Chumarkhan چمرکھن, No. 4, Rawalpindi (2026)

15/04/2026

موڑکہو ڈویلپمنٹ مومنٹ کابینہ اور کور کمیٹی کا مشترکہ اجلاس 28 اپریل کو موڑکہو میں بڑےجلسے کا اعلان

اپر چترال (جمشیداحمد)موڑکہو ڈویلپمنٹ مومنٹ
کور کمیٹی اور کابینہ کا ایک اہم مشترکہ اجلاس بدھ کے دن وریجون میں منعقد ہوا جس میں علاقے کی مسائل بلخصوص موڑکہو روڈ کی تعمیر اورعلاقے کودرپیش مسائل کا تفصیلی جائزہ لیاگیا۔
موڑکہو روڈ کی ناگفتہ بہ حالت پر گہری تشویش کا اظہار کیا گیا مقرریں نے کہا کہ طویل عرصے سے سڑک کی مرمت اور تعمیر میں غفلت اورناانصافی عوام کے ساتھ سراسر ظلم ہے جس کو کسی بھی صورت برداشت نہیں کی جا سکتی مقررین اس عزم اظہار کیا کہ جب تک موڑکہو روڈ اور دیگر بنیادی مسائل حل نہیں ہونگے پرامن جدوجہد کا سلسلہ جاری رہے گا۔

اور اخر میں موڑکہو ڈویلپمنٹ مومںٹ اور کور کمیٹی نے متفقہ طور پر فیصلہ کیا کہ 28 اپریل کو ایک عظیم الشان پرامن جلسہ منعقد کیا جائے گا۔
جسں میں موڑکہو کے عوام بھرپور شرکت کریں گے اوراپنے حقوق کی حصول تک جدوجھد جاری رکھی جائے گی

15/04/2026

راشیدہ ضیاء کی قیادت میں اپر چترال میں پی ٹی آئی ممبرشپ مہم کے دوسرے مرحلے کا آغاز۔

اپر چترال (چمرکھن) پاکستان تحریکِ انصاف کی ممبرشپ مہم کے دوسرے مرحلے کا آغاز ایک پُرجوش اجتماع کے ذریعے کیا گیا، جو پارٹی قیادت کی ہدایات پر منعقد ہوا۔
تقریب میں مقامی رہنماؤں اور کارکنان کی بڑی تعداد نے شرکت کی، جن میں جنرل سیکرٹری علاؤ الدین عرفی، سینئر نائب صدر سید حبیب اللہ شاہ، جوائنٹ سیکرٹری عنایت اللہ، صدر وومن ونگ راشیدہ ضیاء، انفارمیشن سیکرٹری ظاہرہ بی بی، یوتھ ونگ اور دیگر عہدیداران شامل تھے۔

مقررین نے خطاب کرتے ہوئے کہا کہ ممبرشپ مہم پارٹی کو نچلی سطح پر مزید مضبوط بنانے کی ایک اہم کوشش ہے، جبکہ اسے ایک نظریاتی جدوجہد کا حصہ بھی قرار دیا گیا۔ انہوں نے موجودہ سیاسی و معاشی صورتحال پر تشویش کا اظہار کرتے ہوئے پارٹی کارکنان پر زور دیا کہ وہ ہر سطح پر متحرک رہیں۔

اس موقع پر وومن ونگ کی صدر راشیدہ ضیاء نے خواتین سے اپیل کی کہ وہ مہم میں بھرپور حصہ لیں اور پارٹی کو مضبوط بنانے میں اپنا کردار ادا کریں۔
اجتماع کے اختتام پر ملک کی سلامتی، استحکام اور خوشحالی کے لیے دعا کی گئی۔

15/04/2026

ٹی ایم اے عملے کی حوصلہ افزائی، نمایاں کارکردگی پر انعامات تقسیم۔

چترال (چمرکھن) ڈپٹی کمشنر کی ہدایات پر ایڈیشنل ڈپٹی کمشنر (جنرل) عبدالسلام نے ٹی ایم اے لوئر چترال کے بہترین کارکردگی دکھانے والے اہلکاروں میں انعامات تقسیم کیے۔

