B.A. Nadeem,s Poetey

06/09/2025

نعت شریف

پڑھوں میں عمر بھر درود اور سلام آپ پر
خدا نے اپنا خود اتارا ہے کلام آپ پر

ہوئیں ہیں ختم یاں شریعتیں پیعمبروں کی سب
زمیں کے سارے ختم ہو گئے پیام آپ پر

بہار،پھول،پھل حسین وادیاں وغیرہ سب
خدا کی ساری نعمتیں ہوئیں تمام آپ پر

خدائے لم یزل کا دین آپ پر ہوا تمام
یہ قیمتی تمام ہو گیا ہے کام آپ پر

چرند پرند یہ انس و جن زمین اور آسماں
یہ سب درود بھیجتے ہیں صبح و شام آپ پر

خدا نے آپ کا بنایا نور اس طرح سے کچھ
ہوئی ہے دو جہاں کی مطمئن انام آپ پر

ندیم کی ہیں جتنی عزتیں وہ آپ سے ہی ہیں
تو کیوں نہ وار دے یہ عزتیں غلام آپ پر

بی. اے. ندیم

27/08/2025

I got over 10 reactions on one of my posts last week! Thanks everyone for your support! 🎉

13/08/2025

23/07/2025

I got over 20 reactions on one of my posts last week! Thanks everyone for your support! 🎉

03/07/2025

دعائے عقیدت

مولا یہ تصور ہے، تصویر بنا دے تُو
تدبیر تو لایا ہوں، تقدیر بنا دے تُو

ماں فاطمہ زہرا سی بیٹی ہو سکینہ سی
زینبؑ کی طرح کوئی ، ہمشیر بنا دے تُو

اکبرؑ سا ہو چہرہ بھی، قاسمؑ سی ادا دے دے
یہ خواب ہے آنکھوں میں ، تعبیر بنا دے تُو

بازو ہوں کٹے لیکن، جھک جائے نہ پرچم بھی
سچ کی جو علامت ہو، شمشیر بنا دے تُو

سجادؑ کے سجدوں میں، ہو ضبط کی وہ مہکار
خاموش دعاؤں کو، تقریر بنا دے تُو

خیمے ہوں جلے لیکن، زینبؑ سا سکوں اندر
اک اشکِ مسلسل کو، تفسیر بنا دے تُو

حرؑ جیسے کسی لمحے، جاگے مری آنکھوں میں
اک پل کی ندامت سے، تنویر بنا دے تُو

اور عون و محمّدؑ سے، بچے ہوں وفا والے
بچپن میں بھی ہو جن کی، توقیر بنا دے تُو

تیری ہی کرے باتیں ہر وقت ندیم ایسا
دلبر کو مرے مولا دلگیر بنا دے تُو
بی. اے. ندیم