19/02/2025
سنڌي قوم کي نياپو……
سنڌو درياھَ تي ڌاڙو ۽ سرسبز پاڪستان جي نالي تي،صوبن جون زمينون ڦَٻائڻ واري پروگرام تي عمل ڪندي، وزيراعلي پنجاب سان گڏ آرمي چيف جو افتتاحي تقريب ۾ موجود هجڻ ڪو معمولي عمل ڪونهي…
يقينن انهن سڀني منصوبن جو مڪمل ٿيڻ جو مطلب آ سنڌ ۽ سنڌي قوم جي تباهي… !
ڇو ته پنجاب وٽ پنهنجو پاڻي ته آھي ئي ڪونه……!
سندن اکيون صدين کان سنڌو درياھَ جي پاڻي تي کُتل آھن…
۽ صدين کانپوء صدرپاڪستان زرداري صاحب سندن خواهش پوري ڪري ڇڏي…!
هڪ صوبائي ۽ ننڍڙي تقريب ۾ آرمي چيف جي اچڻ جو مطلب، سنڌ ۽ سنڌي قوم کي نياپو ٿا سمجهون ته……
” سر سبز پاڪستان منصوبي ۽ سنڌو درياھَ جي ڌاڙي پويان اسانجو هٿ آ…! “
شايد اهيوئي سبب آ جو سنڌ جا وڏا ماڻھو، جن جون هزارين لکين ايڪڙ زمينون آھن پر، گنگ ٻوڙ لڳا وتن ۽ ڄڻ ته انهن جو ساھُ ٿو وڃي…!!؟
ان جو مطلب اهيو ٿيو ته، سردار ڀوتار سڳورا پنهنجي راڄ يا اسان جهڙي غريب عوام لاء صفا مڙس ماڻھو پر، انهن وڏن مَٿن وارن اڳيان ، پانچا پُسايو بيٺا آھن……!!؟
(مهر ڊٻائي)