اس موقع پر انہوں نے عملے کی محنت اور لگن کو سراہتے ہوئے کہا کہ شہریوں کو بہتر سہولیات کی فراہمی میں ٹی ایم اے کا کردار قابلِ تحسین ہے اور اس میں مزید بہتری لانے کے لیے کوششیں جاری رکھی جائیں گی۔

تقریب کے دوران ٹی ایم او حیدر ایوب خان کی قیادت اور مؤثر کارکردگی کو بھی خراجِ تحسین پیش کیا گیا، جن کی سربراہی میں ادارے کی کارکردگی میں نمایاں بہتری آئی ہے۔
ایڈیشنل ڈپٹی کمشنر نے اس عزم کا اعادہ کیا کہ ضلعی انتظامیہ عوام کو معیاری سہولیات کی فراہمی کے لیے متعلقہ اداروں کے ساتھ مل کر اقدامات جاری رکھے گی۔

15/04/2026

آر پی او ملاکنڈ سید فدا حسن شاہ کا لوئر چترال کا دورہ، سہولیات کا جائزہ اور منصوبوں کا افتتاح.

لوئر چترال (چمرکھن) ریجنل پولیس آفیسر ملاکنڈ سید فدا حسن شاہ (PSP) نے لوئر چترال کا دورہ کیا، جہاں پولیس لائن پہنچنے پر ان کا پرتپاک استقبال کیا گیا۔ اس موقع پر ڈی پی او رفعت اللہ خان، ایس پی انوسٹی گیشن اقبال کریم اور دیگر افسران موجود تھے، جبکہ پولیس کے چاق و چوبند دستے نے سلامی پیش کی۔

آر پی او نے یادگارِ شہداء پر حاضری دی، پھول چڑھائے اور شہداء کے درجات کی بلندی کے لیے دعا کی، اس موقع پر انہوں نے پولیس شہداء کی قربانیوں کو خراجِ عقیدت پیش کیا۔

دورے کے دوران انہوں نے پولیس لائن میں جاری تعمیراتی کاموں کا جائزہ لیا، معیار اور رفتار پر اطمینان کا اظہار کیا اور بروقت تکمیل کی ہدایت دی، جبکہ نئے تعمیر شدہ پولیس میس اور بارکس کا افتتاح بھی کیا۔

بعد ازاں انہوں نے پولیس سہولت مرکز زرگراندہ کا دورہ کیا، جہاں عوام کو فراہم کی جانے والی سہولیات، سروس ڈیلیوری اور شکایات کے نظام کا جائزہ لیا اور معیار کو سراہا۔ انہوں نے عملے کو ہدایت کی کہ خدمات کی فراہمی شفاف اور باوقار انداز میں یقینی بنائی جائے۔

آر پی او ملاکنڈ نے پولیس سہولت مرکز میں نئے ملٹی پرپز ہال کا افتتاح بھی کیا اور اسے عوامی سہولت کے فروغ کی جانب اہم پیش رفت قرار دیا۔

