Al Basar News

20/12/2025

آج وزیر اعلی ہاؤس میں تحصیل شبقدر کے صدر حاجی شاہد اللہ خان نے وزیرِ اعلیٰ خیبر پختونخوا سہیل آفریدی سے ملاقات کی۔ اس موقع پر انہوں نے وزیرِ اعلیٰ کو مبارکباد پیش کی اور نیک خواہشات کا اظہار کیا۔ ملاقات کے دوران سابق تحصیل ناظم غفار اللہ شیخ، ویلج کونسل ناظم عثمان خان اور پی ٹی آئی کے سرگرم کارکن حاجی
ایوب خان بھی موجود تھے۔

19/12/2025

فیصل آباد میں مہمند کمیونٹی کے ایک نوجوان اسماعیل خان کے قتل کے خلاف لوگ احتجاج کررہے ہیں .Punjab Kings

19/12/2025

شبقدر: ایم پی اے پی کے 66 عارف احمدزئی ایم این اے ملک انورتاج نے مٹہ مغل خیل سور پل صدر گھڑی روڈ کا افتتاح کر دیا
(شبقدر نصرواللہ سے)
پاکستان تحریکِ انصاف کے رکنِ صوبائی اسمبلی پی کے 66 عارف احمدزئی ایم این اے ملک انورتاج نے تحصیل شبقدر کے علاقے مٹہ مغل خیل میں سور پل سے صدر گھڑی تک تعمیر ہونے والی سڑک کا باضابطہ افتتاح کر دیا۔ افتتاحی تقریب میں مقامی عمائدین، پارٹی کارکنان، بلدیاتی نمائندوں اور عوام کی بڑی تعداد نے شرکت کی۔
س موقع پر ایم پی اے عارف احمدزئی ایم این اے ملک انورتاج نے خطاب کرتے ہوئے کہا کہ علاقائی ترقی اور عوام کو بنیادی سہولیات کی فراہمی ان کی اولین ترجیح ہے۔ انہوں نے کہا کہ اس سڑک کی تعمیر سے نہ صرف مٹہ مغل خیل بلکہ ملحقہ علاقوں کے عوام کو آمدورفت میں سہولت میسر آئے گی اور تجارتی سرگرمیوں کو بھی فروغ ملے گا۔
انہوں نے مزید کہا کہ صوبائی حکومت عوامی فلاح و بہبود کے منصوبوں پر خصوصی توجہ دے رہی ہے اور تحصیل شبقدر میں مزید ترقیاتی منصوبے بھی جلد مکمل کیے جائیں گے۔ مقامی عوام نے سڑک کی تعمیر پر خوشی کا اظہار کرتے ہوئے ایم پی اے عارف احمدزئی کا شکریہ ادا کیا اور امید ظاہر کی کہ مستقبل میں بھی ایسے منصوبے جاری رہیں گے۔

19/12/2025

18/12/2025

آج 18 دسمبر 2025 کو ڈسٹرکٹ ہیلتھ آفیسر چارسدہ ڈاکٹر وسیع اللہ نے ڈی ایچ آئی ایس کوآرڈینیٹر ڈی ایچ او آفس چارسدہ ڈاکٹر زیشان حیات خان کے ہمراہ تحصیل ہیڈکوارٹر ہسپتال شبقدر کا تفصیلی دورہ کیا۔ اس موقع پر ڈپٹی میڈیکل سپرنٹنڈنٹ ڈاکٹر مصباح بھی ہمراہ تھے۔

دورے کے دوران میڈیکل او پی ڈی، سرجری او پی ڈی، پیڈیاٹرکس او پی ڈی، پلمونولوجی او پی ڈی، ای این ٹی او پی ڈی، کارڈیالوجی او پی ڈی، ڈینٹل او پی ڈی، ریڈیالوجی ڈیپارٹمنٹ، لیبارٹری، آفتھلمولوجی او پی ڈی، حادثات و ایمرجنسی ڈیپارٹمنٹ، میڈیسن و سرجری وارڈز اور آپریشن تھیٹر کا معائنہ کیا گیا۔

تمام کنسلٹنٹس اپنی اپنی او پی ڈیز میں حاضر پائے گئے۔ غیر حاضر عملے کے خلاف ای اینڈ ڈی رولز 2011 کے تحت سخت تادیبی کارروائی کی جائے گی۔ عملے کے یونیفارم کی بھی جانچ کی گئی، جبکہ ڈریس کوڈ کی خلاف ورزی پر وضاحت طلبی، تادیبی کارروائی اور تنخواہ میں کٹوتی کی ہدایات جاری کی گئیں۔

