حال احوال

24/09/2025

سندھ کا شوقین ممبر اسمبلی پ پ پ کا چہیتا باری خان ہتافی بچے کے سوال پر بچے کو تھپڑ مار دیا.
کیا بچے کو جوکہ ایک شاگرد ہے اس کو انصاف ملے گا؟؟؟؟ ؟

24/09/2025

لاہور سے کراچی جانے والی فرید ایکسپریس کی تین بوگیاں پٹری سے اتر گئیں۔

حادثے کے باعث ڈاؤن ٹریک پر ٹرینوں کی آمدورفت معطل ہوگئی،تاہم حادثے میں کوئی جانی نقصان نہیں ہوا۔
بوگیوں کی بحالی کے لئے ریلوے عملہ اور کرین طلب کی

23/09/2025

22/09/2025

ضلع جہلم میں ایک ہی گھر کے سات افراد کھانا کھانے کے بعد نیم بے ہوش ہو گئے۔ ریسکیو 1122 نے تمام افراد کو فوری طور پر ٹی ایچ کیو ہسپتال سوہاوہ منتقل کر دیا ابتدائی اطلاعات کے مطابق دوپہر کا کھانا دوبارہ رات کو کھایا تھا، جس پر یہ حالت ہوئی۔ ریسکیو ذرائع
متاثرہ افراد میں
انوش ولد منیر عمر 17سال
جمیل احمد ولد محمد بشیر عمر 42سال
یاسمین اقبال زوجہ اقبال عمر 40سال
تنویر بیگم زوجہ منیر عمر 42سال
عارف ولد بشیر عمر 52سال
نور ولد منیر عمر 21 سال
عذرا زوجہ عارف عمر 48سال شامل ہیں

22/09/2025

لاہور کی کینال روڈ پر موٹر سائیکل ون ویلنگ کے دوران افسوسناک حادثہ پیش آیا، جس میں 2نوجوان موقع پر ہی جاں بحق ہوگئے۔

پولیس کے مطابق ون ویلنگ کرتے ہوئے کار کی ٹکر سے 2 نوجوان موٹر سائیکل سوار جاں بحق ہوگئے،جاں بحق ہونے والوں کی شناخت مدثر اور سبحان سرفراز کے نام سے ہوئی، جن کی عمریں 17 سے 20 سال کے درمیان تھیں۔ڈی ایس پی ماڈل ٹاؤن طاہر سندھو موقع پر پہنچے اور لاشوں کو تحویل میں لے کر پوسٹ مارٹم کے لیے منتقل کر دیا گیا۔ پولیس کا کہنا ہے کہ حادثے کی مزید تفتیش سی سی ٹی وی کیمروں کی مدد سے کی جا رہی ہے۔

22/09/2025

شام کی ہائر کمیٹی فار الیکشنز آف پیپلز اسمبلی نے اعلان کیا کہ عوامی اسمبلی کے ارکان کے لیے ووٹنگ 5 اکتوبر کو تمام انتخابی اضلاع میں ہو گی۔

پارلیمان کی 21 نشستوں میں سے ایک تہائی نشستوں پر رکن پارلیمان عبوری صدر احمد الشرع مقرر کریں گے۔
یاد رہے کہ کئی برسوں کی خانہ جنگی کے بعد گزشتہ سال دسمبر میں امریکہ نواز عسکریت پسندوں نے حکومتی افواج کے خلاف بڑا حملہ کر کے بشار الاسد حکومت کا تختہ اُلٹا تھا۔

20/09/2025

20/09/2025

سوڈان کے علاقے دارفور کے شہر الفاشر میں جمعے کے روز ایک مسجد پر ڈرون حملے میں 70 سے زائد شہری جاں بحق ہوگئے۔

