کی بنیاد رکھیں۔

والسلام
آپ کا بھائی
راجہ محمد فاروق حیدر خان

---

09/08/2026

باغ: کمشنر پونچھ ڈویژن سردار عبدالوحید خان الیکشن کے انتظامات کے حوالے سے میڈیا سے گفتگو کرتے ہوئے،
آزادکشمیر کے الیکشن کے تیسرے مرحلے میں کل 10 اگست کو ضلع باغ اور حویلی میں پولنگ ہوگی ۔

09/08/2026

باغ ڈپٹی کمشنر عاصم خالد اعوان الیکشن کے انتظامات کئے حوالے سے گفتگو کرتے ہوئے

حلقہ غربی باغ LA-14 میں آپ کس کو سپورٹ کریں گے ؟؟؟
09/08/2026

حلقہ غربی باغ LA-14 میں آپ کس کو سپورٹ کریں گے ؟؟؟

08/08/2026

حویلی : فیصل ممتاز راٹھور کا پاکستان زندہ باد ریلی کے شرکاء سے اہم خطاب

میرپور(بیورورپورٹ)صدر آزادکشمیر چیمبر آف کامرس عمر شہزاد جرال کا یومِ آزادی پاکستان کے حوالے سے خصوصی پیغام، آزادکشمیر چ...
08/08/2026

میرپور(بیورورپورٹ)صدر آزادکشمیر چیمبر آف کامرس عمر شہزاد جرال کا یومِ آزادی پاکستان کے حوالے سے خصوصی پیغام، آزادکشمیر چیمبر آف کامرس کے صدر عمر شہزاد جرال نے کہا ہے کہ پاکستان کا یومِ آزادی پوری قوم کے لیے تجدیدِ عہد، ملی یکجہتی اور وطن سے محبت کا دن ہے۔ اس سال بھی یومِ آزادی کی تقریبات بھرپور جوش و خروش، قومی جذبے اور شایانِ شان انداز میں منائی جائیں گی۔انہوں نے کہا کہ کشمیری عوام اور پاکستان کا رشتہ محض جغرافیائی یا سیاسی نہیں بلکہ محبت، عقیدت، تاریخ، ثقافت اور لازوال جذبات کا رشتہ ہے۔ کشمیریوں نے ہمیشہ پاکستان کے ساتھ اپنی وابستگی کا اظہار کیا ہے اور یہ رشتہ نسل در نسل مزید مضبوط ہوتا جا رہا ہے۔عمر شہزاد جرال نے کہا کہ “ہم پاکستانی ہیں، پاکستان ہمارا ہے” محض ایک نعرہ نہیں بلکہ کشمیری عوام کے دلوں کی آواز ہے۔ پاکستان کی خوشحالی، استحکام اور ترقی ہی ہماری خواہش اور قومی ذمہ داری ہے۔انہوں نے کہا کہ آج ہمیں عہد کرنا ہوگا کہ ہم اپنے وطن کی معاشی ترقی، استحکام، امن اور خوشحالی کے لیے اپنا بھرپور کردار ادا کریں گے۔ بالخصوص کاروباری اور تاجر برادری ملکی معیشت کی مضبوطی کے لیے ہر ممکن تعاون جاری رکھے گی۔صدر آزادکشمیر چیمبر آف کامرس نے کہا کہ “سب سے پہلے پاکستان” ہمارا مشترکہ قومی جذبہ اور ترجیح ہونی چاہیے۔ ہمیں سیاسی و ذاتی اختلافات سے بالاتر ہو کر پاکستان کی ترقی، سلامتی اور خوشحالی کے لیے متحد ہونا ہوگا۔انہوں نے کہا کہ جشنِ آزادی کے موقع پر آزادکشمیر سمیت ملک بھر میں سبز ہلالی پرچموں سے محبت کا اظہار کیا جائے گا اور قومی تقریبات میں عوام بھرپور شرکت کریں گے۔ یہ دن ہمیں اپنے شہداء اور اُن تمام عظیم لوگوں کی قربانیوں کو یاد کرنے کا موقع بھی فراہم کرتا ہے جنہوں نے پاکستان کے قیام اور استحکام کے لیے اپنا کردار ادا کیا۔اللہ تعالیٰ پاکستان کو ہمیشہ قائم و دائم رکھے، اسے امن، ترقی اور خوشحالی عطا فرمائے اور وطنِ عزیز کو دنیا میں مزید سربلندی نصیب ہو۔

*آزاد کشمیر انتخابات 2026، ضلع باغ اور حویلی* ضلع باغ اور حویلی میں انتخابی مہم آج رات 12 بجے ختم ہوجائیگی،ترجمان الیکشن...
08/08/2026

*آزاد کشمیر انتخابات 2026، ضلع باغ اور حویلی*

ضلع باغ اور حویلی میں انتخابی مہم آج رات 12 بجے ختم ہوجائیگی،ترجمان الیکشن کمیشن آزاد جموں وکشمیر

انتخابی مہم 08 اور 09 اگست کی درمیانی شب 12 بجے ختم ہو جائے گی، ترجمان الیکشن کمیشن

تیسرے مرحلے میں ضلع باغ کے تین اور حویلی کے ایک انتخابی حلقے میں پولنگ 10 اگست کو ہوگی، ترجمان الیکشن کمیشن

انتخابی مہم کے مقررہ وقت کے اختتام کے بعد ہر قسم کی انتخابی سرگرمی پر پابندی ہوگی، ترجمان الیکشن کمیشن

