09/06/2026
(شبقدر نصرواللہ سے )آج مورخہ 9 جون 2026 ہیڈ کوارٹر ہسپتال شبقدر میں آج ڈاکٹر ماہ نور ناصر پر ہونے والی مبینہ تیزاب گردی کے واقعے کے خلاف یومِ سیاہ منایا جا رہا ہے۔ اس موقع پر ہسپتال کے ڈاکٹروں، پیرامیڈیکل اسٹاف اور دیگر ملازمین نے بازوؤں پر سیاہ پٹیاں باندھ کر واقعے کی شدید مذمت کی۔ مظاہرین نے مطالبہ کیا کہ واقعے میں ملوث عناصر کو فوری طور پر گرفتار کرکے قانون کے مطابق سخت سزا دی جائے تاکہ مستقبل میں ایسے افسوسناک واقعات کی روک تھام ممکن ہو سکے۔ شرکاء کا کہنا تھا کہ ڈاکٹرز اور طبی عملے کو محفوظ ماحول فراہم کرنا حکومت اور متعلقہ اداروں کی ذمہ داری ہے۔ مقررین نے ڈاکٹر ماہ نور ناصر کے ساتھ اظہارِ یکجہتی کرتے ہوئے ان کی جلد صحت یابی کے لیے دعا کی اور مطالبہ کیا کہ متاثرہ ڈاکٹر کو ہر ممکن طبی اور قانونی معاونت فراہم کی جائے