مقامی حکام اور فوج کے مطابق حملہ پیراملٹری گروپ ریپڈ سپورٹ فورسز (RSF) نے کیا۔ جاں بحق افراد میں کئی بے گھر شہری بھی شامل ہیں۔ فوج کا مؤقف
سوڈانی فوج کی چھٹی انفنٹری ڈویژن نے بیان میں کہا کہ ملیشیا نے صفیہ مسجد میں نمازِ جمعہ کے دوران نمازیوں کو نشانہ بنایا جس کے نتیجے میں 75 سے زائد شہری شہید ہوئے۔ گھیراؤ اور شدت پسندی
الفاشر شمالی دارفور کا دارالحکومت اور خطے میں فوج کا آخری بڑا گڑھ ہے، جہاں RSF مئی 2024 سے محاصرہ کیے ہوئے ہے۔ فوجی تنصیبات کو نشانہ بنانے کی کوششوں میں اسپتال، اسکول اور بے گھر افراد کے مراکز بھی متاثر ہوئے ہیں۔ عینی شاہدین کی گواہی
مقامی رضا کاروں کے مطابق نمازیوں کی لاشیں مسجد کے ملبے سے نکالی گئیں۔ سوشل میڈیا پر مقامی مزاحمتی کمیٹیوں نے ویڈیوز جاری کی ہیں جن میں مسجد کے حصے ملبے کا ڈھیر اور جاں بحق افراد کی لاشیں دکھائی گئی ہیں۔ انسانی حقوق کی تنظیموں کا ردعمل
سوڈان ڈاکٹرز نیٹ ورک نے واقعے کو غیر مسلح شہریوں کے خلاف سنگین جرم قرار دیتے ہوئے کہا کہ یہ RSF کی یہ کارروائی انسانی اور مذہبی اقدار و عالمی قوانین کی کھلی خلاف ورزی ہے۔ اقوام متحدہ کی تنبیہ
اقوام متحدہ نے خبردار کیا کہ سوڈان کی خانہ جنگی میں نسلی تشدد بڑھ رہا ہے اور عام شہری سب سے زیادہ متاثر ہو رہے ہیں۔

20/09/2025

امریکی کنٹری میوزک گلوکار اور نغمہ نگار بریٹ جیمز اپنی اہلیہ اور بیٹی سمیت طیارہ حادثے میں ہلاک ہو گئے۔

غیر ملکی میڈیا رپورٹس کے مطابق بریٹ جیمز کے نجی طیارے کو حادثہ ریاست نارتھ کیرولینا کے شہر فرینکلن کے قریب پیش آیا جہاں طیارہ کھلے میدان میں گر کر تباہ ہوگیا۔ نجی طیارے میں 57 سالہ بریٹ جیمز، ان کی اہلیہ میلوڈی ولسن اور بیٹی میرل میکسویل ولسن سوار تھے۔ طیارہ نیش وِل کے جان سی ٹیون ہوائی اڈے سے ٹیک آف کرنے کے فوراً بعد گر کر تباہ ہو گیا۔ امریکی میڈیا کے مطابق طیارہ اسکول کے قریب ایک کھیت میں گر کر تباہ ہوا تاہم حادثے میں کوئی زخمی نہیں ہوا۔ حکام نے حادثے کی وجوہات کا تعین کرنے کے لیے تحقیقات شروع کردی ہیں۔ بریٹ جیمز گریمی ایوارڈ یافتہ گلوکار اور نغمہ نگار تھے۔ انہوں نے کئی مقبول گیت لکھے اور گائے جو شائقین میں بے حد مقبول ہیں۔ اُن کی اچانک موت نے امریکی میوزک انڈسٹری کو گہرا صدمہ پہنچایا ہے۔

20/09/2025

مصر کے شہر نبروہ کی کمشنری الدقھلیہ میں جمعے کے دن ایک دل دہلا دینے والا واقعہ پیش آیا جس پر علاقے کے لوگ غمزدہ ہیں۔

عکاظ اخبار کے مطابق یہاں ایک مصری باپ نے اپنے تین معصوم بچوں کو قتل کر کے بعدازاں ٹرین کے نیچے آکر اپنی زندگی کا بھی خاتمہ کر لیا۔ ابتدائی اطلاعات کے مطابق پولیس کو اطلاع ملی تھی کہ ایک گھر میں تین بچوں کی لاشیں پڑی ہیں۔ پولیس کی جائے وقوعہ پر پہنچنے والی ٹیم نے اس بات کی تصدیق کی اور تحقیق سے پتہ چلا کہ یہ لرزہ خیز واردات بچوں کے باپ نے انجام دی ہے۔ تحقیقات سے پتہ چلا ہے کہ ملزم کا اپنی اہلیہ سے شدید جھگڑا ہوا تھا اس دوران اس نے بیوی کو قتل کرنے کی کوشش کی تاہم وہ بچ گئی۔ اسے تشویشناک حالت میں ہسپتال منتقل کر دیا گیا۔ بیوی کو قتل کرنے میں ناکامی پر ملزم نے اپنے تینوں بچوں کو بے رحمی سے مار ڈالا۔ پولیس نے ہلاک ہونے والے بچوں کی شناخت مریم (10 سال)، معاذ (8 سال) اور محمد (6 سال) کے طور پر کی ہے۔
مصری پولیس کے تعاقب کے دوران ملزم نے خود کو ٹرین کے آگے آکر اپنی زندگی کا خاتمہ کر لیا۔ پولیس نے تمام لاشیں ہسپتال منتقل کر دی ہیں جبکہ واقعے کی تحقیقات شروع کر دی گئی ہیں تاکہ اصل محرکات اور پس منظر سامنے آسکے