15/04/2026

انتہاپسندی کا پائیدار حل، اسٹارٹ اپس اور انٹرپرینیورشپ کلچر

اقبال عیسیٰ خان

گلگت بلتستان، کوہستان اور چترال جغرافیائی طور پر دور افتادہ ضرور ہیں، مگر آبادی کے اعتبار سے یہ خطے نوجوان توانائی کا خزانہ ہیں۔ یہاں کے نوجوان فطری ذہانت، محنت اور جدوجہد کی روایت رکھتے ہیں، لیکن محدود معاشی مواقع، صنعتی پسماندگی اور جدید روزگار کے راستوں کی کمی نے ایک ایسا خلا پیدا کر دیا ہے جو وقت کے ساتھ سماجی بے چینی اور فکری انتشار کو جنم دیتا ہے۔ یہی وہ خلا ہے جہاں منفی اور انتہاپسند بیانیے اپنی جگہ بنانے کی کوشش کرتے ہیں۔
یہ حقیقت اب عالمی سطح پر تسلیم کی جا چکی ہے کہ انتہاپسندی محض سیکیورٹی مسئلہ نہیں، بلکہ ایک سماجی اور معاشی چیلنج ہے۔ جہاں نوجوان خود کو معاشی نظام سے کٹا ہوا محسوس کریں، وہاں شدت پسند نظریات آسانی سے جڑ پکڑ لیتے ہیں۔ اس کے برعکس، جب نوجوانوں کو باعزت روزگار، تخلیقی اظہار اور خود مختار معاشی کردار ملتا ہے تو وہ تشدد نہیں، تعمیر کا راستہ اختیار کرتے ہیں۔ اسی تناظر میں اسٹارٹ اپس، انٹرپرینیورشپ اور انکیوبیشن سینٹرز ان خطوں کے لیے ایک مؤثر اور دور رس حل بن سکتے ہیں۔
دنیا کے کئی حساس اور تنازعات سے متاثرہ علاقوں میں نوجوانوں پر مبنی کاروباری ماڈلز نے حالات کا رخ بدل دیا۔ شمالی افریقہ، وسطی ایشیا اور جنوب مشرقی ایشیا میں انکیوبیشن سینٹرز نے نہ صرف بیروزگاری کم کی بلکہ نوجوانوں کو ایک مثبت شناخت دی۔ وہاں ریاست نے نوجوانوں کو خیرات پر نہیں بلکہ مواقع پر کھڑا کیا۔ یہی اصول گلگت بلتستان، کوہستان اور چترال میں بھی اپنانے کی ضرورت ہے۔
ان خطوں کے معاشی امکانات کسی سے کم نہیں۔ سیاحت، ماحول دوست ٹریول، زراعت، لائیو اسٹاک، ہینڈکرافٹس، معدنیات، ہائیڈرو پاور، آئی ٹی اور فری لانسنگ ایسے شعبے ہیں جہاں مقامی اسٹارٹ اپس کامیاب ہو سکتے ہیں۔ اگر ہر ضلع میں جدید انکیوبیشن سینٹرز قائم کیے جائیں، جہاں بزنس پلاننگ، مالیاتی نظم، ڈیجیٹل مہارتیں اور مارکیٹ تک رسائی فراہم ہو، تو نوجوان خود روزگار کے ساتھ ساتھ دوسروں کے لیے بھی مواقع پیدا کر سکتے ہیں۔
انتہاپسندی کا ایک بڑا ہتھیار نوجوانوں کو مقصد اور شناخت کا جھوٹا احساس دینا ہے۔ انٹرپرینیورشپ اسی شناخت کو مثبت رخ دیتی ہے۔ ایک نوجوان جب اپنا کاروبار کھڑا کرتا ہے تو وہ خود کو معاشرے کا مفید رکن محسوس کرتا ہے۔ اس کا مفاد امن، استحکام اور قانون کی بالادستی سے جڑ جاتا ہے۔ یہی نوجوان پھر کسی نفرت انگیز بیانیے کا آسان شکار نہیں بنتا۔
اس کے لیے ریاست، صوبائی حکومتوں، مقامی قیادت، جامعات اور نجی شعبے کو مشترکہ حکمتِ عملی اپنانا ہوگی۔ انکیوبیشن سینٹرز کو محض تعلیمی منصوبہ نہیں بلکہ انتہاپسندی کے تدارک اور قومی سلامتی کی سرمایہ کاری سمجھا جائے۔ مقامی جامعات کو صنعت سے جوڑا جائے، کامیاب کاروباری افراد کو رہنمائی کے لیے شامل کیا جائے اور نوجوانوں کو آسان فنانسنگ فراہم کی جائے۔
گلگت بلتستان، کوہستان اور چترال کے نوجوان کسی مسئلے کا بوجھ نہیں، بلکہ ایک اسٹریٹجک اثاثہ ہیں۔ انہیں مواقع، اعتماد اور رہنمائی دی جائے تو یہی نوجوان نفرت کے اندھیروں میں امید کی روشنی بن سکتے ہیں۔ اسٹارٹ اپس اور انٹرپرینیورشپ صرف معیشت کو مضبوط نہیں کرتے، یہ معاشروں کو محفوظ اور مستقبل کو روشن بناتے ہیں۔ آج کا فیصلہ آنے والی نسلوں کے امن اور استحکام کا تعین کرے گا۔