دورے کے اختتام پر ڈی ایم ایس ٹی ایچ کیو شبقدر کو واضح ہدایات دی گئیں کہ کسی بھی قسم کی تفتیش کے لیے مریضوں کو باہر ریفر نہ کیا جائے، کیونکہ ٹی ایچ کیو شبقدر میں تمام سہولیات دستیاب ہیں، جن میں لیبارٹری ٹیسٹس، الٹراساؤنڈ، ای سی جی، ایکو اور ایکس رے شامل ہیں۔

یہ تحصیل شبقدر کے عوام کے لیے خوشخبری ہے کہ اب تمام اقسام کی سرجریاں ٹی ایچ کیو شبقدر میں دستیاب ہوں گی، جن میں گائناکولوجی و آبسٹیٹرکس، جنرل سرجری، ای این ٹی سرجری، آرتھوپیڈک سرجری اور آئی سرجری شامل ہیں۔

کنسلٹنٹس کو ہدایت کی گئی کہ کسی بھی مریض کو سرجری کے لیے دوسرے ہسپتال ریفر نہ کیا جائے، مریضوں کو داخل کیا جائے، کیونکہ مکمل اینستھیٹسٹ سہولت پہلے سے ٹی ایچ کیو شبقدر میں موجود ہے۔

18/12/2025

شبقدر: پاکستان تحریک انصاف کے رہنما کامران خان حلمزیئ نے تحصیل ہیڈکوارٹر ہسپتال شبقدر کے میڈیکل سپرنٹنڈنٹ ڈاکٹر واسع اللہ خان سے ملاقات کی۔ ملاقات کے دوران ہسپتال میں مریضوں کو فراہم کی جانے والی سہولیات، درپیش مسائل اور مجموعی انتظامی امور پر تفصیلی گفتگو کی گئی۔
کامران خان حلمزیئ نے ہسپتال میں علاج معالجے کے نظام کو مزید بہتر بنانے کی ضرورت پر زور دیا اور عوام کو معیاری طبی سہولیات کی فراہمی کے لیے ہر ممکن تعاون کی یقین دہانی کرائی۔ اس موقع پر ڈاکٹر واسع اللہ خان نے ہسپتال کی کارکردگی، موجودہ سہولیات اور مستقبل کے منصوبوں سے بھی آگاہ کیا۔

17/12/2025

وزیرِ اعلیٰ سہیل آفریدی کا چارسدہ کا اچانک دورہ

وزیرِ اعلیٰ سہیل آفریدی نے چارسدہ کا اچانک دورہ کیا، جہاں انہوں نے پبلک سروس ڈیلیوری ہوم کا معائنہ کیا۔ اس موقع پر وزیرِ اعلیٰ نے سروسز کے لیے آنے والے شہریوں سے براہِ راست ملاقات کی، ان کی شکایات سنیں اور متعلقہ حکام سے ان شکایات پر وضاحت طلب کی۔

وزیرِ اعلیٰ نے ان افراد سے بھی موبائل فون پر رابطہ کیا جن کے کام مکمل ہو چکے تھے یا جو مختلف مسائل کی وجہ سے دفتر آ نہیں سکے تھے، اور ان سے دریافت کیا کہ آیا ان سے کسی قسم کی رشوت یا غیرقانونی مطالبہ تو نہیں کیا گیا۔ شہریوں نے کسی بھی ناجائز مطالبے کی تردید کی۔

اس موقع پر وزیرِ اعلیٰ سہیل آفریدی نے واضح کیا کہ حکومت کی اولین ترجیح شفافیت کو یقینی بنانا ہے اور عوام کو بلاامتیاز سہولیات فراہم کرنا ہے۔ انہوں نے مزید کہا کہ وہ اسی طرح مختلف محکموں کے اچانک دورے کرتے
رہیں گے تاکہ نظام میں بہتری لائی جا سکے۔
دورے کے موقع پر رکن صوبائی اسمبلی خالد خان، صوبائی وزیر جناب فضل شکور خان اور رکن صوبائی اسمبلی افتخار اللہ جان بھی موجود تھے۔

17/12/2025

ایم پی اے پی کے 66عارف احمدزئی کا رات کے اس وقت اڈیالہ جیل سے ویڈیو پیغام جاری

17/12/2025

شبقدر بازار پارک میں منعقدہ اے سی گولڈ کپ فٹبال ٹورنامنٹ اختتام پذیر

فاطمہ خیل فٹبال ٹیم کی شاندار کارکردگی

16/12/2025