02/06/2026
افسوسناک سانحہ: شاہی محلہ صدہ میں گھر منہدم، تین افراد شہید ہوگئے۔اور چار زخمی
ضلع کرم صدہ سٹی کے شاہی محلہ میں فضل خالق کے گھر کے گزشتہ شب تقریباً ڈھائی بجے منہدم ہونے کے افسوسناک واقعے میں ملبے تلے دبے تمام افراد کو مقامی لوگوں اور نوجوانوں نے اپنی مدد آپ کے تحت نکال لیا۔
حادثے میں دو خواتین موقع پر جاں بحق ہو گئی تھیں، جبکہ شدید زخمی ہونے والے معصوم بچے محمد ہلال کو تشویشناک حالت میں تحصیل ہیڈکوارٹر ہسپتال صدہ منتقل کیا گیا تھا، جہاں وہ زخموں کی تاب نہ لاتے ہوئے انتقال کر گئے۔
اس المناک سانحے میں مجموعی طور پر دو خواتین اور ایک معصوم بچہ جاں بحق ہوئے۔
جان بحق ہونے والی خواتین میں سے ایک خاتون حاملہ تھیں، جو اپنے پیٹ میں موجود بچے سمیت وفات پا گئیں۔
مقامی نوجوانوں نے مسلسل کئی گھنٹوں کی جدوجہد کے بعد ملبے تلے دبے تمام افراد کو نکال لیا۔
واقعے کے دوران لوئر کرم صدہ تھانہ کے ایس ایچ او عبید الرحمن اپنی ٹیم کے ہمراہ موقع پر موجود رہے اور صورتحال کا جائزہ لیتے رہے۔ تاہم مقامی افراد کے مطابق ضلعی انتظامیہ، ریسکیو 1122 کے صرف تین اہلکار تھے۔ اور صدہ ٹاؤن کمیٹی کی جانب سے بروقت امدادی سرگرمیوں میں کوئی مؤثر تعاون فراہم نہیں کیا گیا، جس پر عوامی حلقوں میں تشویش پائی جاتی ہے۔
مرحومین کی نمازِ جنازہ آج 2 جون بروز منگل دوپہر 2:30 بجے صدہ خان بابا قبرستان میں ادا کی جائے گی، جبکہ تدفین تیندو روڈ شہیدانوں قبرستان میں ہوگی۔
اللہ تعالیٰ مرحومین کی کامل مغفرت فرمائے، انہیں جنت الفردوس میں اعلیٰ مقام عطا کرے اور پسماندگان کو صبرِ جمیل نصیب فرمائے۔ آمین۔