15/04/2026

وادی رمبور میں خستہ حال پل، فوری مرمت کا مطالبہ
چترال: وادی رمبور کی سیاسی و سماجی شخصیت شیخ عنایت نے دوباژ کے مقام پر واقع خستہ حال پل کی جانب حکام کی توجہ مبذول کرائی ہے۔

انہوں نے کہا کہ یہ پل رمبور اور بمبوریت کو چترال سے ملاتا ہے اور کئی دنوں سے ٹوٹ پھوٹ کا شکار ہے، جس سے کسی بھی وقت حادثے کا خدشہ ہے۔

انہوں نے حکام بالا سے فوری مرمت کے لیے اقدامات کرنے کی اپیل کی

15/04/2026

ڈپٹی اسپیکر ثریا بی بی کے اے ایس ڈی آئی فنڈ سے بونی تا بی ایم سی روڈ پر کام کا آغاز

اپر چترال (چمرکھن) ڈپٹی اسپیکر خیبرپختونخوا اسمبلی ثریا بی بی کے اے ایس ڈی آئی فنڈ کے تحت بونی تا بی ایم سی روڈ پر کام کا باقاعدہ آغاز کر دیا گیا ہے۔

اس موقع پر سب انجینئر سی اینڈ ڈبلیو فہیم، فوکل پرسن ٹو ڈپٹی اسپیکر افغاں رضا، متعلقہ ٹھیکہ دار اور مقامی عمائدین بھی موجود تھے۔

15/04/2026

محمد طلحہ محمود فاؤنڈیشن کی جانب سے لوئر چترال کے گاؤن سنگور میراندہ و شاہ میراندہ میں فاؤنڈیشن کے انقلابی پروگرام “خودروزگار اسکیم برائے ہنرمند خواتین”کے تحت دستکاری سینٹر کا قیام عمل میں لایا گیا۔
ان دستکاری سینٹرز کا مقصد خواتین کو معاشی طور پر مظبوط کرنا اور ان کو یکساں مواقع فراہم کرنے کے ہیں۔

Team Talha Mahmood

15/04/2026

بونی تا بوزند روڈ: ٹی ٹی آر ایف وفد کی اعلیٰ حکام سے ملاقات، ایک ہفتے میں کام شروع کرنے کی یقین دہانی

چترال (چمرکھن) بونی تا بوزند روڈ کی تعمیر میں طویل تعطل کے خلاف ٹی ٹی آر ایف کے وفد نے سیکرٹری سی اینڈ ڈبلیو اور چیف انجینئر سے ملاقات کی، جس میں حکام نے ایک ہفتے کے اندر کام شروع کرنے کی یقین دہانی کرائی۔

وفد میں زبیر احمد بابک، پیر مختار، عبد الرحیم تبسم، قاری نور مراد، عبدالرزاق اور شفیع اللہ شامل تھے۔ وفد نے واضح کیا کہ مقررہ مدت میں کام شروع نہ ہونے کی صورت میں تورکھو و تریچ کے عوام احتجاج اور دھرنے کا راستہ اختیار کریں گے۔

15/04/2026

فتح الملک علی ناصر کی قرارداد منظور، خیبرپختونخوا اسمبلی کا قابلِ تجدید توانائی کے فروغ پر زور

پشاور (چمرکھن ) خیبرپختونخوا اسمبلی نے قابلِ تجدید توانائی کے فروغ سے متعلق ایک اہم قرارداد منظور کر لی، جو رکنِ صوبائی اسمبلی فتح الملک علی ناصر نے پیش کی۔
قرارداد میں صوبے میں شمسی، ہوا اور دیگر متبادل توانائی کے ذرائع کو فروغ دینے پر زور دیا گیا، تاکہ توانائی کے بحران پر قابو پایا جا سکے اور ماحول دوست پالیسیوں کو تقویت ملے۔