اس دوران جلسہ، جلوس، ریلی اور کارنر میٹنگ کے انعقاد یا شرکت کی اجازت نہیں ہوگی، ترجمان الیکشن کمیشن

امیدواران انتخابی قوانین، ضابطہ اخلاق اور کمیشن کی جاری کردہ ہدایات پر مکمل عملدرآمد یقینی بنائیں، ترجمان الیکشن کمیشن

انتخابی قوانین یا ضابطہ اخلاق کی خلاف ورزی کی صورت میں متعلقہ قوانین کے تحت سخت قانونی کارروائی عمل میں لائی جائے گی، ترجمان الیکشن کمیشن

08/08/2026

آزاد کشمیر میں سیاسی بساط بدلنے لگی، 12 نئے چہروں نے پرانے سیاسی دھڑوں کو پچھاڑ دیا، باغ اور حویلی میں بھی بڑے اپ سیٹ کے امکانات

کشمیر ایکسپریس نیوز ڈیجیٹل آزاد جموں و کشمیر کے عام انتخابات کے پہلے دو مراحل مکمل ہوتے ہی سیاسی منظرنامہ تیزی سے تبدیل ہونے لگا۔ 34 انتخابی حلقوں کے نتائج نے روایتی سیاست کو بڑا جھٹکا دے دیا، جہاں ایک درجن نئے چہرے پہلی مرتبہ قانون ساز اسمبلی کا حصہ بن گئے۔نئے امیدواروں کی کامیابی نے نہ صرف سیاسی حلقوں کی توجہ حاصل کر لی بلکہ آئندہ کی سیاست میں نئی صف بندیوں کے امکانات بھی روشن کر دیے ہیں۔

پہلی مرتبہ قانون ساز اسمبلی میں داخل ہونے والے کامیاب امیدواروں میں سردار مختار عباسی، ثاقب مجید راجہ، محمد رزاق چوہدری، عمیر نعیم، راجہ آصف، راجہ ریاست، ایاز احمد، محمد احسن رضا، مریم جاوید، ذیشان علی، عامر شاہ اور یاسین لو ن شامل ہیں۔

12 نئے اراکین کی کامیابی محض نشستوں کا اضافہ نہیں بلکہ آزاد کشمیر کی سیاست میں بدلتے ہوئے سیاسی مزاج کا اہم اشارہ قرار دی جا رہی ہے۔ انتخابی نتائج نے ثابت کیا ہے کہ ووٹر روایتی سیاسی چہروں سے ہٹ کر نئے امیدواروں کو بھی موقع دینے کے لیے تیار ہے۔ یہی وجہ ہے کہ نئے چہروں کی کامیابی کو سیاسی مبصرین آنے والے دنوں میں بڑی تبدیلی کی بنیاد قرار دے رہے ہیں۔

نئے اراکین کی اسمبلی میں آمد سے قانون ساز ایوان میں نئی آوازیں، نئی ترجیحات اور مختلف سیاسی اندازل سامنے آنے کی توقع ہے۔ تاہم اصل امتحان اب شروع ہوگا کہ یہ نئے منتخب نمائندے عوامی توقعات پر کس حد تک پورا اترتے ہیں اور تجربہ کار سیاسی شخصیات کے مقابلے میں اپنی سیاسی شناخت کس طرح مستحکم کرتے ہیں۔

دوسری جانب 10 اگست کو باغ اور حویلی کے انتخابی حلقوں میں ہونے والے انتخابات نے سیاسی ماحول کو مزید گرم کر دیا ہے۔ ان دونوں حلقوں میں بھی نئے چہروں کی کامیابی کی توقعات نے مقابلے کو غیر معمولی اہمیت دے دی ہے۔ اگر باغ اور حویلی میں بھی نئے امیدوار کامیاب ہو گئے تو پہلے دو مراحل میں بننے والا رجحان مزید واضح ہو جائے گا اور **نئے چہروں کی یہ لہر آزاد کشمیر کی سیاست میں باقاعدہ تبدیلی کی شکل اختیار کر سکتی ہے۔

اب نظریں 10 اگست کے انتخابی معرکے پر ہیں۔ باغ اور حویلی کے نتائج یہ طے کریں گے کہ آزاد کشمیر کے ووٹر نے صرف چند نئے چہروں کو موقع دیا ہے یا واقعی روایتی سیاست کے خلاف ایک نئی سیاسی بغاوت کا آغاز ہو چکا ہے

اسلام آباد۔سیاسی امور کی چیئرپرسن،رکن سندھ اسمبلی فریال تالپورسے زرداری ہاؤس اسلام آباد میں پاکستان پیپلز پارٹی آزاد کشم...
08/08/2026

اسلام آباد۔سیاسی امور کی چیئرپرسن،رکن سندھ اسمبلی فریال تالپورسے زرداری ہاؤس اسلام آباد میں پاکستان پیپلز پارٹی آزاد کشمیر کے نو منتخب ممبر اسمبلی دیوان علی خان چغتائی کی ملاقات،گلدستہ پیش کیا،فریال تالپور نے دیوان چغتائی کو کامیابی پر مبارکباد دی،اس موقعہ پر پارٹی کے مرکزی ڈپٹی سیکرٹری اطلاعات شوکت جاوید میر،مرکزی سیکرٹری رابطہ عامر ذیشان جرال بھی موجود تھے

Address

Daily Kashmir Express, Iqbal Town, Islamabad
Rawalpindi
44000

Telephone

+923005070190

Website

Alerts

Be the first to know and let us send you an email when Kashmir Express Digital posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Kashmir Express Digital:

Shortcuts

Share

Category