Capital Swat

26/06/2025

سوات تختہ بند سے تعلق رکھنے والے آصف خان نے سوات یونیورسٹی سے بی ایس جرنلزم کی ڈگری حاصل کرلی

26/06/2025

مبارکباد

25/06/2025

25/06/2025

وزیر اعلی خیبر پختون خوا نے گذشتہ روز کہا تھا کہ ان کی حکومت نے فاٹا اور ملاکنڈ ڈویژن میں کوئی ٹیکس نہیں لگایا، مگر ضلعی انتظامیہ نے ٹیکس جمع کرنے والے ادارے خیبر پختون خوا ریونیو اتھارٹی کو دفتر کے لئے سرکاری دفاتر بھی فراہم کردیں۔ سوات کے اراکین صوبائی اسمبلی کو خبر ہو!

21/06/2025

انتقال پر ملال

19/06/2025

سوات: متحدہ مزدور یونین (سی بی اے) ڈبلیو ایس ایس سی سوات کے زیر اہتمام صوبائی بجٹ کے خلاف اور اپنے مطالبات کے حق میں سوات پریس کلب کے سامنے احتجاجی مظاہرہ کیا گیا، جس میں ادارے کے ملازمین نے بڑی تعداد میں شرکت کی۔ مظاہرین نے صوبائی حکومت کے خلاف شدید نعرے بازی کی اور بجٹ کو مسترد کر دیا۔احتجاجی مظاہرے سے خطاب کرتے ہوئے صدر محمد رازق خان، جنرل سیکرٹری قاری جمیل احمد، سینئر نائب صدر راج ولی خان، چیئرمین خان محمد اور دیگر رہنماؤں نے کہا کہ حالیہ صوبائی بجٹ سرکاری ملازمین کے معاشی قتل کے مترادف ہے جسے کسی صورت قبول نہیں کیا جا سکتا۔انہوں نے کہا کہ وفاقی حکومت نے بجٹ میں سرکاری ملازمین کو ریلیف دیتے ہوئے 30 فیصد ڈسپیرٹی ریڈکشن الاؤنس دیا، جبکہ صوبائی حکومت نے محض 15 فیصد کا اعلان کرکے ملازمین کے ساتھ ناانصافی کی ہے۔ انہوں نے مطالبہ کیا کہ وفاقی طرز پر مراعات دی جائیں اور مہنگائی کے تناسب سے تنخواہوں میں خاطر خواہ اضافہ کیا جائے۔رہنماؤں نے پنشن اصلاحات کو بھی مسترد کرتے ہوئے کہا کہ یہ قانون ملازمین کے ساتھ ایک مذاق ہے جسے فی الفور واپس لیا جائے۔ انہوں نے مطالبہ کیا کہ کم از کم اجرت کو 36 ہزار سے بڑھا کر 50 ہزار روپے کیا جائے۔ بصورت دیگر احتجاجی تحریک شروع کی جائے گی۔

18/06/2025

سوات: متحدہ مزدور یونین (CBA) ڈبلیو ایس ایس سی سوات کے ملازمین نے صوبائی حکومت کی پیش کردہ بجٹ کے خلاف کل بروز جمعرات صبح 11 بجے سوات پریس کلب کے سامنے احتجاجی مظاہرے کا اعلان کیا ہے۔ تمام سرکاری ملازمین سے شرکت کی اپیل

18/06/2025

نہ میں جھکا، نہ میں بکا — عوام کے حق کیلئے ہر دور میں لڑا ہوں!

الزام نہیں، قربانیوں کی تاریخ ہے — امیر مقام نے ایوان کو حقائق سے آگاہ کیا

18/06/2025

*سیاست نہیں خدمت کی ہے! انجینئر امیر مقام کا اسمبلی فلور پر بے باک خطاب، الزامات کا کرارا جواب*

*نہ میں جھکا، نہ میں بکا — عوام کے حق میں ہر دور میں لڑا ہوں!*

*الزام نہیں، قربانیوں کی تاریخ ہے — امیر مقام نے ایوان کو حقائق سے آگاہ کیا*

میرے خلاف اس ایوان میں کچھ اراکین کی جانب سے جھوٹا اور بے بنیاد پروپیگنڈا کیا گیا ہے، جس کا جواب میں اسی ایوان میں دینا ضروری سمجھتا ہوں۔ یہ کہا گیا کہ فاٹا اور پاٹا پر جو ٹیکس تجویز ہوا ہے، وہ میری رائے سے شامل کیا گیا ہے، حالانکہ حقیقت اس کے بالکل برعکس ہے۔