ایوان سے خطاب کرتے ہوئے فتح الملک علی ناصر نے کہا کہ قابلِ تجدید توانائی نہ صرف توانائی کی بڑھتی ہوئی ضروریات کو پورا کرنے میں مدد دے گی بلکہ ماحولیاتی آلودگی میں کمی اور پائیدار ترقی کے حصول میں بھی اہم کردار ادا کرے گی۔

اسمبلی کی جانب سے قرارداد کی منظوری ایک مثبت پیش رفت قرار ہے کہ اس سے صوبے میں گرین انرجی منصوبوں کے لیے راہ ہموار ہوگی۔

15/04/2026

حقیقت کو سمجھنے کی ضرورت ہے

میں سمیع الدین رئیس، سن 2009 سے خون کے عطیہ کے شعبے سے وابستہ ہوں۔ چترال سے لے کر کراچی تک اللہ تعالیٰ نے ایک بندۂ ناچیز کے طور پر مجھ سے خدمت لی ہے۔ الحمدللہ میں خود 41 مرتبہ خون عطیہ کر چکا ہوں، اور اس سفر میں یہ بھی محسوس کیا ہے کہ خون کا تعلق صرف جسم سے نہیں بلکہ ایک احساس، ایک ذمہ داری اور انسانیت کے رشتے سے جڑا ہوتا ہے۔
اس دوران ہم نے بہت سے ایسے واقعات بھی دیکھے ہیں جہاں لیبارٹری کے عملے سے لے کر ڈاکٹروں تک انسانی کمزوریاں سامنے آئیں، مگر ان معاملات کو ہمیشہ متعلقہ ہسپتال کی انتظامیہ کے ساتھ مل کر حل کیا گیا تاکہ بہتری آئے اور کسی مریض کو نقصان نہ پہنچے۔
خون کے عطیہ سے لے کر خون لگانے تک کا نظام ایک نہایت حساس اور مضبوط حفاظتی طریقۂ کار پر مشتمل ہوتا ہے، جس میں ہر مرحلے پر مکمل جانچ پڑتال کی جاتی ہے۔ اگر Aga Khan Diagnostic Centre میں کسی وجہ سے خون کے گروپ کے اندراج میں کوئی انسانی غلطی ہو بھی گئی ہو، تو بعد میں ہسپتال میں مطابقت کی جانچ (کراس میچنگ) کے دوران اسے درست کر لیا جاتا ہے۔ یہی کوالٹی کنٹرول اور کراس میچنگ کی بنیادی ذمہ داری بھی ہے کہ کسی بھی غلطی کو بروقت پکڑ کر مریض کو محفوظ رکھا جائے۔
اگر مریض کو صحیح خون لگایا گیا اور کسی قسم کا نقصان نہیں ہوا، تو یہ اس بات کی واضح دلیل ہے کہ نظام کے حفاظتی مراحل مؤثر انداز میں کام کر رہے ہیں۔
ایسی صورتِ حال میں زیادہ مناسب یہی ہوتا ہے کہ اس طرح کے معاملات کو سوشل میڈیا پر پھیلانے کے بجائے براہِ راست متعلقہ ادارے کی انتظامیہ کے سامنے رکھا جائے، تاکہ وہ اس کی اصلاح کر سکیں اور آئندہ کے لیے مزید احتیاطی اقدامات کر سکیں۔ بغیر تحقیق کے کسی معاملے کو عام کرنا نہ صرف اداروں کی ساکھ کو متاثر کرتا ہے بلکہ عوام میں غیر ضروری خوف بھی پیدا کرتا ہے۔
یہ ہسپتال اور یہ ادارے ہمارے ہی لیے بنائے گئے ہیں، ہماری خدمت کے لیے قائم ہیں۔ ہمیں چاہیے کہ ہم ان کے ساتھ تعاون کریں، ان کی رہنمائی کریں اور جہاں بہتری کی گنجائش ہو وہاں مثبت انداز میں نشاندہی کریں۔
تنقید ضرور کریں، مگر تعمیری انداز میں کیونکہ صحت کا شعبہ خدمتِ انسانیت سے جڑا ہوا ہے، اور ڈاکٹرز، لیبارٹری کے ماہرین اور ہسپتال انتظامیہ دن رات انسانوں کی جان بچانے کے لیے کوشاں رہتے ہیں۔
سمیع الدین رئیس

