23/08/2025
سانگھڑ - بلدیہ کی غفلت پر خواجہ سرا برادری کا احتجاج
بلدیہ سانگھڑ کی مبینہ غفلت کے خلاف خواجہ سرا برادری نے شدید احتجاج کیا۔ خواجہ سراؤں کا کہنا تھا کہ ان کے گھروں کے سامنے بڑا نالہ گزرتا ہے جس کی صفائی نہ ہونے کے باعث آئے دن حادثات پیش آتے ہیں۔ متاثرہ خواجہ سرا نے بتایا کہ نالے میں ان کی بھینس کا بچڑا گر گیا، بارہا بلدیہ حکام کو اطلاع دینے کے باوجود کوئی کارروائی نہیں کی گئی۔
خواجہ سراؤں نے کہا کہ بلدیہ اہلکار عوامی مسائل پر کان دھرنے کے بجائے گونگے بہرے بنے ہوئے ہیں۔ انہوں نے مطالبہ کیا کہ فوری طور پر نالے کی صفائی کرائی جائے اور نکاسی آب کے نظام کو بہتر بنایا جائے، ورنہ وہ اپنے احتجاج کو وسعت دیں گے۔
