63 News Sahiwal

16/07/2025

وفاقی حکومت کا پٹرولیم مصنوعات کی قیمتوں میں اضافہ کا فیصلہ

ڈیزل کی قیمت میں 11 روپے 37 پیسے اور پٹرول کی قیمت میں 5 روپے 36 پیسے فی لیٹر اضافہ کا فیصلہ

14/07/2025

14/07/2025

ساہیوال میں رحمان کولڈ سٹور 102/6R ھڑپہ کے قریب پولیس کی گاڑی نے بے قابو ہو کر موٹر سائیکل سوار فیملی کو ٹکر مار دی۔

11/07/2025

ساہیوال ساہیوال ٹیچنگ ہسپتال کے میڈیکل سپرنٹینڈنٹ ڈاکٹر یداللّٰہ ہسپتال میں صفائی ستھرائی کے نظام کو بہتر بنانے کیلئے متحرک، ہسپتال میں روزانہ کی بنیاد پر مختلف اوقات میں صفائی ستھرائی کے لیے کلینگ سٹاف کو متحرک کر دیا گیا۔ ڈاکٹر یداللہ نے کہا کہ ناقص کارکردگی کا مظاہرہ کرنے والے ڈاکٹرز، پیرامیڈیکل اسٹاف اور کلینگ سٹاف کے لیے زیرو ٹالرینس پالیسی کے تحت کاروائی کی جائے گی۔ انہوں نے کہا کہ ہسپتال میں علاجِ معالجے کی بہترین سہولیات فراہم کرنا اور ہسپتال میں بہترین صفائی ستھرائی کے عمل کو یقینی بنانا اولین ترجیح ہے۔ انہوں نے ڈاکٹرز،پیرا میڈیکل اسٹاف اور کلینگ سٹاف پر زور دیا کہ وہ اپنی ڈیوٹی خدمت خلق سمجھ کر ادا کریں۔ انہوں نے کہا کہ ٹیچنگ ہسپتال ساہیوال کو صاف ستھرا رکھنے کے لیے کلینگ سٹاف کی حاضری اور کام کو روزانہ کی بنیاد خود چیک کر رہا ہوں۔ بعد ازاں انہوں نے پرنسپل ساہیوال میڈیکل کالج پروفیسر ڈاکٹر محمد اختر کے ہمراہ او پی ڈی سرجیکل بلاک اور ریڈیالوجی ڈیپارٹمنٹ کا بھی دورہ کیا۔ انہوں نے مریضوں کے مسائل سنے اور انہیں فوری حل کرنے کی ہدایت کی۔ انہوں نے مریضوں کے رش کو کم کرنے اور انہیں انتظار سے بچانے کے لئے ایک الٹرا ساونڈ مشین او پی ڈی میں منتقل کرنے کی بھی ہدایت کی۔

09/07/2025

ساہیوال ڈپٹی کمشنر شاہد محمود نے گورنمنٹ حاجی عبدالقیوم ڈی ایچ کیو ہسپتال کا دورہ کیا اور وہاں مریضوں کو فراہم کی جانے والی طبی سہولیات، مفت ادویات کی فراہمی اور صفائی کے انتظامات کا تفصیلی جائزہ لیا۔ اس موقع پر چیف ایگزیکٹو آفیسر ہیلتھ ڈاکٹر عبدالمجید نیازی اور میڈیکل سپرنٹنڈنٹ ڈاکٹر محمد سلیم گوندل بھی موجود تھے۔ڈپٹی کمشنر شاہد محمودنے ہسپتال کے مختلف وارڈز، ایمرجنسی، او پی ڈی اور ادویات کی فراہمی کے مراکز کا معائنہ کیا اور زیر علاج مریضوں و تیمارداروں سے براہ راست طبی سہولتوں کے بارے میں دریافت کیا۔دورے کے دوران ڈپٹی کمشنر شاہد محمود نے ہسپتال کو عطیہ کی جانے والی نئی اورجدید کلر الٹراساؤنڈ مشین کا افتتاح بھی کیاجو شہر کی معروف اور سماجی خدمت میں پیش پیش“فرشتہ فیملی”کی طرف سے عطیہ کی گئی ہے۔ انہوں نے اس جذبہ خیرسگالی کو سراہتے ہوئے کہا کہ ایسے مثبت اقدامات نہ صرف صحت کے شعبے میں بہتری کا باعث بنتے ہیں بلکہ معاشرے میں خیر کا رجحان بھی فروغ پاتا ہے۔ڈپٹی کمشنر نے ایم ایس اور دیگر متعلقہ افسران کو ہدایت کی کہ مریضوں کو بلا تعطل معیاری طبی سہولیات کی فراہمی یقینی بنائی جائے اور صفائی کے نظام کو مزید بہتر کیا جائے تاکہ ہسپتال آنے والے شہریوں کو سہولت اور اطمینان میسر آ سکے۔