14/04/2026

جشن قااقلشٹ ٢٠٢٦ کی انعقاد کا شائیقین , نوجوانان , کھلاڑی اورہرخاص وعام شدت سے منتظرہیں

اپر چترال (جمشیداحمد) جشن قاقلشٹ شندور فیسٹول کے بعد چترال کا دوسرا بڑا ثقافتی جشن ہے جس کا مقصد چترال کی ریچ ثقافت کو اجاگر کرنا ثقافتی ورثے کو زندہ رکھنا اور سیاحت کو فروع دینا ہے جوکہ ہرسال یہ میلہ جشن قاقلشٹ کمٹی اور ضلعی انتظامیہ کے زیراہتمام منعقد کیا جاتا ہے جس کو دیکھنے کے ہرسال ملکی اورغیرملکی سیاح قاقلشٹ کا رخ کرتے ہیں اور منعقدہ جشن کے دوران قاقلشٹ کی قدرتی حسن اور ثقافتی پروگراموں اورکھیلوں سے محظوظ ہوتے ہیں
اس سال مختلف وجوہات اورفنڈ کی عدم دستیابی کے باعث تا حال تاخیر کا شکار ہے جس کا علاقے کی عوام شائیقین نوجوانان مقامی ملکی سیاح اور کھلاڑی شدت سے انتظار کررہے ہیں۔

یہاں یہ بات قابل ذکر ہے کہ منسٹراسپورٹس اینڈ یوتھ افیئرزخیبر پختون خواہ تاج محمد خان اور سکرٹری کھیل اورڈی جی اسپورٹس خیبر پختون خواہ کے دورہ اپرچترال کے موقع پر جشن قاقلشٹ کمیٹی کے اراکین چیرمین شہزادہ سکندرالملک کی قیادت میں ڈی سی افیس اپر چترال میں گزشتہ جشن سال ٢٠٢٥کی بقایاجات اور سال ٢٠٢٦ کی انعقاد کے حوالے سے منسٹراسپورٹس اور امور نوجوانان سے ملاقات کی تھی اس موقع پر منسٹراسپورٹس اینڈ امور نوجوانان تاج محمد نے جشن قاقلشٹ سال ٢٠٢٦کو اپنے ذمہ داری میں کروانے کی بھرپور یقین دھانی کی تھی
اس سلسلے میں عوام نوجوانان شائیقین کھلاڑی حضرات منسٹراسپورثس اینڈ امورنوجوانان جناب تاج محمد خان سے مطالبہ کرتے ہیں کی جناب والا اپنے وعدہ کے مطابق جشن کے لیے فنڈ کا بندوبست کرکے اس سال جشن کوفوری کرانے میں اپنا کردار ضرور ادا کرے تاخیر ہونے کی صورت میں قاقلشٹ کا حسن اور قدرتی سبزہ ختم ہونے کا حدشہ ہے
اس سلسلے میں ڈپٹی اسپیکر خیبر پختون حواہ ثریا بی بی اور ڈہٹی کمشنراپر چترال سے بھی گزارش کرتے ہیں کہ وہ بھی کھلاڑیوں اور شائیقین کی شوق کو مدنظر رکھتے ہوئے جشن کی انعقاد میں اپنے کردار ادا کرے

Chumarkhan چمرکھن

15/04/2026

15/04/2026

15/04/2026

15/04/2026

15/04/2026

15/04/2026

15/04/2026

15/04/2026

15/04/2026

15/04/2026

15/04/2026

14/04/2026

Address

Telephone

Website

Alerts

Contact The Business

Shortcuts

Share

Category