کہا گیا کہ ہمیں وزیر خزانہ نے بتایا ہے اور ٹویٹ کرکے یہ تاثر دیا گیا کہ یہ سب میری تجویز پر ہو رہا ہے۔ میں ایوان میں موجود جنید اکبر، بیرسٹر گوہر اور دیگر اراکین سے کہنا چاہوں گا کہ وہ مجھے اور میرے ماضی کو اچھی طرح جانتے ہیں۔ انہیں معلوم ہے کہ میں کس قسم کا شخص ہوں اور اپنے علاقے کے لوگوں کی نمائندگی ہمیشہ خلوص نیت سے کی ہے۔

جب اس خطے میں دہشتگردی عروج پر تھی اور حالات بہت مشکل تھے، تب بھی میں اپنی قوم کے ساتھ کھڑا رہا۔ کئی بار اپنی جان کو خطرے میں ڈال کر عوام کی آواز بلند کی۔

سال 2016 میں جب ملاکنڈ میں کسٹم ایکٹ نافذ کرنے کی تجویز دی گئی، تو میں نے اس کی بھرپور مخالفت کی۔ اُس وقت کے وزیراعلیٰ پرویز خٹک اس ایکٹ کے حامی تھے، مگر میں نے مزاحمت کی۔ جب کوئی بات نہ بنی تو میں نے مری جا کر سابق وزیراعظم نواز شریف سے ملاقات کی اور اپنا اور اپنے بھائی ڈاکٹر عباد کا استعفیٰ پیش کیا۔ ہمارا مؤقف یہ تھا کہ اگر ہمارے ہوتے ہوئے یہ ٹیکس نافذ ہوا تو ہم سیاست چھوڑ دیں گے۔ نواز شریف صاحب نے اسحاق ڈار کو فون کیا اور وہ مسئلہ حل ہو گیا۔ اگر میں اُس وقت عوام کے حق میں اتنی مضبوطی سے کھڑا تھا، تو آج مجھ پر الزام کیسے لگایا جا سکتا ہے؟

پھر 2018 میں جب فاٹا کو ملک کے دیگر علاقوں میں ضم کیا گیا، تو ان کو 2023 تک ٹیکس میں ریلیف دیا گیا۔ میں نے اس میں پاٹا کو بھی شامل کرایا تاکہ ہمارے علاقے کے عوام کو بھی یہ فائدہ ملے۔

2023 میں میں نے ایک بار پھر وزیراعظم شہباز شریف سے ملاقات کی اور ایک سال کا مزید ریلیف حاصل کیا، جس کے لیے میں ان کا شکر گزار ہوں۔ اس طرح میں مسلسل جدوجہد کرتا رہا اور یہ ریلیف 2025 تک بڑھایا گیا۔

اب جب 2025 قریب آ گیا تو کوئی بھی یہ ماننے کو تیار نہیں تھا کہ ملاکنڈ کو ٹیکس سے مستثنیٰ رکھا جائے۔ بہت دباؤ تھا۔ مگر میں نے اپنی کوشش جاری رکھی۔ رانا ثناء اللہ صاحب نے بھی اس میں میری بہت مدد کی۔ نتیجہ یہ نکلا کہ صرف باہر سے آنے والے خام مال پر سیلز ٹیکس کی اجازت ملی — اور وہ بھی مجبوری میں۔ اس کے علاوہ نہ بجلی، نہ گیس، نہ کسی اور چیز پر کوئی ٹیکس لگا ہے۔

میں اپنے تمام بھائیوں سے گزارش کرتا ہوں کہ سوشل میڈیا پر جھوٹ پھیلانے سے گریز کریں۔ حقیقت یہ ہے کہ میں نے ہمیشہ ان کا مقدمہ لڑا، انہیں احتجاج پر مجبور نہیں ہونا پڑا۔ اُنہیں میرا شکر گزار ہونا چاہیے، کیونکہ میں نے ان کے حق کے لیے جدوجہد کی اور آئندہ بھی کرتا رہونگا ۔

18/06/2025

سوات: مینگورہ میں بجلی کی غیر اعلانیہ لوڈشیڈنگ بدستور جاری، ممبران اسمبلی خاموش تماشائی

15/06/2025

کل 16 جون 2025 کو صبح 7 بجے سے دوپہر تک ٹرانسمیشن لائن میں مرمتی کام کی وجہ سے بجلی معطل رہے گی۔

15/06/2025

وفاقی حکومت نے عوام پر پیٹرول بم گرادیا