09/07/2025

ساہیوال پنجاب حکومت کا ساہیوال میں شہری سہولیات کی بہتری کے لئے بڑا اقدام، ساہیوال واٹر اینڈ سینیٹیشن ایجنسی (واسا) کے قیام کا نوٹیفکیشن جاری کر دیا۔ واسا ساہیوال کے قیام سے شہریوں کو صاف پانی کی فراہمی اور شہر کے سیوریج نظام میں بڑی بہتری آئے گی۔ ڈائریکٹر ڈویلپمنٹ اینڈ فنانس شفیق احمد ڈوگر نے تفصیلات دیتے ہوئے بتایا کہ صوبائی سیکرٹری ہاؤسنگ، اربن ڈویلپمنٹ اینڈ پبلک ہیلتھ انجینئرنگ کے جاری کردہ نوٹیفکیشن کے مطابق وزیراعلی پنجاب کا نامزد کردہ فرد ایجنسی کا چیئرپرسن ہوگا جبکہ دیگر ممبرز میں محکمہ ہاؤسنگ، اربن ڈویلپمنٹ اینڈ پبلک ہیلتھ انجینیئرنگ، محکمہ لوکل گورنمنٹ اینڈ کمیونٹی ڈیویلپمنٹ، محکمہ فنانس اور محکمہ پلاننگ اینڈ ڈویلپمنٹ کے ایڈیشنل سیکٹری عہدے کے افسران، صوبائی اسمبلی کے دو ممبران، ڈپٹی کمشنر ساہیوال، اتھارٹی کا ایک نمائندہ اور تین ٹیکنیکل ایکسپرٹ شامل ہوں گے جبکہ واسا ساہیوال کے مینجنگ ڈائریکٹر بطور سیکرٹری فرائض سر انجام دیں گے۔ انہوں نے بتایا کہ واسا ساہیوال کو جلد فعال کرنے کے لئے ضروری اقدامات اٹھائے جا رہے ہیں۔

08/07/2025

ساہیوال یونیورسٹی آف ساہیوال میں خزاں سمسٹر 2025 کے لیے داخلوں کا آغاز ہو چکا ہے۔ بچلرز، ماسٹرز یعنی ایم فِل اور پی ایچ ڈی میں داخلہ کے خواہش مند طلبہ و طالبات فائنل رزلٹ کا انتظار کیے بن آن لائن اپلائی کر سکتے ہیں۔ اپلائی کرنے کی آخری تاریخ 31 جولائی مقرر کی گئی ہے، جبکہ پہلی میرٹ لسٹ چار اگست کو آویزاں کی جائے گی- وائس چانسلر یونیورسٹی آف ساہیوال پروفیسر ڈاکٹر جاوید اختر نے بتایا کہ یونیورسٹی آف ساہیوال صبح و شام کی کلاسز کے لیے 27 ڈگری پروگرامز، 7 ایم فل ایم ایس پروگرامز اور تین پی ایچ ڈی پروگرامز کے لیے درخواستيں لے رہی ہے- انہوں نے مزید بتایا کہ طلبہ اور طالبات کی آسانی کے لیے آن لائن اپلائی کرنے کی سہولت دی گئی ہے تاکہ طلبہ و طالبات گھر بیٹھ کر اپلائی کر سکیں۔ وائس چانسلر نے مزید بتایا کہ یونیورسٹی اپنے طلبہ و طالبات کو انتہائی مناسب فیس پر بہترین تعلیم کے ساتھ سکالرشپس، جدید ٹرانسپورٹ سسٹم اور ہم نصابی سرگرمیوں کے لاتعداد مواقع فراہم کرتی ہے، اور مستحق طلبہ کو فیس کی معافی اور اقساط کی سہولت بھی دیتی ہے

08/07/2025

ساہیوال ریجنل ڈائریکٹر علامہ اقبال اوپن یونیورسٹی ڈاکٹر ملک احمر ذوالفقار نے کہا ہے کہ یونیورسٹی کے ملک بھر میں یکم جولائی سے خزاں 2025 سمسٹر کے داخلے شروع ہو گئے ہیں۔ طلباء میٹرک سے لے کر پی ایچ ڈی کی سطح تک تعلیمی پروگراموں کے داخلے بھجوا سکتے ہیں۔اس سمسٹر کی خاص بات 17 نئے اور جدید ایسوسی ایٹ ڈگری پروگراموں کا آغاز ہے جن کو موجودہ تعلیمی رجحانات اور مارکیٹ کے بدلتے ہوئے تقاضوں کے مطابق ڈیزائن کیا گیا ہے۔ انہوں نے کہا کہ داخلے اوپن اور ڈسٹنس لرننگ (ODL) کے ساتھ ساتھ فیس ٹو فیس پروگراموں کے ذریعے بھی کیے جائیں گے۔ تمام پروگراموں کے بارے میں تفصیلی معلومات بشمول پراسپیکٹس اور آن لائن داخلہ فارم، یونیورسٹی کی آفیشل ویب سائٹ: www.aiou.edu.pk پر یکم جولائی سے دستیاب ہیں۔ انہوں نے کہا کہ وائس چانسلر پروفیسر ڈاکٹر ناصر محمود کی ہدایات کے مطابق علامہ اقبال اوپن یونیورسٹی کے علاقائی کیمپس ساہیوال میں طلباء کو آن لائن داخلہ کے عمل میں مدد کے لیے مفت کمپیوٹر اور انٹرنیٹ کی سہولت فراہم کی گئی ہے۔ تربیت یافتہ عملہ درخواست دہندگان کو مکمل رہنمائی اور مدد فراہم کرنے کے لیے دستیاب ہوگا۔ طلباء اپنے قریبی علاقائی کیمپس میں جا کر یا یونیورسٹی کی انکوائری نمبر0409330456/7 پر کال کر کے مزید معلومات حاصل کر سکتے ہیں۔

08/07/2025

ماہم مشتاق اسسٹنٹ کمشنر ساہیوال تعینات